ADVERTISEMENT
ADVERTISEMENT
ભારત-અમેરિકા સંબંધો મજબૂત અને વિસ્તરતા જઈ રહ્યા છે: પીયૂષ ગોયલ
ભારતના વાણિજ્ય પ્રધાને મજબૂત દ્વિપક્ષીય સંબંધો, દેશની મજબૂત આંતરિક આર્થિક પાયાની વાત અને સંતુલિત વેપાર વાટાઘાટો પર ભાર મૂક્યો હતો. તેમણે જણાવ્યું કે, ભારત ૨૦૪૭ સુધીમાં લાંબા ગાળાની વૃદ્ધિ અને વિકસિત અર્થતંત્ર બનવાના લક્ષ્ય તરફ આગળ વધી રહ્યું છે.
-
1759163132.png)
અનુષ્કા પાઠક - Wed, 19, Nov 2025
- 01:07 EST
- 5
.jpg)
પીયૂષ ગોયલ / Image - X @PiyushGoyal
ભારત અને અમેરિકા વચ્ચેના દ્વિપક્ષીય સંબંધો મજબૂત, સ્થિર અને સતત વિકસતા રહ્યા છે તેમ કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે જણાવ્યું હતું. તેમણે કહ્યું કે, “આ ભાગીદારીના માર્ગ અંગે કોઈ ચિંતા કરવાનું કારણ નથી.”
સોમવારે નવી દિલ્હીમાં ઈન્ડો-અમેરિકન ચેમ્બર ઓફ કોમર્સ (આઈએએસી) દ્વારા આયોજિત ભારત-અમેરિકા આર્થિક સમિટને સંબોધતાં શ્રી ગોયલે કહ્યું કે, આ સંબંધો સમાન લોકશાહી મૂલ્યો અને સહિયારા વિકાસ એજન્ડા પર આધારિત છે.
વેપાર કરાર અંગેની વાટાઘાટો વિશે તેમણે કહ્યું કે, “વાટાઘાટો સતત ચાલતી પ્રક્રિયા છે. ભારતે પોતાના હિતોનું રક્ષણ કરવું જોઈએ અને સાથે સાથે ખેડૂતો, માછીમારો, નાના ઉદ્યોગો તથા વેપારીઓની સંવેદનશીલતાનો પણ ખ્યાલ રાખવો પડે.”
તેમણે ભાર મૂક્યો કે અમેરિકા હજુ પણ ભારતને વિશ્વસનીય ભાગીદાર તરીકે જુએ છે અને ઊંડા વેપાર તેમજ રોકાણ સંબંધો માટે પ્રતિબદ્ધ છે.
આ નિવેદન એવે સમયે આવ્યું છે જ્યારે બંને દેશો વચ્ચે વેપાર કરારની છ રાઉન્ડની વાટાઘાટો પૂર્ણ થઈ ગઈ છે અને પ્રથમ તબક્કાનો કરાર – જેમાં પરસ્પર ટેરિફ, બજાર પ્રવેશ અને રશિયન ઊર્જા ખરીદી સાથે જોડાયેલી ૫૦ ટકા સજાના ટેરિફને રદ કરવા જેવા મુદ્દાઓ સામાવિષ્ટ છે – નવેમ્બર ૨૦૨૫ના અંત સુધીમાં પૂર્ણ થવાની ધારણા છે.
ભારતની પ્રગતિ અમેરિકાના હિતમાં છે
પોતાના સંબોધનમાં શ્રી ગોયલે જણાવ્યું કે ભારતમાં અત્યારે ૨,૦૦૦થી વધુ અમેરિકી જોડાણ ધરાવતા ગ્લોબલ કેપેબિલિટી સેન્ટર્સ (જીસીસી) એન્જિનિયરિંગ, ફાઇનાન્સ, સંશોધન અને ડિજિટલ ટ્રાન્સફોર્મેશન ક્ષેત્રે કાર્યરત છે. બંને દેશો કૃત્રિમ બુદ્ધિમત્તા (એઆઈ), ક્વોન્ટમ કમ્પ્યુટિંગ, એડવાન્સ્ડ મેન્યુફેક્ચરિંગ અને ડિઝાઇન જેવા ક્ષેત્રોમાં સહયોગ વધારવા સારી સ્થિતિમાં છે.
તેમણે નવીનતાને પ્રોત્સાહન આપવા સરકારના પ્રયાસોનો ઉલ્લેખ કરતાં કહ્યું કે ₹૧.૧૨૭૫ અબજનું સ્ટાર્ટઅપ્સ માટે ફંડ ઓફ ફંડ્સ અને ₹૧૧.૨૮ અબજનું આર એન્ડ ડી કોર્પસ અમેરિકી સહભાગિતા માટે નવા દ્વાર ખોલશે.
શ્રી ગોયલે કહ્યું કે, અમૃત ભારત ૨૦૪૭ના લક્ષ્ય સાથે ભારતની પ્રગતિ સ્થિર અને ઉચ્ચ વૃદ્ધિ ધરાવતી અર્થવ્યવસ્થાઓમાં અમેરિકાના હિતોને અનુરૂપ છે. ભારતમાં દર વર્ષે ૨૪ લાખ સ્ટેમ (STEM) ગ્રેજ્યુએટ્સનો ડેમોગ્રાફિક લાભ ટેક્નોલોજી, નવીનતા અને ઉચ્ચ કૌશલ્ય ક્ષેત્રોમાં ઊંડો સહયોગ સાધવામાં મદદ કરૂપ થશે, જ્યાં અમેરિકી કંપનીઓ પહેલેથી જ મોટું રોકાણ કરી ચૂકી છે.
તેમણે ઉમર્શ કર્યું કે ભારતનું આર્થિક ઉદય અને અમેરિકાની વિશ્વસનીય બજારો તરફ સપ્લાય ચેન વૈવિધ્યીકરણની નીતિ સમાંતરે ચાલી રહી છે. મજબૂત બેન્કિંગ વ્યવસ્થા, નીચું ફુગાવો, નાણાકીય શિસ્ત અને વધતી ગ્રાહક માંગ ભારતને અમેરિકા માટે લાંબા ગાળાના આર્થિક ભાગીદાર તરીકે વધુ વિશ્વસનીય બનાવે છે.
અંતમાં શ્રી ગોયલે કહ્યું કે, સતત સહયોગ અને સહિયારા આર્થિક લક્ષ્યો દ્વારા ભારત અને અમેરિકા લાંબા ગાળાની મહત્વપૂર્ણ તકોને અનલૉક કરી શકે છે.
Related
.png)
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login