ADVERTISEMENT
ADVERTISEMENT
મેટ પોલીસમાં હાર્દેવ વિરદીની સ્ટ્રેટેજી અને ઈન્વેસ્ટમેન્ટ ચીફ તરીકે નિમણૂક
વિરદી અગાઉ બાર્ટ્સ NHS ટ્રસ્ટમાં કાર્યરત હતા, જ્યાં તેમણે ટ્રસ્ટની આર્થિક સ્થિતિ સુધારવામાં મહત્વપૂર્ણ ભૂમિકા ભજવી હતી.
-
સંવાદદાતા - Wed, 20, May 2026
- 08:51 EDT
- 14
હરદેવ વિરડી / Hardev Virdee via LinkedIn
લંડનની મેટ્રોપોલિટન પોલીસે 19 મેના રોજ ભારતીય મૂળના હાર્દેવ વિરદીની વિભાગના નવા ચીફ સ્ટ્રેટેજી એન્ડ ઈન્વેસ્ટમેન્ટ ઓફિસર તરીકે નિમણૂક જાહેર કરી હતી.
મેટ પોલીસના જણાવ્યા અનુસાર, વિરદી વિભાગની લાંબા ગાળાની વ્યૂહરચના, રોકાણ અને વ્યાપારી કામગીરીનું નેતૃત્વ સંભાળશે. સાથે જ તેઓ લંડનમાં ફ્રન્ટલાઇન પોલીસિંગ અને જાહેર સુરક્ષાને મજબૂત બનાવવા માટેની વ્યૂહાત્મક યોજના અને સંસાધનોના વિતરણ પર પણ કામ કરશે.
નિમણૂક અંગે પ્રતિક્રિયા આપતાં વિરદીએ જણાવ્યું હતું કે, મેટ્રોપોલિટન પોલીસ માટેના મહત્વપૂર્ણ સમયમાં સંસ્થામાં જોડાતા તેમને ખૂબ આનંદ થાય છે. તેમણે ઉમેર્યું કે, નેશનલ હેલ્થ સર્વિસ (NHS)માં લાંબા સમય સુધી સેવા આપ્યા બાદ હવે તેઓ જાહેર સેવા માટેની પોતાની પ્રતિબદ્ધતા આગળ વધારવા આતુર છે.
પોતાની નવી ભૂમિકા વિશે તેમણે કહ્યું, "આ એક પડકારજનક જવાબદારી છે અને હું સહકર્મીઓ તથા ભાગીદારો સાથે નજીકથી કામ કરીને મેટ પોલીસના વિઝનને આગળ વધારવા અને ફ્રન્ટલાઇન પોલીસિંગને મજબૂત બનાવવા માટે જરૂરી રોકાણ અને સંસાધનો સુનિશ્ચિત કરવા આતુર છું."
મેટ્રોપોલિટન પોલીસ કમિશનર માર્ક રોલીએ વિરદીની નિમણૂકની પ્રશંસા કરતાં જણાવ્યું હતું કે તેઓ વ્યૂહાત્મક નેતૃત્વ, નાણાકીય વ્યવસ્થાપન અને સંસ્થાકીય પરિવર્તન ક્ષેત્રે વિશાળ અનુભવ ધરાવે છે.
રોલીએ જણાવ્યું, |પસંદગી પ્રક્રિયા દરમિયાન તેમણે અત્યંત પ્રભાવશાળી પ્રદર્શન કર્યું હતું. આ માત્ર મારી અધ્યક્ષતાવાળી પેનલનું જ નહીં પરંતુ કેટલાક જુનિયર સહકર્મીઓનું પણ મત હતું, જેમને હવે અમે સિનિયર નિમણૂકોમાં નિયમિત રીતે સામેલ કરીએ છીએ."
તેમણે વિરદીની નવી ભૂમિકાને "અત્યંત મહત્વપૂર્ણ" ગણાવી હતી અને જણાવ્યું હતું કે વધતી માંગ અને મોટા નાણાકીય અંતરને ઘટાડવાના પડકાર વચ્ચે મેટ પોલીસ લંડન માટે શ્રેષ્ઠ સેવા આપવા તથા સુધારાઓ અમલમાં મૂકવા સતત પ્રયત્નશીલ છે.
વિરદી અગાઉ બાર્ટ્સ NHS ટ્રસ્ટ સાથે જોડાયેલા હતા, જ્યાં તેમણે ટ્રસ્ટની નાણાકીય સ્થિતિ મજબૂત બનાવવા માટે મહત્વપૂર્ણ યોગદાન આપ્યું હતું.
તેઓ NHS નેશનલ ફાઇનાન્સ એકેડેમીના ચેરમેન તરીકેના યોગદાન બદલ "NHS ડિરેક્ટર ઓફ ફાઇનાન્સ ઓફ ધ યર" એવોર્ડથી પણ સન્માનિત થઈ ચૂક્યા છે.
આ ઉપરાંત, વિરદી હાલમાં ચાર્ટર્ડ ઇન્સ્ટિટ્યૂટ ઓફ પબ્લિક ફાઇનાન્સ એન્ડ અકાઉન્ટન્સી (CIPFA)ના વાઇસ પ્રેસિડેન્ટ તરીકે સેવા આપી રહ્યા છે અને આ વર્ષના અંતમાં તેઓ સંસ્થાના પ્રેસિડેન્ટ પદની જવાબદારી સંભાળવાના છે.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login