ADVERTISEMENT
ADVERTISEMENT
'ਬਾਹੂਬਲੀ: ਦ ਐਪਿਕ' 31 ਅਕਤੂਬਰ ਨੂੰ ਦੁਨੀਆ ਭਰ ਵਿੱਚ ਰਿਲੀਜ਼
ਰੀਮਾਸਟਰਡ ਵਰਜ਼ਨ ਦਾ ਅਮਰੀਕਾ ਅਤੇ ਯੂ.ਕੇ. ਵਿੱਚ ਪ੍ਰੀਮੀਅਰ ਹੋਇਆ, ਜਿਸ ਨੂੰ ਪ੍ਰਵਾਸੀ ਪ੍ਰਸ਼ੰਸਕਾਂ ਤੋਂ ਕਾਫੀ ਪ੍ਰਸ਼ੰਸਾ ਮਿਲੀ
-
ਪ੍ਰਨਵੀ ਸ਼ਰਮਾ - Fri, 31, Oct 2025
- 08:44 EDT
- 44
'ਬਾਹੂਬਲੀ: ਦ ਐਪਿਕ' / ਪ੍ਰਨਵੀ ਸ਼ਰਮਾ
ਡਾਇਰੈਕਟਰ ਐਸ.ਐਸ. ਰਾਜਮੌਲੀ ਦੀ ਫ਼ਿਲਮ “ਬਾਹੁਬਲੀ: ਦ ਐਪਿਕ” ਜੋ ਦੋ ਭਾਗਾਂ ਵਾਲੀ ਕਹਾਣੀ ਦਾ ਇੱਕ ਨਵਾਂ ਰੀਮਾਸਟਰਡ ਸਿੰਗਲ-ਪਾਰਟ ਵਰਜ਼ਨ ਹੈ, 29 ਅਕਤੂਬਰ ਨੂੰ ਹੋਣ ਵਾਲੀਆਂ ਅੰਤਰਰਾਸ਼ਟਰੀ ਪ੍ਰੀਮੀਅਰਾਂ ਤੋਂ ਬਾਅਦ 31 ਅਕਤੂਬਰ ਨੂੰ ਵਿਸ਼ਵ-ਪੱਧਰ ‘ਤੇ ਰਿਲੀਜ਼ ਕੀਤਾ ਗਿਆ ਹੈ। ਲਗਭਗ ਤਿੰਨ ਘੰਟੇ 44 ਮਿੰਟ ਦੀ ਇਹ ਫ਼ਿਲਮ, ਜਿਸ ਵਿੱਚ ਪ੍ਰਭਾਸ, ਰਾਣਾ ਦੱਗੂਬਤੀ ਅਤੇ ਅਨੁਸ਼ਕਾ ਸ਼ੈੱਟੀ ਮੁੱਖ ਕਿਰਦਾਰ ਨਿਭਾਅ ਰਹੇ ਹਨ, ਨੂੰ IMAX ਅਤੇ ਹੋਰ ਵੱਡੀ ਸਕ੍ਰੀਨ ਅਨੁਭਵਾਂ ਲਈ ਦੁਬਾਰਾ ਐਡਿਟ ਕੀਤਾ ਗਿਆ ਹੈ।
ਇਹ ਰਿਲੀਜ਼ ‘ਬਾਹੁਬਲੀ’ ਫ੍ਰੈਂਚਾਈਜ਼ੀ ਦੀ 10ਵੀਂ ਵਰ੍ਹੇਗੰਢ ਨੂੰ ਦਰਸਾਉਂਦੀ ਹੈ, ਇੱਕ ਅਜਿਹੀ ਫ਼ਿਲਮ ਸੀਰੀਜ਼ ਜਿਸ ਨੇ ਗਲੋਬਲ ਬਾਕਸ ਆਫਿਸ ‘ਤੇ ਇਤਿਹਾਸ ਰਚਿਆ ਸੀ। ਅਮਰੀਕਾ ਅਤੇ ਯੂਕੇ ਵਿੱਚ ਸ਼ੁਰੂਆਤੀ ਸਕ੍ਰੀਨਿੰਗ ਵਿੱਚ ਸ਼ਾਮਲ ਹੋਣ ਵਾਲੇ ਦਰਸ਼ਕਾਂ ਨੇ ਨਵੇਂ ਕੱਟ ਨੂੰ "ਯਾਦਗਾਰ" (nostalgic) ਅਤੇ "ਇੱਕ ਜ਼ਬਰਦਸਤ ਸਿਨੇਮੈਟਿਕ ਸਫ਼ਰ" ਦੱਸਿਆ ਅਤੇ ਇਸਨੂੰ “ਪ੍ਰਸ਼ੰਸਕਾਂ ਲਈ ਦੇਖਣ-ਯੋਗ” ਦੱਸਿਆ।
ਇੱਕ ਦਰਸ਼ਕ ਨੇ ਐਕਸ ‘ਤੇ ਲਿਖਿਆ: “ਕਿੰਨੀ ਵੀ ਵਾਰ ਤੁਸੀਂ ‘ਬਾਹੁਬਲੀ’ ਦੇਖੀ ਹੋਵੇ, ਇਹ ਸਿੰਗਲ-ਪਾਰਟ ਵਾਲਾ ਨਵਾਂ ਐਡਿਟ ਕੀਤਾ ਵਰਜਨ ਅਨੁਭਵ ਨੂੰ ਫਿਰ ਤਾਜ਼ਾ ਤੇ ਦਿਲਚਸਪ ਬਣਾ ਦਿੰਦਾ ਹੈ। ਅਜਿਹਾ ਲੱਗਦਾ ਹੈ ਜਿਵੇਂ ਤੁਸੀਂ ਇੱਕ ਬਿਲਕੁਲ ਨਵੀਂ ਫ਼ਿਲਮ ਦੇਖ ਰਹੇ ਹੋ।”
ਇੱਕ ਹੋਰ ਦਰਸ਼ਕ ਜਿਸ ਨੇ ਯੂ.ਕੇ. ਵਿੱਚ ਸਕ੍ਰੀਨਿੰਗ ਦੇਖੀ, ਕਹਿੰਦਾ ਹੈ: “ਮੈਂ ‘ਬਾਹੁਬਲੀ: ਦ ਐਪਿਕ’ ਯੂਕੇ ਵਿੱਚ ਦੇਖੀ ਅਤੇ ਘੱਟੋ-ਘੱਟ 10–15 ਸਥਾਨਕ ਲੋਕਾਂ ਨੂੰ ਸਿਨੇਮਾ ਹਾਲ ਵਿੱਚ ਦੇਖਿਆ। ਮੈਂ ਕਦੇ ਵੀ ਕਿਸੇ ਭਾਰਤੀ ਫ਼ਿਲਮ ਵਿੱਚ ਇੰਨੇ ਗੋਰੇ ਲੋਕ ਨਹੀਂ ਦੇਖੇ ਸਨ, ਪਰ ਹੁਣ ਦੇਖੇ। ਰਾਜਮੌਲੀ ਸੱਚਮੁੱਚ ਭਾਰਤੀ ਸਿਨੇਮਾ ਨੂੰ ਅੰਤਰਰਾਸ਼ਟਰੀ ਪੱਧਰ ‘ਤੇ ਲੈ ਜਾ ਰਹੇ ਹਨ।”
ਨਿਰਮਾਤਾ ਸ਼ੋਭੂ ਯਾਰਲਗੱਡਾ ਨੇ ਪੁਸ਼ਟੀ ਕੀਤੀ ਹੈ ਕਿ ਬਾਹੁਬਲੀ ਯੂਨੀਵਰਸ ‘ਤੇ ਆਧਾਰਿਤ 3D ਐਨੀਮੇਟਿਡ ਸੀਰੀਜ਼ ਪਿਛਲੇ ਦੋ ਸਾਲਾਂ ਤੋਂ ਵਿਕਾਸ ਅਧੀਨ ਹੈ, ਜਿਸ ਦਾ ਬਜਟ ਲਗਭਗ 120 ਕਰੋੜ ਹੈ, ਜੋ ਬਾਹੁਬਲੀ: ਦ ਬਿਗਿਨਿੰਗ ਦੇ ਬਰਾਬਰ ਹੈ।
ਇਹ ਸੀਰੀਜ਼ ਫੋਰਟੀਚ ਸਟੂਡੀਓ ਵੱਲੋਂ ਐਨੀਮੇਟ ਕੀਤੀ ਗਈ ਹੈ ਅਤੇ ਇਸ ਦਾ ਨਿਰਦੇਸ਼ਨ ਫਿਲਮਕਾਰ ਇਸ਼ਾਨ ਸ਼ੁਕਲਾ ਨੇ ਕੀਤਾ ਹੈ। ਲੇਖਕ ਦੇਵਾ ਕੱਟਾ, ਮਾਧਨ ਕਾਰਕੀ, ਸੋਵਿਆ ਸ਼ਰਮਾ ਅਤੇ ਵਿਨੇ ਵਰਨਾਨੀ ਇਸ ਦੀ ਰਚਨਾਤਮਕ ਟੀਮ ਦਾ ਹਿੱਸਾ ਹਨ, ਜਦਕਿ ਐੱਮ. ਐੱਮ. ਕੀਰਵਾਣੀ ਨੇ ਸੰਗੀਤ ਤਿਆਰ ਕੀਤਾ ਹੈ।
ਇਹ ਪ੍ਰੋਜੈਕਟ ਅਮਰੀਕੀ-ਕੈਨੇਡੀਅਨ ਨਿਰਮਾਤਾ ਸਕਾਟ ਮੋਸਿਯਰ ਅਤੇ ਪ੍ਰਸਾਦ ਭੀਮਿਨੇਨੀ ਨੇ ਸਾਂਝੇ ਤੌਰ ‘ਤੇ ਪ੍ਰੋਡਿਊਸ ਕੀਤਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login