ADVERTISEMENT
ADVERTISEMENT
ਆਰਕਨਸਾਸ ਵਿੱਚ ਮੁੱਖ ਭਾਸ਼ਣ ਦੇਣਗੇ ਸਾਬਕਾ ਉਪ-ਰਾਸ਼ਟਰਪਤੀ ਕਮਲਾ ਹੈਰਿਸ
2024 ਦੀਆਂ ਚੋਣਾਂ ਤੋਂ ਬਾਅਦ ਇਹ ਉਹਨਾਂ ਦਾ ਪਹਿਲਾ ਵੱਡਾ ਸੰਬੋਧਨ ਹੋਵੇਗਾ
-
ਮਾਲਵਿਕਾ ਚੌਧਰੀ - Fri, 27, Mar 2026
- 11:06 EDT
- 4
ਅਮਰੀਕਾ ਦੀ ਸਾਬਕਾ ਉਪ-ਰਾਸ਼ਟਰਪਤੀ ਕਮਲਾ ਹੈਰਿਸ / Staff Reporter
ਅਮਰੀਕਾ ਦੀ ਸਾਬਕਾ ਉਪ-ਰਾਸ਼ਟਰਪਤੀ ਕਮਲਾ ਹੈਰਿਸ 25 ਅਪ੍ਰੈਲ ਨੂੰ ਲਿਟਲ ਰੌਕ ਵਿੱਚ ਆਰਕਨਸਾਸ ਦੀ ਡੈਮੋਕਰੇਟਿਕ ਪਾਰਟੀ ਵੱਲੋਂ ਆਯੋਜਿਤ '2026 ਫਿਸ਼ਰ ਸ਼ੈਕਲਫੋਰਡ ਡਿਨਰ' ਵਿੱਚ ਮੁੱਖ ਭਾਸ਼ਣ ਦੇਣਗੇ। ਇਹ ਸਮਾਗਮ ਲਿਟਲ ਰੌਕ ਕਨਵੈਨਸ਼ਨ ਸੈਂਟਰ ਦੇ ਵਾਲੀ ਐਲਨ ਬਾਲਰੂਮ ਵਿੱਚ ਹੋਵੇਗਾ। ਇਸ ਸਾਲ ਦੇ ਸਮਾਗਮ ਵਿੱਚ ਡੇਬਰਾ ਮਿਸ਼ੇਲ, ਸਟੇਟ ਰਿਪ੍ਰੈਜ਼ੈਂਟੇਟਿਵ ਟਿਪੀ ਮੈਕਕੁਲੋ ਅਤੇ ਐਡੀ ਜੋਨਸ ਨੂੰ ਸਨਮਾਨਿਤ ਕੀਤਾ ਜਾਵੇਗਾ।
ਆਰਕਨਸਾਸ ਡੈਮੋਕਰੇਟਿਕ ਪਾਰਟੀ ਦੀ ਉਪ-ਚੇਅਰ ਜੈਨੀ ਕਾਟਨ ਨੇ ਹੈਰਿਸ ਦੀ ਆਮਦ ਨੂੰ "ਜੀਵਨ ਵਿੱਚ ਇੱਕ ਵਾਰ ਮਿਲਣ ਵਾਲਾ ਮੌਕਾ" ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਹੈਰਿਸ ਨੇ 2024 ਦੀਆਂ ਚੋਣਾਂ ਤੋਂ ਬਾਅਦ ਆਪਣੇ ਪਹਿਲੇ ਮੁੱਖ ਭਾਸ਼ਣ ਲਈ ਆਰਕਨਸਾਸ ਨੂੰ ਚੁਣਿਆ ਹੈ।
ਦੱਸ ਦਈਏ ਕਿ ਇਹ ਸਾਲਾਨਾ ਫੰਡ ਇਕੱਠਾ ਕਰਨ ਵਾਲਾ ਸਮਾਗਮ 2014 ਵਿੱਚ ਸ਼ੁਰੂ ਕੀਤਾ ਗਿਆ ਸੀ। ਇਹ ਲਾਟੀ ਸ਼ੈਕਲਫੋਰਡ (ਲਿਟਲ ਰੌਕ ਦੀ ਪਹਿਲੀ ਕਾਲੀ ਮਹਿਲਾ ਮੇਅਰ) ਅਤੇ ਜਿਮੀ ਲੂ ਫਿਸ਼ਰ (ਆਰਕਨਸਾਸ ਦੀ ਸਭ ਤੋਂ ਲੰਬੇ ਸਮੇਂ ਤੱਕ ਰਹਿਣ ਵਾਲੀ ਸਟੇਟ ਟ੍ਰੇਜ਼ਰਰ) ਦੀ ਯਾਦ ਵਿੱਚ ਮਨਾਇਆ ਜਾਂਦਾ ਹੈ। ਇਹ ਡੈਮੋਕਰੇਟਿਕ ਪਾਰਟੀ ਲਈ ਫੰਡ ਜੁਟਾਉਣ ਅਤੇ ਰਾਜਨੀਤਿਕ ਤੌਰ 'ਤੇ ਪ੍ਰਭਾਵਸ਼ਾਲੀ ਮਹਿਲਾਵਾਂ ਨੂੰ ਮਾਨਤਾ ਦੇਣ ਦਾ ਇੱਕ ਪਲੇਟਫਾਰਮ ਹੈ।
ਪਾਰਟੀ ਨੇ ਹੈਰਿਸ ਦੇ ਉਪ-ਰਾਸ਼ਟਰਪਤੀ ਵਜੋਂ ਕਾਰਜਕਾਲ ਨੂੰ ਉਜਾਗਰ ਕਰਦਿਆਂ ਦੱਸਿਆ ਕਿ ਉਹ ਅਮਰੀਕਾ ਦੇ ਇਤਿਹਾਸ ਵਿੱਚ ਪਹਿਲੀ ਮਹਿਲਾ, ਪਹਿਲੀ ਕਾਲੀ ਅਮਰੀਕੀ ਅਤੇ ਪਹਿਲੀ ਦੱਖਣੀ ਏਸ਼ੀਆਈ ਅਮਰੀਕੀ ਉਪ-ਰਾਸ਼ਟਰਪਤੀ ਬਣੇ। ਉਨ੍ਹਾਂ ਨੇ ਸੈਨੇਟ ਵਿੱਚ ਅਮਰੀਕੀ ਇਤਿਹਾਸ ਦੇ ਕਿਸੇ ਵੀ ਉਪ-ਰਾਸ਼ਟਰਪਤੀ ਨਾਲੋਂ ਸਭ ਤੋਂ ਵੱਧ 'ਟਾਈ-ਬ੍ਰੇਕਿੰਗ' ਵੋਟਾਂ ਪਾਈਆਂ। ਉਨ੍ਹਾਂ ਨੇ ਪ੍ਰਜਨਨ ਅਧਿਕਾਰ, ਵਿਦਿਆਰਥੀ ਕਰਜ਼ਾ, ਬੰਦੂਕ ਹਿੰਸਾ ਅਤੇ ਆਰਥਿਕ ਮੌਕਿਆਂ ਵਰਗੇ ਮੁੱਦਿਆਂ 'ਤੇ ਅਹਿਮ ਕੰਮ ਕੀਤਾ।
ਹੈਰਿਸ ਦਾ ਇਹ ਦੌਰਾ ਅਜਿਹੇ ਸਮੇਂ ਹੋ ਰਿਹਾ ਹੈ ਜਦੋਂ ਡੈਮੋਕਰੇਟਸ 2026 ਦੀਆਂ ਮੱਧਕਾਲੀ ਚੋਣਾਂ ਤੋਂ ਪਹਿਲਾਂ ਆਰਕਨਸਾਸ ਵਰਗੇ ਰਿਪਬਲਿਕਨ ਗੜ੍ਹ ਵਾਲੇ ਸੂਬੇ ਵਿੱਚ ਆਪਣੀ ਸਥਿਤੀ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਉਨ੍ਹਾਂ ਦੀ ਹਾਜ਼ਰੀ ਨਾਲ ਪਾਰਟੀ ਦੇ ਫੰਡ ਇਕੱਠਾ ਕਰਨ ਅਤੇ ਵਰਕਰਾਂ ਨੂੰ ਲਾਮਬੰਦ ਕਰਨ ਦੀਆਂ ਕੋਸ਼ਿਸ਼ਾਂ ਨੂੰ ਕਾਫੀ ਹੁਲਾਰਾ ਮਿਲਣ ਦੀ ਉਮੀਦ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login