ADVERTISEMENTs
ਨਿਊ ਜਰਸੀ ਕਾਉਂਸਿਲ ਚੋਣਾਂ: ਭਾਰਤੀ ਮੂਲ ਦੀ ਸੰਗੀਤਾ ਦੋਸ਼ੀ ਇਕ ਵਾਰ ਫਿਰ ਚੋਣ ਮੈਦਾਨ ’ਚ
ਸੰਗੀਤਾ ਦੋਸ਼ੀ ਨਾ ਸਿਰਫ਼ ਰਾਜਨੀਤੀ ’ਚ, ਸਗੋਂ ਸਮਾਜਿਕ ਅਤੇ ਸੱਭਿਆਚਾਰਕ ਕੰਮਾਂ ਵਿੱਚ ਵੀ ਸਰਗਰਮ ਹਨ
-
1747754650.png)
ਈਸ਼ਾਨੀ ਦੱਤਗੁਪਤਾ - Tue, 14, Oct 2025
- 13:13 EDT
- 13
ਸੰਗੀਤਾ ਦਾਸਗੁਪਤਾ / image provided
ਅਗਲੇ ਮਹੀਨੇ ਨਿਊ ਜਰਸੀ ਦੇ ਚੈਰੀ ਹਿੱਲ ਟਾਊਨਸ਼ਿਪ ਕਾਉਂਸਿਲ ਚੋਣਾਂ ਹੋਣੀਆਂ ਹਨ ਅਤੇ ਭਾਰਤੀ ਮੂਲ ਦੀ ਸੰਗੀਤਾ ਦੋਸ਼ੀ ਇਕ ਵਾਰ ਫਿਰ ਚੋਣ ਮੈਦਾਨ ’ਚ ਉਤਰੀ ਹੈ। ਸੰਗੀਤਾ 2017 ਵਿੱਚ ਦੱਖਣੀ ਨਿਊ ਜਰਸੀ ’ਚ ਚੁਣੀ ਜਾਣ ਵਾਲੀ ਪਹਿਲੀ ਭਾਰਤੀ‑ਅਮਰੀਕੀ ਬਣੀ ਸੀ। ਅੱਠ ਸਾਲਾਂ ਤੋਂ ਕੌਂਸਲ ਵਿੱਚ ਕੰਮ ਕਰ ਰਹੀ ਸੰਗੀਤਾ ਦੋਸ਼ੀ ਹੁਣ ਮੁੜ ਚੋਣ ਲੜ ਰਹੀ ਹੈ। ਮੱਧ ਪ੍ਰਦੇਸ਼ ਦੇ ਜਬਲਪੁਰ ਵਿੱਚ ਜਨਮੀ ਅਤੇ ਅਮਰੀਕਾ ਵਿੱਚ ਪਲੀ ਸੰਗੀਤਾ ਅੱਜ ਭਾਰਤ‑ਅਮਰੀਕੀ ਭਾਈਚਾਰੇ ਵਿੱਚ ਇੱਕ ਪ੍ਰਸਿੱਧ ਸ਼ਖਸੀਅਤ ਹੈ। ਉਨ੍ਹਾਂ ਦੀ ਚੋਣ ਮੁਹਿੰਮ ਨੂੰ ਭਾਰਤੀ ਭਾਈਚਾਰੇ ਵੱਲੋਂ ਤੇਜ਼ ਸਹਿਯੋਗ ਮਿਲ ਰਿਹਾ ਹੈ।
ਸੰਗੀਤਾ ਦੱਸਦੀ ਹੈ, “ਮੈਂ ਸੱਭਿਆਚਾਰਕ ਪ੍ਰੋਗਰਾਮਾਂ, ਸੀਨੀਅਰ ਸਿਟੀਜ਼ਨ ਗਰੁੱਪਾਂ ਅਤੇ ਵਲੰਟੀਅਰ ਪ੍ਰੋਗਰਾਮਾਂ ਵਿੱਚ ਸੈਂਕੜੇ ਲੋਕਾਂ ਨੂੰ ਮਿਲੀ ਹਾਂ। ਸਾਡੇ ਭਾਈਚਾਰੇ ਨੇ ਫੋਨ ਬੈਂਕਿੰਗ ਤੋਂ ਲੈ ਕੇ ਘਰ-ਘਰ ਜਾ ਕੇ ਪ੍ਰਚਾਰ ਕਰਨ ਤੱਕ ਹਰ ਕੰਮ ਵਿੱਚ ਵਧ-ਚੜ੍ਹ ਕੇ ਹਿੱਸਾ ਲਿਆ ਹੈ। ਉਨ੍ਹਾਂ ਦਾ ਜਜ਼ਬਾ ਅਤੇ ਜੋਸ਼ ਸੱਚਮੁੱਚ ਪ੍ਰੇਰਨਾਦਾਇਕ ਹੈ।"
ਸੰਗੀਤਾ ਦੋਸ਼ੀ ਸਮਰਥਕਾਂ ਨਾਲ / image providedਸੰਗੀਤਾ ਦੋਸ਼ੀ ਨਾ ਸਿਰਫ਼ ਰਾਜਨੀਤੀ ’ਚ, ਸਗੋਂ ਸਮਾਜਿਕ ਅਤੇ ਸੱਭਿਆਚਾਰਕ ਕੰਮਾਂ ਵਿੱਚ ਵੀ ਸਰਗਰਮ ਹਨ। ਸੰਗੀਤਾ ਘਰੇਲੂ ਹਿੰਸਾ ਵਰਗੇ ਗੰਭੀਰ ਸਮਾਜਿਕ ਸਮੱਸਿਆਂ ’ਤੇ ਵੀ ਕੰਮ ਕਰਦੀ ਹੈ, ਖ਼ਾਸ ਕਰਕੇ ਦੱਖਣ ਏਸ਼ੀਆਈ ਔਰਤਾਂ ਲਈ ਸਹਾਇਤਾ ਸੁੰਗਠਨਾਂ ਨਾਲ। ਇਸੇ ਦੌਰਾਨ ਆਪਣੇ ਕਾਰਜਕਾਲ ਵਿੱਚ ਉਨ੍ਹਾਂ ਨੇ ਚੈਰੀ ਹਿੱਲ ਵਿੱਚ ਦੀਵਾਲੀ ਨੂੰ ਸਕੂਲ ਦੀ ਛੁੱਟੀ ਦੇ ਤੌਰ ’ਤੇ ਮਾਨਤਾ ਦਿਵਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ- ਜਿਸਨੂੰ ਉਹ ਸੱਭਿਆਚਾਰਕ ਏਕਤਾ ਅਤੇ ਸਨਮਾਨ ਦੀ ਦਿਸ਼ਾ ਵਿੱਚ ਵੱਡੀ ਉਪਲਬਧੀ ਮੰਨ ਰਹੀ ਹੈ। ਉਨ੍ਹਾਂ ਦੇ ਚੋਣ ਮੁਹਿੰਮ ਨੂੰ “IMPACT” ਨਾਮਕ ਸੰਗਠਨ ਦਾ ਸਹਿਯੋਗ ਮਿਲਿਆ ਹੈ, ਜੋ ਪੂਰੇ ਅਮਰੀਕਾ ਵਿੱਚ ਭਾਰਤੀ ਅਤੇ ਦੱਖਣ ਏਸ਼ੀਆਈ ਮੂਲ ਦੇ ਨੇਤਾਵਾਂ ਨੂੰ ਰਾਜਨੀਤੀ ਵਿੱਚ ਅੱਗੇ ਵਧਣ ਵਿੱਚ ਮਦਦ ਕਰਦਾ ਹੈ।
ਸੰਗੀਤਾ ਘਰੇਲੂ ਹਿੰਸਾ ਵਰਗੀਆਂ ਗੰਭੀਰ ਸਮਾਜਿਕ ਸਮੱਸਿਆਵਾਂ 'ਤੇ ਵੀ ਕੰਮ ਕਰਦੀ ਹੈ। / image provided
ਲਗਭਗ 30 ਸਾਲਾਂ ਤੋਂ ਚੈਰੀ ਹਿੱਲ ਵਿੱਚ ਰਹਿ ਰਹੀ ਸੰਗੀਤਾ ਦੋਸ਼ੀ ਆਪਣੇ ਪਤੀ ਅਤੇ ਤਿੰਨ ਬੱਚਿਆਂ ਦੇ ਨਾਲ ਇੱਥੇ ਵਸੀ ਹੋਈ ਹੈ। ਉਹ ਚੈਰੀ ਹਿੱਲ ਹਿਊਮਨ ਰਿਲੇਸ਼ਨਜ਼ ਕਮੇਟੀ ਅਤੇ ਗ੍ਰੀਨ ਟੀਮ ਦੀ ਕੋ-ਚੇਅਰ ਹੈ। ਉਨ੍ਹਾਂ ਦੀ ਅਗਵਾਈ ਹੇਠ ਸ਼ਹਿਰ ਵਿੱਚ ਪਹਿਲਾ ਡੌਗ ਪਾਰਕ, ਪਹਿਲਾ ਸੋਲਰ ਪਾਵਰਡ ਬੱਸ ਸ਼ੈਲਟਰ ਅਤੇ NJ ਟ੍ਰਾਂਜ਼ਿਟ ਦੀ ਪਹਿਲੀ ਇਲੈਕਟ੍ਰਿਕ ਬੱਸ ਸ਼ੁਰੂ ਕੀਤੀ ਗਈ।
ਸੰਗੀਤਾ ਦੀ ਉਮੀਦਵਾਰੀ ਨੂੰ ਲੈ ਕੇ ਭਾਰਤੀ-ਅਮਰੀਕੀਆਂ ਵਿੱਚ ਬਹੁਤ ਉਤਸ਼ਾਹ ਹੈ। / image providedਸੰਗੀਤਾ ਦਾ ਕਹਿਣਾ ਹੈ ਕਿ ਭਾਰਤੀ-ਅਮਰੀਕੀ ਭਾਈਚਾਰੇ ਲਈ ਇਸ ਸਮੇਂ ਕੁਝ ਮੁੱਦੇ ਬਹੁਤ ਮਹੱਤਵਪੂਰਨ ਹਨ। H‑1B ਵੀਜ਼ਾ ਦੀ ਜਟਿਲ ਪ੍ਰਕਿਰਿਆ ਅਤੇ ਇਮੀਗ੍ਰੇਸ਼ਨ ਨੀਤੀਆਂ ਅਜੇ ਵੀ ਚਿੰਤਾ ਦਾ ਵਿਸ਼ਾ ਹਨ। ਛੋਟੇ ਕਾਰੋਬਾਰ ਮਾਲਕ ਵਧਦੀ ਲਾਗਤ ਅਤੇ ਸਰਕਾਰੀ ਨਿਯਮਾਂ ਨਾਲ ਪਰੇਸ਼ਾਨ ਹਨ। ਲੋਕ ਹੁਣ ਅਜਿਹੇ ਨੇਤਾਵਾਂ ਨੂੰ ਚੁਣਨਾ ਚਾਹੁੰਦੇ ਹਨ ਜੋ ਸਭ ਲਈ ਸਮਾਨਤਾ ਅਤੇ ਸਨਮਾਨ ਦੀ ਗੱਲ ਕਰਨ। ਦਸ ਦਈਏ ਕਿ ਚੋਣਾਂ 4 ਨਵੰਬਰ ਨੂੰ ਹੋਣੀਆਂ ਹਨ।
Related
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
Video
Comments
Start the conversation
Become a member of New India Abroad to start commenting.
Sign Up Now
Already have an account? Login