ADVERTISEMENTs
ਪਹਿਲਗਾਮ ’ਚ ਕੀਤੇ ਕਾਇਰਾਨਾ ਅੱਤਵਾਦੀ ਹਮਲੇ ਦਾ ਜਵਾਬ ਜ਼ਰੂਰ ਦਿਆਂਗੇ: ਭਾਰਤੀ ਰੱਖਿਆ ਮੰਤਰੀ ਰਾਜਨਾਥ ਸਿੰਘ
ਭਾਰਤ ਦੀ ਰੱਖਿਆ ਪ੍ਰਣਾਲੀ ਹੋ ਰਹੀ ਹੈ ਸਵੈ-ਨਿਰਭਰ, ਹਮਲੇ ਦੇ ਪਿੱਛੇ ਲੁਕੇ ਦੇਸ਼-ਵਿਰੋਧੀਆਂ ਨੂੰ ਜਲਦ ਮਿਲੇਗਾ ਜਵਾਬ
-
ਸਟਾਫ਼ ਪੱਤਰਕਾਰ - Wed, 23, Apr 2025
- 09:04 EDT
- 97
- ਨਵੀਂ ਦਿੱਲੀ, ਭਾਰਤ
ਭਾਰਤੀ ਰੱਖਿਆ ਮੰਤਰੀ ਰਾਜਨਾਥ ਸਿੰਘ / ਪੀਆਈਬੀ
ਭਾਰਤੇ ਦੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਕਿਹਾ ਹੈ ਕਿ ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ’ਚ ਨਿਰਦੋਸ਼ ਨਾਗਰਿਕਾਂ ’ਤੇ ਕੀਤੇ ਗਏ ਕਾਇਰਾਨਾ ਅੱਤਵਾਦੀ ਹਮਲੇ ਦਾ ਜਵਾਬ ਜ਼ਰੂਰ ਦਿੱਤਾ ਜਾਵੇਗਾ। ਉਨ੍ਹਾਂ ਨੇ ਨਵੀਂ ਦਿੱਲੀ ਵਿਖੇ ਭਾਰਤੀ ਹਵਾਈ ਸੇਨਾ ਦੇ ਮਾਰਸ਼ਲ ਅਰਜਨ ਸਿੰਘ ਦੀ ਯਾਦ ’ਚ ਆਯੋਜਿਤ ਲੈਕਚਰ ਦੌਰਾਨ ਕਿਹਾ ਕਿ ਭਾਰਤ ਦੀ ਧਰਤੀ ’ਤੇ ਅਜਿਹੇ ਨਾਪਾਕ ਹਮਲਿਆਂ ਦੇ ਨਿਰਦੇਸ਼ਕਾਂ ਅਤੇ ਸਾਜ਼ਿਸ਼ਕਰਤਾਵਾਂ ਨੂੰ ਛੱਡਿਆ ਨਹੀਂ ਜਾਵੇਗਾ।
ਉਨ੍ਹਾਂ ਕਿਹਾ, “ਭਾਰਤ ਇੱਕ ਪ੍ਰਾਚੀਨ ਸਭਿਆਚਾਰ ਵਾਲਾ ਦੇਸ਼ ਹੈ। ਅਜਿਹੇ ਹਮਲਿਆਂ ਨਾਲ ਭਾਰਤ ਨੂੰ ਡਰਾਇਆ ਨਹੀਂ ਜਾ ਸਕਦਾ। ਹਰ ਭਾਰਤੀ ਇਨਸਾਨ ਇਕਜੁੱਟ ਹੈ ਅਤੇ ਅਜਿਹੀਆਂ ਕਾਇਰਾਨਾ ਹਰਕਤਾਂ ਦੀ ਨਿੰਦਾ ਕਰਦਾ ਹੈ।” ਰੱਖਿਆ ਮੰਤਰੀ ਨੇ ਦੋਹਰਾਇਆ ਕਿ ਅੱਤਵਾਦ ਖ਼ਿਲਾਫ਼ ਸਰਕਾਰ ਦੀ ਨੀਤੀ “ਜ਼ੀਰੋ ਟੋਲਰੇਂਸ” ਤੇ ਅਧਾਰਿਤ ਹੈ ਅਤੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੀ ਅਗਵਾਈ ਹੇਠ ਕੇਂਦਰ ਸਰਕਾਰ ਹਰ ਲਾਜ਼ਮੀ ਕਦਮ ਚੁੱਕੇਗੀ।
ਪਹਿਲਗਾਮ ਹਮਲੇ ’ਚ ਜਾਨ ਗੁਆਣ ਵਾਲੇ ਨਾਗਰਿਕਾਂ ਦੇ ਪਰਿਵਾਰਾਂ ਨਾਲ ਸੰਵੇਦਨਾ ਪ੍ਰਗਟ ਕਰਦਿਆਂ ਰਾਜਨਾਥ ਸਿੰਘ ਨੇ ਕਿਹਾ, “ਇਹ ਇਕ ਧਰਮ-ਅਧਾਰਤ ਨਿਸ਼ਾਨਾ ਬਣਾਉਣ ਵਾਲਾ ਬਿਲਕੁਲ ਅਮਾਨਵੀ ਹਮਲਾ ਸੀ ਜਿਸ ਨੇ ਮਨੁੱਖਤਾ ਨੂੰ ਝੰਝੋੜ ਕੇ ਰੱਖ ਦਿੱਤਾ ਹੈ।”
ਉਨ੍ਹਾਂ ਨੇ ਅਰਜਨ ਸਿੰਘ ਨੂੰ ਸ਼ਰਧਾਂਜਲੀ ਭੇਂਟ ਕਰਦੇ ਹੋਏ ਉਨ੍ਹਾਂ ਦੀ ਅਗਵਾਈ ਅਤੇ ਦੂਰਅੰਦੇਸ਼ੀ ਦੀ ਵਡਿਆਈ ਕੀਤੀ ਅਤੇ ਕਿਹਾ ਕਿ ਅੱਜ ਭਾਰਤੀ ਹਵਾਈ ਸੇਨਾ ਜਗਤ ਦੀਆਂ ਸਭ ਤੋਂ ਤਾਕਤਵਰ ਹਵਾਈ ਫੌਜਾਂ ’ਚ ਸ਼ਾਮਿਲ ਹੈ, ਤਾਂ ਇਹ ਉਨ੍ਹਾਂ ਵਰਗੇ ਦ੍ਰਿਸ਼ਟਿਕੋਣ ਵਾਲੇ ਆਗੂਆਂ ਦੀ ਬਦੌਲਤ ਹੈ।
ਰੱਖਿਆ ਮੰਤਰੀ ਨੇ ਕਿਹਾ ਕਿ ਭਾਰਤ ਦੀ ਹਵਾਈ ਸੇਨਾ ਸਿਰਫ਼ ਅਸਮਾਨ ਨੂੰ ਛੂਹਣ ਦੀ ਯਾਤਰਾ ਨਹੀਂ ਕਰ ਰਹੀ, ਸਗੋਂ ਦੇਸ਼ ਦੀ ਸੁਰੱਖਿਆ ਦੇ ਸੁਪਨਿਆਂ ਨੂੰ ਹਕੀਕਤ ’ਚ ਬਦਲ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਆਤਮਨਿਰਭਰਤਾ ਦੇ ਮਾਡਲ ਰਾਹੀਂ ਸਾਰਥਕ ਤਬਦੀਲੀ ਲਈ ਸਰਕਾਰ ਲੱਗਾਤਾਰ ਕੰਮ ਕਰ ਰਹੀ ਹੈ।
ਰਾਜਨਾਥ ਸਿੰਘ ਨੇ ਕਿਹਾ ਕਿ ਅੱਜ ਸਿਰਫ਼ ਸਰਕਾਰੀ ਖੇਤਰ ਹੀ ਨਹੀਂ, ਸਗੋਂ ਨਿੱਜੀ ਖੇਤਰ, ਸਟਾਰਟਅਪ ਅਤੇ ਐੱਮਐੱਸਐੱਮਈ ਵੀ ਬਹੁਤ ਉਤਸ਼ਾਹ ਨਾਲ ਰੱਖਿਆ ਉਤਪਾਦਨ ਵਿੱਚ ਭਾਗ ਲੈ ਰਹੇ ਹਨ। ਤੇਜਸ ਲਾਈਟ ਕੰਬੈਟ ਏਅਰਕ੍ਰਾਫਟ, ਧ੍ਰੁਵ ਹੈਲੀਕਾਪਟਰ, ਪ੍ਰਚੰਡ ਯੂਟਿਲਟੀ ਹੈਲੀਕਾਪਟਰ, ਅਕਾਸ਼ ਅਤੇ ਬ੍ਰਹਮੋਸ ਜਿਹੇ ਹਥਿਆਰ ਸਿਸਟਮ ਭਾਰਤ ਦੀ ਵਿਗਿਆਨਕ ਸਮਰੱਥਾ ਦੇ ਜ਼ਿੰਦਾ ਉਦਾਹਰਣ ਹਨ।
ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਕੋ-ਡਿਵੈਲਪਮੈਂਟ ਅਤੇ ਕੋ-ਪਰੋਡਕਸ਼ਨ ਦੇ ਮਾਡਲ ਹੇਠ ਏਅਰੋ ਇੰਜਨ ਵਿਕਾਸ ਨੂੰ ਤਰਜੀਹ ਦੇ ਰਹੀ ਹੈ। ਇਸ ਨਾਲ ਇੰਟੈਲੈਕਚੁਅਲ ਪ੍ਰਾਪਰਟੀ ਰਾਈਟਸ ਵੀ ਭਾਰਤ ਦੇ ਹੱਕ ’ਚ ਹੋਣਗੇ।
21ਵੀਂ ਸਦੀ ਵਿੱਚ ਭੂ-ਰਾਜਨੀਤਿਕ ਤਾਕਤਾਂ ਦਾ ਫੋਕਸ ਏਸ਼ੀਆ ਦੀ ਦਿਸ਼ਾ ਵੱਲ ਹੋ ਰਿਹਾ ਹੈ, ਜਿਸ ਕਰਕੇ ਇੰਡੋ-ਪੈਸਿਫਿਕ ਖੇਤਰ ਸਭ ਤੋਂ ਮਹੱਤਵਪੂਰਨ ਰਣਨੀਤਕ ਖੇਤਰ ਬਣ ਗਿਆ ਹੈ। ਰੱਖਿਆ ਮੰਤਰੀ ਨੇ ਕਿਹਾ ਕਿ ਸਰਕਾਰ ਆਰਟੀਫੀਸ਼ੀਅਲ ਇੰਟੈਲੀਜੈਂਸ, ਹਾਈਪਰਸੋਨਿਕ ਡਿਰੈਕਟਡ ਐਨਰਜੀ ਹਥਿਆਰ, ਕੋਆਂਟਮ ਕੰਪਿਊਟਿੰਗ, ਡਰੋਨ, ਸਾਇਬਰ ਅਤੇ ਪੁਲਾੜ ਤਕਨਾਲੋਜੀ ਵਰਗੀਆਂ ਨਵੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨ ਲਈ ਤਿਆਰ ਹੈ।
ਇਸ ਮੌਕੇ ’ਤੇ ਨੇਵੀ ਚੀਫ ਐਡਮਿਰਲ ਦੀਨੇਸ਼ ਕੇ. ਤ੍ਰਿਪਾਠੀ, ਏਅਰ ਚੀਫ ਮਾਰਸ਼ਲ ਏ.ਪੀ. ਸਿੰਘ ਅਤੇ ਹੋਰ ਸੀਨੀਅਰ ਫੌਜੀ ਤੇ ਨਾਗਰਿਕ ਅਧਿਕਾਰੀ ਵੀ ਮੌਜੂਦ ਸਨ।
Related
.jpg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login