ADVERTISEMENTs
ਪੰਜਾਬ ਦੇ ਹੜ੍ਹ ਪ੍ਰਭਾਵਿਤ ਕਿਸਾਨਾਂ ਨੂੰ 13 ਅਕਤੂਬਰ ਤੋਂ ਮਿਲਣਗੇ ਮੁਫਤ ਕਣਕ ਦੇ ਬੀਜ
ਸਰਕਾਰ ਨੇ ਹਾੜ੍ਹੀ ਦੇ ਸੀਜ਼ਨ ਦੇ ਕਰਜ਼ੇ ਵਜੋਂ 1,342 ਕਰੋੜ ਰੁਪਏ ਵੰਡਣ ਲਈ ਰੱਖੇ ਹਨ
-
ਸਟਾਫ਼ ਪੱਤਰਕਾਰ - Fri, 10, Oct 2025
- 15:35 EDT
- 7
ਪੰਜਾਬ ਦੇ ਹੜ੍ਹ ਪ੍ਰਭਾਵਿਤ ਕਿਸਾਨਾਂ ਨੂੰ 13 ਅਕਤੂਬਰ ਤੋਂ ਮਿਲਣਗੇ ਮੁਫਤ ਕਣਕ ਦੇ ਬੀਜ / pexels
ਪੰਜਾਬ ਸਰਕਾਰ 13 ਅਕਤੂਬਰ ਤੋਂ 5 ਏਕੜ ਤੋਂ ਘੱਟ ਜ਼ਮੀਨ ਰੱਖਣ ਵਾਲੇ ਹੜ੍ਹ-ਪ੍ਰਭਾਵਿਤ ਕਿਸਾਨਾਂ ਨੂੰ ਮੁਫ਼ਤ ਕਣਕ ਦੇ ਬੀਜ ਦੇਣਾ ਸ਼ੁਰੂ ਕਰੇਗੀ। ਸਰਕਾਰ ਨੇ ਇਸ ਸਾਲ ਦੀ ਫ਼ਸਲ ਲਈ ਲਏ ਛੋਟੇ ਸਮੇਂ ਦੇ ਕਰਜ਼ਿਆਂ ਦੀ ਅਦਾਇਗੀ ਦੀ ਮਿਆਦ ਵੀ ਮੁੜ ਨਿਰਧਾਰਤ ਕਰ ਦਿੱਤੀ ਹੈ। ਹੁਣ ਕਿਸਾਨ 31 ਜਨਵਰੀ ਦੀ ਬਜਾਏ 30 ਜੂਨ ਤੱਕ ਕਰਜ਼ਾ ਵਾਪਸ ਕਰ ਸਕਣਗੇ।
ਹੜ੍ਹ-ਪ੍ਰਭਾਵਿਤ ਕਿਸਾਨ ਨਵੇਂ ਕਰਜ਼ਿਆਂ ਲਈ ਅਰਜ਼ੀ ਦੇ ਸਕਣਗੇ, ਭਾਵੇਂ ਉਨ੍ਹਾਂ ਨੇ ਪਿਛਲੇ ਖਰੀਫ਼ ਫ਼ਸਲ ਕਰਜ਼ੇ ਦੀ ਅਦਾਇਗੀ ਨਾ ਕੀਤੀ ਹੋਵੇ। ਸਰਕਾਰ ਨੇ ਹਾੜ੍ਹੀ ਦੇ ਸੀਜ਼ਨ ਦੇ ਕਰਜ਼ੇ ਵਜੋਂ ਵੰਡਣ ਲਈ 1,342 ਕਰੋੜ ਰੁਪਏ ਰੱਖੇ ਹਨ। ਇਹ ਸਾਰੇ ਕਦਮ ਉਸ ਵੇਲੇ ਚੁੱਕੇ ਗਏ ਹਨ ਜਦੋਂ ਸਰਕਾਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਪਿਛਲੇ ਮਹੀਨੇ ਹੜ੍ਹ-ਪ੍ਰਭਾਵਤ ਇਲਾਕਿਆਂ ਦੇ ਦੌਰੇ ਦੌਰਾਨ ਐਲਾਨੀ 1,600 ਕਰੋੜ ਰੁਪਏ ਦੀ ਕੇਂਦਰੀ ਮਦਦ ਦੀ ਉਡੀਕ ਕਰ ਰਹੀ ਹੈ।
ਐਸ.ਓ.ਪੀ. (ਸਟੈਂਡਰਡ ਓਪਰੇਟਿੰਗ ਪ੍ਰਕਿਰਿਆਵਾਂ) ਜਾਰੀ ਕਰਦਿਆਂ ਸਰਕਾਰ ਨੇ ਕਿਹਾ ਕਿ ਹੜ੍ਹ-ਪ੍ਰਭਾਵਿਤ ਅਤੇ 5 ਏਕੜ ਤੋਂ ਘੱਟ ਜ਼ਮੀਨ ਵਾਲੇ ਕਿਸਾਨਾਂ ਨੂੰ ਰਾਜ ਦੇ ਖੇਤੀਬਾੜੀ ਵਿਭਾਗ ਦੇ ਦਫ਼ਤਰਾਂ ਰਾਹੀਂ ਮੁਫ਼ਤ ਕਣਕ ਦੇ ਬੀਜ ਮਿਲਣੇ ਸ਼ੁਰੂ ਹੋ ਜਾਣਗੇ। ਪੰਜਾਬ ਸਟੇਟ ਸੀਡਜ਼ ਕਾਰਪੋਰੇਸ਼ਨ ਲਿਮਟਿਡ (PUNSEED) ਨੂੰ 1.85 ਲੱਖ ਹੈਕਟੇਅਰ ਰਕਬੇ ਲਈ ਮੁਫ਼ਤ ਬੀਜ ਵੰਡਣ ਦੀ ਨੋਡਲ ਏਜੰਸੀ ਨਿਯੁਕਤ ਕੀਤਾ ਗਿਆ ਹੈ।
ਬੀਜ ਦੀ ਵੰਡ ਉਨ੍ਹਾਂ ਹੜ੍ਹ-ਪ੍ਰਭਾਵਿਤ ਕਿਸਾਨਾਂ ਨੂੰ ਕੀਤੀ ਜਾਵੇਗੀ ਜੋ [www.agrimachinerypb.com](http://www.agrimachinerypb.com) ਪੋਰਟਲ ‘ਤੇ ਰਜਿਸਟਰ ਹੋਣਗੇ ਅਤੇ ਆਪਣੇ ਫ਼ਰਦ (ਜ਼ਮੀਨ ਮਲਕੀਅਤ ਦੇ ਕਾਗਜ਼) ਅਤੇ ਪਛਾਣ ਪੱਤਰ ਅਪਲੋਡ ਕਰਨਗੇ। ਇਹ ਅਰਜ਼ੀਆਂ ਤੁਰੰਤ ਜਾਂਚੀਆਂ ਜਾਣਗੀਆਂ ਅਤੇ ਜਾਂਚ ਤੋਂ ਬਾਅਦ ਕਿਸਾਨ ਮੁਫ਼ਤ ਕਣਕ ਦੇ ਬੀਜ ਲੈ ਸਕਣਗੇ। ਪ੍ਰਮਾਣਤ ਅਤੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਵੱਲੋਂ ਸਿਫਾਰਸ਼ੀ ਬੀਜਾਂ ਦੀ ਕੀਮਤ 4,000 ਰੁਪਏ ਪ੍ਰਤੀ ਕੁਇੰਟਲ ਨਿਰਧਾਰਤ ਕੀਤੀ ਗਈ ਹੈ, ਜਿਨ੍ਹਾਂ ਨੂੰ PUNSEED ਵੱਲੋਂ ਖਰੀਦਿਆ ਜਾ ਰਿਹਾ ਹੈ। ਇਸ ਯੋਜਨਾ ਲਈ ਕੇਂਦਰ ਨੇ ਰਾਸ਼ਟਰੀ ਕ੍ਰਿਸ਼ੀ ਵਿਕਾਸ ਯੋਜਨਾ (RKVY) ਤਹਿਤ 44.40 ਕਰੋੜ ਰੁਪਏ ਦਿੱਤੇ ਹਨ, ਜਦਕਿ ਰਾਜ ਸਰਕਾਰ ਵੱਲੋਂ 29.60 ਕਰੋੜ ਰੁਪਏ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ, ਸੂਬੇ ਦੇ ਹੋਰ ਹਿੱਸਿਆਂ ਵਿੱਚ ਕਿਸਾਨਾਂ ਨੂੰ ਕਣਕ ਦੇ ਬੀਜ ਵੰਡੇ ਜਾਣਗੇ।
Related
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
Video
Comments
Start the conversation
Become a member of New India Abroad to start commenting.
Sign Up Now
Already have an account? Login