ADVERTISEMENT
ADVERTISEMENT
‘ਭਾਰਤ ਯਾਤਰਾ ਤੋਂ ਬਾਅਦ ਵਿਦੇਸ਼ੀ' 'ਤੇ ਵਾਇਰਲ ਵੀਡੀਓ ਨੇ ਖਿੱਚਿਆ ਲੋਕਾਂ ਦਾ ਧਿਆਨ
ਅਮਰੀਕਾ-ਅਧਾਰਤ ਕੰਨਟੈਂਟ ਕ੍ਰਿਏਟਰ ਸ਼ਿਵ ਅਤੇ ਲਿਜ਼ ਦੁਆਰਾ ਪੋਸਟ ਕੀਤੀ ਗਈ ਇਸ ਕਲਿੱਪ ਵਿੱਚ, ਲਿਜ਼ ਨੂੰ ਇੱਕ ਵਿਦੇਸ਼ੀ ਸੈਲਾਨੀ ਵਜੋਂ ਦਿਖਾਇਆ ਗਿਆ ਹੈ ਜੋ ਹਾਲ ਹੀ ਵਿੱਚ ਭਾਰਤ ਤੋਂ ਵਾਪਸ ਆਈ ਹੈ।
-
ਮਾਲਵਿਕਾ ਚੌਧਰੀ - Tue, 02, Dec 2025
- 09:16 EST
- 3
Screengrab / Instagram (spicygori)
ਭਾਰਤ ਦੀ ਛੋਟੀ ਜਿਹੀ ਯਾਤਰਾ ਤੋਂ ਬਾਅਦ ਕੁਝ ਵਿਦੇਸ਼ੀ ਜਿਸ ਤਰ੍ਹਾਂ ਦਾ ਵਿਵਹਾਰ ਕਰਦੇ ਹਨ, ਉਸ ਦੀ ਨਕਲ ਕਰਦੀ ਇੱਕ ਵਾਇਰਲ ਇੰਸਟਾਗ੍ਰਾਮ ਵੀਡੀਓ ਵੱਡੇ ਪੱਧਰ 'ਤੇ ਧਿਆਨ ਖਿੱਚ ਰਹੀ ਹੈ ਅਤੇ ਸੱਭਿਆਚਾਰਕ ਰੂੜ੍ਹੀਵਾਦੀ ਧਾਰਨਾਵਾਂ (stereotypes) ਅਤੇ ਸੁਪਰਫਿਸ਼ੀਅਲ ਟ੍ਰੈਵਲ ਨਰੇਟਿਵਜ਼ ਬਾਰੇ ਚਰਚਾ ਨੂੰ ਹੋਰ ਗਹਿਰਾ ਕਰ ਰਹੀ ਹੈ।
ਅਮਰੀਕਾ-ਆਧਾਰਿਤ ਕੰਨਟੈਂਟ ਕ੍ਰਿਏਟਰ ‘ਸ਼ਿਵ ਅਤੇ ਲਿਜ਼’ ਦੁਆਰਾ ਪੋਸਟ ਕੀਤੀ ਇਸ ਕਲਿੱਪ ਵਿੱਚ ਲਿਜ਼ ਨੂੰ ਇੱਕ ਵਿਦੇਸ਼ੀ ਸੈਲਾਨੀ ਦੇ ਰੂਪ ਵਿੱਚ ਦਿਖਾਇਆ ਗਿਆ ਹੈ ਜੋ ਹੁਣ ਹੀ ਭਾਰਤ ਤੋਂ ਵਾਪਸ ਆਈ ਹੈ। ਜਦੋਂ ਉਸ ਤੋਂ ਪੁੱਛਿਆ ਜਾਂਦਾ ਹੈ ਕਿ ਯਾਤਰਾ ਕਿਵੇਂ ਰਹੀ, ਤਾਂ ਉਹ ਦੱਸਦੀ ਹੈ ਕਿ ਉਹ ਸਿਰਫ਼ ਦੋ ਦਿਨ ਗੋਆ ਵਿੱਚ ਰਹੀ ਸੀ, ਪਰ ਫਿਰ ਵੀ ਭਾਰਤੀ ਸੱਭਿਆਚਾਰ ਬਾਰੇ ਬੇਹੱਦ ਜਾਣ-ਕਾਰ ਹੋਣ ਦਾ ਨਾਟਕ ਕਰਦੀ ਹੈ।
ਉਹ “ਚਾਇ ਟੀ ਲਾਟੇ” ਆਰਡਰ ਕਰਦੀ ਹੈ, ਯੋਗਾ ਅਤੇ ਆਧਿਆਤਮਿਕਤਾ ਬਾਰੇ ਗੱਲਾਂ ਨੂੰ ਦੁਹਰਾਉਂਦੀ ਹੈ ਅਤੇ ਭਾਰਤ ਦੀ ਯਾਤਰਾ ਲਈ ਬਿਨਾਂ ਸੋਚੇ-ਸਮਝੇ ਸਲਾਹਾਂ ਦੇਣ ਲੱਗ ਪੈਂਦੀ ਹੈ।
ਸਥਿਤੀ ਉਸ ਸਮੇਂ ਹੋਰ ਵਿਅੰਗਾਤਮਕ ਹੋ ਜਾਂਦੀ ਹੈ ਜਦੋਂ ਉਹ ਸ਼ਿਵ ਨੂੰ ਭਾਰਤ ਘੁੰਮਣ ਦੀ ਸਲਾਹ ਦਿੰਦੀ ਹੈ ਅਤੇ ਉਹ ਜਵਾਬ ਦਿੰਦਾ ਹੈ, “ਮੈਂ ਭਾਰਤੀ ਹਾਂ।” ਅਖੀਰ ਵਿੱਚ ਸ਼ਿਵ ਹਿੰਦੀ ਵਿੱਚ ਬੜਬੜਾਉਂਦਾ ਹੋਇਆ ਤੁਰ ਜਾਂਦਾ ਹੈ, “ਪਾਗਲ ਹੀ ਹੋ ਗਏ ਹਨ, ਪਤਾ ਨਹੀਂ ਕੀ-ਕੀ ਕਰਦੇ ਰਹਿੰਦੇ ਹਨ।”
ਕੈਪਸ਼ਨ ਵਿੱਚ ਸ਼ਿਵ ਅਤੇ ਲਿਜ਼ ਨੇ ਲਿਖਿਆ ਕਿ ਇਹ ਸਕੈਚ “ਅਸਲੀ ਘਟਨਾਵਾਂ ‘ਤੇ ਆਧਾਰਿਤ” ਹੈ, ਕਿਉਂਕਿ ਉਨ੍ਹਾਂ ਨੂੰ ਅਕਸਰ ਅਜਿਹੀਆਂ ਸਥਿਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ਵਿਅੰਗ ਨੇ ਦਰਸ਼ਕਾਂ ਨੂੰ—ਖ਼ਾਸ ਕਰਕੇ ਐਨ.ਆਰ.ਆਈਜ਼ ਨੂੰ ਪ੍ਰਭਾਵਿਤ ਕੀਤਾ, ਜਿਨ੍ਹਾਂ ਨੇ ਇਸ ਚਿੱਤਰਣ ਨੂੰ ਸਹੀ ਅਤੇ ਹਾਸੇ-ਮਜ਼ਾਕ ਵਾਲਾ ਦੱਸਿਆ।
ਇਹ ਵੀਡਿਓ ਉਸ ਵੇਲੇ ਵਾਇਰਲ ਹੋਈ ਹੈ ਜਦੋਂ ਇੰਟਰਨੈੱਟ ‘ਤੇ ਇਹ ਗੱਲਬਾਤ ਪਹਿਲਾਂ ਹੀ ਚਲ ਰਹੀ ਹੈ ਕਿ ਵਿਦੇਸ਼ੀ ਭਾਰਤ ਨੂੰ ਕਿਹੋ ਜਿਹਾ ਸਮਝਦੇ ਹਨ। ਇਸ ਤੋਂ ਪਹਿਲਾਂ, ਇਸੇ ਮਹੀਨੇ ਦੀ ਇੱਕ ਹੋਰ ਵਾਇਰਲ ਪੋਸਟ ਵਿੱਚ ਇੱਕ ਵਿਦੇਸ਼ੀ ਯਾਤਰੀ ਲੋਕਾਂ ਨੂੰ ਸਮਝਾਉਂਦੀ ਦਿੱਸਦੀ ਹੈ ਕਿ ਭਾਰਤੀ ਰਿਵਾਜ਼ਾਂ ਨੂੰ ਪੱਛਮੀ ਮਾਪਦੰਡਾਂ ਨਾਲ ਨਾ ਤੌਲਿਆ ਜਾਵੇ। ਉਸ ਨੇ ਹੌਰਨ ਵਜਾਉਣ ਜਾਂ ਹੱਥ ਨਾਲ ਖਾਣ ਨੂੰ ਕਲਚਰਲ ਫਰਕ ਦੱਸਿਆ, ਖਾਮੀ ਨਹੀਂ। ਉਸਦੀ ਵੀਡੀਓ ਦੀ ਵਧੇਰੇ ਜ਼ਮੀਨੀ ਦ੍ਰਿਸ਼ ਪੇਸ਼ ਕਰਨ ਅਤੇ ਸਟੀਰੀਓਟਾਇਪਸ ਨੂੰ ਚੁਣੌਤੀ ਦੇਣ ਲਈ ਪ੍ਰਸ਼ੰਸਾ ਕੀਤੀ ਗਈ ਸੀ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login