ADVERTISEMENTs
ਯੂਕੇ 'ਚ ਸਿੱਖ ਮਹਿਲਾ ਨਾਲ ਬਲਾਤਕਾਰ, ਕਿਹਾ “ਆਪਣੇ ਦੇਸ਼ ਵਾਪਸ ਜਾਓ”
ਪੁਲਿਸ ਨੇ ਇੱਕ ਸ਼ੱਕੀ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
-
ਜੈਫਿਨ ਟੀ. ਕਾਲੇਕਲ - Tue, 16, Sep 2025
- 13:12 EDT
- 6
Representative image / Pexels
ਯੂਨਾਈਟਿਡ ਕਿੰਗਡਮ ਵਿੱਚ 20 ਸਾਲਾਂ ਦੀ ਇੱਕ ਸਿੱਖ ਮਹਿਲਾ ਨਾਲ ਦੋ ਗੋਰੇ ਵਿਅਕਤੀਆਂ ਵੱਲੋਂ ਕਥਿਤ ਤੌਰ ‘ਤੇ ਬਲਾਤਕਾਰ ਕੀਤਾ ਗਿਆ। ਕਿਹਾ ਜਾ ਰਿਹਾ ਹੈ ਕਿ ਇਹ ਹਮਲਾ ਨਸਲੀ ਨਫ਼ਰਤ ਤੋਂ ਪ੍ਰੇਰਿਤ ਸੀ। ਇਹ ਘਟਨਾ 9 ਸਤੰਬਰ ਸਵੇਰੇ ਲਗਭਗ 8:30 ਵਜੇ ਟੇਮ ਰੋਡ, ਓਲਡਬਰੀ ‘ਤੇ ਵਾਪਰੀ। ਵੈਸਟ ਮਿਡਲੈਂਡਜ਼ ਪੁਲਿਸ ਨੇ 14 ਸਤੰਬਰ ਨੂੰ, ਘਟਨਾ ਤੋਂ ਪੰਜ ਦਿਨਾਂ ਬਾਅਦ, ਇੱਕ ਵਿਅਕਤੀ ਨੂੰ ਇਸ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਹੈ।
ਪੁਲਿਸ ਦੇ ਬਿਆਨ ਅਨੁਸਾਰ, ਇੱਕ ਹਮਲਾਵਰ ਦੀ ਪਛਾਣ ਗੰਜਾ ਸਿਰ, ਭਾਰੀ ਸ਼ਰੀਰ, ਕਾਲੇ ਰੰਗ ਦੀ ਸਵੈੱਟਸ਼ਰਟ ਅਤੇ ਦਸਤਾਨੇ ਪਹਿਨੇ ਹੋਏ ਵਜੋਂ ਕੀਤੀ ਗਈ ਹੈ। ਦੂਜੇ ਹਮਲਾਵਰ ਨੇ ਕਥਿਤ ਤੌਰ 'ਤੇ ਚਾਂਦੀ ਦੀ ਜ਼ਿੱਪ ਵਾਲਾ ਸਲੇਟੀ ਰੰਗ ਦੀ ਟੀ-ਸ਼ਰਟ ਪਾਈ ਹੋਈ ਸੀ।
ਪੀੜਤਾ ਦਾ ਕਹਿਣਾ ਹੈ ਕਿ ਇੱਕ ਹਮਲਾਵਰ ਨੇ ਉਸ ਨੂੰ ਨਸਲੀ ਟਿੱਪਣੀਆਂ ਕੀਤੀਆਂ ਅਤੇ ਕਿਹਾ “ਆਪਣੇ ਦੇਸ਼ ਵਾਪਸ ਜਾਓ”।
ਸੈਂਡਵੈਲ ਪੁਲਿਸ ਦੀ ਚੀਫ਼ ਸੁਪਰਿੰਟੈਂਡੈਂਟ ਕਿਮ ਮੈਡਿਲ ਨੇ ਬਿਆਨ ਵਿੱਚ ਕਿਹਾ: “ਅਸੀਂ ਜ਼ਿੰਮੇਵਾਰ ਲੋਕਾਂ ਦੀ ਪਛਾਣ ਕਰਨ ਲਈ ਬਹੁਤ ਮਿਹਨਤ ਕਰ ਰਹੇ ਹਾਂ। ਸੀਸੀਟੀਵੀ, ਫ਼ੋਰੈਂਸਿਕ ਅਤੇ ਹੋਰ ਜਾਂਚਾਂ ਜਾਰੀ ਹਨ। ਅਸੀਂ ਜਾਣਦੇ ਹਾਂ ਕਿ ਇਸ ਘਟਨਾ ਕਾਰਨ ਗੁੱਸਾ ਅਤੇ ਚਿੰਤਾ ਵਧੀ ਹੈ ਅਤੇ ਮੈਂ ਅੱਜ ਕਮਿਊਨਿਟੀ ਨਾਲ ਮਿਲ ਕੇ ਉਨ੍ਹਾਂ ਨੂੰ ਭਰੋਸਾ ਦਿਵਾ ਰਹੀ ਹਾਂ ਕਿ ਅਸੀਂ ਦੋਸ਼ੀਆਂ ਨੂੰ ਪਛਾਣਣ ਅਤੇ ਗ੍ਰਿਫ਼ਤਾਰ ਕਰਨ ਲਈ ਪੂਰੀ ਕੋਸ਼ਿਸ਼ ਕਰ ਰਹੇ ਹਾਂ।”
ਸਿੱਖ ਫੈਡਰੇਸ਼ਨ (ਯੂਕੇ) ਦੇ ਦਬਿੰਦਰਜੀਤ ਸਿੰਘ ਨੇ ਕਿਹਾ: “ਅਸੀਂ ਉਮੀਦ ਕਰਦੇ ਹਾਂ ਕਿ ਸਾਰੇ ਰਾਜਨੀਤਿਕ ਪੱਖ ਇਸ ਬੇਰਹਿਮ ਨਸਲੀ ਅਤੇ ਜਿਨਸੀ ਹਮਲੇ ਦੀ ਖੁੱਲ੍ਹੀ ਨਿੰਦਾ ਕਰਨਗੇ। ਇੱਕ ਨੌਜਵਾਨ ਸਿੱਖ ਮਹਿਲਾ ਨਾਲ ਦਿਨ-ਦਹਾੜੇ, ਭੀੜ-ਭਾੜ ਵਾਲੀ ਸੜਕ ‘ਤੇ, ਇਸ ਤਰ੍ਹਾਂ ਬੇਰਹਿਮੀ ਨਾਲ ਬਲਾਤਕਾਰ ਕੀਤਾ ਗਿਆ। ਸਾਰੇ ਰਾਜਨੀਤਿਕ ਪਾਰਟੀਆਂ ਦੇ ਨੇਤਾਵਾਂ ਨੂੰ ਅਜਿਹੇ ਹਮਲਿਆਂ ਲਈ ਜ਼ੀਰੋ ਟੋਲਰੈਂਸ ਦਿਖਾਉਣੀ ਚਾਹੀਦੀ ਹੈ।”
ਯੂਕੇ ਸੰਸਦ ਮੈਂਬਰ ਗੁਰਿੰਦਰ ਸਿੰਘ ਜੋਸਨ ਨੇ ਕਮਿਊਨਿਟੀ ਨੂੰ ਪੁਲਿਸ ਨਾਲ ਸਹਿਯੋਗ ਕਰਨ ਦੀ ਅਪੀਲ ਕੀਤੀ। ਉਹਨਾਂ ਨੇ ਕਿਹਾ: “ਮੈਂ ਸਮਝਦਾ ਹਾਂ ਕਿ ਇਸ ਹਮਲੇ ਕਾਰਨ ਕਮਿਊਨਿਟੀ ਵਿੱਚ ਭਾਰੀ ਗੁੱਸਾ ਅਤੇ ਡਰ ਪੈਦਾ ਹੋਇਆ ਹੈ। ਪਰ ਕਮਿਊਨਿਟੀ ਨੂੰ ਪੁਲਿਸ ਨੂੰ ਜਾਂਚ ਅੱਗੇ ਵਧਾਉਣ ਦੇਣੀ ਚਾਹੀਦੀ ਹੈ। ਪੀੜਤਾ ਇਸ ਹਮਲੇ ਨਾਲ ਸਦਮੇ ਵਿੱਚ ਹੈ ਅਤੇ ਸਾਡੇ ਸਭ ਲਈ ਉਸ ਦੀਆਂ ਜ਼ਰੂਰਤਾਂ ਸਭ ਤੋਂ ਪਹਿਲਾਂ ਹੋਣੀਆਂ ਚਾਹੀਦੀਆਂ ਹਨ।”
ਐਮ.ਪੀ. ਜਸ ਅਥਵਾਲ ਨੇ ਵੀ ਇਸ ਹਮਲੇ ਦੀ ਨਿੰਦਾ ਕੀਤੀ ਅਤੇ ਇਸਨੂੰ “ਘਿਣਾਉਣਾ, ਨਸਲੀ ਅਤੇ ਔਰਤ ਵਿਰੋਧੀ ਹਮਲਾ” ਕਰਾਰ ਦਿੱਤਾ। ਉਹਨਾਂ ਕਿਹਾ: “ਇਹ ਘਟਨਾ ਸਾਬਤ ਕਰਦੀ ਹੈ ਕਿ ਜਦੋਂ ਨਸਲੀ ਬੋਲਬਾਲਾ ਵੱਧਦਾ ਹੈ, ਤਾਂ ਇਸ ਦੇ ਨਤੀਜੇ ਦੁਖਦਾਈ ਅਤੇ ਹਿੰਸਕ ਹੁੰਦੇ ਹਨ। ਇਹ ਨੌਜਵਾਨ ਮਹਿਲਾ ਇੱਕ ਬ੍ਰਿਿਟਸ਼ ਨਾਗਰਿਕ ਹੈ, ਫਿਰ ਵੀ ਉਸ ਨਾਲ ਇਹ ਜਿਨਸੀ ਹਮਲਾ ਕੀਤਾ ਗਿਆ – ਜੋ ਔਰਤਾਂ ਖ਼ਿਲਾਫ਼ ਨਫ਼ਰਤ ਅਤੇ ਤਾਕਤ ਦੇ ਦੁਰਪਯੋਗ ਨਾਲ ਜੁੜਿਆ ਹੈ।”
ਸਟੂਡੈਂਟਸ ਫੈਡਰੇਸ਼ਨ ਆਫ਼ ਇੰਡੀਆ – ਯੂਨਾਈਟਿਡ ਕਿੰਗਡਮ ਨੇ ਵੀ ਇਸ ਘਟਨਾ ਦੀ ਤਿੱਖੀ ਨਿੰਦਾ ਕੀਤੀ। ਉਹਨਾਂ ਨੇ ਕਿਹਾ: “ਅਸੀਂ ਘਟਨਾ ‘ਤੇ ਆਪਣਾ ਸਦਮਾ ਅਤੇ ਗੁੱਸਾ ਪ੍ਰਗਟ ਕਰਦੇ ਹਾਂ ਅਤੇ ਦੋਸ਼ੀਆਂ ਨੂੰ ਤੁਰੰਤ ਸਜ਼ਾ ਦੇਣ ਦੀ ਮੰਗ ਕਰਦੇ ਹਾਂ।” ਇਸ ਸੰਗਠਨ ਨੇ ਵੱਧਦੇ ਨਸਲੀ ਵਿਰੋਧੀ ਮਾਹੌਲ ਅਤੇ ਪਰਵਾਸੀਆਂ ਖ਼ਿਲਾਫ਼ ਭਾਵਨਾਵਾਂ ਨੂੰ ਇਸ ਘਟਨਾ ਦਾ ਕਾਰਨ ਦੱਸਿਆ ਅਤੇ ਕਿਹਾ ਕਿ ਸਰਕਾਰ ਅਤੇ ਰਾਜਨੀਤਿਕ ਨੇਤਾ ਇਸ ਲਈ ਜ਼ਿੰਮੇਵਾਰ ਹਨ।
ਇਸੇ ਦੌਰਾਨ, ਪੁਲਿਸ ਨੇ ਕਮਿਊਨਿਟੀ ਦਾ ਧੰਨਵਾਦ ਕੀਤਾ ਅਤੇ ਕਿਹਾ: “ਜਾਂਚ ਜਾਰੀ ਹੈ ਅਤੇ ਅਸੀਂ ਲੋਕਾਂ ਨੂੰ ਅੰਦਾਜ਼ਾ ਨਾ ਲਗਾਉਣ ਦੀ ਅਪੀਲ ਕਰਦੇ ਹਾਂ ਕਿਉਂਕਿ ਅਸੀਂ ਉਨ੍ਹਾਂ ਸਾਰਿਆਂ ਦੀ ਪਛਾਣ ਕਰਨ ਅਤੇ ਲੱਭਣ ਲਈ ਕੰਮ ਕਰ ਰਹੇ ਹਾਂ ਜੋ ਸ਼ਾਮਲ ਹੋ ਸਕਦੇ ਹਨ।"
ਪੁਲਿਸ ਨੇ ਇਸ ਹਮਲੇ ਨਾਲ ਜੁੜੀ ਜਾਣਕਾਰੀ ਮੁਹੱਈਆ ਕਰਵਾਉਣ ਲਈ ਲੋਕਾਂ ਨੂੰ ਅੱਗੇ ਆਉਣ ਦੀ ਵੀ ਅਪੀਲ ਕੀਤੀ ਤੇ ਕਿਹਾ ਜਿਸ ਕਿਸੇ ਕੋਲ ਵੀ ਜਾਣਕਾਰੀ ਹੈ, ਉਹ ਪੁਲਿਸ ਨਾਲ ਸੰਪਰਕ ਕਰੇ। ਜਾਣਕਾਰੀ ਵਾਲੇ ਲੋਕ ਨੰਬਰ 798 (9 ਸਤੰਬਰ) ਦਾ ਹਵਾਲਾ ਦੇ ਕੇ ਪੁਲਿਸ ਨੂੰ 101 ‘ਤੇ ਕਾਲ ਕਰ ਸਕਦੇ ਹਨ ਜਾਂ ਲਾਗ ਕ੍ਰਾਈਮਸਟਾਪਰਜ਼ 0800 555111 ‘ਤੇ ਸੰਪਰਕ ਕਰ ਸਕਦੇ ਹਨ।
Related
.jpg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login