ADVERTISEMENT
ADVERTISEMENT
ਕੈਨੇਡੀਅਨ ਕਾਲਜ ਤੇ ਯੂਨੀਵਰਸਿਟੀ ਕ੍ਰਿਕਟ ਚੈਂਪੀਅਨ ਬਣੀ ਟੋਰਾਂਟੋ ਮੈਟਰੋਪੋਲੀਟਨ ਯੂਨੀਵਰਸਿਟੀ
ਮੈਪਲ ਲੀਫ਼ ਕ੍ਰਿਕਟ ਗਰਾਊਂਡ ‘ਚ ਖੇਡੇ ਮੈਚ ਵਿਚ ਉਸ ਨੇ ਟੋਰਾਂਟੋ ਯੂਨੀਵਰਸਿਟੀ ਦੇ ਸਕਾਰਬਰੋ ਕੈਂਪਸ ਨੂੰ ਹਰਾ ਦਿੱਤਾ
-
ਪ੍ਰਭਜੋਤ ਸਿੰਘ - Mon, 06, Oct 2025
- 20:34 EDT
- 21
ਜੇਤੂ ਟੀਮ ਦੇ ਮੈਂਬਰ / ਪ੍ਰਭਜੋਤ ਸਿੰਘ
ਟੋਰਾਂਟੋ ਮੈਟਰੋਪੋਲੀਟਨ ਯੂਨੀਵਰਸਿਟੀ ਨੇ 2025 ਕੈਨੇਡੀਅਨ ਕਾਲਜ ਅਤੇ ਯੂਨੀਵਰਸਿਟੀ ਕ੍ਰਿਕਟ ਟੀਡੀ ਕੱਪ ਨੈਸ਼ਨਲ ਚੈਂਪੀਅਨਸ਼ਿਪ ਜਿੱਤੀ, ਜਿਸ ਵਿੱਚ ਉਸ ਨੇ ਟੋਰਾਂਟੋ ਯੂਨੀਵਰਸਿਟੀ ਦੇ ਸਕਾਰਬਰੋ ਕੈਂਪਸ ਨੂੰ 31 ਦੌੜਾਂ ਨਾਲ ਹਰਾ ਦਿੱਤਾ। ਇਹ ਮੈਚ ਸ਼ਨੀਵਾਰ ਨੂੰ ਮੈਪਲ ਲੀਫ਼ ਕ੍ਰਿਕਟ ਗਰਾਊਂਡ ਵਿੱਚ ਖੇਡਿਆ ਗਿਆ ਸੀ।
ਥਰਡ ਪਲੇਸ ਲਈ ਹੋਏ ਮੈਚ ਵਿੱਚ ਓਂਟਾਰੀਓ ਟੈਕ ਯੂਨੀਵਰਸਿਟੀ ਨੇ ਬਰਾਕ ਯੂਨੀਵਰਸਿਟੀ ਨੂੰ 10 ਵਿਕਟਾਂ ਨਾਲ ਹਰਾ ਦਿੱਤਾ। CCUC ਟੀਡੀ ਕੱਪ 12 ਕਾਲਜ ਅਤੇ ਯੂਨੀਵਰਸਿਟੀਆਂ ਦੀ ਭਾਗੀਦਾਰੀ ਨਾਲ ਇੱਕ ਰਾਸ਼ਟਰ ਪੱਧਰੀ ਮੁਕਾਬਲਾ ਸਾਬਤ ਹੋਇਆ, ਜਿਸ ਵਿੱਚ ਕੈਨੇਡਾ ਭਰ ਦੀਆਂ ਸੰਸਥਾਵਾਂ ਨੇ ਹਿੱਸਾ ਲਿਆ।
ਭਾਗੀਦਾਰ ਸੰਸਥਾਵਾਂ ਵਿੱਚ ਵਿਲਫ੍ਰਿਡ ਲੌਰੀਅਰ ਯੂਨੀਵਰਸਿਟੀ, ਕੋਨੇਸਟੋਗਾ ਕਾਲਜ, ਓਂਟਾਰੀਓ ਟੈਕ ਯੂਨੀਵਰਸਿਟੀ, ਬਰਾਕ ਯੂਨੀਵਰਸਿਟੀ, ਟੋਰਾਂਟੋ ਮੈਟਰੋਪੋਲੀਟਨ ਯੂਨੀਵਰਸਿਟੀ (TMU), ਡਰਹੈਮ ਕਾਲਜ, ਯੂਨੀਵਰਸਿਟੀ ਆਫ ਟੋਰਾਂਟੋ ਸੇਂਟ ਜਾਰਜ (UTSG), ਯੂਨੀਵਰਸਿਟੀ ਆਫ ਟੋਰਾਂਟੋ ਸਕਾਰਬਰੋ (UTSC) ਅਤੇ ਓਂਟਾਰੀਓ ਟੈਕ ਯੂਨੀਵਰਸਿਟੀ ਸ਼ਾਮਲ ਸਨ।
ਵਿਲਫ੍ਰਿਡ ਲੌਰੀਅਰ ਯੂਨੀਵਰਸਿਟੀ ਵਿੱਚ ਅੰਤਰਰਾਸ਼ਟਰੀ ਵਿਦਿਆਰਥੀ ਸਹਾਇਤਾ ਦੇ ਐਸੋਸੀਏਟ ਡਾਇਰੈਕਟਰ, ਪੀਟਰ ਡੋਨਾਹੂ ਨੇ ਕਿਹਾ ਕਿ ਕੈਨੇਡੀਆਈ ਯੂਨੀਵਰਸਿਟੀਆਂ ਅਤੇ ਕਾਲਜਾਂ ਵਿੱਚ ਕ੍ਰਿਕਟ ਤੇਜ਼ੀ ਨਾਲ ਵਧ ਰਿਹਾ ਹੈ। ਉਹ ਵਾਟਰਲੂ ਤੋਂ ਨਵੀਂ ਕਿੰਗ ਸਿਟੀ ਤੱਕ ਖਾਸ ਤੌਰ 'ਤੇ CCUC ਟੀਡੀ ਕੱਪ ਨੈਸ਼ਨਲ ਚੈਂਪੀਅਨਸ਼ਿਪ ਦੇਖਣ ਆਏ।
ਕੈਨੇਡੀਅਨ ਕਾਲਜ ਕ੍ਰਿਕਟ ਦੇ ਕੋ-ਫਾਊਂਡਰ ਅਤੇ ਸੀਓਓ, ਉਬੈਦ ਉੱਲਾ ਬਾਬਰ, ਜੋ ਕਿ ਮਟੋਰਾਂਟੋ ਮੈਟਰੋਪੋਲੀਟਨ ਯੂਨੀਵਰਸਿਟੀ ਦੇ ਪੁਰਾਣੇ ਵਿਦਿਆਰਥੀ ਹਨ ਨੇ ਕਿਹਾ ਕਿ ਉਨ੍ਹਾਂ ਨੇ ਇਹ ਟੂਰਨਾਮੈਂਟ 2015 ਵਿੱਚ ਸ਼ੁਰੂ ਕੀਤਾ ਸੀ। ਉਦੋਂ ਤੋਂ ਇਸ ਟੂਰਨਾਮੈਂਟ ਦੀ ਪ੍ਰਸਿੱਧੀ ਵਧ ਰਹੀ ਹੈ। ਹੁਣ ਤਕਰੀਬਨ 40 ਸੰਸਥਾਵਾਂ, ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਨੇ, ਕ੍ਰਿਕਟ ਨੂੰ ਗੰਭੀਰਤਾ ਨਾਲ ਲੈਣਾ ਸ਼ੁਰੂ ਕਰ ਦਿੱਤਾ ਹੈ।
ਫਾਈਨਲ ਮੈਚ ਵਿੱਚ, ਪਿਛਲੇ ਚੈਂਪੀਅਨ ਟੋਰਾਂਟੋ ਮੈਟਰੋਪੋਲੀਟਨ ਯੂਨੀਵਰਸਿਟੀ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਚੰਗੀ ਸ਼ੁਰੂਆਤ ਕੀਤੀ ਪਰ ਮੋਮੈਂਟਮ ਬਰਕਰਾਰ ਨਹੀਂ ਰੱਖ ਸਕੀ। ਅਰਜੁਨ ਨਗਪਾਲ (2 ਵਿਕਟਾਂ 18 ਦੌੜਾਂ) ਅਤੇ ਜੈ ਪਟੇਲ (2 ਵਿਕਟਾਂ 16 ਦੌੜਾਂ) ਨੇ ਵਧੀਆ ਗੇਂਦਬਾਜ਼ੀ ਕੀਤੀ। ਟੋਰਾਂਟੋ ਮੈਟਰੋਪੋਲੀਟਨ ਦੀ ਟੀਮ 142 ਰਨ ਬਣਾ ਸਕੀ, ਜਿਸਦਾ ਕਰੈਡਿਟ ਓਪਨਰ ਇਸਾਇਆ ਫਰਨਾਂਡਿਸ ਦੀ ਨਾਟਆਊਟ ਹਾਫ਼-ਸੈਂਚੁਰੀ ਨੂੰ ਜਾਂਦਾ ਹੈ। ਆਖਰੀ ਗੇਂਦ 'ਤੇ ਮੈਕਸਿਮਮ ਲਗਾ ਕੇ ਉਨ੍ਹਾਂ ਨੇ ਆਪਣੀ ਹਾਫ਼-ਸੈਂਚੁਰੀ ਪੂਰੀ ਕੀਤੀ। ਉਨ੍ਹਾਂ ਨੂੰ ਆਰਵ ਤੋਂ ਭਰਪੂਰ ਸਮਰਥਨ ਮਿਲਿਆ, ਜਿਨ੍ਹਾਂ ਨੇ ਸ਼ਾਨਦਾਰ 30 ਦੌੜਾਂ ਬਣਾਈਆਂ।
142 ਦੇ ਟੀਚੇ ਨੂੰ ਚੇਜ਼ ਕਰਦਿਆਂ, ਟੋਰਾਂਟੋ ਯੂਨੀਵਰਸਿਟੀ ਦੀ ਟੀਮ ਕੁਨਾਲ (2 ਲਈ 12) ਅਤੇ ਸ਼ਾਜ਼ਿਲ ਸੁਲਮਾਨ (3 ਲਈ 14) ਦੀਆਂ ਚਾਲਾਂ ਦਾ ਸ਼ਿਕਾਰ ਹੋਈ। ਸਾਅਦ ਉਰ ਰਹਮਾਨ (32) ਅਤੇ ਈਰਾਨ ਮਾਲਿਡੁਵਾਪਥੀਰਾਨਾ (21) ਨੇ ਮੁਕਾਬਲਾ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਟੀਮ ਹਾਰ ਗਈ।
ਹਾਰਨ ਵਾਲੀਆਂ ਸੈਮੀ-ਫਾਈਨਲਿਸਟ ਟੀਮਾਂ ਵਿਚਕਾਰ ਹੋਏ ਮੈਚ ਵਿੱਚ, ਓਂਟਾਰੀਓ ਟੈਕ ਯੂਨੀਵਰਸਿਟੀ ਦੇ ਫ਼ਿਆਜ਼ ਅਹਮਦ ਮੋਮੰਦ (75 ਨਾਟਆਊਟ) ਅਤੇ ਹਰੀਅੰਸ਼ ਚੌਧਰੀ (25 ਨਾਟਆਊਟ) ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ 116 ਦੌੜਾਂ ਦਾ ਟਾਰਗੇਟ ਸਿਰਫ 8.5 ਓਵਰ ਵਿੱਚ ਹਾਸਲ ਕਰ ਲਿਆ। ਬਰਾਕ ਯੂਨੀਵਰਸਿਟੀ 18.1 ਓਵਰ ਵਿੱਚ 115 ਦੌੜਾਂ ਬਣਾਕੇ ਆਲ ਆਊਟ ਹੋ ਗਈ।
Related
.jpg)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login