ADVERTISEMENT
ADVERTISEMENT
ਕੀ ਟਰੰਪ ਦੀ ‘ਮੋਸਟ ਫੇਵਰਡ ਨੇਸ਼ਨ’ ਨੀਤੀ ਭਾਰਤੀ ਫਾਰਮਾਸਿਊਟੀਕਲ ਉਦਯੋਗ ਲਈ ਨਵੀਂ ਰਾਹਤ?
-
ਆਈਏਐਨਐਸ - Thu, 18, Dec 2025
- 06:55 EST
- 5
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ / Xinhua/IANS
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ “ਮੋਸਟ ਫੇਵਰਡ ਨੇਸ਼ਨ” ਨੀਤੀ ਤਹਿਤ ਦਵਾਈਆਂ ਦੀਆਂ ਕੀਮਤਾਂ ਵਿੱਚ ਵੱਡੀ ਕਟੌਤੀ ਦੇ ਐਲਾਨ ਨੇ ਭਾਰਤੀ ਫਾਰਮਾਸਿਊਟੀਕਲ ਉਦਯੋਗ ਨੂੰ ਸੁਰਖੀਆਂ ਵਿੱਚ ਲਿਆ ਦਿੱਤਾ ਹੈ। ਵਾਸ਼ਿੰਗਟਨ ਹੁਣ ਅਮਰੀਕੀ ਦਵਾਈਆਂ ਦੀਆਂ ਕੀਮਤਾਂ ਦੀ ਤੁਲਨਾ ਉਨ੍ਹਾਂ ਕੀਮਤਾਂ ਨਾਲ ਕਰਨ ਦੀ ਤਿਆਰੀ ਕਰ ਰਿਹਾ ਹੈ ਜੋ ਦੂਜੇ ਦੇਸ਼ਾਂ ਵਿੱਚ ਦਿੱਤੀਆਂ ਜਾਂਦੀਆਂ ਹਨ।
ਆਪਣੇ ਸੰਬੋਧਨ ਦੌਰਾਨ ਟਰੰਪ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਨੇ ਫਾਰਮਾਸਿਊਟੀਕਲ ਕੰਪਨੀਆਂ ਅਤੇ ਵਿਦੇਸ਼ੀ ਸਰਕਾਰਾਂ ਨਾਲ ਸਿੱਧਾ ਟਾਕਰਾ ਕਰਕੇ ਅਤੇ ਵਪਾਰਕ ਦਬਾਅ ਦੀ ਵਰਤੋਂ ਕਰਕੇ ਦਵਾਈਆਂ ਦੀਆਂ ਕੀਮਤਾਂ ਵਿੱਚ ਭਾਰੀ ਕਮੀ ਲਿਆਂਦੀ ਹੈ। ਉਨ੍ਹਾਂ ਕਿਹਾ “ਮੈਂ ਫਾਰਮਾਸਿਊਟੀਕਲ ਕੰਪਨੀਆਂ ਅਤੇ ਵਿਦੇਸ਼ੀ ਦੇਸ਼ਾਂ ਨਾਲ ਸਿੱਧੀ ਗੱਲਬਾਤ ਕੀਤੀ, ਜੋ ਕਈ ਦਹਾਕਿਆਂ ਤੋਂ ਸਾਡੇ ਦੇਸ਼ ਦਾ ਫਾਇਦਾ ਚੁੱਕ ਕੇ ਦਵਾਈਆਂ ਅਤੇ ਫਾਰਮਾਸਿਊਟੀਕਲ ਦੀਆਂ ਕੀਮਤਾਂ ‘ਚ 400, 500 ਅਤੇ ਇੱਥੋਂ ਤੱਕ ਕਿ 600 ਫੀਸਦੀ ਤੱਕ ਦੀ ਕਟੌਤੀ ਕਰ ਰਹੇ ਸੀ।”
ਉਨ੍ਹਾਂ ਦੱਸਿਆ ਕਿ “ਮੋਸਟ ਫੇਵਰਡ ਨੇਸ਼ਨ” ਨਾਮਕ ਇਹ ਨੀਤੀ ਅਮਰੀਕਾ ਵਿੱਚ ਦਵਾਈਆਂ ਦੀਆਂ ਵਧਦੀਆਂ ਕੀਮਤਾਂ ਦੇ ਕਈ ਦਹਾਕਿਆਂ ਪੁਰਾਣੇ ਰੁਝਾਨ ਨੂੰ ਪਲਟ ਦੇਵੇਗੀ। ਟਰੰਪ ਨੇ ਕਿਹਾ, “ਸਾਡੇ ਦੇਸ਼ ਦੇ ਇਤਿਹਾਸ ਵਿੱਚ ਅਜਿਹਾ ਪਹਿਲਾਂ ਕਦੇ ਨਹੀਂ ਹੋਇਆ। ਉਨ੍ਹਾਂ ਅੱਗੇ ਕਿਹਾ ਕਿ ਦਵਾਈਆਂ ਦੀਆਂ ਕੀਮਤਾਂ ਹਮੇਸ਼ਾਂ ਵੱਧਦੀਆਂ ਹੀ ਗਈਆਂ ਹਨ, ਪਰ ਹੁਣ ਇੰਨੀ ਤੇਜ਼ੀ ਨਾਲ ਘਟਣਗੀਆਂ ਜਿਨ੍ਹਾਂ ਦੀ ਕਦੇ ਕਲਪਨਾ ਵੀ ਨਹੀਂ ਕੀਤੀ ਗਈ ਸੀ।
ਟਰੰਪ ਨੇ ਕਿਹਾ ਕਿ ਕੀਮਤਾਂ ਵਿੱਚ ਕਟੌਤੀ ਦਾ ਪਹਿਲਾ ਦੌਰ ਜਨਵਰੀ ਤੋਂ ਲਾਗੂ ਹੋਵੇਗਾ ਅਤੇ ਇਹ ਨਵੀਂ ਸਰਕਾਰੀ ਵੈੱਬਸਾਈਟ TrumpRx.gov ਰਾਹੀਂ ਉਪਲਬਧ ਹੋਵੇਗੀ। ਖ਼ਾਸ ਗੱਲ ਇਹ ਹੈ ਕਿ ਭਾਰਤੀ ਫਾਰਮਾ ਕੰਪਨੀਆਂ ਅਮਰੀਕੀ ਖਪਤਕਾਰਾਂ ਨੂੰ ਘੱਟ ਕੀਮਤ ਵਾਲੀਆਂ ਦਵਾਈਆਂ ਦੀ ਸਪਲਾਈ ਕਰਨ ਵਿੱਚ ਕੇਂਦਰੀ ਭੂਮਿਕਾ ਨਿਭਾਉਂਦੀਆਂ ਹਨ ਅਤੇ ਅਮਰੀਕਾ ਸਿਹਤ ਸੰਭਾਲ ਸਪਲਾਈ ਚੇਨਾਂ ਦਾ ਅਹਿਮ ਹਿੱਸਾ ਹਨ। ਟਰੰਪ ਨੇ ਕਿਹਾ ਕਿ ਉਨ੍ਹਾਂ ਨੇ ਵਿਦੇਸ਼ੀ ਦੇਸ਼ਾਂ ’ਤੇ ਦਬਾਅ ਬਣਾਉਣ ਲਈ ਟੈਰਿਫ਼ਾਂ ਦੀ ਧਮਕੀ ਵਰਤੀ, ਤਾਂ ਜੋ ਅਮਰੀਕਾ ਵਿੱਚ ਦਵਾਈਆਂ ਦੀਆਂ ਕੀਮਤਾਂ ਘਟਾਉਣ ਦਾ ਕੁਝ ਭਾਰ ਉਹ ਦੇਸ਼ ਵੀ ਝੱਲਣ।
ਟਰੰਪ ਨੇ ਸਿਹਤ ਬੀਮਾ ਕੰਪਨੀਆਂ ਦੀ ਵੀ ਆਲੋਚਨਾ ਕੀਤੀ। ਉਸ ਨੇ ਕਿਹਾ ਕਿ ਇਹ ਕੰਪਨੀਆਂ ਉਸ ਪੈਸੇ ’ਤੇ ਅਮੀਰ ਹੋ ਗਈਆਂ ਹਨ ਜੋ ਸਿੱਧਾ ਲੋਕਾਂ ਤੱਕ ਪਹੁੰਚਣਾ ਚਾਹੀਦਾ ਸੀ ਅਤੇ ਉਨ੍ਹਾਂ ਦਲੀਲ ਦਿੱਤੀ ਕਿ ਦਵਾਈਆਂ ਦੀਆਂ ਘੱਟ ਕੀਮਤਾਂ ਨਾਲ ਅਮਰੀਕੀ ਪਰਿਵਾਰਾਂ ਲਈ ਸਿਹਤ ਖਰਚੇ ਕਾਫ਼ੀ ਘੱਟ ਜਾਣਗੇ।
ਭਾਰਤੀ ਦਵਾਈ ਨਿਰਮਾਤਾਵਾਂ ਲਈ ਮੁੱਖ ਸਵਾਲ ਇਹ ਹੋਵੇਗਾ ਕਿ ਇਹ "ਮੋਸਟ ਫੇਵਰਡ ਨੇਸ਼ਨ" ਮਾਡਲ ਕਿਵੇਂ ਲਾਗੂ ਕੀਤਾ ਜਾਂਦਾ ਹੈ ਅਤੇ ਕੀ ਕੀਮਤਾਂ ਦਾ ਦਬਾਅ ਮੁੱਖ ਤੌਰ 'ਤੇ ਬ੍ਰਾਂਡਡ ਦਵਾਈਆਂ 'ਤੇ ਪੈਂਦਾ ਹੈ, ਜੈਨਰਿਕ 'ਤੇ ਪੈਂਦਾ ਹੈ, ਜਾਂ ਦੋਵਾਂ 'ਤੇ। ਭਾਰਤੀ ਕੰਪਨੀਆਂ ਅਮਰੀਕਾ ਵਿੱਚ ਪੇਟੈਂਟ-ਮੁਕਤ ਦਵਾਈਆਂ ਦਾ ਇੱਕ ਵੱਡਾ ਹਿੱਸਾ ਸਪਲਾਈ ਕਰਦੀਆਂ ਹਨ ਅਤੇ ਉਨ੍ਹਾਂ ਨੇ ਅਮਰੀਕੀ ਰੈਗੂਲੇਟਰੀ ਮਾਪਦੰਡਾਂ ਨੂੰ ਪੂਰਾ ਕਰਨ ਵਾਲੀਆਂ ਸਹੂਲਤਾਂ ਵਿੱਚ ਭਾਰੀ ਨਿਵੇਸ਼ ਕੀਤਾ ਹੈ।
ਟਰੰਪ ਦੀ ਇਹ ਨਵੀਂ ਮੁਹਿੰਮ ਉਸ ਮੁੱਦੇ ਨੂੰ ਮੁੜ ਸੁਰਜੀਤ ਕਰਦੀ ਹੈ ਜੋ ਉਨ੍ਹਾਂ ਨੇ ਆਪਣੇ ਪਹਿਲੇ ਕਾਰਜਕਾਲ ਦੌਰਾਨ ਵਾਰ–ਵਾਰ ਚੁੱਕਿਆ ਸੀ, ਜਦੋਂ ਉਨ੍ਹਾਂ ਦਲੀਲ ਦਿੱਤੀ ਸੀ ਕਿ ਅਮਰੀਕੀ ਨਾਗਰਿਕ ਵਿਦੇਸ਼ਾਂ ਵਿੱਚ ਦਵਾਈਆਂ ਦੀਆਂ ਘੱਟ ਕੀਮਤਾਂ ਲਈ ਸਬਸਿਡੀ ਦੇ ਰਹੇ ਹਨ।
ਜਿਵੇਂ–ਜਿਵੇਂ ਟਰੰਪ ਅਮਰੀਕਾ ਦੀ ਸਿਹਤ ਸੇਵਾ ਦੀਆਂ ਕੀਮਤਾਂ ਨੂੰ ਨਵਾਂ ਰੂਪ ਦੇਣ ਵੱਲ ਵਧ ਰਿਹਾ ਹੈ, ਭਾਰਤੀ ਫਾਰਮਾ ਕੰਪਨੀਆਂ ਨੂੰ ਕੀਮਤਾਂ ਦੇ ਦਬਾਅ ਨੂੰ ਸਹਿਣ ਦੇ ਨਾਲ-ਨਾਲ ਅਮਰੀਕਾ ਨੂੰ ਸਸਤੀ ਦਵਾਈਆਂ ਦੀ ਸਪਲਾਈ ਦੇ ਆਧਾਰ ਵਜੋਂ ਆਪਣੀ ਭੂਮਿਕਾ ਬਣਾਈ ਰੱਖਣ ਦੀ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ।
Related
.JPG)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login