ADVERTISEMENT
ADVERTISEMENT
કેલિફોર્નિયામાં ભારતીય મૂળના વ્યક્તિના ઘરે ગોળીબારની જવાબદારી ભારતીય ગેંગે સ્વીકારી
હુમલાખોરોએ સોશિયલ મીડિયા પર પોસ્ટ શેર કરીને હુમલાની જવાબદારી લીધી અને વધુ ધમકીઓ આપી
-
જેફીન કલિકાલ - Thu, 04, Dec 2025
- 04:05 EST
- 17
પ્રતીકાત્મક તસ્વીર / Wikimedia commons
ભારતીય ગેંગસ્ટર રોહિત ગોદારા સાથે સંકળાયેલા બે વ્યક્તિઓએ ભારતીય મૂળના રાકેશ રાજદેવના કેલિફોર્નિયા સ્થિત ઘર પર ગોળીબાર કરવાની જવાબદારી સ્વીકારી છે.
સોશિયલ મીડિયા પર શેર કરવામાં આવેલી પોસ્ટમાં આરોપ લગાવાયો છે કે રાકેશ રાજદેવ વોન્ટેડ ગુનેગાર સૌરવ મહાકાલ સાથે જોડાયેલો છે અને પાકિસ્તાનની ગુપ્તચર એજન્સી આઈએસઆઈને નાણાં પૂરાં પાડે છે.
પોતાની ઓળખ મહેન્દ્ર ડેલાના અને રાહુલ રીનૌ તરીકે આપતાં આ બંનેએ લખ્યું છે કે, “કેલિફોર્નિયામાં રાકેશ રાજદેવના ઘરે થયેલા ગોળીબારની સંપૂર્ણ જવાબદારી અમે લઈએ છીએ. અમે બધાને જણાવવા માંગીએ છીએ કે મહાદેવ બુક (ઓનલાઇન સટ્ટાબાજી પ્લેટફોર્મ) ચલાવતો સૌરવ અને પોતાને મોટો સટ્ટેબાજ ગણતો રાકેશ રાજદેવ પાકિસ્તાનને નાણાં પૂરાં પાડે છે.”
આ બંનેએ વધુ હિંસાની ધમકીઓ આપતાં લખ્યું છે કે, “જો તમે પોતાને સુધારી નહીં લો તો પરિણામ ખૂબ જ ગંભીર હશે.”
તેમણે ઉમેર્યું હતું કે, “જો તમે પોતાના દેશ પ્રત્યે વફાદાર નહીં રહો તો કોના પ્રત્યે વફાદાર રહેશો? પાકિસ્તાનને નાણાં પૂરાં પાડનાર કોઈપણ સટ્ટેબાજ અમારો દુશ્મન ગણાશે.”
સૌરવ મહાકાલને પણ મોતની ધમકી આપવામાં આવી છે કે તે કેટલાય પણ ગનમેન રાખે, તેનાથી કોઈ ફરક નહીં પડે.
રોહિત ગોદારા ગેંગ લોરન્સ બિશ્નોઈ અને ગોલ્ડી બ્રાર સાથે મળીને આંતરરાષ્ટ્રીય સ્તરે હિંસાની ઘટનાઓને અંજામ આપી રહી છે. કેનેડા, અમેરિકા, દુબઈ અને ફિલિપાઇન્સમાં કોન્ટ્રાક્ટ કિલિંગ અને ગોળીબારની ઘટનાઓ નોંધાઈ છે.
ઓક્ટોબર ૨૦૨૫માં પણ ગોદારા ગેંગના ત્રણ સભ્યોએ કેનેડામાં એક ટાર્ગેટેડ ગોળીબારની જવાબદારી લઈને ચેતવણી આપી હતી કે “આ તો માત્ર શરૂઆત છે.”
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login