ADVERTISEMENTs
_page-0001.jpg)
“ਇਹ ਸੁਣਿਐ ਕਿ ਭਾਰਤ ਰੂਸ ਤੋਂ ਤੇਲ ਲੈਣਾ ਬੰਦ ਕਰ ਸਕਦਾ ਹੈ”, ਟਰੰਪ
ਕਿਹਾ ਜੇ ਅਜਿਹਾ ਹੁੰਦਾ ਹੈ ਤਾਂ ਮੈਂ ਸਵਾਗਤ ਕਰਾਂਗਾ
-
ਲਲਿਤ ਕੇ ਝਾਅ - Sat, 02, Aug 2025
- 00:46 EDT
- 18
ਵ੍ਹਾਈਟ ਹਾਊਸ ਦੇ ਦੱਖਣੀ ਲਾਅਨ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਰਾਸ਼ਟਰਪਤੀ ਟਰੰਪ ਦਾ ਸਕ੍ਰੀਨਸ਼ਾਟ / courtesy photo
ਭਾਰਤ ਅਮਰੀਕਾ ਸੰਬੰਧਾਂ ਵਿੱਚ ਟਰੰਪ ਦੇ ਸਖ਼ਤ ਬਿਆਨਾਂ ਤੋਂ ਬਾਅਦ ਹੁਣ ਇੱਕ ਹੋਰ ਬਿਆਨ ਆਇਆ ਹੈ ਜਿਸ ਵਿੱਚ ਉਨ੍ਹਾਂ ਭਾਰਤ ਬਾਰੇ ਕੁੱਝ ਨਰਮ ਰੁਖ਼ ਅਪਨਾਉਣ ਦਾ ਸੰਕੇਤ ਦਿੱਤਾ ਹੈ। ਸ਼ੁੱਕਰਵਾਰ ਨੂੰ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਵ੍ਹਾਈਟ ਹਾਊਸ ਤੋਂ ਰਵਾਨਾ ਹੋਣ ਤੋਂ ਪਹਿਲਾਂ ਪੱਤਰਕਾਰਾਂ ਨੂੰ ਸੰਬੋਧਨ ਕਰਦਿਆਂ ਇਹ ਦਾਅਵਾ ਕੀਤਾ ਭਾਰਤ ਰੂਸੀ ਤੇਲ ਦੀ ਖਰੀਦ ਨੂੰ ਖਤਮ ਕਰ ਸਕਦਾ ਹੈ। ਉਹਨਾਂ ਨੇ ਭਾਰਤ ਦੇ ਇਸ ਕਦਮ ਨੂੰ ਇੱਕ "ਚੰਗਾ ਕਦਮ" ਕਰਾਰ ਦਿੱਤਾ ਹੈ।
ਟਰੰਪ ਨੇ ਸਾਊਥ ਲਾਅਨ 'ਤੇ ਪ੍ਰੈਸ ਬਿਆਨ ਦੌਰਾਨ ਕਿਹਾ, "ਮੈਨੂੰ ਲੱਗਦਾ ਹੈ ਕਿ ਭਾਰਤ ਹੁਣ ਰੂਸ ਤੋਂ ਤੇਲ ਨਹੀਂ ਖਰੀਦੇਗਾ। ਮੈਂ ਇਹੀ ਸੁਣਿਆ ਹੈ। ਮੈਨੂੰ ਨਹੀਂ ਪਤਾ ਕਿ ਇਹ ਸਹੀ ਹੈ ਜਾਂ ਨਹੀਂ, ਪਰ ਇਹ ਇੱਕ ਚੰਗਾ ਕਦਮ ਹੈ।" ਉਨ੍ਹਾਂ ਦੀ ਇਹ ਟਿੱਪਣੀ ਅਮਰੀਕਾ ਵਲੋਂ ਭਾਰਤ ਅਤੇ ਰੂਸ ਵਿਚਕਾਰ ਚੱਲ ਰਹੀਆਂ ਊਰਜਾ ਅਤੇ ਰੱਖਿਆ ਸੰਬੰਧੀ ਡੀਲਾਂ 'ਤੇ ਵੱਧ ਰਹੀ ਨਿਗਰਾਨੀ ਦੇ ਮੱਦੇਨਜ਼ਰ ਆਈ ਹੈ। ਹਾਲਾਂਕਿ ਨਵੀਂ ਦਿੱਲੀ ਵੱਲੋਂ ਅਜਿਹੇ ਕਿਸੇ ਕਦਮ ਬਾਰੇ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਗਈ।
ਟਰੰਪ ਨੇ ਮਾਸਕੋ ਨਾਲ ਨਜ਼ਦੀਕੀ ਵਪਾਰਕ ਸੰਬੰਧ ਰੱਖਣ ਵਾਲੇ ਦੇਸ਼ਾਂ ਦੇ ਵਿਰੁੱਧ ਇੱਕ ਦ੍ਰਿੜ੍ਹ ਰੁਖ ਅਪਣਾਇਆ ਹੋਇਆ ਹੈ। ਉਨ੍ਹਾਂ ਦੇ ਪ੍ਰਸ਼ਾਸਨ ਨੇ ਵਪਾਰਕ ਅਸੰਤੁਲਨ ਅਤੇ ਭਾਰਤ ਦੇ ਰੂਸ ਨਾਲ ਲੰਬੇ ਸਮੇਂ ਤੋਂ ਚੱਲ ਰਹੇ ਊਰਜਾ ਸੰਬੰਧਾਂ ਦਾ ਹਵਾਲਾ ਦਿੰਦੇ ਹੋਏ, ਪਹਿਲਾਂ ਹੀ ਭਾਰਤੀ ਦਰਾਮਦਾਂ 'ਤੇ 25% ਟੈਰਿਫ ਲਗਾਇਆ ਹੋਇਆ ਹੈ।
ਆਪਣੀ ਟਿੱਪਣੀ ਵਿੱਚ, ਟਰੰਪ ਨੇ ਇਹ ਸਾਫ਼ ਨਹੀਂ ਕੀਤਾ ਕਿ ਭਾਰਤ ਦੀ ਤੇਲ ਨੀਤੀ ਵਿੱਚ ਆ ਰਹੇ ਸੰਭਾਵੀ ਬਦਲਾਅ ਦਾ ਅਸਰ ਉਨ੍ਹਾਂ ਵੱਲੋਂ ਲਗਾਏ ਗਏ ਟੈਰਿਫਾਂ ਜਾਂ ਭਵਿੱਖੀ ਵਪਾਰਕ ਗੱਲਬਾਤਾਂ 'ਤੇ ਪਵੇਗਾ ਜਾਂ ਨਹੀਂ। ਉਨ੍ਹਾਂ ਸਿਰਫ਼ ਇਨਾ ਕਿਹਾ, “ਦੇਖੋ ਹੁਣ ਕੀ ਹੁੰਦਾ ਹੈ।”
ਭਾਰਤ ਵਲੋਂ ਰੂਸ ਤੋਂ ਊਰਜਾ ਆਯਾਤ ਕਰਨਾ ਵਿਦੇਸ਼ੀ ਨੀਤੀ ਵਿੱਚ ਕਾਫ਼ੀ ਚਰਚਿਤ ਮਾਮਲਾ ਬਣਿਆ ਹੋਇਆ ਹੈ। ਅਮਰੀਕਾ ਦੀਆਂ ਪਹਿਲੀਆਂ ਸਰਕਾਰਾਂ ਨੇ ਭਾਰਤ ਨੂੰ ਯੂਕਰੇਨ ਯੁੱਧ ਦੇ ਮੱਦੇਨਜ਼ਰ ਰੂਸੀ ਕੱਚੇ ਤੇਲ 'ਤੇ ਨਿਰਭਰਤਾ ਘਟਾਉਣ ਲਈ ਕਿਹਾ ਸੀ। ਭਾਰਤ ਨੇ ਹਮੇਸ਼ਾਂ ਆਪਣੀ ਖਰੀਦ ਨੂੰ ਊਰਜਾ ਸੁਰੱਖਿਆ ਅਤੇ ਆਰਥਿਕ ਸਥਿਰਤਾ ਲਈ ਜ਼ਰੂਰੀ ਦੱਸਦੇ ਹੋਏ ਆਪਣੀਆਂ ਖਰੀਦਾਂ ਦਾ ਬਚਾਅ ਕੀਤਾ ਹੈ।
ਹਾਲਾਂਕਿ, ਸ਼ੁੱਕਰਵਾਰ ਨੂੰ ਟਰੰਪ ਦਾ ਲਹਿਜਾ ਦਰਸਾਉਂਦਾ ਹੈ ਕਿ ਜੇ ਇਹ ਕਥਿਤ ਤਬਦੀਲੀ ਸੱਚ ਹੁੰਦੀ ਹੈ, ਤਾਂ ਉਹ ਭਾਰਤ ਨਾਲ ਗੱਲਬਾਤ ਕਰਨ ਲਈ ਤਿਆਰ ਹਨ। ਉਨ੍ਹਾਂ ਨੇ ਦੁਹਰਾਇਆ, "ਇਹ ਇੱਕ ਚੰਗਾ ਕਦਮ ਹੈ," ਜੋ ਸੰਕੇਤ ਦਿੰਦਾ ਹੈ ਕਿ ਜੇ ਰਿਪੋਰਟਾਂ ਸਹੀ ਸਾਬਤ ਹੁੰਦੀਆਂ ਹਨ ਤਾਂ ਕੂਟਨੀਤਕ ਗੱਲਬਾਤ ਹੋ ਸਕਦੀ ਹੈ।
ਨਵੀਂ ਦਿੱਲੀ ਦੇ ਅਧਿਕਾਰੀ ਆਮ ਤੌਰ 'ਤੇ ਊਰਜਾ ਸੰਬੰਧੀ ਨੀਤੀਆਂ 'ਤੇ ਤਦ ਤੱਕ ਕੋਈ ਟਿੱਪਣੀ ਨਹੀਂ ਕਰਦੇ ਜਦ ਤੱਕ ਉਹ ਲਾਗੂ ਨਾ ਹੋ ਜਾਣ।
ਟਰੰਪ ਦੇ ਇਹ ਛੋਟੇ ਪਰ ਤਿੱਖੇ ਬਿਆਨ ਅਮਰੀਕਾ ਦੀ ਵਿਦੇਸ਼ ਨੀਤੀ ਦੇ ਇੱਕ ਵੱਡੇ ਢਾਂਚੇ ਦਾ ਹਿੱਸਾ ਹਨ, ਜਿਸਦਾ ਉਦੇਸ਼ ਵਿਰੋਧੀਆਂ ਅਤੇ ਸਹਿਯੋਗੀਆਂ ਦੋਵਾਂ 'ਤੇ ਦਬਾਅ ਬਣਾਕੇ ਉਨ੍ਹਾਂ ਨੂੰ ਅਮਰੀਕਾ ਦੇ ਰਣਨੀਤਕ ਹਿਤਾਂ ਅਨੁਸਾਰ ਗਲੋਬਲ ਸਾਂਝੇਦਾਰੀਆਂ ਤੈਅ ਕਰਨ ਲਈ ਮਜਬੂਰ ਕਰਨਾ। ਰੂਸ ਅਜੇ ਵੀ ਕਈ ਪੱਖੋਂ ਅਮਰੀਕਾ ਦੀਆਂ ਕਠੋਰ ਪਾਬੰਦੀਆਂ ਹੇਠ ਆ ਰਿਹਾ ਹੈ ਅਤੇ ਚੱਲ ਰਹੇ ਯੁੱਧ-ਸਬੰਧਤ ਖਰਚਿਆਂ ਦੇ ਵਿਚਕਾਰ ਊਰਜਾ ਨਿਰਯਾਤ ਕ੍ਰੇਮਲਿਨ ਲਈ ਇੱਕ ਮਹੱਤਵਪੂਰਨ ਸਹਾਰਾ ਬਣਿਆ ਹੋਇਆ ਹੈ।
Related
.jpeg)
.jpg)
.jpeg)
.jpeg)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login