ADVERTISEMENT
ADVERTISEMENT
ਸਿਡਨੀ ਵਿੱਚ ਤੇਜ਼ ਰਫ਼ਤਾਰ BMW ਨੇ ਭਾਰਤੀ ਮੂਲ ਦੀ ਗਰਭਵਤੀ ਔਰਤ ਦੀ ਲਈ ਜਾਨ
33 ਸਾਲਾ ਸਮਨਵਿਤਾ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਅਤੇ ਉਸਦਾ ਅਣਜੰਮਿਆ ਬੱਚਾ ਵੀ ਨਹੀਂ ਬਚਿਆ
-
ਮਾਲਵਿਕਾ ਚੌਧਰੀ - Tue, 18, Nov 2025
- 12:51 EST
- 1
- ਸਿਡਨੀ
ਸਮਨਵਿਤਾ ਧਾਰੇਸ਼ਵਰ / LinkedIn
14 ਨਵੰਬਰ ਨੂੰ ਸਿਡਨੀ ਦੇ ਹੌਰਨਸਬੀ ਵਿੱਚ ਸ਼ਾਮ ਦੀ ਸੈਰ ਦੌਰਾਨ ਇੱਕ ਤੇਜ਼ ਰਫ਼ਤਾਰ ਕਾਰ ਨੇ ਇੱਕ ਔਰਤ ਨੂੰ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਭਾਰਤੀ ਮੂਲ ਦੀ ਗਰਭਵਤੀ ਔਰਤ ਦੀ ਦਰਦਨਾਕ ਮੌਤ ਹੋ ਗਈ।
ਅੱਠ ਮਹੀਨੇ ਦੀ ਗਰਭਵਤੀ ਆਈਟੀ ਵਿਸ਼ਲੇਸ਼ਕ ਸਮਨਵਿਤਾ ਧਾਰੇਸ਼ਵਰ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਅਤੇ ਉਸਦਾ ਅਣਜੰਮਿਆ ਬੱਚਾ ਵੀ ਨਹੀਂ ਬਚ ਸਕਿਆ।
ਨਿਊ ਸਾਊਥ ਵੇਲਜ਼ ਪੁਲਿਸ ਦੇ ਮੁਤਾਬਕ, 33 ਸਾਲਾ ਧਾਰੇਸ਼ਵਰ ਆਪਣੇ ਪਤੀ ਅਤੇ ਤਿੰਨ ਸਾਲਾ ਪੁੱਤਰ ਨਾਲ ਜਾਰਜ ਸਟ੍ਰੀਟ 'ਤੇ ਪੈਦਲ ਜਾ ਰਹੀ ਸੀ। ਇਸ ਦੌਰਾਨ ਇੱਕ ਕੀਆ ਕਾਰ ਨੇ ਪਰਿਵਾਰ ਨੂੰ ਵੇਖ ਕੇ ਗਤੀ ਹੌਲੀ ਕੀਤੀ। ਉਸੇ ਵੇਲੇ, 19 ਸਾਲਾ ਆਰੋਨ ਪਾਪਾਜ਼ੋਗਲੂ ਵਲੋਂ ਚਲਾਈ ਜਾ ਰਹੀ BMW ਪਿੱਛੋਂ ਕੀਆ ਨਾਲ ਟਕਰਾ ਗਈ, ਜਿਸ ਨਾਲ ਕੀਆ ਅੱਗੇ ਵੱਧਦੀ ਹੋਈ ਧਾਰੇਸ਼ਵਰ ਨਾਲ ਟਕਰਾ ਗਈ।
ਮੌਕੇ 'ਤੇ ਪਹੁੰਚੇ ਰਾਹਤ-ਕਰਮੀ ਜਾਨ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਰਹੇ, ਪਰ ਧਾਰੇਸ਼ਵਰ ਦੀ ਜਿੰਦਗੀ ਨਹੀਂ ਬਚਾਈ ਜਾ ਸਕੀ। ਉਸਦੇ ਪਤੀ ਅਤੇ ਬੱਚੇ ਸੁਰੱਖਿਅਤ ਰਹੇ, ਪਰ ਉਨ੍ਹਾਂ ਨੇ ਇਹ ਭਿਆਨਕ ਦ੍ਰਿਸ਼ ਆਪਣੇ ਸਾਹਮਣੇ ਦੇਖਿਆ।
ਘਟਨਾ ਤੋਂ ਕੁਝ ਹੀ ਦੇਰ ਬਾਅਦ ਪਾਪਾਜ਼ੋਗਲੂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਅਤੇ ਉਸ 'ਤੇ ਖਤਰਨਾਕ ਡਰਾਈਵਿੰਗ, ਲਾਪਰਵਾਹੀ ਨਾਲ ਮੌਤ ਦਾ ਕਾਰਨ ਬਣਨ ਅਤੇ ਭਰੂਣ ਨੂੰ ਨੁਕਸਾਨ ਪਹੁੰਚਾਉਣ ਦੇ ਦੋਸ਼ ਲਗਾਏ ਗਏ।
ਪੁਲਿਸ ਦੇ ਬਿਆਨ ਅਨੁਸਾਰ ਹਸਪਤਾਲ ਜਾਂਚ ਵਿਚ ਇਹ ਸਾਬਤ ਹੋਇਆ ਕਿ ਉਹ ਨਾ ਤਾਂ ਸ਼ਰਾਬ ਦੇ ਅਤੇ ਨਾ ਹੀ ਨਸ਼ੀਲੇ ਪਦਾਰਥ ਦੇ ਪ੍ਰਭਾਵ ਹੇਠ ਸੀ। ਅਦਾਲਤੀ ਦਸਤਾਵੇਜ਼ਾਂ ਮੁਤਾਬਕ ਉਸਦੇ ਖ਼ਿਲਾਫ਼ ਪਹਿਲਾਂ ਕੋਈ ਅਪਰਾਧਿਕ ਜਾਂ ਡਰਾਈਵਿੰਗ ਸਬੰਧੀ ਗਲਤ ਰਿਕਾਰਡ ਨਹੀਂ ਸੀ।
ਮੈਜਿਸਟ੍ਰੇਟ ਰੇ ਪਲਾਈਬਰਸੇਕ ਨੇ ਦੋਸ਼ਾਂ ਦੀ ਗੰਭੀਰਤਾ ਦਾ ਹਵਾਲਾ ਦਿੰਦਿਆਂ ਜ਼ਮਾਨਤ ਮਨਜ਼ੂਰ ਕਰਨ ਤੋਂ ਇਨਕਾਰ ਕਰ ਦਿੱਤਾ ਅਤੇ ਕਿਹਾ, “ਇਹ ਦੋ ਪਰਿਵਾਰਾਂ ਲਈ ਬਹੁਤ ਹੀ ਭਿਆਨਕ ਨਤੀਜਾ ਹੈ।”
ਭਾਈਚਾਰਕ ਸੰਗਠਨਾਂ ਨੇ ਇਸ ਘਟਨਾ 'ਤੇ ਡੂੰਘਾ ਦੁੱਖ ਪ੍ਰਗਟ ਕੀਤਾ। ‘ਇੰਡੀਆਨਜ਼ ਇਨ ਸਿਡਨੀ’ ਵਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਕਿ ਭਾਈਚਾਰਾ ਇਸ ਦੁਖਦਾਈ ਘਟਨਾ ਤੋਂ ਬਾਅਦ ਸਦਮੇ ਅਤੇ ਸੋਗ ਵਿੱਚ ਹੈ ਅਤੇ ਪਰਿਵਾਰ ਪੂਰੀ ਤਰ੍ਹਾਂ ਟੁੱਟਿਆ ਹੋਇਆ ਹੈ। ਧਾਰੇਸ਼ਵਰ ਦੀ ਲਿੰਕਡਇਨ ਪ੍ਰੋਫਾਈਲ ਅਨੁਸਾਰ, ਉਹ ਅਲਸਕੋ ਯੂਨੀਫਾਰਮਜ਼ ਵਿੱਚ ਇੱਕ ਆਈਟੀ ਸਿਸਟਮ ਵਿਸ਼ਲੇਸ਼ਕ ਵਜੋਂ ਕੰਮ ਕਰਦੀ ਸੀ।
ਆਸਟ੍ਰੇਲੀਆਈ ਮੀਡੀਆ ਮੁਤਾਬਕ, ਉਸਦੇ ਪਰਿਵਾਰ ਨੇ ਹਾਲ ਹੀ ਵਿੱਚ ਸਿਡਨੀ ਦੇ ਉੱਤਰ-ਪੱਛਮ ਵਿੱਚ ਗ੍ਰਾਂਥਮ ਫਾਰਮ ਵਿਚ ਜ਼ਮੀਨ ਖਰੀਦੀ ਸੀ ਅਤੇ ਸਤੰਬਰ ਵਿੱਚ ਬਲੈਕਟਾਊਨ ਸਿਟੀ ਕੌਂਸਲ ਨੂੰ ਦੋ ਮੰਜ਼ਿਲਾ ਘਰ ਬਣਾਉਣ ਲਈ ਅਰਜ਼ੀ ਦਿੱਤੀ ਸੀ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login