ADVERTISEMENTs
-10”-x-5.jpg)
ਨਫਰਤ ਖਿਲਾਫ ਸਿੱਖ ਕੌਮ ਦੇ ਨਾਲ ਖੜਾ ਹਾਂ: ਨਿਊ ਯਾਰਕ ਮੇਅਰ ਇਰਿਕ ਐਡਮਸ
ਮੇਅਰ ਨੇ ਇਹ ਵਚਨਬੱਧਤਾ ਪ੍ਰਗਟਾਈ ਕਿ ਉਹ ਸਿੱਖ ਭਾਈਚਾਰੇ ਦੀ ਸੁਰੱਖਿਆ ਯਕੀਨੀ ਬਣਾਉਣਗੇ ਅਤੇ ਕਿਸੇ ਨੂੰ ਵੀ ਨਫ਼ਰਤੀ ਹਮਲੇ ਦਾ ਸ਼ਿਕਾਰ ਨਹੀਂ ਹੋਣ ਦੇਣਗੇ। ਜਸਮੇਰ ਸਿੰਘ ਬਾਰੇ ਗੱਲ ਕਰਦਿਆਂ ਮੇਅਰ ਐਡਮਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸਾਡੇ ਵਿੱਚ ਹੋਣਾ ਸੀ, ਉਹ ਆਪਣੇ ਪੁੱਤਰ ਨਾਲ ਹੋਣੇ ਚਾਹੀਦੇ ਸਨ। ਉਹ ਹਾਲੇ ਵੀ ਆਪਣੇ ਅਮਰੀਕਾ ਦੇ ਸੁਪਨੇ ਜਿਉਂਦੇ ਹੋਣੇ ਚਾਹੀਦੇ ਸਨ।
-
Staff Reporter - Tue, 19, Dec 2023
- 05:32 EST
- 200
- New Yorkl
ਸਿੱਖ ਭਾਈਚਾਰੇ ਨਾਲ ਮੁਲਾਕਾਤ ਦੌਰਾਨ ਸੰਬੋਧਨ ਕਰਦੇ ਨਿਊ ਯਾਰਕ ਦੇ ਮੇਅਰ ਇਰਿਕ ਐਡਮਸ। / x.com @NYCMayor
ਸਿੱਖ ਭਾਈਚਾਰੇ ਨਾਲ ਇੱਕ ਮੁਲਾਕਾਤ ਮੌਕੇ ਸੰਬੋਧਨ ਕਰਦਿਆਂ ਨਿਊ ਯਾਰਕ ਦੇ ਮੇਅਰ ਇਰਿਕ ਐਡਮਸ ਨੇ ਹਾਲ ਹੀ ਵਿੱਚ ਸਿੱਖਾਂ ਵਿਰੁੱਧ ਹੋਏ ਨਫ਼ਰਤੀ ਹਮਲਿਆਂ ਦੀ ਨਿੰਦਾ ਕੀਤੀ ਅਤੇ ਏਕਤਾ ਦਾ ਪ੍ਰਗਟਾਵਾ ਕੀਤਾ। ਐਡਮਸ ਨੇ ਕਿਹਾ ਕਿ ਸਿੱਖਾਂ ਦੀ ਦਸਤਾਰ ਅੱਤਵਾਦ ਦੀ ਨਹੀਂ ਸਗੋਂ ਸੁਰੱਖਿਆ ਦੀ ਪ੍ਰਤੀਨਿਧਤਾ ਕਰਦੀ ਹੈ।
“ਇਹ (ਸਿੱਖ ਦਸਤਾਰ) ਤੁਹਾਡੇ ਰੱਖਿਅਕ ਹੋਣ ਦੇ ਇਤਿਹਾਸ ਨੂੰ ਦਰਸਾਉਂਦੀ ਹੈ ਜੋ ਹੁਣ ਤੁਹਾਡੇ ਭਾਈਚਾਰੇ ਨੂੰ ਲੱਭਣ ਤੇ ਨੁਕਸਾਨ ਪਹੁੰਚਾਉਣ ਲਈ ਇੱਕ ਨਿਸ਼ਾਨੇ ਤੇ ਸਾਧਨ ਵਜੋਂ ਵਰਤੀ ਜਾ ਰਹੀ ਹੈ”, ਇਰਿਕ ਐਡਮਸ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ।
ਮੇਅਰ ਦਾ ਇਹ ਬਿਆਨ ਹਾਲ ਹੀ ’ਚ ਨਿਊ ਯਾਰਕ ਸ਼ਹਿਰ ਵਿਖੇ ਸਿੱਖਾਂ ਵਿਰੁੱਧ ਵਾਪਰੀਆਂ 2 ਨਫ਼ਰਤੀ ਘਟਨਾਵਾਂ ਤੋਂ ਬਾਅਦ ਆਇਆ ਹੈ। ਇੱਕ ਘਟਨਾ ਵਿੱਚ ਤਾਂ ਬਜ਼ੁਰਗ ਸਿੱਖ ਜਸਮੇਰ ਸਿੰਘ ਦੀ ਹਮਲੇ ਵਿੱਚ ਲੱਗੀਆਂ ਸੱਟਾਂ ਕਾਰਨ ਮੌਤ ਹੋ ਗਈ।
ਮੇਅਰ ਨੇ ਇਹ ਵਚਨਬੱਧਤਾ ਪ੍ਰਗਟਾਈ ਕਿ ਉਹ ਸਿੱਖ ਭਾਈਚਾਰੇ ਦੀ ਸੁਰੱਖਿਆ ਯਕੀਨੀ ਬਣਾਉਣਗੇ ਅਤੇ ਕਿਸੇ ਨੂੰ ਵੀ ਨਫ਼ਰਤੀ ਹਮਲੇ ਦਾ ਸ਼ਿਕਾਰ ਨਹੀਂ ਹੋਣ ਦੇਣਗੇ। ਜਸਮੇਰ ਸਿੰਘ ਬਾਰੇ ਗੱਲ ਕਰਦਿਆਂ ਮੇਅਰ ਐਡਮਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸਾਡੇ ਵਿੱਚ ਹੋਣਾ ਸੀ, ਉਹ ਆਪਣੇ ਪੁੱਤਰ ਨਾਲ ਹੋਣੇ ਚਾਹੀਦੇ ਸਨ। ਉਹ ਹਾਲੇ ਵੀ ਆਪਣੇ ਅਮਰੀਕਾ ਦੇ ਸੁਪਨੇ ਜਿਉਂਦੇ ਹੋਣੇ ਚਾਹੀਦੇ ਸਨ।
ਮੇਅਰ ਨੇ ਕਿਹਾ ਕਿ ਸਾਨੂੰ ਵੱਖ-ਵੱਖ ਪੱਧਰਾਂ ’ਤੇ ਨਫ਼ਰਤ ਦੇ ਖਿਲਾਫ ਸਖ਼ਤੀ ਨਾਲ ਨਜਿੱਠਣਾ ਪਵੇਗਾ। ਉਨ੍ਹਾਂ ਕਿਹਾ ਕਿ ਸਾਨੂੰ ਲੋਕਾਂ ਨੂੰ ਇਸ ਬਾਰੇ ਸਿੱਖਿਅਤ ਕਰਨਾ ਪਵੇਗਾ ਕਿ ਸਿੱਖ ਭਾਈਚਾਰੇ ਦੇ ਸਿਧਾਂਤ ਕੀ ਹਨ।
“ਸਿੱਖ ਅੱਤਵਾਦੀ ਨਹੀਂ ਸਗੋਂ ਰੱਖਿਅਕ ਹਨ ਅਤੇ ਇਹ ਪੂਰੇ ਸ਼ਹਿਰ ਵਿੱਚ ਸਭ ਲੋਕਾਂ ਨੂੰ ਪੜ੍ਹਾਇਆ ਜਾਣਾ ਚਾਹੀਦਾ ਹੈ। ਨੌਜਵਾਨ ਅਤੇ ਵੱਡਿਆਂ ਨੂੰ ਇਹ ਗੱਲ ਸਮਝਣੀ ਜ਼ਰੂਰੀ ਹੈ”, ਐਡਮਸ ਨੇ ਕਿਹਾ। ਉਨ੍ਹਾਂ ਕੋਵਿਡ ਮਹਾਂਮਾਰੀ ਦਾ ਸਮਾਂ ਯਾਦ ਕਰਦਿਆਂ ਕਿਹਾ ਕਿ ਸਿੱਖਾਂ ਨੇ ਲੋੜਵੰਦਾਂ ਲਈ ਦਰਵਾਜ਼ੇ ਖੋਲ੍ਹੇ, ਜੋ ਇਹ ਦਰਸਾਉਂਦਾ ਹੈ ਕਿ ਇਹ ਲੋਕ ਅਸਲ ਰੱਖਿਅਕ ਹਨ। ਉਨ੍ਹਾਂ ਕਿਹਾ ਕਿ ਅਗਿਆਨ ਨੂੰ ਗਿਆਨ ਵਿੱਚ ਬਦਲਨਾ ਹੋਵੇਗਾ। ਤੁਹਾਡੀ ਦਸਤਾਰ ਦਾ ਮਤਲਬ ਅੱਤਵਾਦ ਨਹੀਂ। ਇਸਦਾ ਮਤਲਬ ਸੁਰੱਖਿਆ, ਭਾਈਚਾਰਾ, ਪਰਿਵਾਰ, ਵਿਸ਼ਵਾਸ, ਸ਼ਹਿਰ ਅਤੇ ਇੱਕਜੁੱਟਤਾ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਤੁਹਾਡੇ ਨਾਲ ਕੰਮ ਕਰਦਿਆਂ ਸੰਵਾਦ ਤੇ ਬਿਰਤਾਂਤ ਨੂੰ ਬਦਲਾਂਗੇ। ਇਹ ਕੰਮ ਅਸੀਂ ਇਕੱਠੇ ਕਰ ਸਕਦੇ ਹਾਂ।
ਸਿੱਖਾਂ ਨਾਲ ਆਪਣੀ ਮੁਲਾਕਾਤ ਬਾਰੇ ਮੇਅਰ ਐਡਮਸ ਨੇ 30 ਅਕਤੂਬਰ ਨੂੰ ਐਕਸ ਪੋਸਟ ਵਿੱਚ ਲਿਖਿਆ ਕਿ, “ਕੱਲ੍ਹ ਮੈਂ ਆਪਣੇ ਸਿੱਖ ਭਾਈਚਾਰੇ ਨਾਲ ਇੱਕਜੁੱਟ ਹੋ ਕੇ ਇਹ ਕਹਿਣ ਲਈ ਸ਼ਾਮਲ ਹੋਇਆ ਸੀ ਕਿ ਅਸੀਂ ਇਨ੍ਹਾਂ ਨਿਊਯਾਰਕ ਵਾਸੀਆਂ ਵਿਰੁੱਧ ਹਿੰਸਾ ਜਾਂ ਨਫ਼ਰਤ ਨੂੰ ਬਰਦਾਸ਼ਤ ਨਹੀਂ ਕਰਾਂਗੇ। ਮੈਂ ਆਪਣੇ ਆਪ ਨੂੰ ਸਿੱਖਿਅਤ ਕਰਨ, ਸੁਰੱਖਿਆ ਕਰਨ ਅਤੇ ਇਸ ਭਾਈਚਾਰੇ ਦਾ ਹਿੱਸਾ ਬਣਨ ਲਈ ਵਚਨਬੱਧ ਹਾਂ। ਸਾਡੇ ਸਿੱਖ ਭੈਣ-ਭਰਾ ਮੇਰੇ ਲਈ ਬਹੁਤ ਮਾਅਨੇ ਰੱਖਦੇ ਹਨ।”
ਇਸ ਮੌਕ ਸਿੱਖ ਭਾਈਚਾਰੇ ਨੇ ਮੇਅਰ ਐਡਮਸ ਨੂੰ ਇੱਕ ਕਿਰਪਾਨ ਦੇ ਕੇ ਸਨਮਾਨਿਤ ਕੀਤਾ। ਸਨਮਾਨ ਬਾਰੇ ਮੇਅਰ ਨੇ ਕਿਹਾ ਕਿ ਮੈਂ ਇਸ ਕਿਰਪਾਨ ਦੇ ਪ੍ਰਤੀਕ ਦੀ ਵਰਤੋਂ ਉਸ ਕੰਮ ਨੂੰ ਜਾਰੀ ਰੱਖਣ ਲਈ ਕਰਾਂਗਾ ਜੋ ਤੁਸੀਂ ਸੈਂਕੜੇ ਸਾਲਾਂ ਤੋਂ ਇੱਕ ਰਖਵਾਲਾ ਬਣਨ ਲਈ, ਇੱਕ ਲੜਾਕੂ ਬਣਨ ਲਈ, ਸਾਡੇ ਸ਼ਹਿਰ ਦੀ ਸ਼ਾਂਤੀ ਅਤੇ ਖੁਸ਼ਹਾਲੀ ਲਈ ਇੱਕ ਯੋਧਾ ਬਣਨ ਲਈ ਕੀਤਾ ਹੈ।
Related
.png)
.png)
.png)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login