ADVERTISEMENT
ADVERTISEMENT
ਪੱਛਮੀ ਬੰਗਾਲ ਵਿੱਚ ਭਾਜਪਾ ਦੀ ਜਿੱਤ ਭਾਰਤੀ ਰਾਜਨੀਤੀ ਦਾ ਇੱਕ ਅਹਿਮ ਮੋੜ: ਵਾਲਟਰ ਕੇ. ਐਂਡਰਸਨ
ਆਰ.ਐੱਸ.ਐੱਸ. ਦੇ ਮਾਹਿਰ ਐਂਡਰਸਨ ਨੇ ਕਿਹਾ ਕਿ ਪਾਰਟੀ ਨੇ ਪਹਿਲਾਂ 3 ਸੀਟਾਂ ਤੋਂ 77 ਤੱਕ ਦਾ ਸਫ਼ਰ ਤੈਅ ਕੀਤਾ ਅਤੇ ਹੁਣ ਵੱਡਾ ਪ੍ਰਭਾਵ ਪਾਇਆ ਹੈ
-
ਲਲਿਤ ਕੇ ਝਾਅ (IANS) - Fri, 08, May 2026
- 06:07 EDT
- 35
ਅਮਰੀਕੀ ਵਿਦਵਾਨ ਵਾਲਟਰ ਕੇ. ਐਂਡਰਸਨ / IANS
ਪੱਛਮੀ ਬੰਗਾਲ ਵਿੱਚ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੀ ਸ਼ਾਨਦਾਰ ਜਿੱਤ ਭਾਰਤੀ ਰਾਜਨੀਤੀ ਵਿੱਚ ਇੱਕ ਨਿਰਣਾਇਕ ਮੋੜ ਹੈ, ਜੋ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ 'ਤੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੂੰ ਮਜ਼ਬੂਤ ਕਰਦੀ ਹੈ। ਪ੍ਰਸਿੱਧ ਅਮਰੀਕੀ ਵਿਦਵਾਨ ਵਾਲਟਰ ਕੇ. ਐਂਡਰਸਨ ਨੇ 'ਆਈਏਐਨਐਸ’ ਨੂੰ ਦਿੱਤੇ ਇੱਕ ਵਿਸ਼ੇਸ਼ ਇੰਟਰਵਿਊ ਵਿੱਚ ਕਿਹਾ ਕਿ ਇਹ ਜਿੱਤ ਰਾਸ਼ਟਰੀ ਸਵੈਮ ਸੇਵਕ ਸੰਘ (RSS) ਦੁਆਰਾ ਦਹਾਕਿਆਂ ਤੋਂ ਕੀਤੇ ਗਏ ਸੰਗਠਨਾਤਮਕ ਕੰਮ ਦਾ ਨਤੀਜਾ ਹੈ।
ਆਰ.ਐੱਸ.ਐੱਸ. ਦੇ ਮਾਹਿਰ ਐਂਡਰਸਨ ਨੇ ਕਿਹਾ ਕਿ ਬੰਗਾਲ ਵਿੱਚ ਭਾਜਪਾ ਦਾ ਉਭਾਰ ਕੋਈ ਅਸਥਾਈ ਚੋਣ ਲਹਿਰ ਨਹੀਂ, ਸਗੋਂ ਲੰਬੇ ਸਮੇਂ ਦੀ ਜ਼ਮੀਨੀ ਮਿਹਨਤ ਅਤੇ ਸੰਸਥਾਗਤ ਵਿਸਥਾਰ ਦਾ ਸਿੱਟਾ ਹੈ। ਉਨ੍ਹਾਂ ਕਿਹਾ ਕਿ ਪਾਰਟੀ ਨੇ ਪਹਿਲਾਂ 3 ਸੀਟਾਂ ਤੋਂ 77 ਤੱਕ ਦਾ ਸਫ਼ਰ ਤੈਅ ਕੀਤਾ ਅਤੇ ਹੁਣ ਵੱਡਾ ਪ੍ਰਭਾਵ ਪਾਇਆ ਹੈ।
ਐਂਡਰਸਨ ਅਨੁਸਾਰ ਭਾਜਪਾ ਦੀ ਸਫਲਤਾ ਤਿੰਨ ਕਾਰਕਾਂ/ਪ੍ਰਧਾਨ ਮੰਤਰੀ ਮੋਦੀ ਦੀ ਲੀਡਰਸ਼ਿਪ, ਮਜ਼ਬੂਤ ਸੰਗਠਨਾਤਮਕ ਬੁਨਿਆਦ (RSS ਨੈੱਟਵਰਕ) ਅਤੇ ਮਮਤਾ ਬੈਨਰਜੀ ਸਰਕਾਰ ਵਿਰੁੱਧ ਸੱਤਾ ਵਿਰੋਧੀ ਲਹਿਰ ‘ਤੇ ਟਿਕੀ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਪੱਛਮੀ ਬੰਗਾਲ ਵਿੱਚ ਆਰ.ਐੱਸ.ਐੱਸ. ਦੀਆਂ 4,500 ਸ਼ਾਖਾਵਾਂ ਹਨ, ਜੋ ਚੋਣਾਂ ਸਮੇਂ ਭਾਜਪਾ ਨੂੰ ਵੋਟਰਾਂ ਤੱਕ ਪਹੁੰਚਣ ਲਈ ਵਲੰਟੀਅਰਾਂ ਅਤੇ ਬੁਨਿਆਦੀ ਢਾਂਚੇ ਦੀ ਸਹਾਇਤਾ ਪ੍ਰਦਾਨ ਕਰਦੀਆਂ ਹਨ।
ਐਂਡਰਸਨ ਨੇ ਕਿਹਾ ਕਿ ਭਾਜਪਾ ਨੇ ਉੱਤਰੀ ਪੱਛਮੀ ਬੰਗਾਲ ਦੇ ਆਦਿਵਾਸੀ ਖੇਤਰਾਂ ਵਿੱਚ 'ਵਣ ਆਸ਼ਰਮ' ਰਾਹੀਂ ਕਾਫ਼ੀ ਕੰਮ ਕੀਤਾ ਹੈ, ਜਿਸ ਦਾ ਚੋਣਾਂ ਵਿੱਚ ਫਾਇਦਾ ਮਿਲਿਆ। ਉਨ੍ਹਾਂ ਕੇਰਲ ਦਾ ਵੀ ਜ਼ਿਕਰ ਕੀਤਾ, ਜਿੱਥੇ ਆਰ.ਐੱਸ.ਐੱਸ. ਦੀਆਂ ਲਗਭਗ 4,000 ਸ਼ਾਖਾਵਾਂ ਹਨ। ਉਨ੍ਹਾਂ ਮੁਤਾਬਕ ਭਾਜਪਾ ਭਾਵੇਂ ਦੱਖਣ ਵਿੱਚ ਚੋਣਾਂ ਪੱਖੋਂ ਕਮਜ਼ੋਰ ਹੋਵੇ, ਪਰ ਸੰਘ ਦਾ ਆਧਾਰ ਉੱਥੇ ਕਾਫ਼ੀ ਮਜ਼ਬੂਤ ਹੈ।
ਉਨ੍ਹਾਂ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੂੰ ਭਾਜਪਾ ਦੀ ਚੋਣ ਮਸ਼ੀਨਰੀ ਦਾ ਮੁੱਖ ਆਰਕੀਟੈਕਟ ਦੱਸਿਆ। ਐਂਡਰਸਨ ਅਨੁਸਾਰ, ਸ਼ਾਹ ਨੇ ਬੰਗਾਲ ਦਾ ਬਹੁਤ ਬਾਰੀਕੀ ਨਾਲ ਪ੍ਰਬੰਧਨ ਕੀਤਾ। ਦੂਜੇ ਪਾਸੇ, ਉਨ੍ਹਾਂ ਕਿਹਾ ਕਿ ਇਸ ਹਾਰ ਨੇ ਮਮਤਾ ਬੈਨਰਜੀ ਨੂੰ ਰਾਸ਼ਟਰੀ ਪੱਧਰ 'ਤੇ ਕਮਜ਼ੋਰ ਕਰ ਦਿੱਤਾ ਹੈ ਅਤੇ ਕਾਂਗਰਸ ਤੇ ਖੱਬੇ ਪੱਖੀ ਪਾਰਟੀਆਂ ਦਾ ਪਤਨ ਜਾਰੀ ਹੈ।
ਐਂਡਰਸਨ ਨੇ ਕਿਹਾ ਕਿ ਮੋਦੀ ਦੀ ਮਜ਼ਬੂਤ ਸਥਿਤੀ ਨੂੰ ਵਾਸ਼ਿੰਗਟਨ ਅਤੇ ਹੋਰ ਵਿਸ਼ਵ ਰਾਜਧਾਨੀਆਂ ਵਿੱਚ ਬਹੁਤ ਗੰਭੀਰਤਾ ਨਾਲ ਲਿਆ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਪਹਿਲਾਂ ਹੀ ਪ੍ਰਧਾਨ ਮੰਤਰੀ ਮੋਦੀ ਨੂੰ ਵਧਾਈ ਦਿੱਤੀ ਹੈ, ਕਿਉਂਕਿ "ਸਾਡੇ ਰਾਸ਼ਟਰਪਤੀ (ਟਰੰਪ) ਜੇਤੂਆਂ ਨੂੰ ਪਸੰਦ ਕਰਦੇ ਹਨ।"
ਅੰਤ ਵਿੱਚ, ਐਂਡਰਸਨ ਨੇ ਭਵਿੱਖਬਾਣੀ ਕੀਤੀ ਕਿ ਜੇਕਰ ਆਰਥਿਕ ਵਿਕਾਸ ਜਾਰੀ ਰਿਹਾ ਅਤੇ ਵਿਰੋਧੀ ਧਿਰ ਵੰਡੀ ਰਹੀ, ਤਾਂ ਭਾਜਪਾ 2029 ਦੀਆਂ ਆਮ ਚੋਣਾਂ ਵਿੱਚ ਆਪਣੇ ਦਮ 'ਤੇ ਹੋਰ ਵੀ ਵੱਡਾ ਬਹੁਮਤ ਹਾਸਲ ਕਰ ਸਕਦੀ ਹੈ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login