ADVERTISEMENTs
_page-0001.jpg)
-10”-x-5.jpg)
ਭਾਰਤ ਨੇ ਰਚਿਆ ਇਤਿਹਾਸ, 3 ਪੁਲਾੜ ਯਾਤਰੀਆਂ ਨਾਲ ISS ਪਹੁੰਚੇ ਸ਼ੁਭਾਂਸ਼ੂ ਸ਼ੁਕਲਾ
ਕਰੂ ਮੈਂਬਰ ਲਗਭਗ 14 ਦਿਨ ਇੰਟਰਨੈਸ਼ਨਲ ਸਪੇਸ ਸਟੇਸ਼ਨ 'ਤੇ ਬਿਤਾਉਣਗੇ
-
ਏਐੱਫਪੀ - Thu, 26, Jun 2025
- 09:33 EDT
- 23
.png)
Axiom Mission 4 ‘ਚ ਗਏ ਅੰਤਰਿਕਸ਼ ਯਾਤਰੀ / courtesy photo
ਇੱਕ ਅਮਰੀਕੀ ਵਪਾਰਕ ਮਿਸ਼ਨ, ਜਿਸ ਦੀ ਅਗਵਾਈ ਭਾਰਤੀ ਅੰਤਰਿਕਸ਼ ਯਾਤਰੀ ਸੁਭਾਂਸ਼ੁ ਸ਼ੁਕਲਾ ਕਰ ਰਹੇ ਸਨ, 26 ਜੂਨ ਨੂੰ ਅੰਤਰਰਾਸ਼ਟਰੀ ਅੰਤਰਿਕਸ਼ ਸਟੇਸ਼ਨ ਨਾਲ ਡੌਕ ਹੋਇਆ। ਇਹ ਦਹਾਕਿਆਂ ਵਿੱਚ ਪਹਿਲੀ ਵਾਰ ਹੈ ਕਿ ਕੋਈ ਭਾਰਤੀ ਨਾਗਰਿਕ ਅੰਤਰਿਕਸ਼ ਵਿਚ ਗਿਆ ਹੈ। Axiom Mission 4 ਜਾਂ ਐਕਸ-4, 25 ਜੂਨ ਦੀ ਸਵੇਰੇ ਨਾਸਾ ਦੇ ਕੇਨੇਡੀ ਸਪੇਸ ਸੈਂਟਰ, ਫਲੋਰੀਡਾ ਤੋਂ ਇੱਕ ਨਵੇਂ SpaceX Crew Dragon ਕੈਪਸੂਲ 'ਚ ਫਾਲਕਨ 9 ਰਾਕਟ ਰਾਹੀਂ ਲਾਂਚ ਕੀਤਾ ਗਿਆ।
ਸੁਭਾਂਸ਼ੁ ਸ਼ੁਕਲਾ ਦੇ ਨਾਲ-ਨਾਲ ਜਹਾਜ਼ ਵਿੱਚ ਪੋਲੈਂਡ ਤੋਂ ਮਿਸ਼ਨ ਸਪੈਸ਼ਲਿਸਟ ਸਲਾਵੋਸ ਉਜ਼ਨਾਨਸਕੀ-ਵਿਸਨੀਵਸਕੀ, ਹਨਗਰੀ ਤੋਂ ਤੀਬੋਰ ਕਾਪੂ ਅਤੇ ਸੰਯੁਕਤ ਰਾਜ ਅਮਰੀਕਾ ਤੋਂ ਕਮਾਂਡਰ ਪੈਗੀ ਵਿਟਸਨ ਵੀ ਸਨ। ਵਿਟਸਨ ਨਾਸਾ ਦੀ ਸਾਬਕਾ ਅੰਤਰਿਕਸ਼ ਯਾਤਰੀ ਰਹਿ ਚੁੱਕੀ ਹਨ ਅਤੇ ਹੁਣ Axiom Space ਨਾਲ ਜੁੜੀ ਹੋਈ ਹੈ। ਇਹ ਕੰਪਨੀ ਨਿੱਜੀ ਅੰਤਰਿਕਸ਼ ਯਾਤਰਾਵਾਂ ਦਾ ਆਯੋਜਨ ਕਰਦੀ ਹੈ।
ਕੈਪਸੂਲ, ਜੋ SpaceX ਦੀ ਪੰਜਵੀਂ ਅਤੇ ਆਖ਼ਰੀ ਡ੍ਰੈਗਨ ਹੈ, ਨੂੰ ਔਰਬਿਟ 'ਚ ਪਹੁੰਚਣ ਤੋਂ ਬਾਅਦ "ਗਰੇਸ" ਨਾਮ ਦਿੱਤਾ ਗਿਆ। ਇਸਨੇ ਵੀਰਵਾਰ ਸਵੇਰੇ 6:31 (Eastern Time) ਜਾਂ 10:31 (GMT) 'ਤੇ ਅੰਤਰਰਾਸ਼ਟਰੀ ਸਟੇਸ਼ਨ ਨਾਲ "ਸਾਫਟ ਕੈਪਚਰ" ਕੀਤਾ। ਇਸ ਦੌਰਾਨ ਲਾਈਵ ਸਟ੍ਰੀਮ 'ਤੇ ਡੌਕਿੰਗ ਸਮੇਂ ਕਮਾਂਡਰ ਪੈਗੀ ਵਿਟਸਨ ਨੇ ਕਿਹਾ, “ਸਾਨੂੰ ਇਥੇ ਹੋਣ 'ਤੇ ਮਾਣ ਹੈ, ਧੰਨਵਾਦ।”
ਕਰੂ ਮੈਂਬਰ ਡੌਕਿੰਗ ਦੀਆਂ ਕਾਰਵਾਈਆਂ ਪੂਰੀ ਕਰਨਗੇ ਅਤੇ ਲਗਭਗ 14 ਦਿਨ ਤੱਕ ਸਟੇਸ਼ਨ 'ਤੇ ਰਹਿਣਗੇ, ਜਿੱਥੇ ਉਹ ਤਕਰੀਬਨ 60 ਵਿਗਿਆਨਕ ਪ੍ਰਯੋਗ ਕਰਨਗੇ। ਇਹ ਪ੍ਰਯੋਗ ਮਾਈਕ੍ਰੋ ਐਲਗੀ, ਸੈਲਡ ਦੇ ਬੀਜਾਂ ਦੀ ਪੁੰਗਰਨ ਸਮਰੱਥਾ, ਅਤੇ ਅੰਤਰਿਕਸ਼ ਵਿੱਚ ਮਾਈਕ੍ਰੋਸਕੋਪਿਕ ਟਾਰਡੀਗਰੇਡਸ ਦੀ ਟਿਕਾਊ ਤਾਕਤ 'ਤੇ ਅਧਿਐਨ ਹੋਣਗੇ।
ਆਖ਼ਰੀ ਵਾਰ ਜਦੋਂ ਭਾਰਤ, ਪੋਲੈਂਡ ਜਾਂ ਹੰਗਰੀ ਨੇ ਆਪਣੇ ਨਾਗਰਿਕਾਂ ਨੂੰ ਅੰਤਰਿਕਸ਼ ਵਿੱਚ ਭੇਜਿਆ ਸੀ, ਉਸ ਵੇਲੇ ਇਹ ਨਵੇਂ ਅੰਤਰਿਕਸ਼ ਯਾਤਰੀ ਜਨਮੇ ਵੀ ਨਹੀਂ ਸਨ। ਸੁਭਾਂਸ਼ੁ ਸ਼ੁਕਲਾ 1984 ਵਿੱਚ ਇੰਡੋ-ਸੋਵੀਅਤ ਮਿਸ਼ਨ ਤਹਿਤ ਸਲਯੂਟ 7 ਸਟੇਸ਼ਨ ਤੱਕ ਗਏ ਰਾਕੇਸ਼ ਸ਼ਰਮਾ ਤੋਂ ਬਾਅਦ ਅੰਤਰਿਕਸ਼ ਵਿੱਚ ਪਹੁੰਚਣ ਵਾਲੇ ਪਹਿਲੇ ਭਾਰਤੀ ਬਣੇ ਹਨ।
"ਕਿੰਨੀ ਸ਼ਾਨਦਾਰ ਉਡਾਣ ਸੀ," ਉਡਾਣ ਤੋਂ ਬਾਅਦ ਸ਼ੁਕਲਾ ਨੇ ਕਿਹਾ। "ਇਹ ਸਿਰਫ ਮੇਰੀ ਇੰਟਰਨੈਸ਼ਨਲ ਸਪੇਸ ਸਟੇਸ਼ਨ ਵੱਲ ਯਾਤਰਾ ਦੀ ਸ਼ੁਰੂਆਤ ਨਹੀਂ, ਇਹ ਭਾਰਤ ਦੇ ਮਾਨਵ ਅੰਤਰਿਕਸ਼ ਕਾਰਜਕ੍ਰਮ ਦੀ ਸ਼ੁਰੂਆਤ ਵੀ ਹੈ।"
Related
.jpg)
.jpg)
.jpeg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login