ADVERTISEMENTs
ਕਾਂਗਰਸਮੈਨ ਥਾਨੇਦਾਰ ਨੇ ਪ੍ਰਵਾਸੀ ਵਿਰੋਧੀ ਬਿਆਨ 'ਤੇ ਪ੍ਰਤੀਨਿਧੀ ਓਗਲਸ ਦੀ ਕੀਤੀ ਨਿੰਦਾ
ਓਗਲਸ ਨੇ ਮਮਦਾਨੀ ਨੂੰ "ਲਿਟਲ ਮੁਹੰਮਦ" ਕਿਹਾ ਅਤੇ ਉਸਨੂੰ "ਇੱਕ ਯਹੂਦੀ ਵਿਰੋਧੀ, ਸਮਾਜਵਾਦੀ, ਕਮਿਊਨਿਸਟ" ਦੱਸਿਆ।
-
1749497506.png)
ਮਾਲਵਿਕਾ ਚੌਧਰੀ - Sat, 28, Jun 2025
- 03:05 EDT
- 16
ਕਾਂਗਰਸਮੈਨ ਸ਼੍ਰੀ ਥਾਨੇਦਾਰ ਨੇ ਪ੍ਰਤੀਨਿਧੀ ਐਂਡੀ ਓਗਲਸ ਦੀ ਨਿੰਦਾ ਕਰਨ ਲਈ ਇੱਕ ਮਤਾ ਪੇਸ਼ ਕੀਤਾ, ਜਿਸ ਦੇ ਬੋਲਾਂ ਨੂੰ ਉਸਨੇ ਨਿਊਯਾਰਕ ਦੇ ਮੇਅਰ ਪ੍ਰਾਇਮਰੀ ਜੇਤੂ ਜ਼ੋਹਰਾਨ ਮਮਦਾਨੀ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਇੱਕ "ਨਫ਼ਰਤ ਭਰੀ, ਪ੍ਰਵਾਸੀ ਵਿਰੋਧੀ ਟਿੱਪਣੀ" ਦੱਸਿਆ।
ਇਹ ਮਤਾ, ਓਗਲਸ ਦੁਆਰਾ ਯੂਗਾਂਡਾ ਵਿੱਚ ਜਨਮੇ ਅਮਰੀਕੀ ਨਾਗਰਿਕ ਮਮਦਾਨੀ 'ਤੇ ਵਾਰ-ਵਾਰ ਹਮਲੇ ਕਰਨ ਤੋਂ ਬਾਅਦ ਲਿਆਂਦਾ ਗਿਆ ਹੈ, ਉਸਨੂੰ "ਲਿਟਲ ਮੁਹੰਮਦ" ਕਿਹਾ ਗਿਆ ਅਤੇ "ਇੱਕ ਯਹੂਦੀ ਵਿਰੋਧੀ, ਸਮਾਜਵਾਦੀ, ਕਮਿਊਨਿਸਟ" ਦੱਸਿਆ ਗਿਆ।
26 ਜੂਨ ਨੂੰ ਹਾਊਸ ਫਲੋਰ 'ਤੇ ਬੋਲਦੇ ਹੋਏ, ਥਾਨੇਦਾਰ ਨੇ ਓਗਲਸ ਦੀ ਭਾਸ਼ਾ ਦੀ "ਪ੍ਰਵਾਸੀ ਵਿਰੋਧੀ ਨਸਲਵਾਦੀ ਬਿਆਨ" ਵਜੋਂ ਨਿੰਦਾ ਕੀਤੀ ਅਤੇ ਕਿਹਾ ਕਿ ਅਜਿਹੀ ਕੱਟੜਤਾ ਦੀ "ਅਮਰੀਕਾ ਵਿੱਚ ਕੋਈ ਥਾਂ ਨਹੀਂ ਹੈ।" ਉਸਨੇ ਅਜਿਹਾ ਕਹਿੰਦਿਆਂ ਅਮਰੀਕਾ ਵਿੱਚ ਪ੍ਰਵਾਸੀਆਂ ਦੇ ਯੋਗਦਾਨ ਨੂੰ ਪੇਸ਼ ਕੀਤਾ।
"ਅਮਰੀਕੀ ਇਤਿਹਾਸ ਦੌਰਾਨ, ਹਰ ਕਿਸਮ ਦੇ ਪ੍ਰਵਾਸੀਆਂ ਨੇ ਸਾਡੇ ਦੇਸ਼ ਨੂੰ ਮਹਾਨ ਬਣਾਇਆ ਹੈ। ਜਦੋਂ ਪ੍ਰਵਾਸੀਆਂ 'ਤੇ ਹਮਲਾ ਹੁੰਦਾ ਹੈ ਤਾਂ ਮੈਂ ਚੁੱਪ ਨਹੀਂ ਰਹਾਂਗਾ," ਉਸਨੇ ਅੱਗੇ ਕਿਹਾ।
ਓਗਲਸ ਨੇ ਮਮਦਾਨੀ ਨੂੰ ਦੇਸ਼ ਨਿਕਾਲਾ ਦੇਣ ਦੀ ਮੰਗ ਕੀਤੀ ਸੀ ਅਤੇ ਸੰਯੁਕਤ ਰਾਜ ਦੇ ਅਟਾਰਨੀ ਜਨਰਲ ਨੂੰ ਇੱਕ ਪੱਤਰ ਭੇਜਿਆ ਜਿਸ ਵਿੱਚ ਇਸ ਗੱਲ ਦੀ ਜਾਂਚ ਦੀ ਅਪੀਲ ਕੀਤੀ ਗਈ ਕਿ ਕੀ ਮਮਦਾਨੀ ਦੀ ਨਾਗਰਿਕਤਾ "ਗਲਤ ਪੇਸ਼ਕਾਰੀ" ਦੁਆਰਾ ਪ੍ਰਾਪਤ ਕੀਤੀ ਗਈ ਸੀ।
25 ਜੂਨ ਨੂੰ ਡੈਮੋਕ੍ਰੇਟਿਕ ਪ੍ਰਾਇਮਰੀ ਜਿੱਤਣ ਵਾਲੇ ਮਮਦਾਨੀ, ਨਿਊਯਾਰਕ ਸਿਟੀ ਦੇ ਮੇਅਰ ਲਈ ਇੱਕ ਪ੍ਰਮੁੱਖ-ਪਾਰਟੀ ਨਾਮਜ਼ਦਗੀ ਪ੍ਰਾਪਤ ਕਰਨ ਵਾਲੇ ਪਹਿਲੇ ਦੱਖਣੀ ਏਸ਼ੀਆਈ ਅਤੇ ਮੁਸਲਿਮ ਉਮੀਦਵਾਰ ਹਨ। ਉਹ 2018 ਵਿੱਚ ਇੱਕ ਅਮਰੀਕੀ ਨਾਗਰਿਕ ਬਣੇ ਸਨ।
ਇਸ ਘਟਨਾ ਨੇ ਸਖ਼ਤ ਪ੍ਰਤੀਕਿਰਿਆ ਪੈਦਾ ਕੀਤੀ ਹੈ, ਕਈ ਸੰਗਠਨਾਂ ਨੇ ਓਗਲਸ ਦੀ ਬਿਆਨਬਾਜ਼ੀ ਨੂੰ ਇਸਲਾਮੋਫੋਬਿਕ ਅਤੇ ਖਤਰਨਾਕ ਕਿਹਾ ਹੈ। ਕਈ ਡੈਮੋਕਰੇਟਸ ਨੇ ਥਾਣੇਦਾਰ ਦੀ ਰਸਮੀ ਨਿੰਦਾ ਦੇ ਸੱਦੇ ਦਾ ਸਮਰਥਨ ਕੀਤਾ ਹੈ। ਇਸਦੇ ਨਾਲ ਹੀ ਕਾਨੂੰਨੀ ਮਾਹਿਰਾਂ ਦਾ ਕਹਿਣਾ ਹੈ ਕਿ ਰਾਜਨੀਤਿਕ ਭਾਸ਼ਣ ਦੇ ਆਧਾਰ 'ਤੇ ਨਾਗਰਿਕਤਾ ਰੱਦ ਕਰਨ ਦੀਆਂ ਕੋਸ਼ਿਸ਼ਾਂ ਨੂੰ ਸੰਵਿਧਾਨਕ ਰੁਕਾਵਟਾਂ ਦਾ ਸਾਹਮਣਾ ਕਰਨਾ ਪਵੇਗਾ।
Related
.jpg)
.jpg)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login