ADVERTISEMENT
ADVERTISEMENT
ਟਰੰਪ ਵੱਲੋਂ ਰਿਟਾਇਰਮੈਂਟ ਬਚਤ ਲਈ ਵੱਡਾ ਐਲਾਨ: ਘੱਟ ਆਮਦਨ ਵਾਲੇ ਵਰਕਰਾਂ ਨੂੰ ਮਿਲੇਗਾ ਸਰਕਾਰੀ ਫੰਡ
ਇਹ ਪ੍ਰੋਗਰਾਮ ਆਮ ਨਾਗਰਿਕਾਂ ਨੂੰ ਉਨ੍ਹਾਂ ਰਿਟਾਇਰਮੈਂਟ ਖਾਤਿਆਂ ਤੱਕ ਪਹੁੰਚ ਦੇਵੇਗਾ ਜੋ ਵਰਤਮਾਨ ਵਿੱਚ ਸਿਰਫ਼ ਸੰਘੀ ਕਰਮਚਾਰੀਆਂ ਲਈ ਉਪਲਬਧ ਹਨ
-
ਆਈਏਐਨਐਸ - Fri, 01, May 2026
- 04:57 EDT
- 35
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ / X/@WhiteHouse
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਲੱਖਾਂ ਅਮਰੀਕੀਆਂ, ਖਾਸ ਕਰਕੇ ਘੱਟ ਆਮਦਨ ਵਾਲੇ ਕਰਮਚਾਰੀਆਂ ਅਤੇ ਉਨ੍ਹਾਂ ਲੋਕਾਂ ਲਈ ਰਿਟਾਇਰਮੈਂਟ ਬਚਤ ਖਾਤਿਆਂ ਦੀ ਸਹੂਲਤ ਵਧਾਉਣ ਦੇ ਉਦੇਸ਼ ਨਾਲ ਇੱਕ ਕਾਰਜਕਾਰੀ ਆਦੇਸ਼ 'ਤੇ ਦਸਤਖ਼ਤ ਕੀਤੇ ਹਨ, ਜਿਨ੍ਹਾਂ ਕੋਲ ਕੰਪਨੀ ਦੁਆਰਾ ਸਪਾਂਸਰ ਕੀਤੀ ਕੋਈ ਯੋਜਨਾ ਨਹੀਂ ਹੈ।
ਟਰੰਪ ਨੇ ਕਿਹਾ ਕਿ ਇਸ ਪਹਿਲਕਦਮੀ ਤਹਿਤ ਘੱਟ ਆਮਦਨ ਵਾਲੇ ਅਮਰੀਕੀਆਂ ਨੂੰ ਉਨ੍ਹਾਂ ਦੇ ਖਾਤਿਆਂ ਵਿੱਚ ਸਿੱਧੇ ਤੌਰ 'ਤੇ $1,000 ਪ੍ਰਤੀ ਸਾਲ ਤੱਕ ਦਾ ਮੈਚਿੰਗ ਫੰਡ (ਸਰਕਾਰੀ ਯੋਗਦਾਨ) ਮਿਲ ਸਕਦਾ ਹੈ। ਇਹ ਪ੍ਰੋਗਰਾਮ ਆਮ ਨਾਗਰਿਕਾਂ ਨੂੰ ਉਨ੍ਹਾਂ ਰਿਟਾਇਰਮੈਂਟ ਖਾਤਿਆਂ ਤੱਕ ਪਹੁੰਚ ਦੇਵੇਗਾ ਜੋ ਵਰਤਮਾਨ ਵਿੱਚ ਸਿਰਫ਼ ਸੰਘੀ ਕਰਮਚਾਰੀਆਂ ਲਈ ਉਪਲਬਧ ਹਨ। ਟਰੰਪ ਅਨੁਸਾਰ, ਇਹ ਪ੍ਰੋਗਰਾਮ ਉਨ੍ਹਾਂ ਵਰਕਰਾਂ ਲਈ ਕ੍ਰਾਂਤੀਕਾਰੀ ਹੋਵੇਗਾ ਜੋ ਰਵਾਇਤੀ ਰੁਜ਼ਗਾਰ ਢਾਂਚੇ ਤੋਂ ਬਾਹਰ ਹਨ (ਜਿਵੇਂ ਗਿਗ ਵਰਕਰ ਜਾਂ ਫ੍ਰੀਲਾਂਸਰ)।
'ਨੈਸ਼ਨਲ ਇਕਨਾਮਿਕ ਕੌਂਸਲ' ਦੇ ਡਾਇਰੈਕਟਰ ਕੇਵਿਨ ਹੈਸੈਟ ਨੇ ਦੱਸਿਆ ਕਿ TrumpIRA ਵਿੱਚ ਹੁਣ ਚੈਰੀਟੇਬਲ ਸੰਸਥਾਵਾਂ ਵੀ ਦੂਜੇ ਲੋਕਾਂ ਦੇ ਖਾਤਿਆਂ ਵਿੱਚ ਯੋਗਦਾਨ ਪਾ ਸਕਣਗੀਆਂ।
ਰਾਸ਼ਟਰਪਤੀ ਨੇ ਇੱਕ ਉਦਾਹਰਨ ਰਾਹੀਂ ਇਸ ਦੇ ਲੰਬੇ ਸਮੇਂ ਦੇ ਪ੍ਰਭਾਵ ਨੂੰ ਸਮਝਾਉਂਦੇ ਹੋਏ ਕਿਹਾ , "ਜੇਕਰ ਕੋਈ 25 ਸਾਲਾ ਨੌਜਵਾਨ ਹਰ ਮਹੀਨੇ ਸਿਰਫ਼ $165 ਦਾ ਨਿਵੇਸ਼ ਕਰਦਾ ਹੈ, ਤਾਂ 65 ਸਾਲ ਦੀ ਉਮਰ ਤੱਕ ਉਸ ਦੇ ਖਾਤੇ ਵਿੱਚ ਲਗਭਗ $465,000 ਹੋਣਗੇ। ਦੂਜੇ ਸ਼ਬਦਾਂ ਵਿੱਚ, ਉਹ ਅਮੀਰ ਹੋ ਜਾਣਗੇ।"
ਕੇਵਿਨ ਹੈਸੈਟ ਨੇ ਸਪੱਸ਼ਟ ਕੀਤਾ ਕਿ ਫਿਲਹਾਲ ਇਹ ਨੀਤੀ $35,000 ਤੋਂ ਘੱਟ ਆਮਦਨ ਵਾਲੇ ਲੋਕਾਂ ਨੂੰ ਨਿਸ਼ਾਨਾ ਬਣਾਉਂਦੀ ਹੈ। ਟਰੰਪ ਨੇ ਮੰਨਿਆ ਕਿ ਇਸ ਪ੍ਰੋਗਰਾਮ ਨੂੰ ਅਗਲੇ ਪੱਧਰ ਤੱਕ ਲਿਜਾਣ ਅਤੇ ਮੱਧ-ਆਮਦਨ ਵਾਲੇ ਲੋਕਾਂ ਤੱਕ ਵਧਾਉਣ ਲਈ ਅਮਰੀਕੀ ਕਾਂਗਰਸ ਦੀ ਪ੍ਰਵਾਨਗੀ ਦੀ ਲੋੜ ਹੋਵੇਗੀ। ਉਨ੍ਹਾਂ ਉਮੀਦ ਜਤਾਈ ਕਿ ਇਸ ਨੂੰ ਦੋਵਾਂ ਪਾਰਟੀਆਂ (ਬਾਈਪਾਰਟੀਸਨ) ਦਾ ਸਮਰਥਨ ਮਿਲੇਗਾ।
ਇਹ ਕਦਮ ਅਮਰੀਕੀ ਰਿਟਾਇਰਮੈਂਟ ਪ੍ਰਣਾਲੀ ਵਿੱਚ ਇੱਕ ਵੱਡੀ ਤਬਦੀਲੀ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਹੁਣ ਤੱਕ ਇਹ ਸਿਸਟਮ ਜ਼ਿਆਦਾਤਰ ਨੌਕਰੀ ਦੇਣ ਵਾਲੀਆਂ ਕੰਪਨੀਆਂ 'ਤੇ ਨਿਰਭਰ ਸੀ, ਜਿਸ ਕਾਰਨ ਗਿਗ ਵਰਕਰ ਅਤੇ ਗੈਰ-ਰਸਮੀ ਮਜ਼ਦੂਰ ਇਸ ਸਹੂਲਤ ਤੋਂ ਵਾਂਝੇ ਰਹਿ ਜਾਂਦੇ ਸਨ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login