ADVERTISEMENTs
-10”-x-5.jpg)
ਕਾਂਗਰਸਮੈਨ ਕ੍ਰਿਸ਼ਨਾਮੂਰਤੀ ਨੇ ਮੈਡੀਕੇਡ ਤੇ SNAP ਕਟੌਤੀਆਂ ਨੂੰ ਬਹਾਲ ਕਰਨ ਲਈ ਚੁੱਕਿਆ ਵੱਡਾ ਕਦਮ
ਵਨ ਬਿਗ ਬਿਊਟੀਫੁਲ ਬਿੱਲ ਐਕਟ ਨੇ ਮੈਡੀਕੇਡ ਫੰਡਿੰਗ ਵਿੱਚ $1 ਟ੍ਰਿਲੀਅਨ ਤੋਂ ਵੱਧ ਤੇ SNAP ਵਿੱਚ $186 ਬਿਲੀਅਨ ਦੀ ਕਟੌਤੀ ਕੀਤੀ
-
1749497506.png)
ਮਾਲਵਿਕਾ ਚੌਧਰੀ - Wed, 27, Aug 2025
- 10:11 EDT
- 13
ਭਾਰਤੀ-ਅਮਰੀਕੀ ਕਾਂਗਰਸਮੈਨ ਰਾਜਾ ਕ੍ਰਿਸ਼ਨਾਮੂਰਤੀ / courtesy photo
ਭਾਰਤੀ-ਅਮਰੀਕੀ ਕਾਂਗਰਸਮੈਨ ਰਾਜਾ ਕ੍ਰਿਸ਼ਨਾਮੂਰਤੀ ਨੇ 26 ਅਗਸਤ ਨੂੰ ਇੱਕ ਕਾਨੂੰਨ ਪੇਸ਼ ਕੀਤਾ, ਜਿਸਦਾ ਮਕਸਦ ਮੈਡੀਕੇਡ ਅਤੇ ਸਪਲੀਮੈਂਟਲ ਨਿਊਟ੍ਰਿਸ਼ਨ ਅਸਿਸਟੈਂਸ ਪ੍ਰੋਗਰਾਮ (SNAP) ‘ਚ ਕੀਤੀਆਂ ਕਟੌਤੀਆਂ ਨੂੰ ਰੱਦ ਕਰਨਾ ਹੈ, ਜਿਹੜੀਆਂ ਰਿਪਬਲਿਕਨਾਂ ਵੱਲੋਂ ਪਾਸ ਕੀਤੇ ਵਨ ਬਿਗ ਬਿਊਟੀਫੁਲ ਬਿੱਲ ਐਕਟ (OBBBA) ਅਧੀਨ ਲਾਗੂ ਕੀਤੀਆਂ ਗਈਆਂ ਸਨ।
"ਬ੍ਰਿੰਗਿੰਗ ਬੈਕ ਬੈਨੀਫਿਟਸ ਐਕਟ" ਨਾਮਕ ਇਹ ਪ੍ਰਸਤਾਵ, ਉਨ੍ਹਾਂ ਪ੍ਰਬੰਧਾਂ ਨੂੰ ਰੱਦ ਕਰਨ ਦੀ ਕੋਸ਼ਿਸ਼ ਕਰਦਾ ਹੈ ਜਿਨ੍ਹਾਂ ਨੂੰ ਆਲੋਚਕ ਦਹਾਕਿਆਂ ਵਿੱਚ ਸਿਹਤ ਸੰਭਾਲ ਅਤੇ ਭੋਜਨ ਸਹਾਇਤਾ 'ਤੇ ਸਭ ਤੋਂ ਵੱਡੇ ਹਮਲੇ ਵਜੋਂ ਵੇਖਦੇ ਹਨ।
ਕ੍ਰਿਸ਼ਨਾਮੂਰਤੀ ਨੇ ਬਿੱਲ ਦਾ ਐਲਾਨ ਕਰਦਿਆਂ ਕਿਹਾ, “ਰਾਸ਼ਟਰਪਤੀ ਟਰੰਪ ਅਤੇ ਕਾਂਗਰਸੀ ਰਿਪਬਲਿਕਨਾਂ ਵੱਲੋਂ ਮੈਡੀਕੇਡ ਅਤੇ SNAP ‘ਚ ਕਟੌਤੀਆਂ ਕਰਕੇ ਸਭ ਤੋਂ ਅਮੀਰ ਲੋਕਾਂ ਲਈ ਟੈਕਸ ਕਟੌਤੀਆਂ ਦੇਣ ਦਾ ਫੈਸਲਾ ਨੈਤਿਕ ਨਾਕਾਮੀ ਅਤੇ ਵੱਡੀ ਗਲਤੀ ਸੀ। ਇਲਿਨੋਇਸ ਅਤੇ ਦੇਸ਼ ਭਰ ਦੇ ਪਰਿਵਾਰ ਪਹਿਲਾਂ ਹੀ ਇਸ ਕਾਨੂੰਨ ਦੇ ਤਬਾਹੀ ਭਰੇ ਅਸਰ ਮਹਿਸੂਸ ਕਰ ਰਹੇ ਹਨ, ਅਤੇ ਸਾਨੂੰ ਹੋਰ ਲੱਖਾਂ ਲੋਕ ਪ੍ਰਭਾਵਿਤ ਹੋਣ ਤੋਂ ਪਹਿਲਾਂ ਹੁਣੇ ਕਾਰਵਾਈ ਕਰਨੀ ਚਾਹੀਦੀ ਹੈ।”
ਜੁਲਾਈ ਵਿੱਚ ਬੈਂਟਨ ਦੇ ਫ੍ਰੈਂਕਲਿਨ ਹਸਪਤਾਲ ਦੇ ਦੌਰੇ ਦੌਰਾਨ, ਕ੍ਰਿਸ਼ਨਾਮੂਰਤੀ ਨੇ ਦੱਸਿਆ ਸੀ ਕਿ ਇਲਿਨੋਇਸ ਭਰ ਦੇ ਨੌਂ ਹਸਪਤਾਲ ਮੈਡੀਕੇਡ ਕਟੌਤੀਆਂ ਕਾਰਨ ਖਤਰੇ ਵਿੱਚ ਹਨ, ਅਤੇ ਇਸ ਕਾਨੂੰਨ ਦੇ ਨਤੀਜੇ ਵਜੋਂ ਰਾਜ ਨੂੰ ਲਗਭਗ $6.73 ਬਿਲੀਅਨ ਦੀ ਫੰਡਿੰਗ ਦਾ ਨੁਕਸਾਨ ਹੋਵੇਗਾ।
ਵਿਸ਼ਲੇਸ਼ਕ ਚੇਤਾਵਨੀ ਦੇ ਰਹੇ ਹਨ ਕਿ OBBBA ਕਾਰਨ 1.4 ਕਰੋੜ ਅਮਰੀਕੀ ਆਪਣੀ ਹੈਲਥਕੇਅਰ ਕਵਰੇਜ ਗਵਾ ਸਕਦੇ ਹਨ ਅਤੇ ਹੋਰ ਲੱਖਾਂ ਨੂੰ ਖੁਰਾਕ ਸਹਾਇਤਾ ਘਟ ਸਕਦੀ ਹੈ। ਇਲਿਨੋਇਸ ਵਿੱਚ ਹੀ ਲਗਭਗ 5.35 ਲੱਖ ਲੋਕਾਂ ਦਾ ਮੈਡੀਕੇਡ ਕਵਰੇਜ ਖਤਰੇ ਵਿੱਚ ਹੈ ਜਦਕਿ 2 ਲੱਖ ਤੋਂ ਵੱਧ ਨੂੰ SNAP ਫ਼ਾਇਦਿਆਂ ਵਿੱਚ ਕਟੌਤੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਲੰਬੇ ਸਮੇਂ ਦੀ ਦੇਖਭਾਲ ਦੇਣ ਵਾਲੇ, ਨਰਸਿੰਗ ਹੋਮ ਅਤੇ ਹਸਪਤਾਲ ਸਭ ਤੋਂ ਵੱਧ ਮਾਰ ਸਹਿਣਗੇ, ਕੁਝ ਸਹੂਲਤਾਂ ਤਾਂ ਬੰਦ ਹੋਣ ਦੇ ਖਤਰੇ ਵਿੱਚ ਹਨ।
SNAP ਦੇ ਪ੍ਰਬੰਧਾਂ ਨੇ ਵਧੇਰੇ ਖਰਚ ਰਾਜਾਂ ‘ਤੇ ਧੱਕ ਦਿੱਤੇ ਹਨ, ਯੋਗਤਾ ਮਾਪਦੰਡ ਸਖਤ ਕਰ ਦਿੱਤੇ ਹਨ ਅਤੇ ਪੋਸ਼ਣ ਸਿੱਖਿਆ ਪ੍ਰੋਗਰਾਮਾਂ ਲਈ ਫੰਡਿੰਗ ਘਟਾਈ ਹੈ। ਮਾਹਿਰਾਂ ਅਨੁਸਾਰ ਇਹ ਬਦਲਾਅ ਘੱਟ-ਆਮਦਨੀ ਵਾਲੇ ਘਰਾਂ ਵਿੱਚ ਭੁੱਖਮਰੀ ਦੇ ਸੰਕਟ ਨੂੰ ਹੋਰ ਵਧਾ ਸਕਦੇ ਹਨ। ਮਾਹਿਰ ਅਨੁਮਾਨ ਲਗਾ ਰਹੇ ਹਨ ਕਿ ਇਹ ਕਟੌਤੀਆਂ 1.2 ਕਰੋੜ ਹੋਰ ਲੋਕਾਂ ਨੂੰ ਬੀਮਾ ਰਹਿਤ ਕਰ ਸਕਦੀਆਂ ਹਨ ਅਤੇ 78 ਲੱਖ ਲੋਕਾਂ ਨੂੰ ਮੈਡੀਕੇਡ ਤੋਂ ਬਾਹਰ ਕਰ ਸਕਦੀਆਂ ਹਨ।
Related
 (1).png)
 (1).jpg)
.png)
.png)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login