ADVERTISEMENT
ADVERTISEMENT
ਟਰੰਪ ਨੇ ਮਰਹੂਮ ਚਾਰਲੀ ਕਿਰਕ ਨੂੰ 'ਮੈਡਲ ਆਫ਼ ਫ਼ਰੀਡਮ' ਨਾਲ ਕੀਤਾ ਸਨਮਾਨਿਤ
ਵ੍ਹਾਈਟ ਹਾਊਸ ਵਿਖੇ ਕਿਰਕ ਦੇ 32ਵੇਂ ਜਨਮਦਿਨ 'ਤੇ ਭਾਵੁਕ ਸਮਾਰੋਹ ਆਯੋਜਿਤ ਕੀਤਾ ਗਿਆ
-
ਲਲਿਤ ਕੇ ਝਾਅ (IANS) - Wed, 15, Oct 2025
- 03:36 EDT
- 46
ਸਮਾਰੋਹ ਵਿੱਚ ਡੋਨਾਲਡ ਟਰੰਪ ਅਤੇ ਏਰਿਕਾ ਕਿਰਕ / White House
ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਕੰਜ਼ਰਵੇਟਿਵ ਫਾਇਰਬ੍ਰਾਂਡ ਅਤੇ ‘ਟਰਨਿੰਗ ਪੁਆਇੰਟ ਯੂਐਸਏ’ ਦੇ ਸੰਸਥਾਪਕ ਚਾਰਲੀ ਕਿਰਕ ਜੋ ਪਿਛਲੇ ਮਹੀਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ ਗੋਲੀਬਾਰੀ ਦਾ ਸ਼ਿਕਾਰ ਹੋਕੇ ਮਾਰੇ ਗਏ ਸੀ, ਉਨ੍ਹਾਂ ਨੂੰ ਮਰਨ ਉਪਰੰਤ 'ਪ੍ਰੈਜ਼ੀਡੈਂਸ਼ੀਅਲ ਮੈਡਲ ਆਫ਼ ਫ਼ਰੀਡਮ' ਦੇਸ਼ ਦੇ ਸਰਵਉੱਚ ਨਾਗਰਿਕ ਸਨਮਾਨ ਨਾਲ ਸਨਮਾਨਿਤ ਕੀਤਾ ਗਿਆ। ਟਰੰਪ ਨੇ ਇਸ ਕਾਰਵਾਈ ਨੂੰ "ਇੱਕ ਘਿਨਾਉਣਾ ਕਤਲ ਅਤੇ ਸ਼ੈਤਾਨੀ ਕੰਮ" ਕਿਹਾ।
ਨਵੇਂ ਸਜਾਏ ਗਏ ਵ੍ਹਾਈਟ ਹਾਊਸ ਦੇ ਰੋਜ਼ ਗਾਰਡਨ ਨੂੰ ਇਸ ਭਾਵੁਕ ਸਮਾਰੋਹ ਲਈ ਵਰਤਿਆ ਗਿਆ, ਜੋ ਕਿਰਕ ਦੇ 32ਵੇਂ ਜਨਮਦਿਨ 'ਤੇ ਆਯੋਜਿਤ ਕੀਤਾ ਗਿਆ ਸੀ। ਟਰੰਪ ਨੇ ਕਿਹਾ ਕਿ ਉਹ ਦੁਨੀਆ ਵਿੱਚ ਕਿਸੇ ਵੀ ਚੀਜ਼ ਲਈ ਇਹ ਪਲ ਮਿਸ ਨਾ ਕਰਦੇ, ਇਹ ਤਾਰੀਖ ਉਨ੍ਹਾਂ ਲਈ ਨਿੱਜੀ ਮਹੱਤਵ ਰੱਖਦੀ ਹੈ। ਰਾਸ਼ਟਰਪਤੀ ਨੇ ਕਿਹਾ, "ਅੱਜ ਚਾਰਲੀ ਦਾ ਜਨਮਦਿਨ ਹੈ। ਉਹ 32 ਸਾਲ ਦਾ ਹੋਣਾ ਸੀ।"
ਚਾਰਲੀ ਦੀ ਪਤਨੀ ਏਰਿਕਾ ਕਿਰਕ, ਜੋ ਇਸ ਮੈਡਲ ਨੂੰ ਆਪਣੇ ਪਤੀ ਦੇ ਤਰਫੋਂ ਸਵੀਕਾਰ ਕਰ ਰਹੀ ਸੀ, ਉਸਦੇ ਨਾਲ ਖੜ੍ਹੇ ਹੋ ਕੇ, ਟਰੰਪ ਨੇ ਕਿਰਕ ਨੂੰ ਇੱਕ ਵਿਜ਼ਨਰੀ, ਇੱਕ ਅਮਰੀਕੀ ਰਾਸ਼ਟਰੀ ਭਗਤ ਅਤੇ ਆਪਣੀ ਪੀੜ੍ਹੀ ਦੀਆਂ ਸਭ ਤੋਂ ਮਹਾਨ ਸ਼ਖਸੀਅਤਾਂ ਵਿੱਚੋਂ ਇੱਕ ਵਜੋਂ ਵਰਣਿਤ ਕੀਤਾ। ਟਰੰਪ ਨੇ ਕਿਹਾ, "ਚਾਰਲੀ ਨੇ ਫ੍ਰੀ ਸਪੀਚ, ਧਾਰਮਿਕ ਆਜ਼ਾਦੀ, ਮਜ਼ਬੂਤ ਸਰਹੱਦਾਂ ਅਤੇ ਇੱਕ ਮਾਣਮੱਤੇ ਅਮਰੀਕਾ ਲਈ ਲੜਾਈ ਲੜੀ। ਉਸਨੇ ਜੋ ਕੁਝ ਵੀ ਕੀਤਾ, ਉਸ ਵਿੱਚ ਉਸਨੇ ਹਮੇਸ਼ਾ ਅਮਰੀਕਾ ਨੂੰ ਪਹਿਲ ਦਿੱਤੀ।”
Charlie Kirk was assassinated in the prime of his life for speaking the truth, living his faith, & relentlessly fighting for America.
— The White House (@WhiteHouse) October 15, 2025
That is why today President Trump posthumously awarded Charlie Kirk our nation's highest civilian honor, the Presidential Medal of Freedom. pic.twitter.com/Bqd1hr9byX
ਟਰੰਪ ਨੇ 2024 ਦੀਆਂ ਰਾਸ਼ਟਰਪਤੀ ਚੋਣਾਂ ਵਿੱਚ ਨੌਜਵਾਨਾਂ ਦੀ ਭਾਗੀਦਾਰੀ ਵਧਾਉਣ ਦਾ ਸਿਹਰਾ ਕਿਰਕ ਨੂੰ ਦਿੱਤਾ। ਟਰੰਪ ਨੇ ਕਿਹਾ, "ਉਸ ਨੇ ਅਜਿਹਾ ਕਰਨ ਵਿੱਚ ਮਦਦ ਕੀਤੀ। ਉਸ ਤੋਂ ਬਿਨਾਂ, ਕੌਣ ਜਾਣਦਾ ਹੈ ਕਿ ਕੀ ਹੁੰਦਾ, ਹੋ ਸਕਦਾ ਹੈ ਕਿ ਅੱਜ ਇੱਥੇ ਸਾਬਕਾ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਖੜ੍ਹੀ ਹੁੰਦੀ।"
ਇਸ ਮੌਕੇ ਉਪ ਰਾਸ਼ਟਰਪਤੀ ਜੇਡੀ ਵੈਂਸ, ਹਾਊਸ ਸਪੀਕਰ ਮਾਈਕ ਜੌਹਨਸਨ, ਸੈਨੇਟ ਮੇਜਾਰਟੀ ਵ੍ਹਿਪ ਜੌਨ ਬੈਰਾਸੋ, ਅਤੇ ਹਾਊਸ ਮੇਜਾਰਟੀ ਲੀਡਰ ਸਟੀਵ ਸਕਾਲੀਸ ਸਮੇਤ ਪ੍ਰਮੁੱਖ ਰਾਜਨੀਤਿਕ ਹਸਤੀਆਂ ਮੌਜੂਦ ਸਨ। ਅਰਜਨਟੀਨਾ ਦੇ ਰਾਸ਼ਟਰਪਤੀ ਜਾਵੀਅਰ ਮਿਲੇਈ, ਜਿਨ੍ਹਾਂ ਨੂੰ ਟਰੰਪ ਨੇ "ਇੱਕ MAGA ਵਿਅਕਤੀ" ਦੱਸਿਆ, ਉਹ ਵੀ ਹਾਜ਼ਰ ਸਨ।
ਆਪਣੇ ਭਾਵੁਕ ਸੰਬੋਧਨ ਵਿੱਚ, ਏਰਿਕਾ ਕਿਰਕ ਨੇ ਆਪਣੇ ਪਤੀ ਨੂੰ ਵਿਸ਼ਵਾਸ, ਦ੍ਰਿੜਤਾ ਅਤੇ ਨਿਮਰਤਾ ਦੁਆਰਾ ਪ੍ਰੇਰਿਤ ਇੱਕ ਵਿਅਕਤੀ ਵਜੋਂ ਯਾਦ ਕੀਤਾ। ਭਰੇ ਹੋਏ ਗਲੇ ਵਿੱਚ ਉਨ੍ਹਾਂ ਨੇ ਕਿਹਾ, "ਉਹ ਇੱਕ ਆਜ਼ਾਦ ਆਦਮੀ ਸੀ — ਡਰ ਤੋਂ ਮੁਕਤ, ਸਮਝੌਤੇ ਤੋਂ ਮੁਕਤ ਅਤੇ ਕਿਸੇ ਵੀ ਅਜਿਹੀ ਚੀਜ਼ ਤੋਂ ਮੁਕਤ ਜੋ ਉਸਦੀ ਆਤਮਾ ਨੂੰ ਗੁਲਾਮ ਬਣਾ ਸਕਦੀ ਸੀ।"
Full remarks: @MrsErikaKirk speaks at the White House upon accepting the Presidential Medal of Freedom on behalf of her late husband, @charliekirk11. ️ pic.twitter.com/bc1HO63RXg
— Rapid Response 47 (@RapidResponse47) October 14, 2025
10 ਸਤੰਬਰ ਨੂੰ ਵਿਦਿਆਰਥੀਆਂ ਦੇ ਇੱਕ ਸਮੂਹ ਨੂੰ ਸੰਬੋਧਨ ਕਰਦੇ ਸਮੇਂ ਕਿਰਕ ਦੇ ਕਤਲ ਨੇ ਰੂੜ੍ਹੀਵਾਦੀ ਸੰਸਾਰ ਵਿੱਚ ਹੜਕੰਪ ਮਚਾ ਦਿੱਤਾ। ਟਰੰਪ ਨੇ ਉਸ ਨੂੰ ਵਾਰ-ਵਾਰ ਸੱਚ ਅਤੇ ਆਜ਼ਾਦੀ ਲਈ ਸ਼ਹੀਦ ਕਿਹਾ ਅਤੇ ਉਨ੍ਹਾਂ ਦੀ ਤੁਲਨਾ ਮਾਰਟਿਨ ਲੂਥਰ ਕਿੰਗ ਜੂਨੀਅਰ ਅਤੇ ਅਬਰਾਹਿਮ ਲਿੰਕਨ ਵਰਗੀਆਂ ਇਤਿਹਾਸਕ ਸ਼ਖਸੀਅਤਾਂ ਨਾਲ ਕੀਤੀ। ਟਰੰਪ ਨੇ ਇਸ ਮੰਚ ਤੋਂ ਅੱਤਵਾਦ ਅਤੇ ਹਿੰਸਾ ਫੈਲਾਉਣ ਵਾਲਿਆਂ ਵਿਰੁੱਧ ਤਿੱਖੀਆਂ ਚੇਤਾਵਨੀਆਂ ਜਾਰੀ ਕੀਤੀਆਂ। ਉਨ੍ਹਾਂ ਕਿਹਾ, “ਅਸੀਂ ਗੁੱਸੇ ਨਾਲ ਭਰੀਆਂ ਭੀੜਾਂ ਦਾ ਅੰਤ ਕਰ ਚੁੱਕੇ ਹਾਂ, ਸਾਡੇ ਸ਼ਹਿਰ ਦੁਬਾਰਾ ਸੁਰੱਖਿਅਤ ਹੋਣਗੇ।”
ਜਿਵੇਂ ਹੀ ਸਮਾਰੋਹ ਸਮਾਪਤ ਹੋਇਆ, ਰਾਸ਼ਟਰਪਤੀ ਟਰੰਪ ਨੇ ਐਲਾਨ ਕੀਤਾ, "ਚਾਰਲੀ ਦੇ ਸਨਮਾਨ ਵਿੱਚ, ਅਸੀਂ ਲੜਾਂਗੇ, ਅਤੇ ਜਿੱਤਾਂਗੇ।"
Related
.png)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login