ADVERTISEMENT
ADVERTISEMENT
ભારતીય મૂળના અમેરિકન વૈજ્ઞાનિકની વૈશ્વિક કૃષિ પરિષદમાં નિમણૂક
ખેતી પદ્ધતિઓને રૂપાંતરિત કરી વિશ્વને ખાદ્ય અને પોષણ સુરક્ષિત બનાવવા નીતિઓની હિમાયત કરશે
-
17494975061757083828.png)
માલવિકા ચૌધરી - Thu, 04, Dec 2025
- 02:49 EST
- 10
ડૉ. શિબુ જોસ / showme.missouri.edu
ભારતીય મૂળના અમેરિકન એગ્રોફોરેસ્ટ્રી વૈજ્ઞાનિક ડૉ. શિબુ જોસની વર્લ્ડ એગ્રિકલ્ચર ફોરમ (WAF)ની ગ્લોબલ કાઉન્સિલના સભ્ય તરીકે નિમણૂક કરવામાં આવી છે.
નેધરલેન્ડ્સમાં મુખ્યમથક ધરાવતું આ ફોરમ વૈશ્વિક કૃષિ ક્ષેત્રે “અનંત નવીનતા, ગતિશીલ વૃદ્ધિ, અજોડ ઉત્પાદકતા અને અતૂટ ટકાઉપણું” વિકસાવવાના મિશન સાથે કાર્યરત છે.
આ સંસ્થાના કાર્યક્રમોમાં પ્રાદેશિક તેમજ વૈશ્વિક સંસ્થાઓ વચ્ચે વેપાર અને સહકારને મજબૂત કરવો, ખેડૂતોને અદ્યતન તકનીક અને કૌશલ્યોથી સજ્જ કરવો તથા વૈશ્વિક પડકારોનો સામનો કરવા ઉચ્ચ-તકનીકી અને મૂલ્યવર્ધિત કૃષિ ઉકેલોને પ્રોત્સાહન આપવું જેવા મુદ્દાઓ સામેલ છે.
ગ્લોબલ કાઉન્સિલના સભ્ય તરીકે ડૉ. જોસ હવે આ પ્રાથમિકતાઓને આકાર આપવામાં મહત્વની ભૂમિકા ભજવશે. તેમની જવાબદારીમાં મુખ્ય હિતધારકો સાથે જોડાણ, તેમજ ખેતી પદ્ધતિઓને રૂપાંતરિત કરી વિશ્વને ખાદ્ય તેમજ પોષણની દૃષ્ટિએ સુરક્ષિત બનાવવા માટેની નીતિઓની હિમાયત કરવાનો સમાવેશ થાય છે. WAFએ જણાવ્યું કે કાઉન્સિલના સભ્યો ખેતી, વેપાર અને એગ્રીબિઝનેસ સાથે જોડાયેલી વ્યૂહરચના તેમજ પહલોને દિશા આપે છે.
ડૉ. જોસ હાલ મિસૂરી યુનિવર્સિટીના કોલેજ ઓફ એગ્રીકલ્ચર, ફૂડ એન્ડ નેચ્યુરલ રિસોર્સિસમાં રિસર્ચ માટે એસોસિયેટ ડીન તરીકે તેમજ મિસૂરી એગ્રીકલ્ચરલ એક્સપેરિમેન્ટ સ્ટેશનના ડિરેક્ટર તરીકે સેવા આપી રહ્યા છે. અગાઉ તેમણે મિસૂરી યુનિવર્સિટીની સ્કૂલ ઓફ નેચ્યુરલ રિસોર્સિસનું નેતૃત્વ સંભાળ્યું હતું.
તેમની કારકિર્દીમાં મિસૂરી યુનિવર્સિટીમાં સેન્ટર ફોર એગ્રોફોરેસ્ટ્રીના ડિરેક્ટર તેમજ H.E. ગેરેટ એન્ડાઉડ ચેર પ્રોફેસર (2009-2017) તથા ફ્લોરિડા યુનિવર્સિટીમાં ફોરેસ્ટ ઇકોલોજીના પ્રોફેસર (1998-2009) તરીકેની નિમણૂકોનો સમાવેશ થાય છે.
ડૉ. જોસે અત્યાર સુધી ૫૬ મિલિયન ડોલરનું રિસર્ચ ફંડ મેળવ્યું છે, ૧૧ પુસ્તકોનું લેખન કે સંપાદન કર્યું છે, ૨૫૦થી વધુ સંશોધન લેખો પ્રકાશિત કર્યા છે અને ૩૨૦થી વધુ પ્રેઝન્ટેશન આપ્યા છે, જેમાં ૭૦ આંતરરાષ્ટ્રીય આમંત્રિત વ્યાખ્યાનોનો સમાવેશ થાય છે. તેમનું કાર્ય કૃષિવિજ્ઞાની, પ્લાન્ટ બ્રીડર, જમીન વિજ્ઞાની, પશુ વિજ્ઞાની, પ્રાકૃતિક સંસાધન નિષ્ણાતો તથા સામાજિક-આર્થિક નિષ્ણાતો સાથેના આંતરશાખાકીય સહયોગ પર આધારિત છે.
તેમણે ૧૫ ડોક્ટરલ વિદ્યાર્થીઓ, ૩૬ માસ્ટર્સ વિદ્યાર્થીઓ, ૧૧ પોસ્ટડોક્ટોરલ વૈજ્ઞાનિકો તથા ૨૧ વિઝિટિંગ વિદ્વાનોને માર્ગદર્શન આપ્યું છે. તેમના આર્થિક વિકાસ પ્રોજેક્ટ્સના પરિણામે શોધના ઘોષણાપત્રો, એક લાઇસન્સ પ્રાપ્ત પેટન્ટ, એક લાઇસન્સ પ્રાપ્ત ટ્રેડમાર્ક તથા બે સ્ટાર્ટ-અપ કંપનીઓની સ્થાપના થઈ છે.
અમેરિકન એસોસિએશન ફોર ધ એડવાન્સમેન્ટ ઓફ સાયન્સ તથા સોસાયટી ઓફ અમેરિકન ફોરેસ્ટર્સના ફેલો એવા ડૉ. જોસને બેરિંગ્ટન મૂર મેમોરિયલ એવોર્ડ તથા ઇન્ટરનેશનલ યુનિયન ઓફ ફોરેસ્ટ રિસર્ચ ઓર્ગેનાઇઝેશન્સ તરફથી સાયન્ટિફિક એચીવમેન્ટ એવોર્ડ સહિત અનેક સન્માન મળ્યા છે. તેઓ ૨૦૦૮થી ૨૦૨૨ સુધી જર્નલ ‘એગ્રોફોરેસ્ટ્રી સિસ્ટમ્સ’ના એડિટર-ઇન-ચીફ પણ રહ્યા હતા.
ડૉ. જોસે ભારતની કેરળ એગ્રીકલ્ચરલ યુનિવર્સિટીમાંથી સ્નાતકની ડિગ્રી તથા અમેરિકાની પર્ડ્યુ યુનિવર્સિટીમાંથી માસ્ટર્સ અને ડોક્ટરલ ડિગ્રી મેળવી છે.
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login