ADVERTISEMENT
ADVERTISEMENT
ਰਜਨੀਕਾਂਤ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ! IFFI 2025 'ਚ ਕੀਤਾ ਜਾਵੇਗਾ ਸਨਮਾਨਿਤ
ਗੋਆ ਵਿੱਚ 56ਵਾਂ ਇੰਟਰਨੈਸ਼ਨਲ ਫ਼ਿਲਮ ਫੈਸਟੀਵਲ ਆਫ਼ ਇੰਡੀਆ ਆਯੋਜਿਤ ਹੋਣ ਜਾ ਰਿਹਾ ਹੈ।
-
ਸਟਾਫ਼ ਪੱਤਰਕਾਰ - Sat, 08, Nov 2025
- 12:03 EST
- 2
ਸਾਊਥ ਦੇ ਸੁਪਰਸਟਾਰ ਰਜਨੀਕਾਂਤ / Wikipedia
ਸਾਊਥ ਦੇ ਸੁਪਰਸਟਾਰ ਰਜਨੀਕਾਂਤ ਨੇ ਫਿਲਮ ਇੰਡਸਟਰੀ 'ਚ ਆਪਣੇ 50 ਸਾਲ ਪੂਰੇ ਕਰ ਲਏ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਭਾਰਤੀ ਸਿਨੇਮਾ ਨੂੰ ਕਈ ਸ਼ਾਨਦਾਰ ਫ਼ਿਲਮਾਂ ਦਿੱਤੀਆਂ ਹਨ। ਉਨ੍ਹਾਂ ਦੇ ਇਸ ਯੋਗਦਾਨ ਨੂੰ ਸਨਮਾਨਿਤ ਕਰਨ ਲਈ ਗੋਆ ਵਿੱਚ ਹੋਣ ਵਾਲੇ 56ਵੇਂ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ ਆਫ ਇੰਡੀਆ (IFFI) ਦੇ ਸਮਾਰੋਹ ਦੌਰਾਨ ਉਨ੍ਹਾਂ ਨੂੰ ਸਨਮਾਨ ਦਿੱਤਾ ਜਾਵੇਗਾ।
20 ਤੋਂ 28 ਨਵੰਬਰ ਤੱਕ ਚੱਲਣ ਵਾਲੇ ਇਸ ਸਮਾਗਮ ਵਿੱਚ 81 ਦੇਸ਼ਾਂ ਦੀਆਂ 240 ਤੋਂ ਵੱਧ ਫ਼ਿਲਮਾਂ ਦਿਖਾਈਆਂ ਜਾਣਗੀਆਂ। ਇਸ ਸਾਲ IFFI ਵਿੱਚ 13 ਵਿਸ਼ਵ ਪ੍ਰੀਮੀਅਰ, 4 ਅੰਤਰਰਾਸ਼ਟਰੀ ਪ੍ਰੀਮੀਅਰ, ਅਤੇ 46 ਏਸ਼ੀਆਈ ਪ੍ਰੀਮੀਅਰ ਹੋਣਗੇ। ਆਯੋਜਕਾਂ ਦੇ ਮੁਤਾਬਕ ਉਨ੍ਹਾਂ ਨੂੰ 127 ਦੇਸ਼ਾਂ ਤੋਂ 2,314 ਫ਼ਿਲਮਾਂ ਪ੍ਰਾਪਤ ਹੋਈਆਂ ਸਨ।
ਫੈਸਟੀਵਲ ਦੀ ਉਦਘਾਟਨੀ ਫ਼ਿਲਮ 'ਦ ਬਲੂ ਟ੍ਰੇਲ' ਹੋਵੇਗੀ, ਜਿਸ ਦਾ ਨਿਰਦੇਸ਼ਨ ਬ੍ਰਾਜ਼ੀਲ ਦੇ ਫਿਲਮਕਾਰ ਗੈਬਰੀਅਲ ਮਸਕਾਰੋ ਨੇ ਕੀਤਾ ਹੈ। ਇਸ ਵਾਰ ਫੈਸਟੀਵਲ ਵਿੱਚ ਜਾਪਾਨ ਉਹ ਦੇਸ਼ ਹੋਵੇਗਾ ਜਿਸ 'ਤੇ ਸਭ ਤੋਂ ਵੱਧ ਧਿਆਨ ਦਿੱਤਾ ਜਾਵੇਗਾ।
IFFI ਗੁਰੂ ਦੱਤ, ਰਾਜ ਖੋਸਲਾ, ਰਿਤਵਿਕ ਘਟਕ, ਪੀ. ਭਾਨੂਮਤੀ, ਭੂਪੇਨ ਹਜ਼ਾਰਿਕਾ ਅਤੇ ਸਲਿਲ ਚੌਧਰੀ ਸਮੇਤ ਫ਼ਿਲਮ ਨਿਰਮਾਤਾਵਾਂ ਅਤੇ ਕਲਾਕਾਰਾਂ ਦੇ ਕੰਮਾਂ ਦਾ ਪ੍ਰਦਰਸ਼ਨ ਕਰਕੇ ਸ਼ਰਧਾਂਜਲੀ ਭੇਟ ਕਰੇਗਾ।
ਇਸ ਸਮਾਰੋਹ ਦੌਰਾਨ ਭਾਰਤੀ ਅਤੇ ਅੰਤਰਰਾਸ਼ਟਰੀ ਸਿਨੇਮਾ ਦੇ ਕਈ ਮਸ਼ਹੂਰ ਕਲਾਕਾਰ ਮਾਸਟਰਕਲਾਸ ਲੈਣਗੇ। ਇਨ੍ਹਾਂ ਵਿੱਚ ਵਿਧੂ ਵਿਨੋਦ ਚੋਪੜਾ, ਆਮਿਰ ਖ਼ਾਨ, ਅਨੁਪਮ ਖੇਰ, ਰਵੀ ਵਰਮਨ, ਬੌਬੀ ਦਿਓਲ, ਸੁਹਾਸਿਨੀ ਮਣੀਰਤਨਮ, ਖੁਸ਼ਬੂ ਸੁੰਦਰ, ਪੀਟ ਡ੍ਰੇਪਰ, ਸ੍ਰੀਕਰ ਪ੍ਰਸਾਦ ਅਤੇ ਕ੍ਰਿਸਟੋਫਰ ਚਾਰਲਸ ਕਾਰਬੋਲਡ ਸ਼ਾਮਲ ਹਨ।
ਕਾਨ, ਵੈਨਿਸ, ਬਰਲਿਨ ਅਤੇ ਲੋਕਾਰਨੋ ਵਰਗੇ ਵਿਸ਼ਵ ਪ੍ਰਸਿੱਧ ਫੈਸਟੀਵਲਾਂ ਵਿੱਚ ਇਨਾਮ ਜੇਤੂ ਫ਼ਿਲਮਾਂ ਵੀ IFFI 2025 ਵਿੱਚ ਦਿਖਾਈਆਂ ਜਾਣਗੀਆਂ।
ਰਜਨੀਕਾਂਤ ਨੇ ਸਿਰਫ਼ ਦੱਖਣ ਦੀਆਂ ਨਹੀਂ, ਸਗੋਂ ਬਾਲੀਵੁੱਡ ਦੀਆਂ ਫ਼ਿਲਮਾਂ ਵਿੱਚ ਵੀ ਕੰਮ ਕੀਤਾ ਹੈ। ਉਨ੍ਹਾਂ ਨੂੰ ਆਖਰੀ ਵਾਰ ਫ਼ਿਲਮ ‘ਕੁਲੀ’ ਵਿੱਚ ਦੇਖਿਆ ਗਿਆ ਸੀ, ਜਿਸ ਵਿੱਚ ਆਮਿਰ ਖਾਨ ਵੀ ਸ਼ਾਮਲ ਸਨ। ਜਲਦੀ ਹੀ ਰਜਨੀਕਾਂਤ ‘ਜੇਲਰ 2’ ਫ਼ਿਲਮ ਵਿੱਚ ਨਜ਼ਰ ਆਉਣਗੇ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login