ADVERTISEMENT
ADVERTISEMENT
ਦਹਾਕਿਆਂ ਬਾਅਦ ਅਮਰੀਕਾ ਤੋਂ ਭਾਰਤ ਵਾਪਸ ਪਰਤੇ NRI ਨੂੰ ਟ੍ਰੈਫਿਕ ਨੇ ਦਿੱਤਾ ਸਦਮਾ
NRI ਨੇ ਕਿਹਾ ਕਿ ਭਾਰਤ ਦਾ ਅਵਿਵਸਥਿਤ ਟ੍ਰੈਫਿਕ ਘਰ ਵਾਪਸੀ ਨੂੰ ਉਮੀਦ ਨਾਲੋਂ ਬਹੁਤ ਔਖਾ ਬਣਾਉਂਦਾ ਹੈ।
-
ਜੈਫਿਨ ਟੀ. ਕਾਲੇਕਲ - Wed, 19, Nov 2025
- 11:39 EST
- 10
Representative image / Pexels
ਇੱਕ ਭਾਰਤੀ ਵਿਅਕਤੀ, ਜੋ 25 ਸਾਲ ਅਮਰੀਕਾ ਵਿੱਚ ਬਿਤਾਉਣ ਤੋਂ ਬਾਅਦ ਵਾਪਸ ਆਪਣੇ ਦੇਸ਼ ਆਇਆ, ਭਾਰਤ ਦੇ ਟ੍ਰੈਫ਼ਿਕ ਨਾਲ ਇੰਨਾ ਤੰਗ ਆ ਗਿਆ ਕਿ ਉਸਨੇ ਆਪਣੇ ਇਸ ਫੈਸਲੇ ’ਤੇ ਹੀ ਸਵਾਲ ਚੁੱਕਣੇ ਸ਼ੁਰੂ ਕਰ ਦਿੱਤੇ। ਡਾਇਸਪੋਰਾ ਭਾਈਚਾਰੇ ਦੇ ਕਈ ਮੈਂਬਰਾਂ ਲਈ ਰਿਟਾਇਰਮੈਂਟ ਤੋਂ ਬਾਅਦ ਭਾਰਤ ਵਾਪਸ ਆਉਣਾ ਇੱਕ ਪੁਰਾਣਾ ਸੁਪਨਾ ਹੁੰਦਾ ਹੈ। ਸੋਸ਼ਲ ਮੀਡੀਆ ਯੂਜ਼ਰ, ਜਿਸਦੀ ਪਹਿਚਾਣ ਨਰੇਸ਼ ਵਜੋਂ ਹੋਈ ਹੈ, ਨੇ ਭਾਰਤ ਦੇ ਟ੍ਰੈਫ਼ਿਕ ਬਾਰੇ ਚਰਚਾ ਨੂੰ ਹੋਰ ਭੜਕਾ ਦਿੱਤਾ ਹੈ, ਕਿਉਂਕਿ ਉਸ ਦੀ ਐਕਸ ਪੋਸਟ ਵਾਇਰਲ ਹੋ ਗਈ।
ਨਰੇਸ਼ ਅਤੇ ਉਸਦੀ ਪਤਨੀ ਨੇ 20 ਸਾਲ ਤੋਂ ਵੱਧ ਸਮਾਂ ਅਮਰੀਕਾ ਵਿੱਚ ਬਿਤਾਉਣ ਤੋਂ ਬਾਅਦ ਭਾਰਤ ਵਾਪਸੀ ਕੀਤੀ। ਵਾਪਸ ਆਉਣ ਤੋਂ ਬਾਅਦ, ਉਨ੍ਹਾਂ ਨੂੰ ਅਕਸਰ ਪੁੱਛਿਆ ਜਾਂਦਾ ਸੀ ਕਿ ਭਾਰਤ ਵਿਚ ਜ਼ਿੰਦਗੀ ਕਿਵੇਂ ਹੈ, ਕਿਉਂਕਿ ਅਮਰੀਕਾ ਵਿੱਚ ਰਹਿੰਦੇ ਉਨ੍ਹਾਂ ਦੇ ਜ਼ਿਆਦਾਤਰ ਦੋਸਤ ਵੀ ਇਸੇ ਤਰ੍ਹਾਂ ਵਾਪਸ ਆਉਣ ਬਾਰੇ ਸੋਚ ਰਹੇ ਸਨ।
ਐਕਸ ’ਤੇ ਸਾਵਧਾਨੀ ਦਾ ਇੱਕ ਸ਼ਬਦ ਸਾਂਝਾ ਕਰਦੇ ਹੋਏ ਉਨ੍ਹਾਂ ਕਿਹਾ:“ਇੱਥੇ ਬਹੁਤ ਸਾਰੀਆਂ ਵਧੀਆ ਗੱਲਾਂ ਹਨ, ਪਰ ਤੁਸੀਂ ਜਾਣਦੇ ਹੋ ਕਿ ਕਈਆਂ ਲਈ ਸਭ ਤੋਂ ਵੱਡੀ ਰੁਕਾਵਟ ਕੀ ਹੈ? ਖ਼ਤਰਨਾਕ ਟ੍ਰੈਫ਼ਿਕ।”
ਐਨ.ਆਰ.ਆਈਜ਼ (NRIs) ਦੇ ਯੋਗਦਾਨ ਦੀ ਮਹੱਤਤਾ ਨੂੰ ਉਜਾਗਰ ਕਰਦੇ ਹੋਏ ਅਤੇ ਟ੍ਰੈਫ਼ਿਕ ਕਿਵੇਂ ਉਨ੍ਹਾਂ ਨੂੰ ਵਾਪਸ ਆਉਣ ਤੋਂ ਰੋਕਦਾ ਹੈ, ਇਸ ਬਾਰੇ ਗੱਲ ਕਰਦੇ ਹੋਏ ਉਨ੍ਹਾਂ ਕਿਹਾ, “ਇੱਕ ਵਾਰ ਸੋਚੋ, NRI ਜਿਨ੍ਹਾਂ ਕੋਲ ਡਾਲਰ ਹਨ ਅਤੇ ਜੋ ਭਾਰਤੀ ਅਰਥਵਿਵਸਥਾ ਵਿਚ ਯੋਗਦਾਨ ਪਾ ਸਕਦੇ ਹਨ, ਉਹ ਇੱਥੇ ਇਸ ਅਵਿਵਸਥਿਤ ਟ੍ਰੈਫ਼ਿਕ ਕਰਕੇ ਨਹੀਂ ਆਉਂਦੇ।”
ਇੱਕ ਟਿੱਪਣੀ ਦਾ ਜਵਾਬ ਦਿੰਦਿਆਂ ਯੂਜ਼ਰ ਨੇ ਕਿਹਾ, “ਭਾਰਤੀ ਟ੍ਰੈਫ਼ਿਕ ਦੀ ਅਵਿਵਸਥਾ ਹੀ ਸਭ ਤੋਂ ਜ਼ਿਆਦਾ ਪਰੇਸ਼ਾਨ ਕਰਦੀ ਹੈ। ਲੋਕ ਖੱਬੇ-ਸੱਜੇ ਕਟ ਮਾਰਦੇ, ਹੋਰਨ ਵਜਾਉਂਦੇ ਰਹਿੰਦੇ ਹਨ। ਮੈਂ ਸ਼ਿਕਾਗੋ ਦਾ ਟ੍ਰੈਫ਼ਿਕ ਜਾਮ ਬਰਦਾਸ਼ਤ ਕਰ ਸਕਦਾ ਹਾਂ, ਜਿਥੇ ਹਰ ਕੋਈ ਲੇਨ ਡਿਸ਼ਪਲਿਨ ਰੱਖਦਾ ਹੈ ਅਤੇ ਇੱਕ ਕਾਇਦਾ ਹੈ।”
ਉਨ੍ਹਾਂ ਨੇ ਟ੍ਰੈਫ਼ਿਕ ਸਮੱਸਿਆਵਾਂ ਨੂੰ ਖਤਮ ਕਰਨ ਅਤੇ ਘਰ ਵਾਪਸੀ ਦੇ ਸੁਪਨੇ ਨੂੰ ਇੱਕ ਆਸਾਨ ਬਦਲਾਅ ਬਣਾਉਣ ਦੀ ਮੰਗ ਕੀਤੀ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login