ADVERTISEMENT
ADVERTISEMENT
વ્યોમિંગ યુનિવર્સિટીના ભારતીય વિદ્યાર્થીઓએ કેમ્પસ ફૂડ ડ્રાઇવ માટે $૧૦૦૦થી વધુ એકત્ર કર્યા
દિવાળી ઉજવણીની સાથે યોજાયેલા આ કાર્યક્રમમાં MILAAPના લગભગ ૩૦ સભ્યો તથા ૨૦ સમુદાયના સમર્થકોએ ભાગ લીધો હતો.
-
1759163132.png)
અનુષ્કા પાઠક - Tue, 25, Nov 2025
- 09:01 EST
- 21
ઇન્ડિયન સ્ટુડન્ટ્સ એસો. MILAAPનો લોગો / MILAAP
યુનિવર્સિટી ઓફ વ્યોમિંગની ઇન્ડિયન સ્ટુડન્ટ્સ એસોસિએશન-MILAAPએ દિવાળી નાઇટ ફૂડ ડ્રાઇવ દરમિયાન ખોરાકની અસુરક્ષાનો સામનો કરી રહેલા વિદ્યાર્થીઓ અને સ્થાનિક નાગરિકોની મદદ માટે $૧,૦૫૦થી વધુ રકમ તથા ૩૦ પાઉન્ડથી વધુ ખોરાક એકત્ર કર્યો હતો.
આ રકમ તથા ખોરાકને ત્રણ સંસ્થાઓમાં વહેંચવામાં આવ્યા હતા: UW સ્ટુડન્ટ પેન્ટ્રી અને ઇન્ટરનેશનલ સ્ટુડન્ટ પેન્ટ્રીને $૨૭૫-૨૭૫ અને લારામી સૂપ કિચનને $૫૦૦.
આ MILAAPની ત્રીજી દિવાળી નાઇટ ડ્રાઇવ હતી. આ વર્ષનું પરિણામ અગાજના વર્ષો કરતાં વધુ રહ્યું છે અને ત્રણેય ડ્રાઇવ મળીને કુલ ૫૦૦ પાઉન્ડથી વધુ ખોરાક એકત્ર થયો છે. આ કાર્યક્રમમાં MILAAPના લગભગ ૩૦ સભ્યો તથા પરિવારજનો, સ્ટાફ અને સ્થાનિક નાગરિકો સહિત ૨૦ જેટલા સમુદાય સભ્યોએ ભાગ લીધો હતો.
પ્રથમ ડ્રાઇવ કોવિડ-૧૯ મહામારી દરમિયાન શરૂ કરવામાં આવી હતી, જ્યારે શિક્ષકોએ નોંદર્યું કે ભૂખને કારણે વિદ્યાર્થીઓ વર્ગો ચૂકી રહ્યા છે. MILAAPના સલાહકાર તથા સ્કૂલ ઓફ કમ્પ્યુટિંગના પ્રોફેસર રમેશ સિવનપિલ્લઈએ જણાવ્યું, “તે સમયે લગભગ ૩૦ ટકા વિદ્યાર્થીઓને પૂરતો ખોરાક નહોતો મળતો અને આંતરરાષ્ટ્રીય વિદ્યાર્થીઓમાં આ પ્રમાણ ઘણું વધારે હતું.”
તેમણે ઉમેર્યું, “શિક્ષકો ઇચ્છે છે કે વિદ્યાર્થીઓ સારા ગુણો સાથે સ્નાતક થાય. જે વિદ્યાર્થીઓને રોજ પૂરતો ખોરાક નથી મળતો, તેમના માટે અભ્યાસ પર ધ્યાન કેન્દ્રિત કરવું ખૂબ મુશ્કેલ છે.”
૨૦૨૩થી MILAAPએ પોતાના પ્રયાસો વિસ્તાર્યા છે. પ્રથમ દિવાળી ડ્રાઇવમાં $૯૦૦, બીજા વર્ષે $૯૬૫ એકત્ર થયા હતા. સલાહકાર રમેશ સિવનપિલ્લઈ અને દેવાશીષ દત્તા પોતાના ખિસ્સામાંથી દાન બમણું કરે છે. સિવનપિલ્લઈએ કહ્યું, “ભારતીય મૂળનાં બાળકો પણ દિવાળી નાઇટમાં આવીને દાન આપે છે; એ જ MILAAPનો હેતુ છે.”
કાર્યક્રમમાં સાંસ્કૃતિક પ્રદર્શન પણ યોજાયાં હતાં, જેથી લારામીના વિદ્યાર્થીઓ તથા નાગરિકો ભારતીય પરંપરાઓનો અનુભવ કરી શકે. સિવનપિલ્લઈએ જણાવ્યું, “અહીં તેઓ ઓછાસ્તે ભારતમાં દિવાળી કેવી રીતે ઉજવાય છે તે જોઈ શકે છે; સાંસ્કૃતિક કાર્યક્રમ બાથે અમે ખોરાક ડ્રાઇવનું મહત્ત્વ પણ સમજાવીએ છીએ.”
ઉપપ્રમુખ શ્રુજન દંડુ (લોસ એન્જલસના પ્રથમ પેઢીના અમેરિકન)એ કહ્યું, “અમે દિવાળીને આધ્યાત્મિક રીતે પણ ઉજવીએ છીએ – સમુદાયને પાછું આપીને, જરૂરિયાતમંદોની મદદ કરીને અને લોકોના દિવસો ઉજાસભર્યા બનાવીને.”
UW પેન્ટ્રીઓ તથા લારામી સૂપ કિચને સંગઠનનો આભાર માન્યો છે. લગભગ ૩૦ ટકા વિદ્યાર્થીઓ ખોરાકની અસુરક્ષાનો સામનો કરે છે, જેમાં આંતરરાષ્ટ્રીય વિદ્યાર્થીઓનું પ્રમાણ વધુ છે.
પ્રોફેસર દેવાશીષ દત્તાએ કહ્યું, “વિદ્યાર્થીઓ તથા MILAAP સભ્યોએ આ કાર્યક્રમ સફળ બનાવવા જે મહેનત કરી છે તે પ્રશંસનીય છે. તેના પર લારામી સમુદાય માટે કરેલું દાન ચેરી પર ચેરી છે.”
સિવનપિલ્લઈએ દાતાઓ તથા સ્વયંસેવકોનો આભાર માનતાં કહ્યું, “ભારતીય સમુદાય કેમ્પસમાં ખોરાકની અછત દૂર કરવામાં યોગદાન આપી રહ્યો છે, તેનાથી MILAAP ખુશ છે અને જેમણે પણ પૈસા કે ખોરાકનું દાન કર્યું તેમનો અમે હૃદયપૂર્વક આભારી છીએ.”
સંગઠને જણાવ્યું કે મદદની જરૂરિયાત વધી રહી છે તે ધ્યાનમાં રાખીને ભવિષ્યમાં આ ડ્રાઇવને વધુ મોટા પાયે યોજવાની યોજના છે, જેથી સાંસ્કૃતિક ઉજવણી સાથે વર્ષભર સમુદાયસેવાનો સંદેશો મજબૂત થાય.
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login