ADVERTISEMENT
ADVERTISEMENT
સાન ફ્રાન્સિસ્કોમાં યોજાયેલ કાર્યક્રમે નવી દિલ્હીના AI સમિટ માટે મંચ તૈયાર કર્યો
આ કાર્યક્રમમાં ઉદ્યોગ જગતના આગેવાનો, નીતિ ઘડતર કરનારાઓ અને સંશોધકો એકઠા થયા હતા; માનવ-કેન્દ્રિત નવીનતા, જવાબદાર AI અને વૈશ્વિક સહકાર પર ચર્ચા થઈ
-
1759163132.png)
અનુષ્કા પાઠક - Wed, 10, Dec 2025
- 02:15 EST
- 21
સાન ફ્રાન્સિસ્કોમાં ભારતના કોન્સ્યુલ જનરલ કે. શ્રીકર રેડ્ડીનું સ્વાગત ભાષણ / @CGISFO via ‘X’
સાન ફ્રાન્સિસ્કોમાં ભારતના કોન્સ્યુલેટ જનરલે ઇવોલ્વ સિલિકોન વેલી (Evolve SV) ફાઉન્ડેશન તથા ઇન્ડિયાસ્પોરા ફોરમ સાથે મળીને આ અઠવાડિયે “AI ઇમ્પેક્ટ પ્રી-સમિટ કોન્ફરન્સ”નું આયોજન કર્યું હતું. આ કાર્યક્રમ આવતા વર્ષે નવી દિલ્હીમાં યોજાનાર વૈશ્વિક આર્ટિફિશિયલ ઇન્ટેલિજન્સ (AI) સમિટનો પૂર્વાર્ધ છે.
આ કાર્યક્રમમાં સિલિકોન વેલીના વિવિધ હિસ્સેદારો એકઠા થયા હતા અને આર્ટિફિશિયલ ઇન્ટેલિજન્સના નવા વિકાસ તથા આવનારા AI ઇમ્પેક્ટ સમિટની પ્રાથમિકતાઓ પર ચર્ચા કરી હતી.
કાર્યક્રમની શરૂઆત સાન ફ્રાન્સિસ્કોમાં ભારતના કોન્સલ જનરલ ડૉ. કે. શ્રીકર રેડ્ડીના સ્વાગત પ્રવચનથી થઈ. ત્યારબાદ વોશિંગ્ટન ડી.સી.સ્થિત ભારતીય દૂતાવાસના ડેપ્યુટી ચીફ ઑફ મિશન એમ્બેસેડર નમ્ગ્યા સી. ખામ્પાએ વિશેષ સંબોધન કર્યું. તેમણે અમેરિકા સાથેના AI સહકારને વ્યૂહાત્મક અને અનિવાર્ય ગણાવ્યો.
આ પછી ખોસ્લા વેન્ચર્સના વિનોદ ખોસ્લાએ “AI ફોર ઑલ” વિષય પર મુખ્ય પ્રવચન આપ્યું. તેમણે વિવિધ ક્ષેત્રોમાં આર્ટિફિશિયલ ઇન્ટેલિજન્સની વ્યાપક અસર વર્ણવી અને જણાવ્યું કે ટેકન્નોલોજી વિકાસ અને સારી નીતિ એકસાથે ચાલે તો જ કોઈ દેશને તેનો પૂરો લાભ મળી શકે.
ભારત સરકારના ઇલેક્ટ્રોનિક્સ અને માહિતી ટેકન્નોલોજી મંત્રાલયના વધારાના સચિવ અભિષેક સિંહે INDIAai મિશન અને ભારતની ડિજિટલ અર્થતંત્રની પ્રગતિ પર વિશેષ વક્તવ્ય આપ્યું. તેમણે રાષ્ટ્રીય સ્તરે AI અપનાવવા માટે ચાલી રહેલી પહેલોની વિગતો આપી.
પ્રથમ પેનલ “માનવ-કેન્દ્રિત નવીનતા અને મોટા પાયે અસરને વેગ આપવો”નું સંચાલન સેન્સર.એઆઈના સીઈઓ એ.કે. પ્રદીપે કર્યું. આ પેનલમાં એઇટફોલ્ડ.એઆઈના ચીફ પ્રોડક્ટ ઓફિસર શચીન કામત, એન્થ્રોપિકના વૈશ્વિક બાબતોના વડા માઇકલ સેલિટ્ટો, ઝૂમના પ્રોડક્ટ અને એન્જિનિયરિંગ પ્રમુખ વેલ્ચામી શંકરલિંગમ તથા લાઇટસ્પીડ વેન્ચર પાર્ટનર્સ ઇન્ડિયાના પાર્ટનર દેવ ખરે સામેલ થયા.
બીજી પેનલ “જવાબદાર AIમાં રોકાણ: નવીનતા, સમાવેશ અને વૈશ્વિક સહકારને પ્રોત્સાહન”નું સંચાલન ઇન્ડિયાસ્પોરાના સ્થાપક એમ.આર. રંગસ્વામીએ કર્યું. આમાં જનરલ કેટાલિસ્ટના નીરજ અરોરા, વેસ્ટબ્રિજ કેપિટલના સહ-સ્થાપક સુમિર ચઢ્ઢા, સ્ટેન્ફોર્ડના હ્યુમન-સેન્ટર્ડ AI ઇન્સ્ટિટયૂટના સિનિયર ફેલો સૂર્ય ગંગુલી, સેલેસ્ટા કેપિટલના મેનેજિંગ પાર્ટનર અરુણ કુમાર તથા પ્રોસ્પેરિટી7 વેન્ચર્સના અભિષેક શુક્લા જોડાયા.
ત્રીજી પેનલ “સસ્ટેનેબલ ઇન્ટેલિજન્સ: હરિયાળા, સમાન અને સ્થિતિસ્થાપક ભવિષ્ય માટે AIનો ઉપયોગ”નું સંચાલન બર્કલી એપેક સ્ટડી સેન્ટરના ડિરેક્ટર પ્રો. વિનોદ અગ્ગરવાલે કર્યું. આમાં યુરોપીયન યુનિયનના અમેરિકા દૂત, ઇક્વિનિક્સના ચીફ ટેક્નોલોજી ઓફિસર, એમરલ્ડ AIના સ્થાપક વરુણ શિવરામ તથા એનવીડિયાના સિનિયર વાઇસ પ્રેસિડન્ટ શંકર ત્રિવેદીએ ભાગ લીધો.
છેલ્લી પેનલ “AI ફોર ઑલ: સમાવેશી, સાંસ્કૃતિક રીતે જાગૃત અને સૌ માટે સુલભ AI ઇકોસિસ્ટમનું નિર્માણ”નું સંચાલન વિયાનાઇ સિસ્ટમ્સના સ્થાપક અને સીઈઓ વિશાલ સિક્કાએ કર્યું. આમાં માઇક્રોસોફ્ટના ચીફ રિસ્પોન્સિબલ AI ઓફિસર નતાશા ક્રેમ્પ્ટન, સેલ્સફોર્સના ચીફ એથિકલ એન્ડ હ્યુમન યુઝ ઓફિસર પૉલા ગોલ્ડમેન, ફ્રેન્ચ ટેક મિશનના ડિરેક્ટર જુલી હ્યુગેટ, ઓપનએઆઈના બી2બી એપ્લિકેશન્સ સીટીઓ શ્રીનિવાસ નારાયણન તથા પાલો આલ્ટો નેટવર્ક્સના સીઆઈઓ મીરા રાજવેલ સામેલ થયા.
કાર્યક્રમમાં સંયુક્ત રાષ્ટ્રના અન્ડર-સેક્રેટરી જનરલ અને ડિજિટલ-ઉભરતી ટેક્નોલોજીઝ માટેના વિશેષ દૂત અમનદીપ સિંઘ ગિલનું વીડિયો સંદેશ પણ પ્રસારિત થયો હતો. અંતે ગૂગલના ચીફ ટેક્નોલોજિસ્ટ (લર્નિંગ અને સસ્ટેનેબિલિટી) બેન ગોમ્સના સમાપન વક્તવ્યથી થયો.
આવતા વર્ષે ૧૯ ફેબ્રુઆરી, ૨૦૨૬ના રોજ નવી દિલ્હીમાં યોજાનાર AI ઇમ્પેક્ટ સમિટ ૨૦૨૬નું ઉદ્ઘાટન વડા પ્રધાન નરેન્દ્ર મોદી કરશે. આ વૈશ્વિક દક્ષિણ (ગ્લોબલ સાઉથ)માં પ્રથમ વખત યોજાતો મોટો AI સમિટ હશે.
Related
.jpg)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login