ADVERTISEMENTs
ਯੂ-ਟਿਊਬ ਤੋਂ ਯਾਰਕ ਤੱਕ: ਲਿਲੀ ਸਿੰਘ ਹੁਣ ਬਣੀ ਡਾ. ਸਿੰਘ
ਕੈਨੇਡੀਅਨ ਮਨੋਰੰਜਨ ਕਲਾਕਾਰ ਅਤੇ ਯੂ-ਟਿਊਬਰ ਲਿਲੀ ਸਿੰਘ ਨੂੰ ਯਾਰਕ ਯੂਨੀਵਰਸਿਟੀ ਵੱਲੋਂ ਉਸਦੇ ਸੱਭਿਆਚਾਰਕ ਪ੍ਰਭਾਵ ਲਈ ਮਾਨਯੋਗ ਡਾਕਟਰੇਟ ਦੀ ਡਿਗਰੀ ਨਾਲ ਸਨਮਾਨਿਤ ਕੀਤਾ ਗਿਆ ਹੈ।
-
ਪ੍ਰਨਵੀ ਸ਼ਰਮਾ - Sat, 18, Oct 2025
- 05:04 EDT
- 19
ਯਾਰਕ ਯੂਨੀਵਰਸਿਟੀ ਨੇ 14 ਅਕਤੂਬਰ ਨੂੰ ਆਪਣੇ ਫਾਲ ਕਨਵੋਕੇਸ਼ਨ ਸਮਾਰੋਹ ਦੌਰਾਨ ਸਿੰਘ ਨੂੰ ਮਾਨਯੋਗ ਡਾਕਟਰ ਆਫ਼ ਲਾਅਜ਼ ਦੀ ਡਿਗਰੀ ਪ੍ਰਦਾਨ ਕੀਤੀ / Facebook/Lilly SIngh
ਕਾਮੇਡੀਅਨ ਅਤੇ ਯੂ-ਟਿਊਬ ਸਟਾਰ ਲਿਲੀ ਸਿੰਘ ਹੁਣ ਅਧਿਕਾਰਤ ਤੌਰ ’ਤੇ ਡਾ. ਸਿੰਘ ਬਣ ਗਈ ਹੈ। ਕੈਨੇਡੀਅਨ ਮਨੋਰੰਜਨ ਕਲਾਕਾਰ ਨੂੰ ਉਸ ਦੀ ਪੁਰਾਣੀ ਯੂਨੀਵਰਸਿਟੀ, ਯਾਰਕ ਯੂਨੀਵਰਸਿਟੀ ਵੱਲੋਂ ਮਾਨਯੋਗ ਡਾਕਟਰੇਟ (honorary doctorate) ਦੀ ਡਿਗਰੀ ਮਿਲੀ, ਜਿਸ ਨੂੰ ਉਨ੍ਹਾਂ ਨੇ "ਇੱਕ ਬਹੁਤ ਵੱਡਾ ਸਨਮਾਨ" ਦੱਸਿਆ ਅਤੇ ਕਿਹਾ ਕਿ ਆਖਰਕਾਰ, ਉਸਨੇ ਹੁਣ ਆਪਣੇ ਮਾਪਿਆਂ ਨੂੰ ਉਹ ਡਾਕਟਰ ਦੇ ਦਿੱਤਾ ਹੈ ਜੋ ਉਹ ਹਮੇਸ਼ਾ ਚਾਹੁੰਦੇ ਸਨ, ਭਾਵੇਂ ਆਪਣੇ ਤਰੀਕੇ ਨਾਲ।
ਯਾਰਕ ਯੂਨੀਵਰਸਿਟੀ ਨੇ 14 ਅਕਤੂਬਰ ਨੂੰ ਹੋਏ ਫ਼ਾਲ ਕਾਨਵੋਕੇਸ਼ਨ ਸਮਾਰੋਹ ਦੌਰਾਨ ਲਿਲੀ ਸਿੰਘ ਨੂੰ ਡਾਕਟਰ ਆਫ਼ ਲਾਅਜ਼ (Doctor of Laws) ਦੀ ਮਾਨਯੋਗ ਡਿਗਰੀ ਨਾਲ ਸਨਮਾਨਿਤ ਕੀਤਾ। ਕਮਿਊਨਿਟੀ ਨਿਰਮਾਣ ਵਿੱਚ ਯੋਗਦਾਨ ਅਤੇ ਪੌਪ ਕਲਚਰ ਤੇ ਮਨੋਰੰਜਨ ਵਿੱਚ ਪ੍ਰਾਪਤੀਆਂ" ਲਈ ਉਹਨਾਂ ਨੂੰ ਮਾਨਤਾ ਦਿੱਤੀ ਗਈ। ਸਿੰਘ ਨੇ 2010 ਵਿੱਚ ਯਾਰਕ ਤੋਂ ਮਨੋਵਿਗਿਆਨ (Psychology) ਦੀ ਡਿਗਰੀ ਨਾਲ ਗ੍ਰੈਜੂਏਸ਼ਨ ਕੀਤੀ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਆਪਣਾ ਕਰੀਅਰ ਸ਼ੁਰੂ ਕੀਤਾ ਜੋ ਇੱਕ ਡਿਜ਼ੀਟਲ ਰਚਨਾਕਾਰ ਤੋਂ ਇਕ ਵਿਸ਼ਵ ਪ੍ਰਸਿੱਧ ਕਲਾਕਾਰ ਅਤੇ ਵਕਾਲਤਕਰਤਾ ਵਜੋਂ ਤਬਦੀਲ ਹੋ ਗਿਆ।
ਸੋਸ਼ਲ ਮੀਡੀਆ ’ਤੇ ਸਿੰਘ ਨੇ ਲਿਖਿਆ ਕਿ ਇਹ ਮੋੜ ਉਸ ਲਈ ਬਹੁਤ ਨਿੱਜੀ ਮਹੱਤਵ ਰੱਖਦਾ ਹੈ, ਖ਼ਾਸ ਕਰਕੇ ਇੱਕ ਭਾਰਤੀ ਪ੍ਰਵਾਸੀ ਪਰਿਵਾਰ ਦੀ ਧੀ ਹੋਣ ਦੇ ਨਾਤੇ। ਉਨ੍ਹਾਂ ਹੱਸਦੇ ਹੋਏ ਲਿਖਿਆ, “ਮੈਂ ਹਰ ਸੰਭਵ ਤਰੀਕੇ ਨਾਲ ਰਵਾਇਤੀ ਰਸਤੇ ਤੋਂ ਹਟ ਕੇ ਕੰਮ ਕੀਤਾ। ਪਰ ਇਹ ਇੱਕ ਅਜੀਬ ਅਹਿਸਾਸ ਹੈ… ਕਿਉਂਕਿ ਕਿਸੇ ਤਰ੍ਹਾਂ, ਇਹ ਰਸਤਾ ਆਖਰਕਾਰ ਮੈਨੂੰ ਪੀਐਚਡੀ ਘਰ ਲਿਆਉਣ ਤੱਕ ਲੈ ਆਇਆ।"
37 ਸਾਲਾਂ ਦੀ ਸਿੰਘ ਨੇ ਆਪਣਾ ਸਫ਼ਰ ਯੂ-ਟਿਊਬ ’ਤੇ ਕਾਮੇਡੀ ਵੀਡੀਓਜ਼ ਪੋਸਟ ਕਰਦੇ ਹੋਏ ਸ਼ੁਰੂ ਕੀਤਾ ਸੀ। ਸਮੇਂ ਦੇ ਨਾਲ, ਉਨ੍ਹਾਂ ਨੇ ਇੱਕ ਵੱਡਾ ਆਨਲਾਈਨ ਦਰਸ਼ਕ ਵਰਗ ਬਣਾਇਆ ਅਤੇ ਮੁੱਖ ਧਾਰਾ ਦੇ ਮਨੋਰੰਜਨ ਵਿੱਚ ਸਫ਼ਲ ਤਬਦੀਲੀ ਕੀਤੀ।
Lilly Singh at York University to receive her honorary degree. / Lilly singh2025 ਦੀ ਗ੍ਰੈਜੂਏਟ ਕਲਾਸ ਨੂੰ ਸੰਬੋਧਨ ਕਰਦੇ ਹੋਏ, ਸਿੰਘ ਨੇ ਵਿਦਿਆਰਥੀਆਂ ਨੂੰ ਅਨਿਸ਼ਚਿਤਤਾ ਨੂੰ ਅਪਣਾਉਣ ਅਤੇ ਅਸਫਲਤਾ ਨੂੰ ਵਿਕਾਸ ਦੇ ਹਿੱਸੇ ਵਜੋਂ ਮੰਨਣ ਦੀ ਅਪੀਲ ਕੀਤੀ। ਉਨ੍ਹਾਂ ਕਿਹਾ, “ਮੈਂ ਤੁਹਾਨੂੰ ਯਕੀਨ ਦਵਾਉਣਾ ਚਾਹੁੰਦੀ ਹਾਂ — ਸਭ ਕੁਝ ਸਮਝ ਲੈਣਾ ਇਕ ਝੂਠਾ ਖ਼ਿਆਲ ਹੈ। ਇਹ ਇੱਕ ਕਥਾ ਹੈ, ਹਕੀਕਤ ਨਹੀਂ।”
ਆਪਣੇ ਵਿਦਿਆਰਥੀ ਜੀਵਨ ਨੂੰ ਯਾਦ ਕਰਦਿਆਂ ਸਿੰਘ ਨੇ ਕਬੂਲਿਆ ਕਿ ਇੱਕ ਸਮਾਂ ਸੀ ਜਦੋਂ ਉਹ ਜੀਵਨ ਦੀ ਦਿਸ਼ਾ ਅਤੇ ਪਰਿਵਾਰਕ ਉਮੀਦਾਂ ਨੂੰ ਪੂਰਾ ਕਰਨ ਦੇ ਦਬਾਅ ਨਾਲ ਜੂਝ ਰਹੀ ਸੀ। ਉਨ੍ਹਾਂ ਹੱਸਦਿਆਂ ਦੱਸਿਆ ਕਿ ਉਸਨੇ ਆਪਣੀ ਮਾਂ ਨੂੰ ਕਿਹਾ ਸੀ ਕਿ ਉਹ ਪੋਸਟਗ੍ਰੈਜੂਏਸ਼ਨ ਦੀ ਬਜਾਏ ਮਨੋਰੰਜਨ ਖੇਤਰ ਵਿੱਚ ਕਰੀਅਰ ਬਣਾਉਣਾ ਚਾਹੁੰਦੀ ਹੈ। ਉਸਨੇ ਕਿਹਾ, “ਮਾਂ, ਪਿਤਾ ਜੀ — ਇਹ ਸ਼ਾਇਦ ਉਸ ਤਰੀਕੇ ਨਾਲ ਨਹੀਂ ਹੋਇਆ ਜਿਵੇਂ ਤੁਸੀਂ ਸੋਚਿਆ ਸੀ, ਪਰ ਅੱਜ ਤੁਹਾਡੀ ਧੀ ਘਰ ਇੱਕ ਪੀਐਚ.ਡੀ. ਲਿਆ ਰਹੀ ਹੈ — ਅਤੇ ਕਾਨੂੰਨ ਵਿੱਚ ਡਾਕਟਰੇਟ ਵੀ। ਮਤਲਬ ਮੈਂ ਇੱਕ ਡਾਕਟਰ ਵੀ ਹਾਂ ਅਤੇ ਵਕੀਲ ਵੀ,” ਉਹਨਾਂ ਮਜ਼ਾਕ ਕੀਤਾ।
ਆਪਣੇ ਭਾਸ਼ਣ ਦੌਰਾਨ, ਸਿੰਘ ਨੇ ਕਿਹਾ ਕਿ ਅਸਫਲਤਾ ਕੋਈ ਪਿੱਛੇ ਲੈ ਜਾਣ ਵਾਲੀ ਚੀਜ਼ ਨਹੀਂ, ਸਗੋਂ ਇੱਕ ਅਧਿਆਪਕ ਹੈ। ਅੰਤ ਵਿੱਚ, ਸਿੰਘ ਨੇ ਵਿਦਿਆਰਥੀਆਂ ਨੂੰ ਯਾਦ ਦਵਾਇਆ ਕਿ ਸਿੱਖਿਆ ਸਿਰਫ਼ ਕਾਲਜ ਦੀਆਂ ਕਲਾਸਾਂ ਤੱਕ ਸੀਮਿਤ ਨਹੀਂ ਹੁੰਦੀ। ਆਪਣੇ ਆਪ ਨਾਲ ਸਭ ਤੋਂ ਵੱਡਾ ਅਨਿਆਂ ਇਹ ਸੋਚਣਾ ਹੈ ਕਿ ਤੁਸੀਂ ਸਭ ਕੁਝ ਸਿੱਖ ਲਿਆ ਹੈ ਅਤੇ ਹੁਣ ਹੋਰ ਸਿੱਖਣ ਲਈ ਕੁਝ ਨਹੀਂ ਬਚਿਆ। ਤੁਸੀਂ ਆਪਣੀ ਜ਼ਿੰਦਗੀ ਵਿੱਚ ਕਈ ਵਾਰ ਗ੍ਰੈਜੂਏਟ ਹੋਵੋਗੇ — ਸਿਰਫ਼ ਹਮੇਸ਼ਾਂ ਟੋਪੀ ਅਤੇ ਗਾਊਨ ਵਿੱਚ ਨਹੀਂ।”
Related
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
Video
Comments
Start the conversation
Become a member of New India Abroad to start commenting.
Sign Up Now
Already have an account? Login