ADVERTISEMENTs
-10”-x-5.jpg)
ਫਲੋਰੀਡਾ ਟਰੱਕ ਹਾਦਸੇ 'ਚ ਸ਼ਾਮਿਲ ਭਾਰਤੀ ਨਾਗਰਿਕ ਆਈਸੀਈ ਵੱਲੋਂ ਗ੍ਰਿਫ਼ਤਾਰ
ਹਰਨੀਤ ਆਪਣੇ ਭਰਾ ਹਰਜਿੰਦਰ ਸਿੰਘ ਨਾਲ 18-ਵੀਲਰ ਟਰੱਕ ਵਿੱਚ ਸਵਾਰ ਸੀ
-
ਲਲਿਤ ਕੇ ਝਾਅ - Thu, 21, Aug 2025
- 23:56 EDT
- 5
.jpeg)
ਹਰਨੀਤ ਸਿੰਘ source-DHS /
ਫੈਡਰਲ ਅਧਿਕਾਰੀਆਂ ਨੇ 25 ਸਾਲਾਂ ਦੇ ਹਰਨੀਤ ਸਿੰਘ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜੋ ਅਮਰੀਕਾ ਵਿੱਚ ਗੈਰਕਾਨੂੰਨੀ ਤੌਰ 'ਤੇ ਰਹਿ ਰਿਹਾ ਭਾਰਤੀ ਨਾਗਰਿਕ ਹੈ। ਇਹ ਗ੍ਰਿਫ਼ਤਾਰੀ ਫਲੋਰੀਡਾ ਟਰਨਪਾਈਕ 'ਤੇ ਹੋਏ ਮਾਰੂ ਹਾਦਸੇ ਤੋਂ ਬਾਅਦ ਕੀਤੀ ਗਈ ਹੈ ਜਿਸ ਵਿੱਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਸੀ।
ਹਰਨੀਤ ਆਪਣੇ ਭਰਾ ਹਰਜਿੰਦਰ ਸਿੰਘ ਨਾਲ 18-ਵੀਲਰ ਟਰੱਕ ਵਿੱਚ ਸਵਾਰ ਸੀ। ਹਰਜਿੰਦਰ ਸਿੰਘ 'ਤੇ ਹੁਣ ਤਿੰਨ ਲੋਕਾਂ ਦੀ ਮੌਤ ਦਾ ਕਾਰਨ ਬਣਨ ਵਾਲੀ ਲਾਪਰਵਾਹ ਡਰਾਈਵਿੰਗ ਦੇ ਦੋਸ਼ ਲੱਗੇ ਹਨ। ਇਹ ਹਾਦਸਾ 12 ਅਗਸਤ, 2025 ਨੂੰ ਵਾਪਰਿਆ, ਜਦੋਂ ਹਰਜਿੰਦਰ ਸਿੰਘ ਨੇ “ਸਿਰਫ਼ ਸਰਕਾਰੀ ਵਰਤੋਂ ਲਈ” ਬਣਾਏ ਐਕਸੈੱਸ ਪੁਆਇੰਟ ਰਾਹੀਂ ਯੂ-ਟਰਨ ਲੈਣ ਦੀ ਕੋਸ਼ਿਸ਼ ਕੀਤੀ। ਟਰੱਕ ਨੇ ਕਈ ਲੇਨਾਂ ਨੂੰ ਰੋਕ ਦਿੱਤਾ ਅਤੇ ਇਕ ਭਿਆਨਕ ਟੱਕਰ ਵਾਪਰੀ।
ਆਈਸਈ (ICE) ਨੇ ਪੁਸ਼ਟੀ ਕੀਤੀ ਕਿ ਹਰਨੀਤ ਸਿੰਘ ਨੂੰ 18 ਅਗਸਤ, 2025 ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਉਹ ਹਿਰਾਸਤ 'ਚ ਹੈ ਅਤੇ ਉਸ ਦੇ ਖ਼ਿਲਾਫ਼ ਦੇਸ਼ਨਿਕਾਲੇ ਦੀ ਕਾਰਵਾਈ ਚੱਲ ਰਹੀ ਹੈ।
ਇਸ ਤੋਂ ਪਹਿਲਾਂ 15 ਮਈ, 2023 ਨੂੰ ਅਮਰੀਕੀ ਬਾਰਡਰ ਪੈਟਰੋਲ ਨੇ ਹਰਨੀਤ ਸਿੰਘ ਨੂੰ ਫੜਿਆ ਸੀ ਪਰ ਫੈਡਰਲ ਇਮੀਗ੍ਰੇਸ਼ਨ ਨੀਤੀ ਅਨੁਸਾਰ ਉਸਨੂੰ ਰਿਹਾ ਕਰ ਦਿੱਤਾ ਗਿਆ ਸੀ।
“ਫਲੋਰੀਡਾ ਵਿੱਚ ਤਿੰਨ ਬੇਗੁਨਾਹ ਲੋਕ ਮਾਰੇ ਗਏ ਕਿਉਂਕਿ ਗੈਵਿਨ ਨਿਊਸਮ ਦੇ ਕੈਲੀਫੋਰਨੀਆ ਡਿਪਾਰਟਮੈਂਟ ਆਫ਼ ਮੋਟਰ ਵਾਹਨਜ਼ ਨੇ ਇੱਕ ਗੈਰਕਾਨੂੰਨੀ ਪ੍ਰਵਾਸੀ ਨੂੰ ਕਮਰਸ਼ੀਅਲ ਡਰਾਈਵਰ ਲਾਇਸੈਂਸ ਜਾਰੀ ਕਰ ਦਿੱਤਾ, ਇਹ ਪ੍ਰਬੰਧ ਦੀ ਹਾਸੋਹੀਣੀ ਸਥਿਤੀ ਹੈ,” ਸਹਾਇਕ ਸਕੱਤਰ ਟ੍ਰਿਸੀਆ ਮੈਕਲਾਫਲਿਨ ਨੇ ਕਿਹਾ।
ਉਸ ਨੇ ਕਿਹਾ, “ਹੋਰ ਕਿੰਨੇ ਬੇਗੁਨਾਹ ਲੋਕ ਮਰਣਗੇ ਜਦ ਤੱਕ ਗੈਵਿਨ ਨਿਊਸਮ ਅਮਰੀਕੀ ਲੋਕਾਂ ਦੀ ਸੁਰੱਖਿਆ ਨਾਲ ਖੇਡਣਾ ਬੰਦ ਨਹੀਂ ਕਰਦਾ? ਅਸੀਂ ਪੀੜਤਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਅਰਦਾਸ ਕਰਦੇ ਹਾਂ। ਸਕੱਤਰ ਨੋਇਮ ਅਤੇ ਡੀਐਚਐਸ ਜਨਤਾ ਦੀ ਸੁਰੱਖਿਆ ਲਈ ਦਿਨ ਰਾਤ ਕੰਮ ਕਰ ਰਹੇ ਹਨ ਅਤੇ ਇਨ੍ਹਾਂ ਅਪਰਾਧੀ ਗੈਰਕਾਨੂੰਨੀ ਪਰਵਾਸੀਆਂ ਨੂੰ ਅਮਰੀਕਾ ਤੋਂ ਬਾਹਰ ਕੱਢਣ ਲਈ ਯਤਨਸ਼ੀਲ ਹਨ।”
ਫਲੋਰੀਡਾ ਡਿਪਾਰਟਮੈਂਟ ਆਫ਼ ਹਾਈਵੇ ਸੇਫ਼ਟੀ ਅਤੇ ਮੋਟਰ ਵਾਹਨਜ਼ ਨੇ ਕਿਹਾ ਕਿ ਇਸ ਹਾਦਸੇ ਨੇ ਪਰਿਵਾਰਾਂ ਨੂੰ ਤੋੜ ਕੇ ਰੱਖ ਦਿੱਤਾ ਹੈ ਅਤੇ ਇਹ ਦਰਸਾਉਂਦਾ ਹੈ ਕਿ ਲਾਪਰਵਾਹ ਡਰਾਈਵਿੰਗ ਅਤੇ ਗਲਤ ਇਮੀਗ੍ਰੇਸ਼ਨ ਨੀਤੀ ਮਿਲ ਕੇ ਕਿੰਨੀ ਵੱਡੀ ਤ੍ਰਾਸਦੀ ਪੈਦਾ ਕਰ ਸਕਦੇ ਹਨ।
Related
.png)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login