ADVERTISEMENT
ADVERTISEMENT
ਸਿਹਤ ਫਿਲਟਰ
ਵਿਦੇਸ਼ ਵਿਭਾਗ ਦੀ ਇੱਕ ਨਵੀਂ ਸਲਾਹ ਨੇ ਵੀਜ਼ਾ ਇਨਕਾਰਾਂ ਦਾ ਦਾਇਰਾ ਵਧਾ ਦਿੱਤਾ ਹੈ
-
1744365251.png)
ਸੰਪਾਦਕੀ - Wed, 19, Nov 2025
- 14:15 EST
- 7
ਪ੍ਰਤੀਕ ਤਸਵੀਰ / Pexels
ਵਿਦੇਸ਼ ਵਿਭਾਗ ਦੀ ਇੱਕ ਨਵੀਂ ਸਲਾਹ ਨੇ ਵੀਜ਼ਾ ਇਨਕਾਰਾਂ ਦਾ ਦਾਇਰਾ ਵਧਾ ਦਿੱਤਾ ਹੈ, ਜਿਸ ਵਿੱਚ ਅਮਰੀਕੀ ਦੂਤਾਵਾਸਾਂ ਅਤੇ ਕੌਂਸਲਰ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਉਹ ਸੰਯੁਕਤ ਰਾਜ ਵਿੱਚ ਕੌਣ ਰਹਿ ਸਕਦਾ ਹੈ, ਇਸਦਾ ਫੈਸਲਾ ਕਰਦੇ ਸਮੇਂ ਬਿਨੈਕਾਰਾਂ ਦੀਆਂ ਡਾਕਟਰੀ ਸਥਿਤੀਆਂ ਨੂੰ ਵੀ ਧਿਆਨ ਵਿੱਚ ਰੱਖਣ। ਨਿਰਦੇਸ਼ ਵਿੱਚ ਕਿਹਾ ਗਿਆ ਹੈ ਕਿ ਪੁਰਾਣੀਆਂ ਬਿਮਾਰੀਆਂ ਵਾਲੇ ਲੋਕ — ਜਿਵੇਂ ਕਿ ਸ਼ੂਗਰ, ਦਿਲ ਦੀ ਬਿਮਾਰੀ, ਮੋਟਾਪਾ ਜਾਂ ਮਾਨਸਿਕ ਸਿਹਤ ਸੰਬੰਧੀ ਸਮੱਸਿਆਵਾਂ ਨੂੰ “ਜਨਤਕ ਬੋਝ” ਮੰਨਿਆ ਜਾ ਸਕਦਾ ਹੈ ਜੇਕਰ ਉਨ੍ਹਾਂ ਦੀ ਸਿਹਤ ਦੇ ਕਾਰਨ ਭਵਿੱਖ ਵਿੱਚ ਮਹਿੰਗੀ, ਲੰਬੇ ਸਮੇਂ ਦੀ ਸਰਕਾਰੀ ਫੰਡਿੰਗ ਨਾਲ ਚੱਲਣ ਵਾਲੀ ਦੇਖਭਾਲ ਦੀ ਲੋੜ ਦੀ ਸੰਭਾਵਨਾ ਹੋਵੇ।
ਇਹ ਕਦਮ ਇੱਕ ਮਹੱਤਵਪੂਰਨ ਤਬਦੀਲੀ ਹੈ, ਕਿਉਂਕਿ ਪਹਿਲਾਂ ਡਾਕਟਰੀ ਜਾਂਚਾਂ ਮੁੱਖ ਤੌਰ ‘ਤੇ ਛੂਤ ਦੀਆਂ ਬਿਮਾਰੀਆਂ ਅਤੇ ਟੀਕਾਕਰਨ ਦੀ ਪਾਲਣਾ ‘ਤੇ ਕੇਂਦ੍ਰਿਤ ਹੁੰਦੀਆਂ ਸਨ। ਹੁਣ, ਅਧਿਕਾਰੀਆਂ ਨੂੰ ਇਹ ਪਤਾ ਲਾਉਣ ਲਈ ਉਤਸ਼ਾਹਿਤ ਕੀਤਾ ਗਿਆ ਹੈ ਕਿ ਕੀ ਬਿਨੈਕਾਰ ਦੀ ਸਿਹਤ ਅਤੇ ਵਿੱਤੀ ਸਥਿਤੀ ਜਨਤਕ ਸਰੋਤਾਂ ‘ਤੇ ਬੋਝ ਬਣ ਸਕਦੀ ਹੈ। ਉਨ੍ਹਾਂ ਨੂੰ ਬਿਨੈਕਾਰ ਦੀ ਇਸ ਯੋਗਤਾ ਦਾ ਮੁਲਾਂਕਣ ਕਰਨ ਲਈ ਵੀ ਕਿਹਾ ਗਿਆ ਹੈ ਕਿ ਉਹ ਲੰਬੇ ਸਮੇਂ ਤੱਕ ਇਲਾਜ ਦਾ ਖਰਚਾ ਕਿਵੇਂ ਝੇਲ ਸਕਦੇ ਹਨ।
ਹਾਲਾਂਕਿ ਇਹ ਨਿਰਦੇਸ਼ ਕੁਝ ਕੁ ਵੀਜ਼ਾ ਸ਼੍ਰੇਣੀਆਂ ‘ਤੇ ਲਾਗੂ ਹੁੰਦਾ ਹੈ, ਪਰ ਮਾਹਰਾਂ ਦਾ ਕਹਿਣਾ ਹੈ ਕਿ ਇਸਦਾ ਸਭ ਤੋਂ ਵੱਧ ਪ੍ਰਭਾਵ ਉਹਨਾਂ ਬਿਨੈਕਾਰਾਂ ‘ਤੇ ਪਵੇਗਾ ਜੋ ਸਥਾਈ ਨਿਵਾਸ ਲਈ ਅਰਜ਼ੀ ਦੇ ਰਹੇ ਹਨ, ਜਿਵੇਂ ਕਿ ਪਰਿਵਾਰ-ਅਧਾਰਤ ਜਾਂ ਰੁਜ਼ਗਾਰ-ਅਧਾਰਤ ਗ੍ਰੀਨ ਕਾਰਡ। ਅਸਥਾਈ ਵੀਜ਼ਾ ਵਾਲਿਆਂ ਦੇ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਘੱਟ ਮੰਨੀ ਜਾ ਰਹੀ ਹੈ, ਕਿਉਂਕਿ ਉਨ੍ਹਾਂ ਲਈ ਆਪਣੇ ਰਹਿਣ ਸਮੇਂ ਦੌਰਾਨ ਸਿਹਤ ਬੀਮੇ ਨੂੰ ਲਾਜ਼ਮੀ ਬਣਾਇਆ ਜਾਂਦਾ ਹੈ।
ਭਾਰਤੀ ਨਾਗਰਿਕਾਂ ਲਈ, ਇਸਦੇ ਪ੍ਰਭਾਵ ਖ਼ਾਸ ਤੌਰ ‘ਤੇ ਚਿੰਤਾਜਨਕ ਹਨ। ਭਾਰਤ ਵਿੱਚ ਸ਼ੂਗਰ ਅਤੇ ਮੈਟਾਬੋਲਿਕ ਬਿਮਾਰੀਆਂ ਦੀ ਦਰ ਦੁਨੀਆ ਵਿੱਚ ਸਭ ਤੋਂ ਉੱਚੀ ਹੈ, ਜਿਸਦਾ ਮਤਲਬ ਹੈ ਕਿ ਬਹੁਤ ਸਾਰੇ ਯੋਗ ਬਿਨੈਕਾਰਾਂ ਨੂੰ ਤਿੱਖੀ ਜਾਂਚ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਹ ਬਿਮਾਰੀਆਂ, ਅਮਰੀਕਾ ਵਿੱਚ ਇਲਾਜ ਦੇ ਸੰਭਾਵੀ ਖ਼ਰਚੇ ਭਰਨ ਦੀ ਉਨ੍ਹਾਂ ਦੀ ਯੋਗਤਾ ਬਾਰੇ ਸਵਾਲ ਖੜ੍ਹੇ ਕਰ ਸਕਦੀਆਂ ਹਨ।
ਇਮੀਗ੍ਰੇਸ਼ਨ ਵਕੀਲ ਚੇਤਾਵਨੀ ਦਿੰਦੇ ਹਨ ਕਿ ਇਹ ਨੀਤੀ ਵੀਜ਼ਾ ਅਧਿਕਾਰੀਆਂ ਨੂੰ ਵੱਡੀ ਜਿੰਮੇਵਾਰੀ ਦਿੰਦੇ ਹਨ, ਜਦੋਂ ਕਿ ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਡਾਕਟਰੀ ਤੌਰ ‘ਤੇ ਟ੍ਰੇਨ ਨਹੀਂ ਹੁੰਦੇ — ਜਿਸ ਨਾਲ ਵਿਅਕਤੀਗਤ ਫੈਸਲਿਆਂ ਦਾ ਜੋਖਮ ਵੱਧ ਸਕਦਾ ਹੈ। ਇਸ ਤੋਂ ਇਲਾਵਾ, ਮੌਜੂਦਾ ਅਮਰੀਕੀ ਨਿਯਮਾਂ ਵਿੱਚ ਭਵਿੱਖ ਦੇ ਡਾਕਟਰੀ ਖ਼ਰਚਿਆਂ ਸੰਬੰਧੀ “ਕੀ-ਜੇ” ਵਾਲੇ ਫੈਸਲੇ ਕਰਨ ‘ਤੇ ਪਾਬੰਦੀ ਹੈ, ਜਿਸ ਨਾਲ ਇਹ ਅਸਪਸ਼ਟਤਾ ਹੈ ਕਿ ਇਹ ਨਵਾਂ ਮਾਰਗਦਰਸ਼ਨ ਵੱਖ-ਵੱਖ ਦੂਤਾਵਾਸਾਂ ਵਿੱਚ ਕਿਵੇਂ ਲਾਗੂ ਕੀਤਾ ਜਾਵੇਗਾ।
ਆਲੋਚਕਾਂ ਦਾ ਕਹਿਣਾ ਹੈ ਕਿ ਇਹ ਨੀਤੀ ਅਸਲ ਵਿੱਚ ਸਿਹਤ-ਅਧਾਰਤ ਇਮੀਗ੍ਰੇਸ਼ਨ ਫਿਲਟਰ ਲਿਆਉਂਦੀ ਹੈ, ਜਦੋਂ ਕਿ ਸਮਰਥਕਾਂ ਦੇ ਅਨੁਸਾਰ ਇਹ ਟੈਕਸਦਾਤਿਆਂ ਨੂੰ ਭਵਿੱਖ ਦੀਆਂ ਸਿਹਤ ਸੰਭਾਲ ਲਾਗਤਾਂ ਤੋਂ ਬਚਾਉਣ ਲਈ ਜ਼ਰੂਰੀ ਹੈ।
ਸੰਯੁਕਤ ਰਾਜ ਵਿੱਚ ਵੱਸਣ ਦੇ ਸੁਪਨੇ ਦੇਖਣ ਵਾਲੇ ਕਈ ਭਾਰਤੀ ਪਰਿਵਾਰਾਂ ਲਈ, ਇਹ ਇੱਕ ਹੋਰ ਅਨਿਸ਼ਚਿਤਤਾ ਪੈਦਾ ਕਰਦਾ ਹੈ— ਜਿੱਥੇ ਡਾਕਟਰੀ ਇਤਿਹਾਸ ਕਿਸੇ ਦੇ ਅਮਰੀਕੀ ਸੁਪਨੇ ਨੂੰ ਹੁਣ ਯੋਗਤਾਵਾਂ, ਸਿੱਖਿਆ ਜਾਂ ਦੌਲਤ ਜਿੰਨਾ ਹੀ ਪ੍ਰਭਾਵਿਤ ਕਰ ਸਕਦਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login