ADVERTISEMENTs
ਟਰੰਪ ਨੇ ਬਾਲ ਕੈਂਸਰ ਖੋਜ ਨੂੰ ਤੇਜ਼ ਕਰਨ ਲਈ AI ਦੀ ਵਰਤੋਂ ਕਰਨ ਵਾਲੇ ਆਦੇਸ਼ 'ਤੇ ਕੀਤੇ ਦਸਤਖ਼ਤ
ਇਸ ਐਲਾਨ ਤੋਂ ਬਾਅਦ ਫੈਡਰਲ ਸਰਕਾਰ ਬੱਚਿਆਂ ਦੇ ਕੈਂਸਰ ਲਈ ਇਲਾਜ, ਉਪਚਾਰ ਅਤੇ ਰੋਕਥਾਮ ਦੀ ਖੋਜ ਨੂੰ AI ਰਾਹੀਂ ਹੋਰ ਤੇਜ਼ ਕਰ ਸਕਦੀ ਹੈ।
-
ਲਲਿਤ ਕੇ ਝਾਅ (5WH) - Wed, 01, Oct 2025
- 05:17 EDT
- 4
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ / Screengrab
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਇੱਕ ਕਾਰਜਕਾਰੀ ਹੁਕਮ 'ਤੇ ਦਸਤਖ਼ਤ ਕੀਤੇ, ਜਿਸ ਰਾਹੀਂ ਫੈਡਰਲ ਸਰਕਾਰ ਨੂੰ ਬੱਚਿਆਂ ਦੇ ਕੈਂਸਰ ਲਈ ਇਲਾਜ, ਉਪਚਾਰ ਅਤੇ ਰੋਕਥਾਮ ਦੀ ਖੋਜ ਨੂੰ ਤੇਜ਼ ਕਰਨ ਲਈ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੀ ਵਰਤੋਂ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ, ਇਸ ਨਾਲ 2019 ਵਿੱਚ ਸ਼ੁਰੂ ਕੀਤੇ ਗਏ ਇੱਕ ਪ੍ਰੋਗਰਾਮ ਵਿੱਚ ਨਿਵੇਸ਼ ਦੁੱਗਣਾ ਹੋ ਗਿਆ ਹੈ।
ਇਸਨੂੰ "ਇਤਿਹਾਸਕ ਕਾਰਜਕਾਰੀ ਹੁਕਮ" ਕਰਾਰ ਦਿੰਦਿਆਂ, ਟਰੰਪ ਨੇ ਕਿਹਾ ਕਿ ਇਹ ਬਾਲ ਕੈਂਸਰ ਖੋਜ ਦਾ ਵਿਸਥਾਰ ਕਰੇਗਾ। ਉਨ੍ਹਾਂ ਨੇ ਵਾਅਦਾ ਕੀਤਾ ਕਿ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੀ ਮਦਦ ਨਾਲ ਫਾਸਟਰ ਡਾਇਗਨੋਸਿਸ, ਜ਼ਿਆਦਾ ਸਟੀਕ ਇਲਾਜ ਅਤੇ ਅੰਤ ਵਿੱਚ ਇਸ ਬੀਮਾਰੀ ਲਈ ਇਲਾਜ ਲੱਭਣ ਦਾ ਵਾਅਦਾ ਕੀਤਾ। ਇਹ ਰੋਗ ਅਮਰੀਕੀ ਬੱਚਿਆਂ ਵਿੱਚ ਬੀਮਾਰੀ ਨਾਲ ਸੰਬੰਧਤ ਮੌਤਾਂ ਦਾ ਸਭ ਤੋਂ ਵੱਡਾ ਕਾਰਨ ਬਣਿਆ ਹੋਇਆ ਹੈ।
ਬੱਚਿਆਂ, ਮਾਪਿਆਂ ਅਤੇ ਸਿਹਤ ਅਧਿਕਾਰੀਆਂ ਨਾਲ ਘਿਰੇ ਵ੍ਹਾਈਟ ਹਾਊਸ ਦੇ ਸਮਾਗਮ ਵਿੱਚ ਟਰੰਪ ਨੇ ਕਿਹਾ, “ਅਸੀਂ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਨੂੰ ਉਨ੍ਹਾਂ ਸਾਰੀਆਂ ਚੀਜ਼ਾਂ ਨਾਲ ਜੋੜਨ ਜਾ ਰਹੇ ਹਾਂ ਜੋ ਸਾਡੇ ਕੋਲ ਹਨ, ਅਤੇ ਅਸੀਂ ਜਵਾਬ ਲੱਭਾਂਗੇ।” “ਮੈਂ ਬਾਲ ਕੈਂਸਰ ਖੋਜ ਨੂੰ ਵੱਡੇ ਪੱਧਰ 'ਤੇ ਤੇਜ਼ ਕਰਨ ਅਤੇ ਇਸ ਭਿਆਨਕ ਬਿਮਾਰੀ ਨਾਲ ਲੜਨ ਲਈ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੀ ਅਸਾਧਾਰਨ ਸਮਰੱਥਾ ਨੂੰ ਵਰਤਣ ਲਈ ਇੱਕ ਬਹੁਤ ਹੀ ਇਤਿਹਾਸਕ ਕਾਰਜਕਾਰੀ ਆਦੇਸ਼ 'ਤੇ ਦਸਤਖ਼ਤ ਕਰਕੇ ਬਹੁਤ ਖੁਸ਼ ਹਾਂ।”
ਇਹ ਹੁਕਮ ਚਾਈਲਡਹੁੱਡ ਕੈਂਸਰ ਡਾਟਾ ਇਨੀਸ਼ਿਏਟਿਵ 'ਤੇ ਆਧਾਰਿਤ ਹੈ, ਜੋ ਕਿ 2019 ਵਿੱਚ ਸ਼ੁਰੂ ਕੀਤਾ ਗਿਆ ਸੀ ਅਤੇ ਜਿਸ ਲਈ ਹਰ ਸਾਲ $50 ਮਿਲੀਅਨ ਰੁਪਏ ਦਾ ਨਿਵੇਸ਼ ਕੀਤਾ ਜਾਂਦਾ ਹੈ। ਟਰੰਪ ਨੇ ਐਲਾਨ ਕੀਤਾ ਕਿ ਇਸ ਸਾਲ ਇਸ ਫੰਡ ਨੂੰ ਦੁੱਗਣਾ ਕਰਕੇ ਹੋਰ $50 ਮਿਲੀਅਨ ਦਿੱਤੇ ਜਾਣਗੇ। ਉਨ੍ਹਾਂ ਕਿਹਾ ਕਿ ਤਾਜ਼ਾ ਨਿਵੇਸ਼ (fresh infusion) ਦਾ ਮਤਲਬ ਖੋਜ ਨੂੰ ਸੁਪਰਚਾਰਜ ਕਰਨਾ ਅਤੇ AI ਨੂੰ "ਅਮਰੀਕਾ ਵਿੱਚ ਸਿਹਤ ਸੰਭਾਲ ਵਿੱਚ ਨਵੀਨਤਾ ਦਾ ਪਹਿਲਾ ਕੇਂਦਰ" ਬਣਾਉਣਾ ਹੈ।
ਰੋਬਰਟ ਐਫ. ਕੈਨੇਡੀ ਜੂਨੀਅਰ, ਜੋ ਕਿ ਅਮਰੀਕਾ ਦੇ ਸਿਹਤ ਅਤੇ ਮਨੁੱਖੀ ਸੇਵਾਵਾਂ ਵਿਭਾਗ ਦੇ ਸਕੱਤਰ ਹਨ, ਨੇ ਇਸ ਕਦਮ ਦੀ ਤਾਰੀਫ਼ ਕਰਦੇ ਹੋਏ ਇਸਨੂੰ "ਇਤਿਹਾਸਕ ਵਾਅਦਾ" ਕਰਾਰ ਦਿੱਤਾ। ਉਨ੍ਹਾਂ ਦੱਸਿਆ ਕਿ 1975 ਤੋਂ ਲੈ ਕੇ ਹੁਣ ਤੱਕ ਬੱਚਿਆਂ ਵਿੱਚ ਕੈਂਸਰ ਦੇ ਕੇਸ 40% ਤੋਂ ਵੱਧ ਗਏ ਹਨ। "ਅਸੀਂ ਇਸਨੂੰ ਸਵੀਕਾਰ ਨਹੀਂ ਕਰ ਸਕਦੇ, ਸਾਨੂੰ ਤੁਰੰਤ ਕਾਰਵਾਈ ਕਰਨੀ ਹੋਵੇਗੀ।” ਉਨ੍ਹਾਂ ਕਿਹਾ ਕਿ ਇਹ ਹੁਕਮ ਅਮਰੀਕਾ ਦੇ ਚੋਟੀ ਦੇ ਸਾਇੰਸ ਅਤੇ ਤਕਨਾਲੋਜੀ ਨੇਤਾਵਾਂ ਲਈ ਇੱਕ ਸਿੱਧਾ ਨਿਰਦੇਸ਼ ਹੈ ਕਿ ਉਹ ਕੈਂਸਰ ਦੇ ਇਲਾਜ ਅਤੇ ਖੋਜ ਵਿੱਚ AI ਨੂੰ ਲਾਗੂ ਕਰਨ—ਜਿਸ ਰਾਹੀਂ ਡੇਟਾ ਸਿਸਟਮ ਵਧਾਏ ਜਾਣ, ਗੁੰਝਲਦਾਰ ਜੀਵ ਵਿਗਿਆਨ ਨੂੰ ਸਮਝਿਆ ਜਾਵੇ ਅਤੇ ਪ੍ਰਭਾਵਸ਼ਾਲੀ ਕਲੀਨੀਕਲ ਟ੍ਰਾਇਲਜ਼ ਬਣਾਏ ਜਾਣ।
ਨੈਸ਼ਨਲ ਇੰਸਟੀਚਿਊਟਸ ਆਫ਼ ਹੈਲਥ ਦੇ ਡਾਇਰੈਕਟਰ, ਜੇ ਭੱਟਾਚਾਰੀਆ ਨੇ ਕਿਹਾ ਕਿ ਇਹ ਪਹਿਲ “ਸਿਰਫ ਡੇਟਾ ਇਕੱਠਾ ਕਰਨ ਬਾਰੇ ਨਹੀਂ, ਸਗੋਂ ਪਰਿਵਾਰਾਂ ਨੂੰ ਆਸ ਦੇਣ ਬਾਰੇ ਹੈ।” ਉਨ੍ਹਾਂ ਨੇ ਆਪਣੇ ਵਿਦਿਆਰਥੀ ਦਿਨਾਂ ਦੌਰਾਨ ਬੱਚਿਆਂ ਦੇ ਕੈਂਸਰ ਵਾਰਡ ਵਿੱਚ ਕੰਮ ਕਰਨ ਦਾ ਅਨੁਭਵ ਸਾਂਝਾ ਕੀਤਾ। ਭੱਟਾਚਾਰੀਆ ਨੇ ਕਿਹਾ, "ਮੈਂ ਦੇਖਿਆ ਕਿ ਬੱਚੇ ਕਿਵੇਂ ਇਸ ਮਾਰੂ ਰੋਗ ਨਾਲ ਡੱਟ ਕੇ ਲੜਦੇ ਹਨ। ਉਹਨਾਂ ਨੂੰ ਖੇਡਣਾ ਚਾਹੀਦਾ ਹੈ, ਸਕੂਲ ਜਾਣਾ ਚਾਹੀਦਾ ਹੈ, ਆਪਣੀ ਸਭ ਤੋਂ ਵਧੀਆ ਜ਼ਿੰਦਗੀ ਜੀਉਣੀ ਚਾਹੀਦੀ ਹੈ। ਪਰ ਉਹ ਬਹਾਦਰੀ ਨਾਲ ਕੈਂਸਰ ਦਾ ਸਾਹਮਣਾ ਕਰਦੇ ਹਨ।” ਉਨ੍ਹਾਂ ਅੱਗੇ ਕਿਹਾ ਕਿ AI "ਇੱਕ ਅਜਿਹਾ ਭਵਿੱਖ ਬਣਾਉਣ ਵਿੱਚ ਮਦਦ ਕਰ ਸਕਦਾ ਹੈ ਜਿੱਥੇ ਹਰ ਬੱਚੇ ਦਾ ਡਾਟਾ ਫਾਸਟਰ ਡਾਇਗਨੋਸਿਸ ਅਤੇ ਬਿਹਤਰ ਬਚਾਅ ਵਿੱਚ ਯੋਗਦਾਨ ਪਾਉਂਦਾ ਹੈ।"
ਇਸ ਸਮਾਰੋਹ ਵਿੱਚ ਹੋਰ ਕਈ ਉਚ ਅਧਿਕਾਰੀ ਵੀ ਮੌਜੂਦ ਸਨ। ਇਹ ਸਮਾਰੋਹ ਉਸ ਵੇਲੇ ਭਾਵੁਕ ਹੋ ਗਿਆ ਜਦੋਂ ਮਾਪਿਆਂ ਅਤੇ ਬੱਚਿਆਂ ਨੇ ਕੈਂਸਰ ਨਾਲ ਆਪਣੀ ਜੰਗ ਦੀਆਂ ਕਹਾਣੀਆਂ ਸਾਂਝੀਆਂ ਕੀਤੀਆਂ। ਵੈਸਟ ਵਰਜੀਨੀਆ ਤੋਂ ਜੌਸ਼ ਆਰਮਸਟ੍ਰਾਂਗ, ਜਿਨ੍ਹਾਂ ਦੀ ਛੋਟੀ ਧੀ ਨੂੰ ਲਿਊਕੀਮੀਆ ਹੋਇਆ ਸੀ, ਨੇ ਰਾਸ਼ਟਰਪਤੀ ਨੂੰ ਕਿਹਾ, "ਤੁਸੀਂ ਅੱਜ ਜੋ ਕਰ ਰਹੇ ਹੋ, ਉਹ ਮਾਪਿਆਂ ਅਤੇ ਬੱਚਿਆਂ ਨੂੰ ਸਭ ਤੋਂ ਵੱਧ ਲੋੜੀਦੀ ਚੀਜ਼ ਦਿੰਦਾ ਹੈ—ਉਮੀਦ।" ਇਸਦੇ ਨਾਲ ਹੀ ਇਕ 16 ਸਾਲਾ ਕੈਰੋਲਿਨ ਹੈਂਡ੍ਰਿਕਸ, ਜੋ ਹੱਡੀਆਂ ਦੇ ਕੈਂਸਰ ਨਾਲ ਲੜ ਦੇ ਜਿੱਤੀ ਹੈ, ਨੇ ਕਿਹਾ, "ਰਾਸ਼ਟਰਪਤੀ, ਤੁਸੀਂ ਅੱਜ ਜੋ ਕਰ ਰਹੇ ਹੋ, ਉਹ ਇਸ ਗੱਲ ਦਾ ਸੰਕੇਤ ਹੈ ਕਿ ਮੇਰੇ ਵਰਗੇ ਬੱਚਿਆਂ ਨੂੰ ਹੁਣ ਬਿਹਤਰ ਵਿਕਲਪ ਮਿਲਣਗੇ ਅਤੇ ਭਵਿੱਖ ਲਈ ਵਧੇਰੇ ਉਮੀਦ ਵੀ ਮਿਲੇਗੀ।" ਇਸ ਤੋਂ ਇਲਾਵਾ ਕਈ ਹੋਰ ਲੋਕਾਂ ਨੇ ਵੀ ਕੈਂਸਰ ਨਾਲ ਸਬੰਧਤ ਆਪਣੀਆਂ ਕਹਾਣੀਆਂ ਸਾਰਿਆਂ ਦੇ ਸਾਹਮਣੇ ਰੱਖੀਆਂ।
ਟਰੰਪ ਨੇ ਕਿਹਾ ਕਿ ਅਮਰੀਕਾ "AI ਵਿੱਚ ਅਗਵਾਈ ਕਰ ਰਿਹਾ ਹੈ... ਚੀਨ ਨਾਲੋਂ ਕਾਫੀ ਅੱਗੇ ਹੈ," ਅਤੇ ਇਸ ਨਵੀਂ ਪਹਿਲ ਨੂੰ ਨਿਰਣਾਇਕ ਕਰਾਰ ਦਿੱਤਾ। ਉਨ੍ਹਾਂ ਐਲਾਨ ਕੀਤਾ, “ਅਸੀਂ ਬੱਚਿਆਂ ਦੇ ਕੈਂਸਰ ਨੂੰ ਸਦਾ ਲਈ ਹਰਾ ਦੇਵਾਂਗੇ।"
Related
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
Video
Comments
Start the conversation
Become a member of New India Abroad to start commenting.
Sign Up Now
Already have an account? Login