ADVERTISEMENT
ADVERTISEMENT
યેલ યુનિવર્સિટીએ ભારતીય મૂળના ડોક્ટરોને મહિલા આરોગ્ય સંશોધનમાં અગ્રણી કાર્ય માટે સન્માનિત કર્યા
નરુલા અને શાહનો અભ્યાસ યુવતીઓમાં નજરઅંદાજ થતી રક્તવાહિની સંબંધિત સમસ્યાઓ પર ધ્યાન આપે છે, જે મગજ અને હૃદયના વિકારોને જોડીને બહેતર સારવારનો હેતુ રાખે છે.
-
પ્રણાવી શર્મા - Wed, 11, Jun 2025
- 05:03 EDT
- 32
ભારતીય મૂળના ડો. રેશ્મા નરુલા અને ડો. સમીત શાહ / Courtesy photo
ભારતીય મૂળના સંશોધકો ડૉ. રેશ્મા નરુલા અને ડૉ. સમિત શાહને યેલ યુનિવર્સિટીના વિમેન્સ હેલ્થ રિસર્ચ દ્વારા પ્રતિષ્ઠિત વેન્ડી યુ. અને થોમસ સી. નરાટિલ પાયોનિયર એવોર્ડ એનાયત કરવામાં આવ્યો છે. આ એવોર્ડ તેમને યુવતીઓમાં ઓછી ઓળખાતી રક્તવાહિની સંબંધિત બિમારીઓના સંબંધોના અભ્યાસ માટે આપવામાં આવ્યો છે. આ એવોર્ડ 1998માં શરૂ થયેલા સેન્ટરના પાયલોટ પ્રોજેક્ટ પ્રોગ્રામનો ભાગ છે.
ડૉ. નરુલા, જે વેસ્ક્યુલર ન્યુરોલોજિસ્ટ છે, અને ડૉ. શાહ, જે કાર્ડિયોવેસ્ક્યુલર મેડિસિન નિષ્ણાત છે, એક દાયકાથી વધુ સમયના ક્લિનિકલ ડેટાનું વિશ્લેષણ કરશે. તેઓ રિવર્સિબલ સેરેબ્રલ વેસોકોન્સ્ટ્રિક્શન સિન્ડ્રોમ (RCVS) અને કોરોનરી વેસોસ્પાઝમ વચ્ચેના સંબંધનો અભ્યાસ કરશે. આ બંને બિમારીઓ મગજ અને હૃદયની રક્તવાહિનીઓમાં અચાનક અને તીવ્ર સંકોચનનું કારણ બને છે, જે ખાસ કરીને યુવતીઓમાં ઘણીવાર નજરઅંદાજ થાય છે.
“સમય જતાં અમે નોંધ્યું કે મારા ન્યુરોલોજીના દર્દીઓમાંથી ઘણા કાર્ડિયોલોજિસ્ટ પાસે પણ જાય છે, અને આ દર્દીઓ મોટે ભાગે યુવતીઓ હોય છે,” ડૉ. નરુલાએ, જે ન્યુરોલોજીના એસોસિયેટ પ્રોફેસર છે, જણાવ્યું. “યોગ્ય નિદાન, આરોગ્ય પર વધુ નિયંત્રણ અને સુધારેલા પરિણામો દ્વારા આપણે લોકોના જીવનમાં ખરેખર ફેરફાર લાવી શકીએ.”
ડૉ. શાહ, કાર્ડિયોવેસ્ક્યુલર મેડિસિનના આસિસ્ટન્ટ પ્રોફેસર,એ જણાવ્યું કે આ સંશોધન સંભાળમાં રહેલી મોટી ખામીને દૂર કરવાનો પ્રયાસ કરે છે. “હૃદયરોગ એક પ્રણાલીગત સમસ્યા છે, જે ફક્ત એક અંગને અસર નથી કરતી, તેથી સહયોગ જરૂરી છે,” તેમણે કહ્યું. “આ બે બિમારીઓ, જે ખાસ કરીને યુવતીઓને અસર કરે છે, તેને જોડવાથી ક્લિનિકલ પ્રેક્ટિસમાં પરિવર્તન, લિંગ આધારિત અસમાનતાઓ ઘટાડવા અને આખરે જીવન બચાવવાની સંભાવના છે.”
યેલના વિમેન્સ હેલ્થ રિસર્ચના ડિરેક્ટર ડૉ. કેરોલિન મઝુરે આ પહેલના વ્યાપક ધ્યેય પર ભાર મૂક્યો. “આ મુખ્ય સંશોધકો 100થી વધુ ફેકલ્ટી સાથીઓ સાથે જોડાય છે, જેમને અમે ભંડોળ પૂરું પાડ્યું છે. આ બધા સ્ત્રી-પુરુષોના આરોગ્યમાં લિંગભેદને સમજીને વ્યવહારુ આરોગ્ય લાભો માટેના હસ્તક્ષો નક્કી કરવા કામ કરે છે,” તેમણે જણાવ્યું.
સેન્ટરે ડૉ. જેફ ગેલહાઉસન, ડર્મેટોલોજીના આસિસસ્ટન્ટ પ્રોફેસર, ને બીજો સંશોધન એવોર્ડ પણ જાહેર કર્યો. તેઓ ઓટો ઈમ્યૂન બિમારીઓવાળી મહિલાઓમાં હાથની રક્તવાહિની સમસ્યાઓ માટે બોટ્યુલિનમ ટોક્સિન (જેને બોટોક્સ તરીકે ઓળખાય છે)નો ઉપયોગ કરીને લક્ષિત ઉપચારનું પરીક્ષણ કરશે. આ સ્થિતિ હાથમાં ઓછું રક્ત પ્રવાહ અને અલ્સરનું કારણ બની શકે છે, જે કેટલાક કિસ્સાઓમાં અંગવિચ્છેદનું જોખમ પેદા કરે છે.
યેલના વિમેન્સ હેલ્થ રિસર્ચે જણાવ્યું કે આ અભ્યાસોનો ઉદ્દેશ્ય મોટા ક્લિનિકલ ટ્રાયલ્સ માટે ડેટા ઉત્પન્ન કરવાનો છે અને તેનાથી નવી, એફડીએ દ્વારા માન્ય થયેલી ઉપચાર પદ્ધતિઓ વિકસી શકે છે.
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login