ADVERTISEMENT
ADVERTISEMENT
ਭਾਰਤ ਵਾਪਸ ਪਰਤੇ ਮਾਈਕ੍ਰੋਸਾਫਟ ਦੇ ਟੈਕਨੀਸ਼ੀਅਨ ਨੇ ਕਿਹਾ, “ਮੈਂ ਜੀਉਣ ਲਈ ਅਮਰੀਕਾ ਛੱਡਿਆ”
ਚੱਢਾ ਦਾ ਕਹਿਣਾ ਹੈ ਕਿ ਰਿਮੋਟ ਕੰਮ ਨੇ ਵੀਜ਼ਾ ਦੀ ਚਿੰਤਾ ਖ਼ਤਮ ਕਰ ਦਿੱਤੀ ਹੈ
-
ਜੈਫਿਨ ਟੀ. ਕਾਲੇਕਲ - Tue, 10, Feb 2026
- 08:08 EST
- 18
ਅਜਿਹੇ ਸਮੇਂ ਵਿੱਚ ਜਦੋਂ ਬਹੁਤ ਸਾਰੇ ਲੋਕ ਆਪਣੇ ਵੀਜ਼ੇ ਮਨਜ਼ੂਰ ਕਰਵਾਉਣ ਲਈ ਜੱਦੋ-ਜਹਿਦ ਕਰ ਰਹੇ ਹਨ ਅਤੇ ਵੀਜ਼ਾ ਮਨਜ਼ੂਰੀ ਦੀ ਦਰ ਘਟਦੀ ਜਾ ਰਹੀ ਹੈ, ਉਥੇ ਹੀ AI ਟੈਕਨੀਸ਼ੀਅਨ ਉੱਜਵਲ ਚੱਢਾ ਅਮਰੀਕਾ ਵਿੱਚ ਮਾਈਕ੍ਰੋਸਾਫਟ ਡਿਵੈਲਪਰ ਦੀ ਆਪਣੀ ਨੌਕਰੀ ਛੱਡ ਕੇ ਰਿਮੋਟ ਕੰਮ (ਘਰੋਂ ਕੰਮ) ਦੀ ਭਾਲ ਵਿੱਚ ਭਾਰਤ ਵਾਪਸ ਆ ਗਏ ਹਨ।
ਇਸ ਕਦਮ ਨੂੰ ਆਪਣੇ ਜੀਵਨ ਨੂੰ ਬਦਲ ਦੇਣ ਵਾਲਾ ਦੱਸਦਿਆਂ ਚੱਢਾ ਨੇ ਪਰਚੇਜ਼ਿੰਗ ਪਾਵਰ ਪੈਰਿਟੀ (PPP) ਦੀ ਮਹੱਤਤਾ 'ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੋਟ ਕੀਤਾ ਕਿ ਹਾਲਾਂਕਿ $250,000 ਦੀ ਤਨਖਾਹ ਸੀਏਟਲ ਵਿੱਚ ਇੱਕ ਆਰਾਮਦਾਇਕ ਜੀਵਨ ਪ੍ਰਦਾਨ ਕਰਦੀ ਹੈ, ਪਰ ਜਦੋਂ ਇਹੀ ਰਕਮ ਭਾਰਤ ਵਿੱਚ ਰਹਿ ਕੇ ਖਰਚੀ ਜਾਂਦੀ ਹੈ, ਤਾਂ ਇਸਦੀ ਕੀਮਤ ਕਿਤੇ ਜ਼ਿਆਦਾ ਹੁੰਦੀ ਹੈ।
ਵੱਧ ਖਰੀਦ ਸਮਰੱਥਾ ਦੇ ਫਾਇਦਿਆਂ ਬਾਰੇ ਦੱਸਦਿਆਂ ਉਨ੍ਹਾਂ ਕਿਹਾ, "ਨਾ ਹੁਣ ਇਕੱਲੀਆਂ ਸਰਦੀਆਂ ਹਨ ਨਾ ਕੋਈ ਫ੍ਰੀਜ਼ਰ ਵਾਲਾ ਖਾਣਾ। ਨਾ 101 ਹਾਈਵੇਅ 'ਤੇ ਦੋ-ਦੋ ਘੰਟੇ ਦਾ ਸਫ਼ਰ। ਹੁਣ ਮੈਂ ਹਰ ਸ਼ਾਮ ਆਪਣੇ ਮਾਤਾ-ਪਿਤਾ ਨਾਲ ਚਾਹ ਪੀਂਦਾ ਹਾਂ। ਮੇਰੇ ਕੋਲ ਖਾਣਾ ਬਣਾਉਣ ਲਈ ਕੁੱਕ ਹੈ, ਡਰਾਈਵਰ ਹੈ ਅਤੇ ਸਭ ਤੋਂ ਵੱਡੀ ਗੱਲ, ਮੇਰੇ ਕੋਲ ਸਮਾਂ ਹੈ।"
ਚੱਢਾ ਨੇ ਇਹ ਵੀ ਕਿਹਾ ਕਿ ਹੁਣ ਉਨ੍ਹਾਂ ਨੂੰ ਵੀਜ਼ਾ ਮੁੱਦਿਆਂ ਬਾਰੇ ਕੋਈ ਚਿੰਤਾ ਨਹੀਂ ਹੈ, ਜਦੋਂ ਕਿ ਦੁਨੀਆ ਟਰੰਪ ਪ੍ਰਸ਼ਾਸਨ ਦੇ ਲਗਾਤਾਰ ਬਦਲ ਰਹੇ ਰੈਗੂਲੇਟਰੀ ਢਾਂਚੇ ਤੋਂ ਪਰੇਸ਼ਾਨ ਹੈ। ਉਨ੍ਹਾਂ ਕਿਹਾ, "ਮੈਂ ਪਿੱਛੇ ਨਹੀਂ ਹਟਿਆ, ਸਗੋਂ ਮੈਂ ਅੱਗੇ ਵਧਿਆ ਹਾਂ। ਰਿਮੋਟ ਕੰਮ 'ਵੀਜ਼ਾ ਚਿੰਤਾ' ਨੂੰ ਖ਼ਤਮ ਕਰ ਦਿੰਦਾ ਹੈ। ਹੁਣ ਮੇਰਾ ਪੂਰਾ ਧਿਆਨ ਸਿਰਫ਼ ਵਧੀਆ ਉਤਪਾਦ ਬਣਾਉਣ ਅਤੇ ਆਪਣੇ ਵਿਚਾਰਾਂ 'ਤੇ ਕੇਂਦਰਿਤ ਹੈ।"
ਰਿਪੋਰਟਾਂ ਅਨੁਸਾਰ, ਚੱਢਾ ਦਾ ਇਹ ਰਾਹ ਉਨ੍ਹਾਂ ਸਾਰਿਆਂ ਲਈ ਵਰਦਾਨ ਸਾਬਤ ਹੋ ਸਕਦਾ ਹੈ ਜੋ ਰਿਮੋਟ ਕੰਮ ਕਰਦੇ ਹੋਏ ਆਪਣੀ ਨੌਕਰੀ ਬਰਕਰਾਰ ਰੱਖ ਸਕਦੇ ਹਨ। ਇਹ ਉਸ ਸਮੇਂ ਹੋਰ ਵੀ ਮਹੱਤਵਪੂਰਨ ਹੋ ਜਾਂਦਾ ਹੈ ਜਦੋਂ ਬਹੁਤ ਸਾਰੇ H-1B ਵੀਜ਼ਾ ਧਾਰਕ ਇਸ ਸਮੇਂ ਭਾਰਤ ਵਿੱਚ ਫਸੇ ਹੋਏ ਹਨ, ਕਿਉਂਕਿ ਵੀਜ਼ਾ ਸਟੈਂਪਿੰਗ ਇੰਟਰਵਿਊ ਲਈ 2027 ਤੋਂ ਪਹਿਲਾਂ ਕੋਈ ਤਾਰੀਖ ਉਪਲਬਧ ਨਹੀਂ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login