ADVERTISEMENT
ADVERTISEMENT
ਟੈਕਨੋਲੋਜੀ ਤੇ ਟੀਵੀ ਡ੍ਰਾਮਾ ਇਕੱਠੇ, ਮਸ਼ਹੂਰ ਟੀਵੀ ਸੀਰੀਅਲ ‘ਚ ਬਿਲ ਗੇਟਸ ਦੀ ਐਂਟਰੀ
ਪ੍ਰਸ਼ੰਸਕ 'ਕਿਉਂਕਿ ਸਾਸ ਭੀ ਕਭੀ ਬਹੂ ਥੀ 2' ਵਿੱਚ ਸਮ੍ਰਿਤੀ ਇਰਾਨੀ ਨਾਲ ਗੇਟਸ ਨੂੰ ਦੇਖਣਗੇ
-
ਜੈਫਿਨ ਟੀ. ਕਾਲੇਕਲ - Wed, 22, Oct 2025
- 15:29 EDT
- 46
ਬਿਲ ਗੇਟਸ ਅਤੇ ਸਮ੍ਰਿਤੀ ਇਰਾਨੀ / Wikimedia commons
ਹੁਣ ਟੈੱਕ ਰਿਐਲਿਟੀ ਟੀਵੀ ਨੂੰ ਪਿੱਛੇ ਕਰਕੇ—ਰਾਇਲਟੀ ਡਰਾਮੇ ਵਿੱਚ ਦਾਖਲ ਹੋ ਰਹੀ ਹੈ। ਮਾਈਕ੍ਰੋਸਾਫਟ ਦੇ ਕੋ-ਫਾਊਂਡਰ ਬਿੱਲ ਗੇਟਸ ਭਾਰਤ ਦੇ ਲੰਬੇ ਸਮੇਂ ਤੋਂ ਚਲ ਰਹੇ ਮਸ਼ਹੂਰ ਟੀਵੀ ਸੀਰੀਅਲ "ਕਿਉਂਕਿ ਸਾਸ ਵੀ ਕਭੀ ਬਹੁ ਥੀ 2" ਵਿੱਚ ਵਰਚੁਅਲ ਪੇਸ਼ਕਾਰੀ ਦੇਣ ਲਈ ਤਿਆਰ ਹਨ। ਇਹ ਟੀਵੀ ਇਤਿਹਾਸ ਦੇ ਸਭ ਤੋਂ ਰੋਚਕ ਕ੍ਰਾਸਓਵਰਾਂ ਵਿੱਚੋਂ ਇੱਕ ਹੋਵੇਗਾ, ਜਿਸ ਵਿੱਚ ਗੇਟਸ ਤਿੰਨ ਐਪੀਸੋਡਾਂ ਦੀ ਇੱਕ ਵੀਡੀਓ ਕਾਲ ਰਾਹੀਂ ਸਮ੍ਰਿਤੀ ਇਰਾਨੀ ਦੇ ਕਿਰਦਾਰ ਤੁਲਸੀ ਨਾਲ ਜੁੜਨਗੇ।
ਕਹਾਣੀ ਦੀ ਸ਼ੁਰੂਆਤ ਇੱਕ ਬੇਬੀ ਸ਼ਾਵਰ ਸਮਾਰੋਹ ਤੋਂ ਹੁੰਦੀ ਹੈ, ਪਰ ਗੱਲਬਾਤ ਸਿਰਫ ਡ੍ਰਾਮੇ ਤੱਕ ਸੀਮਤ ਨਹੀਂ ਰਹਿੰਦੀ, ਗੇਟਸ ਅਤੇ ਇਰਾਨੀ ਨਵਜਨਮੇ ਬੱਚਿਆਂ ਦੀ ਸਿਹਤ ਬਾਰੇ ਗੱਲ ਕਰਦੇ ਹਨ, ਜਿਸ ਰਾਹੀਂ ਬਿੱਲ ਐਂਡ ਮੇਲਿੰਡਾ ਗੇਟਸ ਫਾਊਂਡੇਸ਼ਨ ਦੇ ਕੰਮ ਨੂੰ ਉਜਾਗਰ ਕੀਤਾ ਜਾਵੇਗਾ। ਸਮ੍ਰਿਤੀ ਇਰਾਨੀ ਨੇ ਲੰਬੇ ਸਮੇਂ ਤੋਂ ਟੀਵੀ ਸੀਰੀਜ਼ ਰਾਹੀਂ ਸਮਾਜਿਕ ਮੁੱਦੇ ਚੁੱਕੇ ਹਨ ਚਾਹੇ ਉਹ ਮਹਿਲਾ ਸਸ਼ਕਤੀਕਰਨ ਹੋਵੇ ਜਾਂ ਬਾਡੀ ਪੌਜ਼ੀਟਿਵਿਟੀ।
ਪ੍ਰਸ਼ੰਸਕ, ਗੇਟਸ ਨੂੰ ਸਮ੍ਰਿਤੀ ਇਰਾਨੀ, ਜੋ ਕਿ ਸਿਰਫ਼ ਭਾਰਤ ਵਿੱਚ ਇੱਕ ਘਰੇਲੂ ਨਾਮ ਨਹੀਂ, ਸਗੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਮੰਤਰੀ ਮੰਡਲ ਵਿੱਚ ਸਾਬਕਾ ਕੇਂਦਰੀ ਮੰਤਰੀ ਵੀ ਹਨ, ਨਾਲ ਗੱਲਬਾਤ ਕਰਦੇ ਦੇਖਣਗੇ। ਇਰਾਨੀ ਨੇ ਮਹਿਲਾ ਅਤੇ ਬਾਲ ਵਿਕਾਸ ਦੇ ਖੇਤਰ ਵਿੱਚ ਵੱਡੀਆਂ ਪਹਿਲਕਦਮੀਆਂ ਦੀ ਅਗਵਾਈ ਕੀਤੀ ਹੈ।
ਕਹਾਣੀ ਵਿੱਚ, ਇਕ ਭਾਵਨਾਤਮਕ ਬੇਬੀ ਸ਼ਾਵਰ ਦੇ ਦੌਰਾਨ, ਤੁਲਸੀ (ਇਰਾਨੀ) ਗੇਟਸ ਨਾਲ ਵੀਡੀਓ ਕਾਲ ਕਰਦੀ ਹੈ ਅਤੇ ਮਾਂ-ਬੱਚੇ ਦੀ ਸਿਹਤ ਬਾਰੇ ਗੰਭੀਰ ਚਰਚਾ ਹੁੰਦੀ ਹੈ। ਸ਼ੋਅ ਵਿੱਚ, ਮੇਲਿੰਡਾ ਗੇਟਸ ਵੀ ਬਿੱਲ ਗੇਟਸ ਦੇ ਨਾਲ ਦਿੱਖਣਗੇ, ਜਿੱਥੇ ਦੋਵੇਂ ਆਪਣੇ ਫਾਊਂਡੇਸ਼ਨ ਦੀ ਚਰਚਾ ਕਰਨਗੇ। ਤਿੰਨ ਐਪੀਸੋਡਜ਼ ਵਿਚ ਤੁਲਸੀ ਅਤੇ ਗੇਟਸ ਦੀ ਗੱਲਬਾਤ ਰਾਹੀਂ ਮਾਂ ਅਤੇ ਨਵਜਨਮੇ ਬੱਚਿਆਂ ਦੀ ਸਿਹਤ ਉਤੇ ਰੌਸ਼ਨੀ ਪਾਈ ਜਾਵੇਗੀ, ਜੋ ਕਿ ਇਸ ਕਹਾਣੀ ਨੂੰ ਸਮਾਜਿਕ ਜਾਗਰੂਕਤਾ ਦਾ ਸਾਧਨ ਬਣਾਏਗੀ।
ਭਾਰਤ ਦੀਆਂ ਮੀਡੀਆ ਰਿਪੋਰਟਾਂ ਅਨੁਸਾਰ, ਇਰਾਨੀ ਨੇ ਸੀਰੀਅਲ ਦੀ ਵੱਡੀ ਦਰਸ਼ਕ ਸੰਖਿਆ ਦਾ ਲਾਭ ਚੁੱਕ ਕੇ ਲੋਕਾਂ ਨੂੰ ਸਿਹਤ ਅਤੇ ਸਮਾਜਿਕ ਮੁੱਦਿਆਂ ਬਾਰੇ ਜਾਣਕਾਰੀ ਦੇਣ ਦਾ ਉਦੇਸ਼ ਰੱਖਿਆ ਸੀ। ਇਹ ਪਹਿਲੀ ਵਾਰ ਨਹੀਂ ਹੈ, ਇਸ ਤੋਂ ਪਹਿਲਾਂ ਵੀ ਸ਼ੋਅ 'ਚ ਜੇਨੇਰੇਸ਼ਨ ਗੈਪ, ਬੌਡੀ ਪੌਜ਼ੀਟੀਵਟੀ ਅਤੇ ਮਹਿਲਾ ਸਸ਼ਕਤੀਕਰਨ ਵਰਗੇ ਵਿਸ਼ਿਆਂ ਉਤੇ ਕਹਾਣੀਆਂ ਚਲਦੀਆਂ ਰਹੀਆਂ ਹਨ।
ਇਸ ਸੀਰੀਅਲ ਨੇ, ਜਿਸ ਵਿੱਚ ਇਰਾਨੀ ਅਤੇ ਅਮਰ ਉਪਾਧਿਆਏ ਮੁੱਖ ਭੂਮਿਕਾਵਾਂ ਵਿੱਚ ਹਨ, ਲਗਾਤਾਰ ਟੀਵੀ ਰੇਟਿੰਗ ਵਿੱਚ ਚੋਟੀ 'ਤੇ ਸਥਾਨ ਬਣਾਇਆ ਹੈ। ਇੱਕ ਸਾਬਕਾ ਕੇਂਦਰੀ ਮੰਤਰੀ ਅਤੇ ਦੁਨੀਆ ਦੇ ਸਭ ਤੋਂ ਮਸ਼ਹੂਰ ਟੈਕ ਉੱਦਮੀਆਂ ਵਿੱਚੋਂ ਇੱਕ ਦੀ ਸਕ੍ਰੀਨ 'ਤੇ ਆਮਦ ਨਾਲ, 'ਕਿਉਂਕਿ ਸਾਸ ਭੀ ਕਭੀ ਬਹੂ ਥੀ 2' ਇਹ ਸਾਬਤ ਕਰ ਰਿਹਾ ਹੈ ਕਿ ਸਾਧਾਰਨ ਲੱਗਣ ਵਾਲਾ ਇੱਕ ਟੀਵੀ ਡ੍ਰਾਮਾ ਵੀ ਵਿਸ਼ਵ ਪੱਧਰ 'ਤੇ ਚਰਚਾ ਦਾ ਕੇਂਦਰ ਬਣ ਸਕਦਾ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login