ADVERTISEMENTs
-10”-x-5.jpg)
ਮਿਨੀਆਪੋਲਿਸ ਸਕੂਲ ਗੋਲੀਬਾਰੀ 'ਤੇ ਭਾਰਤੀ-ਅਮਰੀਕੀ ਕਾਨੂੰਨਘਾੜੇ ਨਾਰਾਜ਼, ਗਨ ਕੰਟਰੋਲ ਕਾਨੂੰਨ ਦੀ ਉੱਠੀ ਮੰਗ
ਇਹ ਹਮਲਾ ਮਿਨੀਆਪੋਲਿਸ ਦੇ ਕ੍ਰਿਸਟੋ ਰੇ ਜੇਸੁਇਟ ਚਰਚ ਵਿੱਚ ਹੋਈ ਗੋਲੀਬਾਰੀ ਤੋਂ ਸਿਰਫ਼ 48 ਘੰਟੇ ਬਾਅਦ ਹੋਇਆ, ਜਿਸ ਨਾਲ ਸੰਯੁਕਤ ਰਾਜ ਅਮਰੀਕਾ ਵਿੱਚ ਧਾਰਮਿਕ ਅਤੇ ਵਿਦਿਅਕ ਮਹੱਤਵ ਵਾਲੇ ਸਥਾਨਾਂ 'ਤੇ ਵੱਧ ਰਹੀ ਹਿੰਸਾ ਬਾਰੇ ਚਿੰਤਾਵਾਂ ਵਧੀਆਂ ਹੈ
-
1749497506.png)
ਮਾਲਵਿਕਾ ਚੌਧਰੀ - Thu, 28, Aug 2025
- 05:57 EDT
- 11
ਮਿਨੀਆਪੋਲਿਸ ਦੇ ਐਨਾਨਸੀਏਸ਼ਨ ਕੈਥੋਲਿਕ ਸਕੂਲ ਵਿੱਚ ਹੋਈ ਗੋਲੀਬਾਰੀ ਤੋਂ ਬਾਅਦ, ਅਮਰੀਕੀ ਕਾਂਗਰਸ ਵਿੱਚ ਭਾਰਤੀ ਮੂਲ ਦੇ ਕਾਨੂੰਨਘਾੜਿਆਂ ਨੇ ਡੂੰਘਾ ਦੁੱਖ ਅਤੇ ਗੁੱਸਾ ਪ੍ਰਗਟ ਕੀਤਾ। ਉਨ੍ਹਾਂ ਕਿਹਾ ਕਿ ਹੁਣ ਸਮਾਂ ਆ ਗਿਆ ਹੈ ਕਿ ਅਮਰੀਕਾ ਵਿੱਚ ਸਖ਼ਤ ਗਨ ਕੰਟਰੋਲ ਕਾਨੂੰਨ ਬਣਾਏ ਜਾਣ।
ਕਾਂਗਰਸਮੈਨ ਸ਼੍ਰੀ ਥੇਨਾਦਰ ਨੇ ਐਕਸ 'ਤੇ ਲਿਖਿਆ: "ਇਸ ਭਿਆਨਕ ਹਿੰਸਾ ਤੋਂ ਮੇਰਾ ਦਿਲ ਟੁੱਟ ਗਿਆ ਹੈ। ਇਹ ਸਾਡੀ 'ਆਮ' ਜ਼ਿੰਦਗੀ ਦਾ ਹਿੱਸਾ ਨਹੀਂ ਹੋ ਸਕਦਾ। ਇਸਦਾ ਇੱਕੋ ਇੱਕ ਹੱਲ ਹੈ - ਸੈਂਸੇਬਲ ਗਨ ਕੰਟਰੋਲ, ਜਦੋਂ ਤੱਕ ਅਜਿਹਾ ਨਹੀਂ ਹੁੰਦਾ, ਮਾਸੂਮ ਬੱਚੇ ਮਰਦੇ ਰਹਿਣਗੇ।"
"ਅਮਰੀਕਾ ਵਿੱਚ ਸਕੂਲ ਗੋਲੀਬਾਰੀ ਦੀਆਂ ਘਟਨਾਵਾਂ ਵਾਰ-ਵਾਰ ਹੁੰਦੀਆਂ ਹਨ," ਕਾਂਗਰੇਸ਼ਨਲ ਪ੍ਰੋਗਰੈਸਿਵ ਕਾਕਸ ਦੀ ਚੇਅਰਪਰਸਨ ਪ੍ਰਮਿਲਾ ਜੈਪਾਲ (WA-07) ਨੇ ਕਿਹਾ। ਮੇਰਾ ਦਿਲ ਮਿਨੀਆਪੋਲਿਸ ਦੇ ਲੋਕਾਂ ਲਈ ਟੁੱਟਦਾ ਹੈ। ਸਾਨੂੰ ਗਨ ਹਿੰਸਾ ਦੀ ਇਸ ਮਹਾਂਮਾਰੀ ਨੂੰ ਖਤਮ ਕਰਨਾ ਚਾਹੀਦਾ ਹੈ ਅਤੇ ਬੱਚਿਆਂ ਦੀ ਸੁਰੱਖਿਆ ਨੂੰ ਪਹਿਲ ਦੇਣੀ ਚਾਹੀਦੀ ਹੈ।"
ਰਾਜਾ ਕ੍ਰਿਸ਼ਨਾਮੂਰਤੀ ਨੇ ਇਸ ਹਮਲੇ ਨੂੰ "ਬਿਲਕੁਲ ਦੁਖਦਾਈ" ਕਿਹਾ , ਉਹਨਾਂ ਨੇ ਅੱਗੇ ਕਿਹਾ ,"ਦੋ ਮਾਸੂਮ ਬੱਚਿਆਂ ਨੇ ਆਪਣੀਆਂ ਜਾਨਾਂ ਗੁਆ ਦਿੱਤੀਆਂ ਅਤੇ 17 ਲੋਕ ਜ਼ਖਮੀ ਹੋ ਗਏ। ਕਿਸੇ ਵੀ ਮਾਤਾ-ਪਿਤਾ ਨੂੰ ਆਪਣੇ ਬੱਚੇ ਨੂੰ ਇਹ ਜਾਣੇ ਬਿਨਾਂ ਸਕੂਲ ਨਹੀਂ ਭੇਜਣਾ ਚਾਹੀਦਾ ਕਿ ਉਹ ਜ਼ਿੰਦਾ ਵਾਪਸ ਆਵੇਗਾ ਜਾਂ ਨਹੀਂ। ਸਾਨੂੰ ਅਜਿਹੇ ਦੁਖਾਂਤਾਂ ਨੂੰ ਰੋਕਣ ਲਈ ਮਿਲ ਕੇ ਕੰਮ ਕਰਨਾ ਚਾਹੀਦਾ ਹੈ।"
ਇਹ ਹਮਲਾ 27 ਅਗਸਤ ਦੀ ਸਵੇਰ ਨੂੰ ਹੋਇਆ ਜਦੋਂ ਐਨਾਨਸੀਏਸ਼ਨ ਕੈਥੋਲਿਕ ਚਰਚ ਵਿੱਚ ਪ੍ਰਾਰਥਨਾ ਸਭਾ ਚੱਲ ਰਹੀ ਸੀ। ਕਾਲੇ ਕੱਪੜੇ ਪਾਏ ਇੱਕ ਬੰਦੂਕਧਾਰੀ ਨੇ ਬਾਹਰੋਂ ਖਿੜਕੀਆਂ 'ਤੇ 50 ਤੋਂ 100 ਗੋਲੀਆਂ ਚਲਾਈਆਂ। ਇਸ ਹਮਲੇ ਵਿੱਚ ਇੱਕ 8 ਸਾਲਾ ਲੜਕਾ ਅਤੇ ਇੱਕ 10 ਸਾਲਾ ਲੜਕੀ ਦੀ ਮੌਤ ਹੋ ਗਈ, ਜਦੋਂ ਕਿ 14 ਬੱਚਿਆਂ ਸਮੇਤ 17 ਲੋਕ ਜ਼ਖਮੀ ਹੋ ਗਏ। ਹਮਲਾਵਰ ਨੇ ਬਾਅਦ ਵਿੱਚ ਖੁਦਕੁਸ਼ੀ ਕਰ ਲਈ।
ਮਿਨੀਸੋਟਾ ਦੇ ਗਵਰਨਰ ਟਿਮ ਵਾਲਜ਼ ਨੇ ਇਸਨੂੰ "ਭਿਆਨਕ" ਘਟਨਾ ਕਿਹਾ ਅਤੇ ਕਿਹਾ ਕਿ ਸਕੂਲ ਦਾ ਪਹਿਲਾ ਹਫ਼ਤਾ ਬੱਚਿਆਂ ਲਈ ਖੁਸ਼ੀ ਦਾ ਦਿਨ ਹੋਣਾ ਚਾਹੀਦਾ ਹੈ, ਹਿੰਸਾ ਦਾ ਨਹੀਂ। ਮਿਨੀਆਪੋਲਿਸ ਦੇ ਮੇਅਰ ਜੈਕਬ ਫ੍ਰੇ ਨੇ ਕਿਹਾ, "ਬੱਚਿਆਂ ਨੂੰ ਸਕੂਲਾਂ ਅਤੇ ਚਰਚਾਂ ਵਿੱਚ ਸ਼ਾਂਤੀਪੂਰਵਕ ਰਹਿਣਾ ਚਾਹੀਦਾ ਹੈ, ਸਿਰਫ਼ 'ਵਿਚਾਰ ਅਤੇ ਪ੍ਰਾਰਥਨਾਵਾਂ' ਹੀ ਕਾਫ਼ੀ ਨਹੀਂ ਹਨ।" ਇਸ ਦੇ ਨਾਲ ਹੀ, ਮਿਨੀਸੋਟਾ ਦੀ ਸੈਨੇਟਰ ਐਮੀ ਕਲੋਬੂਚਰ ਨੇ ਪੀੜਤ ਪਰਿਵਾਰਾਂ ਪ੍ਰਤੀ ਹਮਦਰਦੀ ਪ੍ਰਗਟ ਕੀਤੀ ਅਤੇ ਪੁਲਿਸ ਅਤੇ ਐਮਰਜੈਂਸੀ ਟੀਮ ਦੀ ਤੁਰੰਤ ਕਾਰਵਾਈ ਦੀ ਪ੍ਰਸ਼ੰਸਾ ਕੀਤੀ।
ਇਹ ਹਮਲਾ ਮਿਨੀਆਪੋਲਿਸ ਦੇ ਕ੍ਰਿਸਟੋ ਰੇ ਜੇਸੁਇਟ ਚਰਚ ਵਿੱਚ ਹੋਈ ਗੋਲੀਬਾਰੀ ਤੋਂ ਸਿਰਫ਼ 48 ਘੰਟੇ ਬਾਅਦ ਹੋਇਆ, ਜਿਸ ਨਾਲ ਸੰਯੁਕਤ ਰਾਜ ਅਮਰੀਕਾ ਵਿੱਚ ਧਾਰਮਿਕ ਅਤੇ ਵਿਦਿਅਕ ਮਹੱਤਵ ਵਾਲੇ ਸਥਾਨਾਂ 'ਤੇ ਵੱਧ ਰਹੀ ਹਿੰਸਾ ਬਾਰੇ ਚਿੰਤਾਵਾਂ ਵਧੀਆਂ ਹਨ।
Related
.png)
.jpg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login