ADVERTISEMENTs
_page-0001.jpg)
-10”-x-5.jpg)
ਅਮਰੀਕੀ ਰਾਸ਼ਟਰਪਤੀ ਟਰੰਪ ਨੇ ਚੀਨ ‘ਤੇ ਵਧੇਰੇ ਟੈਰਿਫ਼ਾਂ ਦੀ ਮੁਅੱਤਲੀ ਵਧਾਈ
ਇਹ ਵਾਧਾ 10 ਨਵੰਬਰ, 2025 ਤੱਕ ਜਾਰੀ ਰਹੇਗਾ, ਚੀਨੀ ਆਯਾਤ 'ਤੇ ਮੌਜੂਦਾ 10% ਟੈਰਿਫ ਕਾਇਮ ਹੈ
-
ਲਲਿਤ ਕੇ ਝਾਅ - Tue, 12, Aug 2025
- 04:13 EDT
- 21
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ / facebook
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦੋਵਾਂ ਦੇਸ਼ਾਂ ਵਿਚਾਲੇ ਹੋਈ ਲਾਭਕਾਰੀ ਵਪਾਰਕ ਗੱਲਬਾਤ ਤੋਂ ਬਾਅਦ, ਚੀਨ 'ਤੇ ਵਧੇ ਹੋਏ ਟੈਰਿਫਾਂ ਦੀ ਮੁਅੱਤਲੀ ਨੂੰ ਹੋਰ 90 ਦਿਨਾਂ ਲਈ ਵਧਾਉਣ ਲਈ ਇੱਕ ਕਾਰਜਕਾਰੀ ਆਦੇਸ਼ 'ਤੇ ਦਸਤਖ਼ਤ ਕੀਤੇ ਹਨ।
ਇਹ ਵਾਧਾ, ਜੋ ਕਿ 10 ਨਵੰਬਰ, 2025 ਤੱਕ ਜਾਰੀ ਰਹੇਗਾ, ਚੀਨੀ ਆਯਾਤ 'ਤੇ ਮੌਜੂਦਾ 10% ਪਰਸਪਰ ਟੈਰਿਫ ਨੂੰ ਕਾਇਮ ਰੱਖਦਾ ਹੈ। ਇਸ ਫੈਸਲੇ ਦਾ ਉਦੇਸ਼ ਵਪਾਰਕ ਅਸੰਤੁਲਨ ਨੂੰ ਹੱਲ ਕਰਨ, ਮਾਰਕੀਟ ਪਹੁੰਚ ਦਾ ਵਿਸਤਾਰ ਕਰਨ ਅਤੇ ਆਰਥਿਕ ਨੀਤੀਆਂ ਨੂੰ ਰਾਸ਼ਟਰੀ ਸੁਰੱਖਿਆ ਟੀਚਿਆਂ ਨਾਲ ਜੋੜਨ ਲਈ ਚੱਲ ਰਹੀ ਗੱਲਬਾਤ ਨੂੰ ਸੁਵਿਧਾਜਨਕ ਬਣਾਉਣਾ ਹੈ।
ਰਾਸ਼ਟਰਪਤੀ ਟਰੰਪ ਨੇ ਟਰੂਥ ਸੋਸ਼ਲ 'ਤੇ ਪੋਸਟ ਕੀਤਾ, “ਮੈਂ ਹੁਣੇ ਇੱਕ ਕਾਰਜਕਾਰੀ ਆਦੇਸ਼ 'ਤੇ ਦਸਤਖਤ ਕੀਤੇ ਹਨ ਜੋ ਚੀਨ 'ਤੇ ਟੈਰਿਫ ਮੁਅੱਤਲੀ ਨੂੰ ਹੋਰ 90 ਦਿਨਾਂ ਲਈ ਵਧਾਏਗਾ। ਸਮਝੌਤੇ ਦੇ ਹੋਰ ਸਾਰੇ ਤੱਥ ਓਹੀ ਰਹਿਣਗੇ।”
ਵ੍ਹਾਈਟ ਹਾਊਸ ਨੇ 28-29 ਜੁਲਾਈ 2025 ਨੂੰ ਹੋਏ ਸਮਝੌਤਿਆਂ ਦਾ ਸਾਰ ਦਿੰਦੇ ਹੋਏ ਸਟਾਕਹੋਮ ਵਿੱਚ ਅਮਰੀਕਾ-ਚੀਨ ਆਰਥਿਕ ਅਤੇ ਵਪਾਰਕ ਮੀਟਿੰਗ ਬਾਰੇ ਇੱਕ ਸਾਂਝਾ ਬਿਆਨ ਜਾਰੀ ਕੀਤਾ। 12 ਮਈ ਦੇ ਸਾਂਝੇ ਬਿਆਨ ਅਤੇ 9-10 ਜੂਨ ਨੂੰ ਲੰਡਨ ਵਿੱਚ ਹੋਈਆਂ ਫਾਲੋ-ਅੱਪ ਮੀਟਿੰਗਾਂ ਦੇ ਤਹਿਤ ਵਚਨਬੱਧਤਾਵਾਂ ਨੂੰ ਯਾਦ ਕਰਦੇ ਹੋਏ, ਦੋਵਾਂ ਧਿਰਾਂ ਨੇ ਇਸ 'ਤੇ ਸਹਿਮਤੀ ਪ੍ਰਗਟਾਈ:
* 12 ਅਗਸਤ 2025 ਤੋਂ 90 ਦਿਨਾਂ ਲਈ ਵਾਧੂ ਐਡ ਵੈਲੋਰਮ ਡਿਊਟੀ ਦਰਾਂ 'ਚੋਂ 24 ਪ੍ਰਤੀਸ਼ਤ ਮੁਅੱਤਲ ਕੀਤੇ ਜਾਣਗੇ
* ਸਮਾਨ ‘ਤੇ 10% ਟੈਰਿਫ਼ ਬਰਕਰਾਰ ਰੱਖਿਆ ਜਾਵੇਗਾ
ਚੀਨ ਨੇ ਵਾਅਦਾ ਕੀਤਾ ਕਿ ਉਹ ਅਮਰੀਕੀ ਸਮਾਨ ‘ਤੇ ਲਗੇ 24 ਪ੍ਰਤੀਸ਼ਤ ਦੇ ਬਦਲੇ ਟੈਰਿਫ਼ਾਂ ਦੀ ਮੁਅੱਤਲੀ ਜਾਰੀ ਰੱਖੇਗਾ ਅਤੇ ਸਾਂਝੇ ਬਿਆਨ ਵਿੱਚ ਦਰਸਾਏ ਗਏ ਗੈਰ-ਟੈਰਿਫ਼ ਰੁਕਾਵਟਾਂ ਨੂੰ ਹਟਾਉਣਾ ਜਾਰੀ ਰੱਖੇਗਾ
ਸਟਾਕਹੋਮ ਮੀਟਿੰਗ ਵਿੱਚ ਚੀਨ ਦੀ ਨੁਮਾਇੰਦਗੀ ਉਪ ਪ੍ਰੀਮੀਅਰ ਹੀ ਲਿਫੇਂਗ ਨੇ ਕੀਤੀ। ਅਮਰੀਕੀ ਵਫ਼ਦ ਵਿੱਚ ਖਜ਼ਾਨਾ ਸਕੱਤਰ ਸਕਾਟ ਬੇਸੈਂਟ ਅਤੇ ਅਮਰੀਕੀ ਵਪਾਰ ਪ੍ਰਤੀ ਨਿਧੀ ਜੈਮੀਸਨ ਗ੍ਰੀਰ ਸ਼ਾਮਲ ਸਨ।
ਦਸ ਦਈਏ ਕਿ 2 ਅਪ੍ਰੈਲ, 2025 ਦੇ ਕਾਰਜਕਾਰੀ ਆਦੇਸ਼ 14257 ਵਿੱਚ, ਰਾਸ਼ਟਰਪਤੀ ਟਰੰਪ ਨੇ ਅਮਰੀਕਾ ਦੇ ਚੀਨ ਨਾਲ ਲਗਾਤਾਰ ਵਪਾਰਕ ਘਾਟੇ 'ਤੇ ਇੱਕ ਰਾਸ਼ਟਰੀ ਐਮਰਜੈਂਸੀ ਦਾ ਐਲਾਨ ਕੀਤਾ, ਅਤੇ ਅਮਰੀਕੀ ਅਰਥਵਿਵਸਥਾ ਅਤੇ ਰਾਸ਼ਟਰੀ ਸੁਰੱਖਿਆ ਲਈ "ਇੱਕ ਅਸਾਧਾਰਨ ਅਤੇ ਵਿਸ਼ੇਸ਼ ਖਤਰੇ" ਦਾ ਮੁਕਾਬਲਾ ਕਰਨ ਲਈ ਪਰਸਪਰ ਟੈਰਿਫ ਲਗਾਏ ਸੀ।
ਚੀਨ ਦੀ ਜਵਾਬੀ ਕਾਰਵਾਈ ਤੋਂ ਬਾਅਦ, ਕਾਰਜਕਾਰੀ ਆਦੇਸ਼ 14259 ਅਤੇ 14266 ਰਾਹੀਂ ਟੈਰਿਫਾਂ ਨੂੰ ਸੋਧਿਆ ਗਿਆ। 12 ਮਈ 2025 ਨੂੰ, ਐਗਜ਼ੈਕਟਿਵ ਆਰਡਰ 14298 ਨੇ ਉੱਚ ਟੈਰਿਫ਼ਾਂ ਨੂੰ 90 ਦਿਨਾਂ ਲਈ ਮੁਅੱਤਲ ਕਰ ਦਿੱਤਾ ਅਤੇ ਉਸਦੀ ਥਾਂ 10% ਦਾ ਬੇਸਲਾਈਨ ਟੈਰਿਫ਼ ਲਗਾਇਆ। ਇਹ ਮੁਅੱਤਲੀ 12 ਅਗਸਤ 2025 ਨੂੰ ਖਤਮ ਹੋਣੀ ਸੀ। ਸੋਮਵਾਰ ਦਾ ਨਵਾਂ ਆਦੇਸ਼ ਮੁਅੱਤਲੀ ਨੂੰ 10 ਨਵੰਬਰ, 2025 ਤੱਕ ਜਾਰੀ ਰੱਖਦਾ ਹੈ।
ਵ੍ਹਾਈਟ ਹਾਊਸ ਦੇ ਅਨੁਸਾਰ, ਚੀਨ ਨਾਲ ਅਮਰੀਕਾ ਦਾ ਵਪਾਰਕ ਘਾਟਾ 2024 ਵਿੱਚ $295.4 ਬਿਲੀਅਨ ਸੀ, ਜੋ ਕਿਸੇ ਵੀ ਵਪਾਰਕ ਭਾਈਵਾਲ ਨਾਲੋਂ ਸਭ ਤੋਂ ਵੱਡਾ ਹੈ।
ਰਾਸ਼ਟਰਪਤੀ ਟਰੰਪ ਨੇ ਦੋਵਾਂ ਦੇਸ਼ਾਂ ਦੇ ਸਬੰਧਾਂ ਨੂੰ ਸਕਾਰਾਤਮਕ ਦੱਸਿਆ: “ਅਸੀਂ ਚੀਨ ਨਾਲ ਬਹੁਤ ਵਧੀਆ ਤਾਲਮੇਲ ਬਣਾ ਰਹੇ ਹਾਂ।” ਅਧਿਕਾਰੀਆਂ ਨੇ ਜ਼ੋਰ ਦਿੱਤਾ ਕਿ ਹਾਲਾਂਕਿ ਮੁਅੱਤਲੀ ਕੂਟਨੀਤੀ ਨੂੰ ਉਤਸ਼ਾਹਿਤ ਕਰਨ ਲਈ ਇੱਕ ਅਸਥਾਈ ਕਦਮ ਹੈ, ਪਰ ਪਰਸਪਰ ਟੈਰਿਫ ਢਾਂਚਾ ਅਮਰੀਕੀ ਵਪਾਰ ਨੀਤੀ ਦਾ ਇੱਕ ਮੁੱਖ ਹਿੱਸਾ ਬਣਿਆ ਹੋਇਆ ਹੈ।
Related
.jpg)
.jpg)
.jpeg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login