ADVERTISEMENT
ADVERTISEMENT
ਇੰਡੀਆ–AI ਇਮਪੈਕਟ ਸਮਿਟ 2026 ਦੀਆਂ ਤਿਆਰੀਆਂ ਸ਼ੁਰੂ
ਭਾਰਤ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦਾ ਵਿਸ਼ਵ ਪੱਧਰੀ ਕੇਂਦਰ ਸਥਾਪਿਤ ਕਰਨ ਦੀ ਦਿਸ਼ਾ ਵਿੱਚ ਅੱਗੇ ਵਧ ਰਿਹਾ ਹੈ
-
ਆਈਏਐਨਐਸ - Thu, 01, Jan 2026
- 23:19 EST
- 12
Representative Image / AI image
ਭਾਰਤ ਫ਼ਰਵਰੀ ਵਿੱਚ ਰਾਸ਼ਟਰੀ ਰਾਜਧਾਨੀ ਵਿੱਚ ਹੋਣ ਵਾਲੇ ਇੰਡੀਆ–ਏਆਈ ਇਮਪੈਕਟ ਸਮਿੱਟ 2026 ਦੀ ਮੇਜ਼ਬਾਨੀ ਦੀ ਤਿਆਰੀ ਕਰ ਰਿਹਾ ਹੈ, ਇਸ ਨਾਲ ਜੁੜੀਆਂ ਪੰਜ ਮੁੱਖ ਰਿਸਰਚ-ਆਧਾਰਿਤ ਪਹਿਲਕਦਮੀਆਂ ਇਸ ਗਲੋਬਲ ਸਮਾਗਮ ਦੀ ਬੌਧਿਕ ਨੀਂਹ ਵਜੋਂ ਸਾਹਮਣੇ ਆ ਰਹੀਆਂ ਹਨ। ਇਨ੍ਹਾਂ ਪਹਿਲਕਦਮੀਆਂ ਰਾਹੀਂ ਭਾਰਤ ਆਪਣੇ ਆਪ ਨੂੰ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦਾ ਵਿਸ਼ਵ ਪੱਧਰੀ ਕੇਂਦਰ ਸਥਾਪਿਤ ਕਰਨ ਦੀ ਦਿਸ਼ਾ ਵਿੱਚ ਅੱਗੇ ਵਧਾ ਰਿਹਾ ਹੈ।
IndiaAI ਵੱਲੋਂ ਅੰਤਰਰਾਸ਼ਟਰੀ ਅਤੇ ਘਰੇਲੂ ਸੰਸਥਾਵਾਂ ਦੇ ਸਹਿਯੋਗ ਨਾਲ ਤਿਆਰ ਕੀਤੀਆਂ ਜਾ ਰਹੀਆਂ ਪੰਜ ਰਿਸਰਚ ਕੇਸਬੁੱਕਾਂ ਅਤੇ ਇੱਕ ਵਿਸ਼ੇਸ਼ ਰਿਸਰਚ ਸਿੰਪੋਜ਼ੀਅਮ, ਇਸ ਦੇ ਕੇਂਦਰ ਹਨ। ਇਨ੍ਹਾਂ ਪਹਿਲਕਦਮੀਆਂ ਦਾ ਮੁੱਖ ਉਦੇਸ਼ ਅਸਲ ਦੁਨੀਆ ਵਿੱਚ ਲਾਗੂ ਹੋਣ ਵਾਲੇ AI ਹੱਲਾਂ 'ਤੇ ਧਿਆਨ ਕੇਂਦਰਿਤ ਕਰਨਾ ਹੈ, ਤਾਂ ਜੋ ਦੇਸ਼ਾਂ ਨੂੰ ਨੈਤਿਕ, ਟਿਕਾਊ ਅਤੇ ਸਮਾਵੇਸ਼ੀ AI ਨੂੰ ਵੱਡੇ ਪੱਧਰ 'ਤੇ ਅਪਣਾਉਣ ਲਈ ਮਾਰਗਦਰਸ਼ਨ ਮਿਲ ਸਕੇ।
ਊਰਜਾ ਖੇਤਰ ਵਿੱਚ AI
ਅੰਤਰਰਾਸ਼ਟਰੀ ਊਰਜਾ ਏਜੰਸੀ (IEA) ਦੇ ਸਹਿਯੋਗ ਨਾਲ ਤਿਆਰ ਕੀਤੀ ਗਈ 'AI for Energy Casebook' ਵਿੱਚ ਨਵਿਆਉਣਯੋਗ ਊਰਜਾ ਦੀ ਭਵਿੱਖਬਾਣੀ, ਗਰਿੱਡ ਦੀ ਭਰੋਸੇਯੋਗਤਾ ਵਧਾਉਣ ਅਤੇ ਉਦਯੋਗਿਕ ਕੁਸ਼ਲਤਾ ਸੁਧਾਰਨ ਵਿੱਚ AI ਦੀ ਵਰਤੋਂ ਨੂੰ ਦਰਸਾਇਆ ਗਿਆ ਹੈ।
ਸਿਹਤ ਸੇਵਾਵਾਂ ਵਿੱਚ AI
ਸਿਹਤ ਖੇਤਰ ਵਿੱਚ IndiaAI ਨੇ ਵਿਸ਼ਵ ਸਿਹਤ ਸੰਸਥਾ (WHO) ਨਾਲ ਸਾਂਝੇਦਾਰੀ ਕੀਤੀ ਹੈ। ਇਸ ਕੇਸਬੁੱਕ ਵਿੱਚ ਗਲੋਬਲ ਸਾਊਥ ਵਿੱਚ AI ਦੀ ਵਿਹਾਰਕ ਵਰਤੋਂ ਜਿਵੇਂ ਕਿ ਬਿਮਾਰੀਆਂ ਦੀ ਜਾਂਚ (ਡਾਇਗਨੋਸਟਿਕਸ), ਰੋਗ ਨਿਗਰਾਨੀ, ਮਾਂ ਦੀ ਸਿਹਤ ਅਤੇ ਟੈਲੀਮੈਡੀਸਨ ਨੂੰ ਸ਼ਾਮਲ ਕੀਤਾ ਗਿਆ ਹੈ।
ਲਿੰਗ ਸਮਾਨਤਾ 'ਤੇ ਫੋਕਸ
ਯੂਐਨ ਵੂਮਨ ਇੰਡੀਆ ਦੇ ਸਹਿਯੋਗ ਨਾਲ ਤਿਆਰ ਕੀਤਾ ਗਿਆ ‘ਜੈਂਡਰ-ਟ੍ਰਾਂਸਫਾਰਮੇਟਿਵ AI ਸੌਲੂਸ਼ਨਜ਼ ਕੰਪੈਂਡੀਅਮ’ ਮਹਿਲਾਵਾਂ ਦੀ ਸੁਰੱਖਿਆ, ਸਿਹਤ, ਸਿੱਖਿਆ, ਹੁਨਰ ਵਿਕਾਸ ਅਤੇ ਜਲਵਾਯੂ ਅਨੁਕੂਲਤਾ ਵਿੱਚ AI ਦੀ ਭੂਮਿਕਾ ਨੂੰ ਉਭਾਰਦਾ ਹੈ। ਇਹ ਪਹਿਲ AI ਪ੍ਰਣਾਲੀਆਂ ਵਿੱਚ ਮੌਜੂਦ ਪੱਖਪਾਤ (bias) ਨੂੰ ਦੂਰ ਕਰਨ 'ਤੇ ਜ਼ੋਰ ਦਿੰਦੀ ਹੈ।
ਸਿੱਖਿਆ ਵਿੱਚ AI ਦਾ ਵਿਸਤਾਰ
ਸਿੱਖਿਆ ਖੇਤਰ ਲਈ CSF ਅਤੇ EkStep Foundation ਨਾਲ ਮਿਲ ਕੇ ਇੱਕ ਵਿਸ਼ੇਸ਼ ਕੰਪੈਂਡੀਅਮ ਤਿਆਰ ਕੀਤਾ ਗਿਆ ਹੈ। ਇਸ ਵਿੱਚ ਬੁਨਿਆਦੀ ਸਿੱਖਿਆ ਨੂੰ ਸੁਧਾਰਨ, ਅਧਿਆਪਕਾਂ ਨੂੰ ਸਹਿਯੋਗ ਦੇਣ ਵਾਲੇ ਸਕੇਲੇਬਲ AI ਹੱਲ ਦਰਸਾਏ ਗਏ ਹਨ। ਚੁਣੀਆਂ ਹੋਈਆਂ ਕੇਸ ਸਟੱਡੀਜ਼ ਸਮਿੱਟ ਵਿੱਚ ਪੇਸ਼ ਕੀਤੀਆਂ ਜਾਣਗੀਆਂ, ਜੋ ਵਿਸ਼ਵ ਪੱਧਰ ‘ਤੇ AI ਅਪਣਾਉਣ ਲਈ ਸਬੂਤਕ ਆਧਾਰ ਤਿਆਰ ਕਰਨਗੀਆਂ।
ਖੇਤੀਬਾੜੀ ਖੇਤਰ ਵਿੱਚ AI
ਖੇਤੀਬਾੜੀ ਦੇ ਖੇਤਰ ਵਿੱਚ IndiaAI, ਮਹਾਰਾਸ਼ਟਰ ਸਰਕਾਰ ਦੇ AI ਅਤੇ ਐਗਰੀਟੈਕ ਇਨੋਵੇਸ਼ਨ ਸੈਂਟਰ ਅਤੇ ਵਿਸ਼ਵ ਬੈਂਕ ਨਾਲ ਮਿਲ ਕੇ ਅਜਿਹੇ AI ਹੱਲਾਂ ਨੂੰ ਇਕੱਠਾ ਕਰ ਰਿਹਾ ਹੈ, ਜੋ ਕਿਸਾਨਾਂ ਅਤੇ ਖੇਤੀਬਾੜੀ ਪ੍ਰਣਾਲੀਆਂ ਨੂੰ ਸਿੱਧੇ ਲਾਭ ਪ੍ਰਦਾਨ ਕਰ ਰਹੇ ਹਨ।
ਰਿਸਰਚ ਸਿੰਪੋਜ਼ੀਅਮ
ਇਨ੍ਹਾਂ ਪ੍ਰਕਾਸ਼ਨਾਂ ਦੇ ਨਾਲ-ਨਾਲ “AI and Its Impact” ਵਿਸ਼ੇ 'ਤੇ 18 ਫਰਵਰੀ 2026 ਨੂੰ ਇੱਕ ਰਿਸਰਚ ਸਿੰਪੋਜ਼ੀਅਮ ਆਯੋਜਿਤ ਕੀਤਾ ਜਾਵੇਗਾ। ਇਸ ਵਿੱਚ ਭਾਰਤ ਅਤੇ ਗਲੋਬਲ ਸਾਊਥ ਦੇ ਪ੍ਰਮੁੱਖ ਖੋਜਕਰਤਾ ਹਿੱਸਾ ਲੈਣਗੇ।
ਕੁੱਲ ਮਿਲਾ ਕੇ, ਇਹ ਖੋਜ ਪਹਿਲਕਦਮੀਆਂ 'ਇੰਡੀਆ–AI ਇਮਪੈਕਟ ਸਮਿਟ 2026' ਨੂੰ ਇੱਕ ਠੋਸ ਅਤੇ ਸਬੂਤ-ਆਧਾਰਿਤ ਦ੍ਰਿਸ਼ਟੀਕੋਣ ਪ੍ਰਦਾਨ ਕਰਨਗੀਆਂ ਅਤੇ ਜ਼ਿੰਮੇਵਾਰ AI ਨਵੀਨਤਾ ਵਿੱਚ ਭਾਰਤ ਦੀ ਵਿਸ਼ਵਵਿਆਪੀ ਲੀਡਰਸ਼ਿਪ ਭੂਮਿਕਾ ਨੂੰ ਹੋਰ ਮਜ਼ਬੂਤ ਕਰਨਗੀਆਂ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login