ADVERTISEMENT
ADVERTISEMENT
ਟਰੰਪ ਦੇ 'ਵੈਨੇਜ਼ੁਏਲਾ ਫੋਕਸ' ਨੇ ਉੱਚ ਸਲਾਹਕਾਰ ਕੀਤੇ ਪਰੇਸ਼ਾਨ ,ਮਿਡਟਰਮ ਚੋਣਾਂ ਬਣੀਆਂ ਚੁਣੌਤੀ
ਜਦੋਂ ਇੱਕ ਆਮ ਅਮਰੀਕੀ ਪਰਿਵਾਰ ਮਹੀਨੇ ਦੇ ਅਖੀਰ ‘ਚ ਕਿਰਾਇਆ, ਭੋਜਨ ਅਤੇ ਸਿਹਤ ਬੀਮੇ ਦੇ ਬਿੱਲ ਜੋੜ ਰਿਹਾ ਹੁੰਦਾ ਹੈ, ਉਸੇ ਸਮੇਂ ਵ੍ਹਾਈਟ ਹਾਊਸ ਵਿੱਚ ਚਰਚਾ ਵੈਨੇਜ਼ੁਏਲਾ, ਸੀਰੀਆ ਅਤੇ ਯੂਕਰੇਨ ਵਰਗੇ ਵਿਦੇਸ਼ੀ ਮੋਰਚਿਆਂ ‘ਤੇ ਕੇਂਦਰਿਤ ਹੈ। ਅਜਿਹਾ ਰੁਝਾਨ ਟਰੰਪ ਦੇ ਸਹਿਯੋਗੀਆਂ ਨੂੰ ਵੀ ਸੋਚਣ ‘ਤੇ ਮਜਬੂਰ ਕਰ ਰਿਹਾ ਹੈ ਕਿ ਕੀ ਇਹ ਰਣਨੀਤੀ ਘਰੇਲੂ ਆਰਥਿਕ ਚੁਣੌਤੀਆਂ ਦੇ ਸਾਮ੍ਹਣੇ ਸਹੀ ਹੈ।
-
ਰਾਇਟਰਜ਼ - Sat, 10, Jan 2026
- 03:49 EST
- 21
ਟਰੰਪ ਦੇ 'ਵੈਨੇਜ਼ੁਏਲਾ ਫੋਕਸ' ਨੇ ਉੱਚ ਸਲਾਹਕਾਰ ਕੀਤੇ ਪਰੇਸ਼ਾਨ ,ਮਿਡਟਰਮ ਚੋਣਾਂ ਬਣੀਆਂ ਚੁਣੌਤੀ / REUTERS/Kevin Lamarque
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਵੈਨੇਜ਼ੁਏਲਾ ਵੱਲ ਲਗਾਤਾਰ ਧਿਆਨ ਉਨ੍ਹਾਂ ਦੇ ਕੁਝ ਨੇੜਲੇ ਸਹਿਯੋਗੀਆਂ ਅਤੇ ਰਿਪਬਲਿਕਨ ਕਾਨੂੰਨਘਾੜਿਆਂ ਲਈ ਚਿੰਤਾ ਦਾ ਕਾਰਨ ਬਣ ਗਿਆ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਚੋਣ ਸਾਲ ਵਿੱਚ ਰਾਸ਼ਟਰਪਤੀ ਨੂੰ ਵਿਦੇਸ਼ ਨੀਤੀ ਦੀ ਬਜਾਏ ਮਹਿੰਗਾਈ, ਅਰਥਵਿਵਸਥਾ ਅਤੇ ਸਿਹਤ ਸੇਵਾਵਾਂ ਵਰਗੇ ਘਰੇਲੂ ਮੁੱਦਿਆਂ ‘ਤੇ ਵਧੇਰੇ ਧਿਆਨ ਦੇਣਾ ਚਾਹੀਦਾ ਹੈ।
ਵ੍ਹਾਈਟ ਹਾਊਸ ਦੇ ਅਧਿਕਾਰੀਆਂ ਮੁਤਾਬਕ, ਚੀਫ਼ ਆਫ਼ ਸਟਾਫ਼ ਸੂਸੀ ਵਾਈਲਸ, ਉਨ੍ਹਾਂ ਦੇ ਡਿਪਟੀ ਜੇਮਸ ਬਲੇਅਰ ਅਤੇ ਉਪ ਰਾਸ਼ਟਰਪਤੀ ਜੇ.ਡੀ. ਵੈਂਸ ਵਾਰ-ਵਾਰ ਟਰੰਪ ਨੂੰ ਘਰੇਲੂ ਮਸਲਿਆਂ ਨੂੰ ਪਹਿਲ ਦੇਣ ਦੀ ਸਲਾਹ ਦੇ ਰਹੇ ਹਨ। ਜੇ.ਡੀ. ਵੈਂਸ ਮੀਟਿੰਗਾਂ ਦੌਰਾਨ ਆਮ ਲੋਕਾਂ ਨਾਲ ਜੁੜੇ ਮੁੱਦਿਆਂ ਜਿਵੇਂ ਰੋਜ਼ਾਨਾ ਦੇ ਖਰਚੇ ਅਤੇ ਮਹਿੰਗਾਈ ਵੱਲ ਚਰਚਾ ਨੂੰ ਮੁੜ ਕੇਂਦਰਿਤ ਕਰਨ ਦੀ ਕੋਸ਼ਿਸ਼ ਕਰਦੇ ਰਹਿੰਦੇ ਹਨ।
ਅਧਿਕਾਰੀਆਂ ਕਹਿੰਦੇ ਹਨ ਕਿ ਵੈਨੇਜ਼ੁਏਲਾ ਵਿੱਚ ਅਮਰੀਕੀ ਕਾਰਵਾਈ ਤੋਂ ਬਾਅਦ ਟਰੰਪ ਅਤੇ ਉਨ੍ਹਾਂ ਦੇ ਸੀਨੀਅਰ ਅਧਿਕਾਰੀ ਵਿਦੇਸ਼ੀ ਮਾਮਲਿਆਂ ‘ਤੇ ਕਾਫ਼ੀ ਜ਼ਿਆਦਾ ਧਿਆਨ ਦੇ ਰਹੇ ਹਨ, ਜਿਸ ਨਾਲ ਕਈ ਰਿਪਬਲਿਕਨ ਨੇਤਾ ਨਾਰਾਜ਼ ਹਨ। ਭਾਵੇਂ ਮਹਿੰਗਾਈ ਵਿੱਚ ਕੁਝ ਕਮੀ ਆਈ ਹੈ, ਪਰ ਆਮ ਲੋਕ ਅਜੇ ਵੀ ਘਰਾਂ ਦੇ ਕਿਰਾਏ, ਖਾਣ-ਪੀਣ ਦੀਆਂ ਚੀਜ਼ਾਂ ਅਤੇ ਸਿਹਤ ਬੀਮੇ ਦੀਆਂ ਵਧੀਆਂ ਕੀਮਤਾਂ ਨਾਲ ਪਰੇਸ਼ਾਨ ਹਨ।
ਵ੍ਹਾਈਟ ਹਾਊਸ ਨੇ ਕਿਹਾ ਹੈ ਕਿ ਟਰੰਪ ਦੀ ਸਭ ਤੋਂ ਵੱਡੀ ਤਰਜੀਹ ਹਮੇਸ਼ਾ ਅਰਥਵਿਵਸਥਾ ਰਹੀ ਹੈ ਅਤੇ ਉਨ੍ਹਾਂ ਦੀ ਵਿਦੇਸ਼ ਨੀਤੀ ਵੀ “ਅਮਰੀਕਾ ਫਸਟ” ਦੇ ਸਿਧਾਂਤ ‘ਤੇ ਆਧਾਰਿਤ ਹੈ। ਇਸ ਦੇ ਨਾਲ ਹੀ ਉਪ ਰਾਸ਼ਟਰਪਤੀ ਵੈਂਸ ਦੇ ਦਫ਼ਤਰ ਨੇ ਦੱਸਿਆ ਕਿ ਉਹ ਟਰੰਪ ਦੀਆਂ ਘਰੇਲੂ ਅਤੇ ਵਿਦੇਸ਼ੀ ਦੋਵਾਂ ਨੀਤੀਆਂ ਦਾ ਸਮਰਥਨ ਕਰਦੇ ਹਨ।
ਇਹ ਚਿੰਤਾ ਕੋਈ ਨਵੀਂ ਗੱਲ ਨਹੀਂ ਹੈ। ਪਿਛਲੇ ਕੁਝ ਹਫ਼ਤਿਆਂ ਵਿੱਚ ਟਰੰਪ ਨੇ ਗ੍ਰੀਨਲੈਂਡ ਅਤੇ ਪਨਾਮਾ ਬਾਰੇ ਬਿਆਨ ਦਿੱਤੇ, ਸੀਰੀਆ ਅਤੇ ਨਾਈਜੀਰੀਆ ਵਿੱਚ ਹਮਲਿਆਂ ਦੇ ਹੁਕਮ ਜਾਰੀ ਕੀਤੇ ਅਤੇ ਯੂਕਰੇਨ-ਰੂਸ ਸ਼ਾਂਤੀ ਯਤਨਾਂ ਵਿੱਚ ਵੀ ਸਰਗਰਮ ਭੂਮਿਕਾ ਨਿਭਾਈ ਹੈ। ਪਰ ਜਿਵੇਂ-ਜਿਵੇਂ ਚੋਣਾਂ ਨੇੜੇ ਆ ਰਹੀਆਂ ਹਨ, ਇਹ ਮੁੱਦਾ ਹੋਰ ਵੀ ਗੰਭੀਰ ਬਣਦਾ ਜਾ ਰਿਹਾ ਹੈ।
ਰਿਪਬਲਿਕਨ ਕਾਨੂੰਨਘਾੜੇ ਕਹਿੰਦੇ ਹਨ ਕਿ ਮੱਧਕਾਲੀ ਕਾਂਗਰਸ ਚੋਣਾਂ ਆਮ ਤੌਰ ‘ਤੇ ਸੱਤਾ ਵਿੱਚ ਬੈਠੀ ਪਾਰਟੀ ਲਈ ਨੁਕਸਾਨਦਾਇਕ ਹੁੰਦੀਆਂ ਹਨ। ਅਜਿਹੀ ਸਥਿਤੀ ਵਿੱਚ ਜੇ ਵੋਟਰ ਅਰਥਵਿਵਸਥਾ ਤੋਂ ਖੁਸ਼ ਨਹੀਂ ਹੁੰਦੇ, ਤਾਂ ਰਿਪਬਲਿਕਨ ਪਾਰਟੀ ਲਈ ਕਾਂਗਰਸ ਵਿੱਚ ਆਪਣੀ ਥੋੜ੍ਹੀ ਬਹੁਤ ਲੀਡ ਬਚਾਉਣਾ ਔਖਾ ਹੋ ਸਕਦਾ ਹੈ।
ਟਰੰਪ ਨੇ “ਅਮਰੀਕਾ ਫਸਟ” ਏਜੰਡੇ ‘ਤੇ ਚੋਣ ਜਿੱਤੀ ਸੀ ਅਤੇ ਵਿਦੇਸ਼ੀ ਦਖ਼ਲਅੰਦਾਜ਼ੀ ਤੋਂ ਬਚਣ ਦੇ ਨਾਲ-ਨਾਲ ਦੇਸ਼ ਦੀ ਅਰਥਵਿਵਸਥਾ ਮਜ਼ਬੂਤ ਕਰਨ ਦਾ ਵਾਅਦਾ ਕੀਤਾ ਸੀ। ਸਰਵੇਖਣਾਂ ਤੋਂ ਪਤਾ ਲੱਗਦਾ ਹੈ ਕਿ ਅਮਰੀਕੀ ਚੋਣਾਂ ਵਿੱਚ ਵਿਦੇਸ਼ ਨੀਤੀ ਆਮ ਤੌਰ ‘ਤੇ ਵੱਡਾ ਮੁੱਦਾ ਨਹੀਂ ਬਣਦੀ, ਜਦਕਿ ਮਹਿੰਗਾਈ ਅਤੇ ਰੋਜ਼ਾਨਾ ਖਰਚੇ ਵੋਟਰਾਂ ਲਈ ਸਭ ਤੋਂ ਅਹਿਮ ਰਹਿੰਦੇ ਹਨ।
ਇਸੇ ਕਰਕੇ ਵ੍ਹਾਈਟ ਹਾਊਸ ਹੁਣ ਸਰਵੇਖਣ ਕਰਵਾ ਰਿਹਾ ਹੈ, ਤਾਂ ਜੋ ਇਹ ਸਮਝਿਆ ਜਾ ਸਕੇ ਕਿ ਟਰੰਪ ਦੇ ਸਮਰਥਕ ਵੈਨੇਜ਼ੁਏਲਾ ਅਤੇ ਹੋਰ ਵਿਦੇਸ਼ੀ ਨੀਤੀਆਂ ਨੂੰ ਕਿਵੇਂ ਦੇਖਦੇ ਹਨ। ਪ੍ਰਸ਼ਾਸਨ ਦਾ ਮੰਨਣਾ ਹੈ ਕਿ “ਅਮਰੀਕਾ ਫਸਟ” ਦੇ ਸੰਦੇਸ਼ ਨੂੰ ਮਜ਼ਬੂਤ ਵਿਦੇਸ਼ ਨੀਤੀ ਰਾਹੀਂ ਅੱਗੇ ਵਧਾਇਆ ਜਾ ਸਕਦਾ ਹੈ, ਪਰ ਇਸ ਮੁੱਦੇ ‘ਤੇ ਪਾਰਟੀ ਦੇ ਅੰਦਰ ਮਤਭੇਦ ਖੁੱਲ੍ਹ ਕੇ ਸਾਹਮਣੇ ਆ ਰਹੇ ਹਨ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login