ADVERTISEMENT
ADVERTISEMENT
ਅਮਰੀਕੀ ਖੁਫੀਆ ਏਜੰਸੀਆਂ ਦੀ ਮੁਖੀ ਤੁਲਸੀ ਗੈਬਾਰਡ ਨੇ ਵਿਵਾਦਤ DIG ਨੂੰ ਕੀਤਾ ਭੰਗ
ਇਸ ਦੀ ਸ਼ੁਰੂਆਤ ਪਿਛਲੇ ਸਾਲ ਖੁਫੀਆ ਏਜੰਸੀਆਂ ਵਿੱਚੋਂ ਰਾਜਨੀਤੀਕਰਨ ਨੂੰ ਜੜੋਂ ਖਤਮ ਕਰਨ ਦੇ ਟੀਚੇ ਨਾਲ ਕੀਤੀ ਗਈ ਸੀ
-
ਰਾਇਟਰਜ਼ - Wed, 11, Feb 2026
- 08:07 EST
- 8
ਅਮਰੀਕੀ ਖੁਫੀਆ ਮੁਖੀ ਤੁਲਸੀ ਗੈਬਰਡ / REUTERS/Kent Nishimura
ਅਮਰੀਕੀ ਖੁਫੀਆ ਮੁਖੀ ਤੁਲਸੀ ਗੈਬਾਰਡ ਨੇ ਰਾਇਟਰਜ਼ ਨੂੰ ਦੱਸਿਆ ਕਿ ਉਨ੍ਹਾਂ ਨੇ ਉਸ ਟਾਸਕ ਫੋਰਸ ਨੂੰ ਭੰਗ ਕਰ ਦਿੱਤਾ ਹੈ, ਜਿਸਦੀ ਸ਼ੁਰੂਆਤ ਉਨ੍ਹਾਂ ਨੇ ਪਿਛਲੇ ਸਾਲ ਖੁਫੀਆ ਏਜੰਸੀਆਂ ਵਿੱਚੋਂ ਰਾਜਨੀਤੀਕਰਨ ਨੂੰ ਜੜੋਂ ਖਤਮ ਕਰਨ ਦੇ ਟੀਚੇ ਨਾਲ ਕੀਤੀ ਸੀ।
ਗੈਬਾਰਡ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਉਨ੍ਹਾਂ ਨੇ 'ਡਾਇਰੈਕਟਰ ਇਨੀਸ਼ੀਏਟਿਵ ਗਰੁੱਪ' (DIG) ਦੇ ਮੈਂਬਰਾਂ ਨੂੰ ਆਪਣੀ ਏਜੰਸੀ ਵਿੱਚ ਹੋਰ ਥਾਵਾਂ 'ਤੇ ਤਾਇਨਾਤ ਕਰ ਦਿੱਤਾ ਹੈ। ਰਾਇਟਰਜ਼ ਅਨੁਸਾਰ ਦੋ ਸੂਤਰਾਂ ਨੇ ਦੱਸਿਆ ਕਿ DIG ਨੂੰ ਭੰਗ ਕਰਨ ਦਾ ਫੈਸਲਾ ਕਥਿਤ ਗਲਤੀਆਂ ਤੋਂ ਬਾਅਦ ਲਿਆ ਗਿਆ ਹੈ।
ਓਧਰ ਗੈਬਰਡ ਦੇ ਨੈਸ਼ਨਲ ਇੰਟੈਲੀਜੈਂਸ ਡਾਇਰੈਕਟਰ ਦਫ਼ਤਰ ਦੇ ਬੁਲਾਰੇ ਨੇ ਕਿਸੇ ਵੀ ਗਲਤੀ ਤੋਂ ਇਨਕਾਰ ਕੀਤਾ ਅਤੇ ਕਿਹਾ ਕਿ DIG ਸਿਰਫ਼ ਇੱਕ ਅਸਥਾਈ ਸਮੂਹ ਸੀ। ਗੈਬਾਰਡ ਨੇ ਸਪੱਸ਼ਟ ਕੀਤਾ ਕਿ ਇਸ ਦਾ ਗਠਨ ਰਾਸ਼ਟਰਪਤੀ ਦੇ ਕਾਰਜਕਾਰੀ ਹੁਕਮਾਂ ਸਮੇਤ ਉੱਚ ਤਰਜੀਹ ਵਾਲੇ ਪ੍ਰੋਜੈਕਟਾਂ ਨੂੰ ਜਲਦੀ ਪੂਰਾ ਕਰਨ ਲਈ ਕੀਤਾ ਗਿਆ ਸੀ।
ਅਮਰੀਕੀ ਕਾਂਗਰਸ ਦੇ ਮੈਂਬਰਾਂ ਨੇ DIG ਦੀ ਬਣਤਰ ਅਤੇ ਭਰਤੀ ਪ੍ਰਕਿਰਿਆ ਨੂੰ ਗੁਪਤ ਰੱਖਣ ਕਾਰਨ ਇਸ ਦੀ ਤਿੱਖੀ ਜਾਂਚ ਕੀਤੀ ਹੈ। ਕਾਂਗਰਸ ਨੇ ਦਸੰਬਰ ਵਿੱਚ ਇੱਕ ਬਿੱਲ ਪਾਸ ਕਰਕੇ ਗੈਬਾਰਡ ਨੂੰ ਇਸ ਸਬੰਧੀ ਰਿਪੋਰਟ ਸੌਂਪਣ ਦਾ ਨਿਰਦੇਸ਼ ਦਿੱਤਾ ਸੀ। ਹਾਲਾਂਕਿ ਗੈਬਾਰਡ ਦਾ ਦਫ਼ਤਰ ਰਿਪੋਰਟ ਸੌਂਪਣ ਦੀ ਸਮਾਂ-ਸੀਮਾ ਪਾਰ ਕਰ ਗਿਆ ਹੈ, ਪਰ ODNI ਦਾ ਕਹਿਣਾ ਹੈ ਕਿ ਉਹ ਜਾਣਕਾਰੀ ਮੁਹੱਈਆ ਕਰਵਾਉਣਗੇ।
DIG ਨੂੰ ਭੰਗ ਕਰਨ ਦਾ ਫੈਸਲਾ ਅਜਿਹੇ ਸਮੇਂ ਆਇਆ ਹੈ ਜਦੋਂ ਡੈਮੋਕਰੇਟਸ ਨੇ 28 ਜਨਵਰੀ ਨੂੰ ਜਾਰਜੀਆ ਕਾਉਂਟੀ ਵਿੱਚ ਚੋਣ ਰਿਕਾਰਡ ਜ਼ਬਤ ਕਰਨ ਦੌਰਾਨ ਗੈਬਾਰਡ ਦੀ ਮੌਜੂਦਗੀ 'ਤੇ ਸਵਾਲ ਚੁੱਕੇ ਸਨ।
ਵ੍ਹਾਈਟ ਹਾਊਸ ਨੇ ਚੋਣ ਸੁਰੱਖਿਆ ਸਮੀਖਿਆ ਵਿੱਚ ਗੈਬਾਰਡ ਦੀ ਭੂਮਿਕਾ ਦਾ ਬਚਾਅ ਕੀਤਾ ਹੈ, ਪਰ ਡੈਮੋਕਰੇਟਿਕ ਆਗੂਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਆਪਣੇ ਅਧਿਕਾਰ ਖੇਤਰ ਤੋਂ ਬਾਹਰ ਜਾ ਕੇ ਕੰਮ ਕੀਤਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login