રામ મંદિર પ્રાણપ્રતિષ્ઠા સમારોહ માટે ભેટ-સોગાદોનો વરસાદ

Raam Mandir / Google

• નેપાળમાં સીતાના જન્મસ્થળ જનકપુરથી ભગવાન રામ માટે 3,000થી વધુ ભેટો આવી છે.

• ભેટમાં રામજાનકી મંદિર, જનકપુર ધામ દ્વારા મોકલવામાં આવેલા ચાંદીના ચપ્પલ, ઘરેણાં અને કપડાંનો સમાવેશ થાય છે.

• રામાયણમાં જે બગીચાનો ઉલ્લેખ છે તે અશોક વાટિકામાંથી શ્રીલંકન પ્રતિનિધિમંડળ એક વિશેષ ભેટ લાવ્યું.

• 108 ફૂટ લાંબી 3,610 કિગ્રા વજનની અને 3.5 ફૂટ પહોળી 6 મહિનામાં તૈયાર કરેલી અગરબત્તી ગુજરાતમાંથી આવી છે.

• 360 કિલોગ્રામ કાળી દ્રાક્ષ, 376 કિલોગ્રામ નારિયેળ, 190 કિલોગ્રામ ઘી, 1470 કિલો જડીબુટ્ટીઓ અને અન્ય ધૂપનો ઉપયોગ અભિષેક વખતે કરવામાં આવે છે.

• ગુજરાતમાંથી મંદિર માટે સોનાના વરખથી મઢેલું 56 ઇંચનું નગારું ભેટમાં મળ્યું છે. મંદિરના પ્રાંગણમાં આ નગારું સ્થાપિત કરાશે.

• ઉત્તર પ્રદેશના અલીગઢના લુહાર સત્ય પ્રકાશ શર્માએ 400 કિલો વજનના તાળા અને ચાવીઓ તૈયાર કરી છે. તાળું 10 ફૂટ ઊંચું, 4.6 ફૂટ પહોળું અને 95 ઇંચ જાડું છે.

• મંદિરની ઘંટડીઓ અષ્ટધાતુથી બનેલી છે અને તેનું વજન 2100 કિલો છે. તેને ઉત્તર પ્રદેશના ઇટાવામાં તૈયાર કરવામાં આવી છે.

• લખનૌ સ્થિત અનિલ સાહુએ મંદિર માટે એક ખાસ ઘડિયાળ ડિઝાઇન કરી છે જે 75 સેમીનો વ્યાસ ધરાવે છે અને આઠ દેશોનો સમય દર્શાવે છે.

• નાગપુરના રસોઇયા વિષ્ણુ મનોહરે 7,000 કિલો "રામ હલવો" તૈયાર કર્યો છે. શ્રી કૃષ્ણ જન્મસ્થાન સેવા સંસ્થાન મથુરામાં 200 કિલો લાડુ તૈયાર કરાયા છે.

• તિરુમાલા તિરુપતિ દેવસ્થાનમ 100,000 લાડુ મોકલશે.

• સુરતના એક હીરાના વેપારીએ 5000 અમેરિકન હીરાનો ઉપયોગ કરીને તૈયાર કરેલો નેકલેસ દાનમાં આપ્યો.

Comments