ADVERTISEMENTs
ਅਸ਼ਲੀਲ ਵੀਡੀਓਜ਼ ਦਾ ਮਾਮਲਾ: ਬ੍ਰਿਟੇਨ ‘ਚ ਭਾਰਤੀ ਮੂਲ ਦੇ ਭਰਾਵਾਂ ਨੂੰ ਜੇਲ੍ਹ
ਮੈਟ ਪੁਲਿਸ ਦੀ ਜਾਂਚ ਤੋਂ ਬਾਅਦ ਕਈ ਅਪਰਾਧਾਂ ਦਾ ਪਤਾ ਲੱਗਣ 'ਤੇ ਵਰਜ ਅਤੇ ਕਿਸ਼ਨ ਪਟੇਲ ਨੂੰ ਸਨੇਅਰਸਬਰੂਕ ਕ੍ਰਾਊਨ ਕੋਰਟ ਵਿੱਚ ਸਜ਼ਾ ਸੁਣਾਈ ਗਈ
-
ਪ੍ਰਨਵੀ ਸ਼ਰਮਾ - Thu, 09, Oct 2025
- 20:30 EDT
- 9
ਵਰੁਜ ਅਤੇ ਕਿਸ਼ਨ ਪਟੇਲ / Metropolitan Police UK
ਈਸਟ ਲੰਡਨ ਦੇ ਭਾਰਤੀ ਮੂਲ ਦੇ ਦੋ ਭਰਾਵਾਂ ਨੂੰ ਬਾਲ ਅਸ਼ਲੀਲ ਵੀਡੀਓਜ਼ ਦੀ ਖੋਜ ਤੋਂ ਸ਼ੁਰੂ ਹੋਈ ਮੈਟਰੋਪੋਲੀਟਨ ਪੁਲਿਸ ਦੀ ਜਾਂਚ ਤੋਂ ਬਾਅਦ ਕਈ ਜਿਨਸੀ ਅਪਰਾਧਾਂ ਲਈ ਸਜ਼ਾ ਸੁਣਾਈ ਗਈ ਹੈ।
ਸੈਲਸਡਨ ਰੋਡ, E13 ਦੇ ਰਹਿਣ ਵਾਲੇ 26 ਸਾਲਾ ਵਰੁਜ ਪਟੇਲ ਨੂੰ 7 ਅਕਤੂਬਰ ਨੂੰ ਸਨੇਅਰਸਬਰੂਕ ਕ੍ਰਾਊਨ ਕੋਰਟ ਵੱਲੋਂ 22 ਸਾਲ ਦੀ ਕੈਦ ਦੀ ਸਜ਼ਾ ਹੋਈ। ਉਸਨੂੰ ਉਮਰ ਭਰ ਲਈ ਜਿਨਸੀ ਅਪਰਾਧੀਆਂ ਦੇ ਰਜਿਸਟਰ ‘ਚ ਸ਼ਾਮਲ ਕੀਤਾ ਗਿਆ ਹੈ। ਉਸਦਾ 31 ਸਾਲਾ ਭਰਾ ਕਿਸ਼ਨ ਪਟੇਲ, ਜੋ ਉਸੇ ਪਤੇ ‘ਤੇ ਰਹਿੰਦਾ ਹੈ, ਨੂੰ ਬੱਚਿਆਂ ਦੀ ਅਸ਼ਲੀਲ ਤਸਵੀਰਾਂ ਰੱਖਣ ਲਈ 15 ਮਹੀਨਿਆਂ ਦੀ ਕੈਦ ਅਤੇ 10 ਸਾਲ ਲਈ ਸੈਕਸ਼ੁਅਲ ਹਾਰਮ ਪ੍ਰੀਵੇਂਸ਼ਨ ਆਰਡਰ ਦੇ ਅਧੀਨ ਕੀਤਾ ਗਿਆ ਹੈ।
ਵਰੁਜ ਪਟੇਲ ਨੇ ਪਹਿਲਾਂ ਕਈ ਦੋਸ਼ਾਂ ਲਈ ਦੋਸ਼ ਕਬੂਲ ਕੀਤਾ ਸੀ, ਜਿਨ੍ਹਾਂ ਵਿੱਚ 13 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਨਾਲ ਬਲਾਤਕਾਰ, ਦਾਖ਼ਲ ਹੋ ਕੇ ਹਮਲਾ ਕਰਨਾ, ਬੱਚੇ ਨੂੰ ਜਿਨਸੀ ਗਤੀਵਿਧੀ ਵਿੱਚ ਸ਼ਾਮਲ ਕਰਨ ਦੇ ਚਾਰ ਮਾਮਲੇ, 16 ਸਾਲ ਤੋਂ ਵੱਧ ਉਮਰ ਦੀ ਔਰਤ ਨਾਲ ਬਲਾਤਕਾਰ, ਦਾਖ਼ਲ ਹੋ ਕੇ ਜਿਨਸੀ ਹਮਲਾ, ਵੋਯੁਰਿਜ਼ਮ (ਚੁੱਪਕੇ ਨਾਲ ਦੇਖਣ ਦਾ ਅਪਰਾਧ) ਅਤੇ ਬੱਚਿਆਂ ਦੀ ਅਸ਼ਲੀਲ ਤਸਵੀਰਾਂ ਰੱਖਣਾ ਸ਼ਾਮਲ ਸੀ।
ਜਾਂਚ ਦੀ ਅਗਵਾਈ ਕਰਨ ਵਾਲੇ ਡਿਟੈਕਟਿਵ ਸਰਜੰਟ ਰੌਬ ਬਲਾਂਟ ਨੇ ਪਟੇਲ ਨੂੰ “ਡਰਪੋਕ ਅਤੇ ਮੌਕਾ-ਪ੍ਰਸਤ ਅਪਰਾਧੀ ਦੱਸਿਆ ਜਿਸਨੇ ਆਪਣੀ ਜਿਨਸੀ ਸੰਤੁਸ਼ਟੀ ਲਈ ਕਮਜ਼ੋਰ ਪੀੜਤਾਂ ਨੂੰ ਸ਼ਿਕਾਰ ਬਣਿਆ।”
ਉਨ੍ਹਾਂ ਨੇ ਕਿਹਾ, “ਔਰਤਾਂ ਅਤੇ ਬੱਚਿਆਂ ਲਈ ਉਸਦੇ ਖ਼ਤਰੇ ਨੂੰ ਉਸਦੀ ਸਜ਼ਾ ਵਿੱਚ ਦਰਸਾਇਆ ਗਿਆ ਹੈ। ਇਹ ਮੈਟ ਡਿਟੈਕਟਿਵਾਂ ਵੱਲੋਂ ਕੀਤੀ ਗਈ ਬਹੁਤ ਹੀ ਵਿਆਪਕ ਅਤੇ ਵਿਸਥਾਰਤ ਜਾਂਚ ਦਾ ਸ਼ਾਨਦਾਰ ਉਦਾਹਰਣ ਹੈ, ਜੋ ਸਭ ਤੋਂ ਗੰਭੀਰ ਅਪਰਾਧਾਂ ਦੇ ਪੀੜਤਾਂ ਦਾ ਸਮਰਥਨ ਕਰਨ ਅਤੇ ਆਮ ਲੋਕਾਂ ਨੂੰ ਇੱਕ ਖ਼ਤਰਨਾਕ ਅਪਰਾਧੀ ਤੋਂ ਸੁਰੱਖਿਅਤ ਰੱਖਣ ਲਈ ਕੰਮ ਕਰ ਰਹੇ ਹਨ।”
ਉਨ੍ਹਾਂ ਨੇ ਅੱਗੇ ਕਿਹਾ ਕਿ “ਲੰਡਨ ਭਰ ‘ਚ ਪੇਸ਼ਾਵਰ ਅਧਿਕਾਰੀਆਂ ਦੀਆਂ ਟੀਮਾਂ ਕੰਮ ਕਰ ਰਹੀਆਂ ਹਨ ਜੋ ਕਮਜ਼ੋਰ ਲੋਕਾਂ ਖ਼ਿਲਾਫ਼ ਅਪਰਾਧ ਕਰਨ ਵਾਲਿਆਂ ਦੀ ਪਛਾਣ ਕਰਨ ਅਤੇ ਅਪਰਾਧੀਆਂ ਨੂੰ ਨਿਆਂ ਦੇ ਕਟਹਿਰੇ ਵਿੱਚ ਲਿਆਉਣ ਲਈ ਕੋਈ ਕਸਰ ਬਾਕੀ ਨਹੀਂ ਛੱਡਣਗੀਆਂ।”
ਜਾਂਚ ਦੀ ਸ਼ੁਰੂਆਤ 1 ਫਰਵਰੀ 2020 ਨੂੰ ਹੋਈ, ਜਦੋਂ ਗ੍ਰੇਟਰ ਮੈਨਚੈਸਟਰ ਪੁਲਿਸ ਨੇ ਮੈਟ ਨੂੰ ਬਾਲ ਅਸ਼ਲੀਲਤਾ ਵਾਲੀਆਂ ਵੀਡੀਓਜ਼ ਬਾਰੇ ਤੀਜੇ ਪੱਖ ਦੀ ਰਿਪੋਰਟ ਦਿੱਤੀ ਜੋ ਇੱਕ ਇਲੈਟ੍ਰੋਨਿਕ ਡਿਵਾਈਸ ‘ਤੇ ਮਿਲੀਆਂ ਸਨ, ਜੋ ਮਰੰਮਤ ਲਈ ਭੇਜਿਆ ਗਿਆ ਸੀ। ਇਹ ਡਿਵਾਈਸ ਕਿਸ਼ਨ ਪਟੇਲ ਦਾ ਸੀ, ਪਰ ਜਾਂਚ ‘ਚ ਪਤਾ ਲੱਗਿਆ ਕਿ ਵੀਡੀਓਜ਼ ਵਿੱਚ ਵਰੁਜ ਦਿਖਾਈ ਦੇ ਰਿਹਾ ਸੀ। ਡਿਟੈਕਟਿਵਾਂ ਨੇ ਉਸਦੀ ਪਛਾਣ ਉਸਦੇ ਚਿਹਰੇ ਤੋਂ ਕੀਤੀ ਜੋ ਇੱਕ ਵੀਡੀਓ ਦੇ ਅੰਤ ‘ਚ ਕੁਝ ਪਲਾਂ ਲਈ ਨਜ਼ਰ ਆਇਆ ਸੀ।
ਜ਼ਬਤ ਕੀਤੀਆਂ ਹੋਰ ਡਿਵਾਈਸਾਂ ਦੀ ਜਾਂਚ ‘ਚ ਹੋਰ ਤਸਵੀਰਾਂ ਅਤੇ ਵੀਡੀਓਜ਼ ਮਿਲੀਆਂ ਜਿਨ੍ਹਾਂ ਵਿੱਚ ਵਰੁਜ ਨੂੰ ਇੱਕ ਯੂਨੀਵਰਸਿਟੀ ਨਾਈਟ ਆਉਟ ਤੋਂ ਬਾਅਦ ਇੱਕ ਨੌਜਵਾਨ ਔਰਤ ਨਾਲ ਬਲਾਤਕਾਰ ਕਰਦੇ ਅਤੇ ਇੱਕ ਛੋਟੀ ਕੁੜੀ ਦੀ ਬਿਨਾਂ ਜਾਣਕਾਰੀ ਵੀਡੀਓ ਬਣਾਉਂਦੇ ਦਿਖਾਇਆ ਗਿਆ ਸੀ। ਉਸਦੀ ਪਛਾਣ ਉਸਦੇ ਕੱਪੜਿਆਂ ਅਤੇ ਵਿਸ਼ੇਸ਼ ਗਹਿਣਿਆਂ ਰਾਹੀਂ ਹੋਈ ਜੋ ਵੀਡੀਓ ਵਿੱਚ ਦਿਖਾਈ ਦੇ ਰਹੇ ਸਨ।
ਹਾਲਾਂਕਿ ਜ਼ਿਆਦਾਤਰ ਅਪਰਾਧਾਂ ਦੇ 2018 ਵਿੱਚ ਹੋਣ ਦਾ ਵਿਸ਼ਵਾਸ ਹੈ, ਪੁਲਿਸ ਨੂੰ ਸ਼ੱਕ ਹੈ ਕਿ ਉਸਦੀ ਗਤੀਵਿਧੀ ਹਾਲੀਆਂ ਸਾਲਾਂ ਤੱਕ ਜਾਰੀ ਰਹੀ ਹੋ ਸਕਦੀ ਹੈ।
ਸਜ਼ਾ ਸੁਣਾਉਣ ਤੋਂ ਬਾਅਦ, ਮੈਟਰੋਪੋਲੀਟਨ ਪੁਲਿਸ ਨੇ ਹੋਰ ਪੀੜਤਾਂ ਨੂੰ ਸਾਹਮਣੇ ਆਉਣ ਦੀ ਅਪੀਲ ਕੀਤੀ ਹੈ। ਡਿਟੈਕਟਿਵਾਂ ਨੇ ਕਿਹਾ ਕਿ ਅਜਿਹੇ ਹੋਰ ਮਾਮਲੇ ਹੋ ਸਕਦੇ ਹਨ ਜਿੱਥੇ ਬੱਚਿਆਂ ਨੂੰ ਵਰੁਜ ਦੀ ਦੇਖਭਾਲ ਵਿੱਚ ਉਸਦੇ ਘਰ ਜਾਂ ਨੇੜੇ ਛੱਡਿਆ ਗਿਆ ਹੋਵੇ। ਜਿਸ ਕੋਲ ਵੀ ਸਬੰਧਤ ਜਾਣਕਾਰੀ ਹੈ, ਉਸਨੂੰ ਜਾਂਚਕਰਤਾਵਾਂ ਨਾਲ ਸੰਪਰਕ ਕਰਨ ਲਈ ਕਿਹਾ ਗਿਆ ਹੈ।
Related
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
Video
Comments
Start the conversation
Become a member of New India Abroad to start commenting.
Sign Up Now
Already have an account? Login