ADVERTISEMENT
ADVERTISEMENT
ਵਿਦੇਸ਼ੀ ਜੈਨਰਿਕ ਦਵਾਈਆਂ 'ਤੇ ਯੂ.ਐੱਸ. ਦੀ ਨਿਰਭਰਤਾ ਇਕ ਵੱਡਾ ਖਤਰਾ: ਸੈਨੇਟਰਾਂ ਦੀ ਚੇਤਾਵਨੀ
ਸੈਨੇਟਰਾਂ ਨੇ ਕਿਹਾ ਅਮਰੀਕੀ ਲੋਕਾਂ ਦੀ ਸਿਹਤ ਅਤੇ ਸੁਰੱਖਿਆ ਸਾਡੀ ਸਭ ਤੋਂ ਵੱਡੀ ਤਰਜੀਹ ਹੈ।
-
ਲਲਿਤ ਕੇ ਝਾਅ (5WH) - Thu, 30, Oct 2025
- 04:12 EDT
- 13
Representative Image / ਲਲਿਤ ਕੇ ਝਾਅ
ਰੈਗੂਲੇਟਰੀ ਖਾਮੀਆਂ ਅਤੇ ਚੀਨ-ਭਾਰਤ ਨਾਲ ਭੂ-ਰਾਜਨੀਤਿਕ ਤਣਾਅ ਅਮਰੀਕਾ ਦੀ ਫਾਰਮਾਸਿਊਟੀਕਲ ਸਪਲਾਈ ਚੇਨ ਦੀ ਸੁਰੱਖਿਆ ਅਤੇ ਸਥਿਰਤਾ ਲਈ ਖ਼ਤਰਾ ਪੈਦਾ ਕਰ ਸਕਦੇ ਹਨ। ਦੋ ਸੀਨੀਅਰ ਅਮਰੀਕੀ ਸੈਨੇਟਰਾਂ ਨੇ ਇਸ ਦੀ ਚੇਤਾਵਨੀ ਦਿੱਤੀ, ਜਿਨ੍ਹਾਂ ਨੇ ਵਿਦੇਸ਼ਾਂ ਵਿੱਚ ਬਣੀਆਂ ਆਮ (Generic) ਦਵਾਈਆਂ 'ਤੇ ਅਮਰੀਕਾ ਦੀ ਵਧਦੀ ਨਿਰਭਰਤਾ ਬਾਰੇ ਚੌਕਸ ਕੀਤਾ।
ਸੈਨੇਟ ਸਪੈਸ਼ਲ ਕਮੇਟੀ ਔਨ ਏਜਿੰਗ ਦੇ ਚੇਅਰਮੈਨ, ਫਲੋਰੀਡਾ ਤੋਂ ਰਿਪਬਲਿਕਨ ਰਿਕ ਸਕਾਟ, ਅਤੇ ਰੈਂਕਿੰਗ ਮੈਂਬਰ, ਨਿਊਯਾਰਕ ਤੋਂ ਡੈਮੋਕ੍ਰੇਟ ਕਰਸਟਨ ਗਿਲੀਬ੍ਰਾਂਡ, ਨੇ ਤਿੰਨ ਵੱਡੀਆਂ ਗਰੁੱਪ ਪਰਚੇਜ਼ਿੰਗ ਆਰਗੇਨਾਈਜ਼ੇਸ਼ਨਾਂ — ਵਿਜ਼ੀਐਂਟ (Vizient), ਪ੍ਰੀਮੀਅਰ ਇੰਕ. (Premier Inc.) ਅਤੇ ਹੈਲਥਟ੍ਰਸਟ ਪਰਫਾਰਮੈਂਸ ਗਰੁੱਪ (HealthTrust Performance Group) — ਦੇ ਮੁੱਖ ਕਾਰਜਕਾਰੀ ਅਧਿਕਾਰੀਆਂ ਨੂੰ ਪੱਤਰ ਭੇਜੇ ਗਏ, ਜਿਸ ਵਿੱਚ ਵਿਦੇਸ਼ਾਂ ਵਿੱਚ ਬਣੀਆਂ ਦਵਾਈਆਂ ਦੇ ਸੋਰਸਿੰਗ ਵਿੱਚ ਆ ਰਹੀਆਂ ਕਮਜ਼ੋਰੀਆਂ ਬਾਰੇ ਜਾਣਕਾਰੀ ਮੰਗੀ ਗਈ ਹੈ।
ਸੈਨੇਟਰਾਂ ਨੇ ਕਿਹਾ ਕਿ ਇਸ ਜਾਂਚ ਦਾ ਮਕਸਦ ਸੁਰੱਖਿਅਤ ਅਤੇ ਸਸਤੀ ਦਵਾਈਆਂ ਦੀ ਉਪਲਬਧਤਾ ਯਕੀਨੀ ਬਣਾਉਣਾ ਹੈ, ਖਾਸ ਕਰਕੇ ਬਜ਼ੁਰਗਾਂ ਲਈ। ਉਨ੍ਹਾਂ ਨੇ ਆਪਣੇ ਪੱਤਰ ਵਿੱਚ ਲਿਖਿਆ: “ਕਿਉਂਕਿ GPOs ਸਪਲਾਈ ਚੇਨ ਵਿੱਚ ਇਕ ਵਿਲੱਖਣ ਅਤੇ ਅਹਿਮ ਭੂਮਿਕਾ ਨਿਭਾਉਂਦੇ ਹਨ, ਅਸੀਂ ਮੌਜੂਦਾ ਸਪਲਾਈ ਚੇਨ ਦੀਆਂ ਕਮਜ਼ੋਰੀਆਂ ਬਾਰੇ ਜਾਣਕਾਰੀ ਮੰਗਦੇ ਹਾਂ।”
ਇਹ ਚੇਤਾਵਨੀ ਉਸ ਜਾਂਚ ਰਿਪੋਰਟ ਅਤੇ ਦੋ ਜਨਤਕ ਸੁਣਵਾਈਆਂ ਦੇ ਬਾਅਦ ਆਈ ਹੈ ਜਿਨ੍ਹਾਂ ਵਿੱਚ ਵਿਦੇਸ਼ੀ ਨਿਰਮਾਤਾਵਾਂ ’ਤੇ ਅਧਿਕ ਨਿਰਭਰਤਾ ਦੇ ਖਤਰੇ ਸਾਹਮਣੇ ਆਏ ਸਨ। ਸੈਨੇਟਰਾਂ ਨੇ “ਤਾਜ਼ਾ ਰਿਪੋਰਟਾਂ” ਦਾ ਹਵਾਲਾ ਦਿੱਤਾ ਕਿ ਯੂ.ਐੱਸ. ਫੂਡ ਐਂਡ ਡਰੱਗ ਐਡਮਨਿਸਟ੍ਰੇਸ਼ਨ (FDA) ਨੇ 2013 ਤੋਂ ਹੁਣ ਤੱਕ 150 ਤੋਂ ਵੱਧ ਦਵਾਈਆਂ ਅਤੇ ਸਮੱਗਰੀਆਂ ਨੂੰ ਉਹਨਾਂ ਵਿਦੇਸ਼ੀ ਫੈਕਟਰੀਆਂ ਤੋਂ ਛੋਟ ਦਿੱਤੀ ਹੈ ਜਿਨ੍ਹਾਂ ਨੂੰ ਸੁਰੱਖਿਆ ਮਾਪਦੰਡਾਂ ਦੀ ਉਲੰਘਣਾ ਕਰਦੇ ਪਾਇਆ ਗਿਆ ਸੀ — ਜਿਨ੍ਹਾਂ ਵਿੱਚੋਂ ਕਈ ਚੀਨ ਅਤੇ ਭਾਰਤ ਵਿੱਚ ਸਥਿਤ ਹਨ।
ਸੈਨੇਟਰਾਂ ਨੇ ਲਿਖਿਆ, “ਇਹ ਛੋਟਾਂ ਅਮਰੀਕੀ ਖਪਤਕਾਰਾਂ ਲਈ ਦਵਾਈ ਦੀ ਸੁਰੱਖਿਆ ਲਈ ਖ਼ਤਰਾ ਪੈਦਾ ਕਰ ਸਕਦੀਆਂ ਹਨ,” ਅਤੇ ਅੱਗੇ ਕਿਹਾ ਕਿ FDA ਦੀ ਇਹ ਨਰਮੀ "ਘੱਟ ਮਿਆਰੀ ਅਤੇ ਸੰਭਾਵੀ ਤੌਰ 'ਤੇ ਅਸੁਰੱਖਿਅਤ ਦਵਾਈਆਂ ਨੂੰ ਅਮਰੀਕੀ ਬਾਜ਼ਾਰ ਵਿੱਚ ਦਾਖਲ ਹੋਣ" ਦੀ ਇਜਾਜ਼ਤ ਦਿੰਦੀ ਹੈ।
ਸੈਨੇਟਰਾਂ ਨੇ ਚੀਨ ਦੇ ਹਾਲੀਆ ਵਪਾਰਕ ਕਦਮਾਂ ਨੂੰ ਵੀ ਇੱਕ ਚੇਤਾਵਨੀ ਸੰਕੇਤ ਵਜੋਂ ਦਰਸਾਇਆ। ਉਨ੍ਹਾਂ ਨੇ ਲਿਖਿਆ: “ਅਪ੍ਰੈਲ 2025 ਵਿੱਚ ਰੇਅਰ ਅਰਥ ਮੈਟੀਰੀਅਲ ’ਤੇ ਦੋ ਪੱਖੀ ਵਪਾਰ ਸਮਝੌਤਾ ਹੋਣ ਦੇ ਬਾਵਜੂਦ, ਚੀਨ ਨੇ 9 ਅਕਤੂਬਰ ਨੂੰ ਨਵੀਆਂ ਐਕਸਪੋਰਟ ਪਾਬੰਦੀਆਂ ਲਗਾਈਆਂ,” ਜੋ “ਇਹ ਦਰਸਾਉਂਦਾ ਹੈ ਕਿ ਚੀਨ ਵਪਾਰਕ ਪਦਾਰਥਾਂ ਨੂੰ ਅਮਰੀਕਾ ਖਿਲਾਫ ਦਬਾਅ ਵਜੋਂ ਵਰਤਣ ਲਈ ਤਿਆਰ ਹੈ।” ਉਨ੍ਹਾਂ ਕਿਹਾ ਕਿ ਇਸ ਨਾਲ “ਇਹ ਚਿੰਤਾਜਨਕ ਸੰਭਾਵਨਾ ਪੈਦਾ ਹੁੰਦੀ ਹੈ ਕਿ ਚੀਨ ਦਵਾਈ ਉਤਪਾਦਾਂ ਦੇ ਐਕਸਪੋਰਟ ’ਤੇ ਵੀ ਇਸੇ ਤਰ੍ਹਾਂ ਪਾਬੰਦੀਆਂ ਲਗਾ ਸਕਦਾ ਹੈ।”
ਦਸ ਦਈਏ ਜਿ ਚੀਨ ਦੁਨੀਆ ਦੇ ਸਭ ਤੋਂ ਵੱਡੇ ਐਕਟਿਵ ਫਾਰਮਾਸਿਊਟਿਕਲ ਇੰਗਰੀਡੀਐਂਟਸ (API) ਅਤੇ ਕੀ
ਸਟਾਰਟਿੰਗ ਮਟੀਰੀਅਲ (KSM) ਦੇ ਸਪਲਾਇਰਾਂ ਵਿੱਚੋਂ ਇੱਕ ਹੈ, ਜਦਕਿ ਭਾਰਤ ਜੈਨੇਰਿਕ ਦਵਾਈਆਂ ਦਾ ਪ੍ਰਮੁੱਖ ਨਿਰਮਾਤਾ ਹੈ। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਜੇਕਰ ਕਿਸੇ ਵੀ ਦੇਸ਼ ਵੱਲੋਂ ਸਪਲਾਈ ਵਿੱਚ ਰੁਕਾਵਟ ਪੈਦਾ ਕੀਤੀ ਗਈ ਤਾਂ ਇਹ “ਮਰੀਜ਼ਾਂ ਦੀ ਸੰਭਾਲ ਅਤੇ ਜਨਤਕ ਸਿਹਤ ਨੂੰ ਖਤਰੇ ਵਿੱਚ ਪਾ ਸਕਦਾ ਹੈ।”
ਕਮੇਟੀ ਦੇ ਪੱਤਰਾਂ ਨੇ GPOs ਨੂੰ 30 ਨਵੰਬਰ ਤੱਕ ਜਵਾਬ ਦੇਣ ਲਈ ਕਿਹਾ ਹੈ, ਜਿਸ ਵਿੱਚ ਇਸ ਬਾਰੇ ਵੇਰਵੇ ਮੰਗੇ ਗਏ ਹਨ ਕਿ ਕੀ ਉਹ ਐਫਡੀਆਈ ਦੁਆਰਾ ਆਯਾਤ (Import) ਪਾਬੰਦੀਆਂ ਅਧੀਨ ਨਿਰਮਾਤਾਵਾਂ ਤੋਂ ਦਵਾਈਆਂ ਖਰੀਦਦੇ ਹਨ, ਕੀ ਲੰਬੇ ਸਮੇਂ ਦੇ ਇਕਰਾਰਨਾਮੇ ਘਾਟ ਦੀਆਂ ਸਥਿਤੀਆਂ ਤੋਂ ਬਚਣ ਵਿੱਚ ਮਦਦਗਾਰ ਹੋ ਸਕਦੇ ਹਨ।
ਸਕਾਟ ਅਤੇ ਗਿਲੀਬ੍ਰੈਂਡ ਨੇ ਲਿਖਿਆ: “ਸੈਨੇਟ ਦੀ ਸਪੈਸ਼ਲ ਕਮੇਟੀ ਆਨ ਏਜਿੰਗ ਦੇ ਚੇਅਰਮੈਨ ਅਤੇ ਰੈਂਕਿੰਗ ਮੈਂਬਰ ਵਜੋਂ, ਅਮਰੀਕੀ ਲੋਕਾਂ — ਖਾਸ ਕਰਕੇ ਸਾਡੇ ਬਜ਼ੁਰਗਾਂ — ਦੀ ਸਿਹਤ ਅਤੇ ਸੁਰੱਖਿਆ ਸਾਡੀ ਸਭ ਤੋਂ ਵੱਡੀ ਤਰਜੀਹ ਹੈ। ਅਸੀਂ ਅਮਰੀਕਾ ਦੀ ਦਵਾਈ ਸਪਲਾਈ ਚੇਨ ਦੀ ਸੁਰੱਖਿਆ ’ਤੇ ਲਗਾਤਾਰ ਗੱਲਬਾਤ ਦੀ ਉਮੀਦ ਕਰਦੇ ਹਾਂ।”
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login