ADVERTISEMENT
ADVERTISEMENT
ਪੰਜਾਬ ਦੇ ਸਾਬਕਾ ਡੀਜੀਪੀ ਮੁਹੰਮਦ ਮੁਸਤਫ਼ਾ ਦੇ ਪੁੱਤਰ ਵਲੋਂ ਖ਼ੁਦਕੁਸ਼ੀ ਮਾਮਲੇ ਬਾਰੇ SIT ਨੇ ਕੀਤੇ ਅਹਿਮ ਖ਼ੁਲਾਸੇ
ਡੀਜੀਪੀ ਮੁਸਤਫ਼ਾ, ਪਤਨੀ ਸੁਲਤਾਨਾ, ਧੀ ਅਤੇ ਨੂੰਹ ਦੋਸ਼ੀ ਨਾਮਜ਼ਦ
-
ਸਟਾਫ਼ ਪੱਤਰਕਾਰ - Wed, 29, Oct 2025
- 05:57 EDT
- 23
ਸਾਬਕਾ ਪੰਜਾਬ ਡੀਜੀਪੀ ਦਾ ਪੁੱਤਰ ਅਕੀਲ ਅਖ਼ਤਰ / Staff Reporter
ਸਾਬਕਾ ਪੰਜਾਬ ਡੀਜੀਪੀ ਮੁਹੰਮਦ ਮੁਸਤਫਾ ਦੇ 35 ਸਾਲਾ ਪੁੱਤਰ ਅਕੀਲ ਅਖ਼ਤਰ ਦੀ ਲਾਸ਼ 16 ਅਕਤੂਬਰ ਨੂੰ ਉਸਦੇ ਪੰਚਕੂਲਾ ਨਿਵਾਸ 'ਤੇ ਮਿਲੀ ਸੀ। ਜਿਸ ਤੋਂ ਬਾਅਦ ਪੁਲਿਸ ਨੇ ਜਾਂਚ ਸ਼ੁਰੂ ਕੀਤੀ। ਇਸ ਕਾਰਵਾਈ ਦੌਰਾਨ ਹਰਿਆਣਾ ਪੁਲਿਸ ਦੀ ਵਿਸ਼ੇਸ਼ ਜਾਂਚ ਟੀਮ (SIT) ਮ੍ਰਿਤਕ ਅਕੀਲ ਅਖ਼ਤਰ ਦਾ ਮੋਬਾਈਲ ਫੋਨ ਅਤੇ ਲੈਪਟਾਪ ਬਰਾਮਦ ਕੀਤਾ ਹੈ।
ਮੁਸਤਫਾ, ਉਸਦੀ ਪਤਨੀ ਅਤੇ ਸਾਬਕਾ ਪੰਜਾਬ ਮੰਤਰੀ ਰਜ਼ੀਆ ਸੁਲਤਾਨਾ, ਧੀ ਅਤੇ ਨੂੰਹ ਨੂੰ ਮਲੇਰਕੋਟਾ ਦੇ ਰਹਿਣ ਵਾਲੇ ਸ਼ਮਸ਼ੁਦੀਨ ਚੌਧਰੀ ਦੀ ਸ਼ਿਕਾਇਤ 'ਤੇ ਦਰਜ ਕੀਤੇ ਕਤਲ ਦੇ ਮਾਮਲੇ ਵਿੱਚ ਦੋਸ਼ੀ ਨਾਮਜ਼ਦ ਕੀਤਾ ਗਿਆ ਹੈ। ਪੁਲਿਸ ਪਹਿਲਾਂ ਹੀ ਮ੍ਰਿਤਕ ਦੇ ਦੋ ਹੋਰ ਮੋਬਾਈਲ ਫੋਨ ਅਤੇ ਇਕ ਡਾਇਰੀ ਪਰਿਵਾਰ ਦੇ ਘਰ ਤੋਂ ਬਰਾਮਦ ਕਰ ਚੁੱਕੀ ਹੈ।
SIT ਦੀ ਅਗਵਾਈ ਕਰ ਰਹੇ ਸਹਾਇਕ ਪੁਲਿਸ ਕਮਿਸ਼ਨਰ ਵਿਕਰਮ ਨੇਹਰਾ ਨੇ ਕਿਹਾ ਕਿ ਮੰਗਲਵਾਰ ਨੂੰ ਬਰਾਮਦ ਕੀਤੇ ਗਏ ਇਹ ਡਿਵਾਈਸਿਜ਼ ਫ਼ੋਰੈਂਸਿਕ ਵਿਭਾਗ ਨੂੰ ਡਾਟਾ ਰਿਕਵਰੀ ਲਈ ਭੇਜੇ ਜਾਣਗੇ। ਜਦੋਂ ਉਨ੍ਹਾਂ ਤੋਂ ਇੰਨਾ ਸਮਾਂ ਬੀਤ ਜਾਣ ਤੋਂ ਬਾਅਦ ਬਰਾਮਦੀ ਅਤੇ ਇਸਦੇ ਨਾਲ ਛੇੜਛਾੜ ਦੀ ਸੰਭਾਵਨਾ ਬਾਰੇ ਪੁੱਛਿਆ ਗਿਆ, ਤਾਂ ਉਨ੍ਹਾਂ ਨੇ ਕਿਹਾ ਕਿ ਸਬੂਤਾਂ ਨਾਲ ਛੇੜਛਾੜ ਨਾਲ ਨਜਿੱਠਣ ਲਈ ਕਾਨੂੰਨ ਵਿਵਸਥਾਵਾਂ ਮੌਜੂਦ ਹਨ।
ਉਨ੍ਹਾਂ ਦੱਸਿਆ ਕਿ ਮੰਗਲਵਾਰ ਨੂੰ SIT ਨੇ ਮੁਸਤਫਾ ਦੇ ਘਰ ਸੁਰੱਖਿਆ ਡਿਊਟੀ ‘ਤੇ ਤਾਇਨਾਤ ਪੰਜਾਬ ਪੁਲਿਸ ਦੇ 11 ਕਰਮਚਾਰੀਆਂ ਤੋਂ ਪੁੱਛਗਿੱਛ ਕੀਤੀ। ਸੋਮਵਾਰ ਨੂੰ 9 ਹੋਰ ਪੁਲਿਸ ਕਰਮੀਆਂ ਤੋਂ ਪੁੱਛਗਿੱਛ ਕੀਤੀ ਗਈ ਸੀ। ਪੁਲਿਸ ਅਧਿਕਾਰੀਆਂ ਤੋਂ ਇਲਾਵਾ ਘਰ ਵਿਚ ਕੰਮ ਕਰਨ ਸਟਾਫ਼ ਤੋਂ ਪੁੱਛਗਿੱਛ ਦੀ ਉਮੀਦ ਵੀ ਕੀਤੀ ਜਾ ਰਹੀ ਹੈ।
ACP ਨੇਹਰਾ ਨੇ ਸੰਕੇਤ ਦਿੱਤਾ ਕਿ ਸਟਾਫ਼ ਦੇ ਬਿਆਨਾਂ ਤੋਂ ਕੁਝ ਮਹੱਤਵਪੂਰਨ ਖੁਲਾਸੇ ਸਾਹਮਣੇ ਆਏ ਹਨ, ਜੋ ਦਰਸਾਉਂਦੇ ਹਨ ਕਿ ਮ੍ਰਿਤਕ ਅਤੇ ਉਸਦੇ ਪਰਿਵਾਰ ਵਿਚ ਤਣਾਅ ਸੀ। ਜਦੋਂ ਪੁੱਛਿਆ ਗਿਆ ਕਿ ਪਰਿਵਾਰ ਨਾਲ ਪੁੱਛਗਿੱਛ ਕਦੋਂ ਹੋਵੇਗੀ, ਤਾਂ ACP ਨੇ ਕਿਹਾ,"ਜਦੋਂ ਸਾਡੀ ਮੁੱਢਲੀ ਜਾਂਚ ਪੂਰੀ ਹੋ ਜਾਵੇਗੀ, ਅਸੀਂ ਦੋਸ਼ੀਆਂ ਨੂੰ ਇੱਕ-ਇੱਕ ਕਰਕੇ ਬੁਲਾਵਾਂਗੇ।“ ਉਨ੍ਹਾਂ ਇਹ ਵੀ ਪੁਸ਼ਟੀ ਕੀਤੀ ਕਿ ਘਰ ਤੋਂ ਮਿਲੀ ਸੀਸੀਟੀਵੀ ਫੁਟੇਜ ਜਾਂਚ ਲਈ ਪਹਿਲਾਂ ਹੀ ਪ੍ਰਾਪਤ ਕਰ ਲਈ ਗਈ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login