ADVERTISEMENT
ADVERTISEMENT
ਲਿੰਡਸੀ ਗ੍ਰਾਹਮ ਦੀ ਭੈਣ ਨੂੰ ਅਮਰੀਕੀ ਸੈਨੇਟ ਦੀ ਖਾਲੀ ਸੀਟ ਸੌਂਪਣ ਲਈ ਟਰੰਪ ਨੇ ਕੀਤੀ ਸਿਫ਼ਾਰਸ਼
ਰਿਪਬਲਿਕਨ ਸੈਨੇਟਰ ਲਿੰਡਸੀ ਗ੍ਰਾਹਮ ਦੇ ਦਿਹਾਂਤ ਮਗਰੋਂ ਦੱਖਣੀ ਕੈਰੋਲੀਨਾ ਦੇ ਗਵਰਨਰ ਨੂੰ ਦਰਲਾਈਨ ਗ੍ਰਾਹਮ ਨੋਰਡੋਨ ਨੂੰ ਅੰਤਰਿਮ ਸੈਨੇਟਰ ਨਿਯੁਕਤ ਕਰਨ ਦੀ ਅਪੀਲ
-
ਏਐੱਫਪੀ - Tue, 14, Jul 2026
- 04:10 EDT
- 35
ਲਿੰਡਸੀ ਗ੍ਰਾਹਮ / X/ LindseyGrahamSC
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ 13 ਜੁਲਾਈ ਨੂੰ ਦੱਖਣੀ ਕੈਰੋਲੀਨਾ ਦੇ ਗਵਰਨਰ ਨੂੰ ਅਪੀਲ ਕੀਤੀ ਕਿ ਉਹ ਰਿਪਬਲਿਕਨ ਪਾਰਟੀ ਦੇ ਸੈਨੇਟਰ ਲਿੰਡਸੀ ਗ੍ਰਾਹਮ ਦੇ ਹੋਏ ਦਿਹਾਂਤ ਤੋਂ ਬਾਅਦ ਅਮਰੀਕੀ ਸੈਨੇਟ ਵਿੱਚ ਖਾਲੀ ਹੋਈ ਸੀਟ ਲਈ ਉਨ੍ਹਾਂ ਦੀ ਭੈਣ ਨੂੰ ਅੰਤਰਿਮ ਸੈਨੇਟਰ ਨਿਯੁਕਤ ਕਰਨ।
ਟਰੰਪ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫ਼ਾਰਮ ਟਰੁਥ ਸੋਸ਼ਲ 'ਤੇ ਲਿਖਿਆ, "ਮੈਂ ਗਵਰਨਰ ਹੈਨਰੀ ਮੈਕਮਾਸਟਰ ਨੂੰ ਸਿਫ਼ਾਰਸ਼ ਕੀਤੀ ਹੈ ਕਿ ਦੱਖਣੀ ਕੈਰੋਲੀਨਾ ਰਾਜ ਤੋਂ ਅੰਤਰਿਮ ਸੈਨੇਟਰ ਵਜੋਂ ਲਿੰਡਸੀ ਗ੍ਰਾਹਮ ਦੀ ਭੈਣ ਦਰਲਾਈਨ ਨੂੰ ਨਿਯੁਕਤ ਕੀਤਾ ਜਾਵੇ।"
ਉਨ੍ਹਾਂ ਅੱਗੇ ਲਿਖਿਆ, "ਇਹ ਲਿੰਡਸੀ ਲਈ ਇੱਕ ਸ਼ਾਨਦਾਰ ਸ਼ਰਧਾਂਜਲੀ ਹੋਵੇਗੀ, ਜੋ ਆਪਣੀ ਭੈਣ ਨੂੰ ਬਹੁਤ ਪਿਆਰ ਕਰਦੇ ਸਨ।"
ਵਿਦੇਸ਼ ਨੀਤੀ ਦੇ ਮਜ਼ਬੂਤ ਸਮਰਥਕ ਅਤੇ ਟਰੰਪ ਦੇ ਕਰੀਬੀ ਸਹਿਯੋਗੀ ਲਿੰਡਸੀ ਗ੍ਰਾਹਮ ਦਾ ਹਫ਼ਤੇ ਦੇ ਅੰਤ ਵਿੱਚ 71 ਸਾਲ ਦੀ ਉਮਰ ਵਿੱਚ ਅਚਾਨਕ ਦਿਹਾਂਤ ਹੋ ਗਿਆ ਸੀ। ਉਨ੍ਹਾਂ ਦੇ ਦਿਹਾਂਤ ਤੋਂ ਬਾਅਦ ਗਵਰਨਰ ਹੈਨਰੀ ਮੈਕਮਾਸਟਰ 'ਤੇ ਇਹ ਜ਼ਿੰਮੇਵਾਰੀ ਆ ਗਈ ਹੈ ਕਿ ਉਹ ਜਨਵਰੀ ਵਿੱਚ ਸੈਨੇਟਰ ਦਾ ਕਾਰਜਕਾਲ ਖ਼ਤਮ ਹੋਣ ਤੱਕ ਕਿਸੇ ਵਿਅਕਤੀ ਨੂੰ ਇਸ ਅਹੁਦੇ ਲਈ ਨਿਯੁਕਤ ਕਰਨ। ਰਿਪਬਲਿਕਨ ਗਵਰਨਰ ਵੱਲੋਂ 13 ਜੁਲਾਈ ਨੂੰ ਹੀ ਆਪਣੇ ਫ਼ੈਸਲੇ ਦਾ ਐਲਾਨ ਕੀਤੇ ਜਾਣ ਦੀ ਉਮੀਦ ਸੀ।
ਲਿੰਡਸੀ ਗ੍ਰਾਹਮ ਨੇ ਕਦੇ ਵਿਆਹ ਨਹੀਂ ਕੀਤਾ ਅਤੇ ਨਾ ਹੀ ਉਨ੍ਹਾਂ ਦੇ ਕੋਈ ਬੱਚੇ ਸਨ। ਉਹ ਆਪਣੀ ਭੈਣ ਦਰਲਾਈਨ ਗ੍ਰਾਹਮ ਨੋਰਡੋਨ ਦੇ ਬਹੁਤ ਨੇੜੇ ਸਨ। ਜਦੋਂ ਗ੍ਰਾਹਮ 20 ਸਾਲ ਦੇ ਸਨ ਅਤੇ ਉਨ੍ਹਾਂ ਦੀ ਭੈਣ 12 ਸਾਲ ਦੀ ਸੀ ਤਾਂ ਉਨ੍ਹਾਂ ਦੀ ਮਾਤਾ ਦਾ ਦਿਹਾਂਤ ਹੋ ਗਿਆ ਸੀ। ਇਸ ਤੋਂ ਦੋ ਸਾਲ ਤੋਂ ਵੀ ਘੱਟ ਸਮੇਂ ਬਾਅਦ ਉਨ੍ਹਾਂ ਦੇ ਪਿਤਾ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ ਸੀ। ਉਸ ਸਮੇਂ 22 ਸਾਲਾ ਲਿੰਡਸੀ ਗ੍ਰਾਹਮ ਨੇ ਰਸਮੀ ਤੌਰ 'ਤੇ ਆਪਣੀ 13 ਸਾਲਾ ਭੈਣ ਨੂੰ ਗੋਦ ਲੈ ਲਿਆ ਸੀ ਅਤੇ ਉਸ ਦੀ ਪਰਵਰਿਸ਼ ਦੀ ਜ਼ਿੰਮੇਵਾਰੀ ਨਿਭਾਈ ਸੀ।
ਦਰਲਾਈਨ ਗ੍ਰਾਹਮ ਨੋਰਡੋਨ ਦੀ ਨਿਯੁਕਤੀ ਅੰਤਰਿਮ ਹੋਵੇਗੀ। ਨਵੰਬਰ ਵਿੱਚ ਹੋਣ ਵਾਲੀ ਚੋਣ ਲਈ ਉਮੀਦਵਾਰ ਦੀ ਚੋਣ ਕਰਨ ਵਾਸਤੇ 11 ਅਗਸਤ ਨੂੰ ਰਿਪਬਲਿਕਨ ਪਾਰਟੀ ਦੀ ਵਿਸ਼ੇਸ਼ ਪ੍ਰਾਇਮਰੀ ਚੋਣ ਹੋਣੀ ਹੈ। ਦੱਖਣੀ ਕੈਰੋਲੀਨਾ ਦੇ ਕਈ ਪ੍ਰਮੁੱਖ ਰਿਪਬਲਿਕਨ ਆਗੂ ਪਹਿਲਾਂ ਹੀ ਇਸ ਸੀਟ ਲਈ ਚੋਣ ਲੜਨ ਬਾਰੇ ਵਿਚਾਰ ਕਰ ਰਹੇ ਹਨ।
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login