ADVERTISEMENT
ADVERTISEMENT
ਭਾਰਤ-ਅਮਰੀਕਾ ਵਪਾਰ ਸਮਝੌਤਾ: ਭਾਰਤੀ ਵਸਤੂਆਂ 'ਤੇ ਟੈਰਿਫ਼ 50% ਤੋਂ ਘਟ ਕੇ ਹੋਇਆ 18%
ਇਹ ਦਰਾਂ ਚੀਨ, ਪਾਕਿਸਤਾਨ, ਇੰਡੋਨੇਸ਼ੀਆ, ਬੰਗਲਾਦੇਸ਼ ਅਤੇ ਵੀਅਤਨਾਮ ਵਰਗੀਆਂ ਹੋਰ ਏਸ਼ੀਆਈ ਅਰਥਵਿਵਸਥਾਵਾਂ ਦੀ ਤੁਲਨਾ ਨਾਲ ਕਾਫ਼ੀ ਘੱਟ ਹਨ
-
ਆਈਏਐਨਐਸ - Tue, 03, Feb 2026
- 07:47 EST
- 16
Representative Image / Courtesy: IANS
ਅਮਰੀਕਾ ਨਾਲ ਨਵੇਂ ਵਪਾਰਕ ਸਮਝੌਤੇ ਦੇ ਲਾਗੂ ਹੋਣ ਤੋਂ ਬਾਅਦ, ਭਾਰਤ ਹੁਣ ਉਹਨਾਂ ਦੇਸ਼ਾਂ ਵਿੱਚ ਸ਼ਾਮਲ ਹੋ ਗਿਆ ਹੈ ਜਿਨ੍ਹਾਂ ‘ਤੇ ਡੋਨਾਲਡ ਟਰੰਪ ਪ੍ਰਸ਼ਾਸਨ ਵੱਲੋਂ ਸਭ ਤੋਂ ਘੱਟ ਟੈਰਿਫ਼ ਦਰਾਂ ਲਾਗੂ ਕੀਤੀਆਂ ਜਾ ਰਹੀਆਂ ਹਨ। ਇਹ ਦਰਾਂ ਚੀਨ, ਪਾਕਿਸਤਾਨ, ਇੰਡੋਨੇਸ਼ੀਆ, ਬੰਗਲਾਦੇਸ਼ ਅਤੇ ਵੀਅਤਨਾਮ ਵਰਗੀਆਂ ਹੋਰ ਏਸ਼ੀਆਈ ਅਰਥਵਿਵਸਥਾਵਾਂ ਨਾਲ ਤੁਲਨਾ ਕਰਨ ‘ਤੇ ਕਾਫ਼ੀ ਘੱਟ ਹਨ।
ਭਾਰਤੀ ਸਮਾਨ ‘ਤੇ ਅਮਰੀਕਾ ਵੱਲੋਂ ਲਗਾਇਆ ਗਿਆ ਟੈਰਿਫ਼, ਉਸ ਦੇ ਆਪਣੇ ਸਭ ਤੋਂ ਨੇੜਲੇ ਸਹਿਯੋਗੀ ਦੇਸ਼ਾਂ ਦੇ ਸਮਾਨ ਹੈ, ਜਿਨ੍ਹਾਂ ਵਿੱਚ ਯੂਨਾਈਟਡ ਕਿੰਗਡਮ (10 ਫ਼ੀਸਦੀ), ਯੂਰਪੀ ਸੰਘ (15 ਫ਼ੀਸਦੀ), ਸਵਿਟਜ਼ਰਲੈਂਡ (15 ਫ਼ੀਸਦੀ), ਜਾਪਾਨ (15 ਫ਼ੀਸਦੀ) ਅਤੇ ਦੱਖਣੀ ਕੋਰੀਆ (15 ਫ਼ੀਸਦੀ) ਸ਼ਾਮਲ ਹਨ। ਜਿਨ੍ਹਾਂ ‘ਤੇ ਅਮਰੀਕਾ ਵੱਲੋਂ ਸਭ ਤੋਂ ਵੱਧ ਟੈਰਿਫ਼ ਲਗਾਏ ਗਏ ਹਨ, ਉਨ੍ਹਾਂ ਦੇਸ਼ਾਂ ਵਿੱਚ, ਬ੍ਰਾਜ਼ੀਲ (50 ਫ਼ੀਸਦੀ), ਮਿਆਂਮਾਰ (40 ਫ਼ੀਸਦੀ), ਲਾਓਸ (40 ਫ਼ੀਸਦੀ), ਚੀਨ (37 ਫ਼ੀਸਦੀ) ਅਤੇ ਦੱਖਣੀ ਅਫ਼ਰੀਕਾ (30 ਫ਼ੀਸਦੀ) ਸ਼ਾਮਲ ਹਨ।
ਭਾਰਤ ਅਤੇ ਅਮਰੀਕਾ ਦਰਮਿਆਨ ਇੱਕ ਵਪਾਰਕ ਸਮਝੌਤਾ ਤੈਅ ਹੋਇਆ ਹੈ, ਜਿਸ ਤਹਿਤ ਵਾਸ਼ਿੰਗਟਨ ਭਾਰਤੀ ਸਮਾਨ ‘ਤੇ ਟੈਰਿਫ਼ ਦਰ ਮੌਜੂਦਾ 50 ਫ਼ੀਸਦੀ ਤੋਂ ਘਟਾ ਕੇ 18 ਫ਼ੀਸਦੀ ਕਰੇਗਾ। ਇਸ ਦੇ ਬਦਲੇ ਵਿੱਚ, ਨਵੀਂ ਦਿੱਲੀ ਰੂਸ ਤੋਂ ਤੇਲ ਦੀ ਖਰੀਦ ਰੋਕਣ ਅਤੇ ਵਪਾਰਕ ਰੁਕਾਵਟਾਂ ਘਟਾਉਣ ‘ਤੇ ਸਹਿਮਤ ਹੋਈ ਹੈ। ਇਹ ਜਾਣਕਾਰੀ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦਿੱਤੀ। ਰਾਸ਼ਟਰਪਤੀ ਟਰੰਪ ਨੇ ਭਾਰਤੀ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨਾਲ ਫ਼ੋਨ ‘ਤੇ ਗੱਲਬਾਤ ਤੋਂ ਬਾਅਦ ਸੋਸ਼ਲ ਮੀਡੀਆ ਰਾਹੀਂ ਇਸ ਸਮਝੌਤੇ ਦਾ ਐਲਾਨ ਕੀਤਾ ਅਤੇ ਕਿਹਾ ਕਿ ਭਾਰਤ ਹੁਣ ਅਮਰੀਕਾ ਤੋਂ ਤੇਲ ਖਰੀਦੇਗਾ ਅਤੇ ਸੰਭਾਵਨਾ ਹੈ ਕਿ ਵੈਨੇਜ਼ੁਏਲਾ ਤੋਂ ਵੀ ਖਰੀਦ ਕਰੇ।
ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਉਹ ਇਸ ਗੱਲ ਤੋਂ ਬਹੁਤ ਖੁਸ਼ ਹਨ ਕਿ “ਮੇਡ ਇਨ ਇੰਡੀਆ” ਉਤਪਾਦਾਂ ‘ਤੇ ਹੁਣ 18 ਫ਼ੀਸਦੀ ਦੀ ਘੱਟ ਟੈਰਿਫ਼ ਦਰ ਲਾਗੂ ਹੋਵੇਗੀ। ਉਨ੍ਹਾਂ ਕਿਹਾ, “ਮੇਰੇ ਪਿਆਰੇ ਦੋਸਤ ਰਾਸ਼ਟਰਪਤੀ ਟਰੰਪ ਨਾਲ ਗੱਲ ਕਰਕੇ ਬਹੁਤ ਚੰਗਾ ਲੱਗਿਆ। ਇਹ ਜਾਣ ਕੇ ਬਹੁਤ ਖੁਸ਼ੀ ਹੋਈ ਕਿ ‘ਮੇਡ ਇਨ ਇੰਡੀਆ’ ਉਤਪਾਦਾਂ ‘ਤੇ ਹੁਣ 18 ਫ਼ੀਸਦੀ ਦਾ ਘੱਟ ਟੈਰਿਫ਼ ਲੱਗੇਗਾ। ਇਸ ਸ਼ਾਨਦਾਰ ਐਲਾਨ ਲਈ ਭਾਰਤ ਦੇ 1.4 ਅਰਬ ਲੋਕਾਂ ਵੱਲੋਂ ਰਾਸ਼ਟਰਪਤੀ ਟਰੰਪ ਦਾ ਦਿਲੋਂ ਧੰਨਵਾਦ।“ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਜਦੋਂ ਦੁਨੀਆ ਦੀਆਂ ਦੋ ਵੱਡੀਆਂ ਅਰਥਵਿਵਸਥਾਵਾਂ ਅਤੇ ਸਭ ਤੋਂ ਵੱਡੇ ਲੋਕਤੰਤਰੀ ਦੇਸ਼ ਇਕੱਠੇ ਕੰਮ ਕਰਦੇ ਹਨ, ਤਾਂ ਇਸ ਨਾਲ ਲੋਕਾਂ ਨੂੰ ਲਾਭ ਮਿਲਦਾ ਹੈ ਅਤੇ ਆਪਸੀ ਸਹਿਯੋਗ ਲਈ ਵੱਡੇ ਮੌਕੇ ਖੁਲ੍ਹਦੇ ਹਨ।
ਅਮਰੀਕਾ ਨੇ ਭਾਰਤ ਵੱਲੋਂ ਰੂਸ ਤੋਂ ਤੇਲ ਖਰੀਦਣ ਕਾਰਨ ਲਗਾਈ ਗਈ 25 ਫ਼ੀਸਦੀ ਸਜ਼ਾਈ ਡਿਊਟੀ ਨੂੰ ਰੱਦ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਟਰੰਪ ਦੇ ਅਨੁਸਾਰ, ਭਾਰਤ 500 ਅਰਬ ਡਾਲਰ ਤੋਂ ਵੱਧ ਦੀ ਅਮਰੀਕੀ ਊਰਜਾ ਦੇ ਨਾਲ-ਨਾਲ ਤਕਨਾਲੋਜੀ, ਖੇਤੀਬਾੜੀ ਅਤੇ ਹੋਰ ਉਤਪਾਦ ਵੀ ਖਰੀਦੇਗਾ।
ਟਰੰਪ ਨੇ ਕਿਹਾ, “ਭਾਰਤ ਅਮਰੀਕਾ ਖ਼ਿਲਾਫ਼ ਆਪਣੇ ਟੈਰਿਫ਼ ਘਟਾ ਕੇ ਜ਼ੀਰੋ ਤੱਕ ਲਿਆਉਣ ਵੱਲ ਵੀ ਅੱਗੇ ਵਧੇਗਾ।”
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login