ADVERTISEMENT
ADVERTISEMENT
ભારત અને માલ્ટા વચ્ચે વેપાર સહિત અનેક ક્ષેત્રોમાં સહયોગ વધારવા પર સહમતી
બંને દેશો વચ્ચે તાજેતરમાં વિદેશ કાર્યાલય પરામર્શ (FOC)નો ચોથો દાવર માલ્ટાની રાજધાની વેલેટામાં યોજાયો હતો.
-
IANS(ગુજરાતી) - Sun, 29, Mar 2026
- 13:49 EDT
- 4
ભારત તરફથી સચિવ (પશ્ચિમ) રાજદૂત સિબી જ્યોર્જ અને માલ્ટા તરફથી વિદેશ મંત્રાલયના સ્થાયી સચિવ ક્રિસ્ટોફર કટજારે / X
ભારત અને માલ્ટા વચ્ચે દ્વિપક્ષીય સંબંધોને વધુ મજબૂત બનાવવાની દિશામાં એક મહત્વપૂર્ણ પગલું ભરતાં બંને દેશો વચ્ચે તાજેતરમાં વિદેશ કાર્યાલય પરામર્શ (FOC)નો ચોથો દાવર માલ્ટાની રાજધાની વેલેટામાં આયોજિત કરવામાં આવ્યો હતો. આ દરમિયાન ભારત તરફથી સચિવ (પશ્ચિમ) રાજદૂત સિબી જ્યોર્જ અને માલ્ટા તરફથી વિદેશ મંત્રાલયના સ્થાયી સચિવ ક્રિસ્ટોફર કટજારે સહ-અધ્યક્ષતા કરી હતી.
મુલાકાત દરમિયાન સિબી જ્યોર્જે માલ્ટાના ડેપ્યુટી પીએમ અને વિદેશ મંત્રી ડૉ. ઇયાન બોર્ગ સાથે મુલાકાત કરી હતી. આ બેઠકમાં બંને દેશો વચ્ચે ચાલી રહેલા સહયોગને વધુ મજબૂત બનાવવાના વિવિધ પાસાઓ પર વિસ્તૃત ચર્ચા કરવામાં આવી હતી. સાથે જ દ્વિપક્ષીય સહભાગિતાનો વ્યાપ વિસ્તારવા પર પણ સહમતી વ્યક્ત કરવામાં આવી હતી.
ઉપરાંત, સિબી જ્યોર્જે માલ્ટાની સશસ્ત્ર સેનાઓના કમાન્ડર બ્રિગેડિયર ક્લિન્ટન જે. ઓ’નીલ સાથે પણ મુલાકાત કરી હતી. આ દરમિયાન બંને પક્ષોએ રક્ષા અને સુરક્ષા સહયોગ વધારવાના રસ્તાઓ પર વિચાર-વિમર્શ કર્યો હતો.
વિદેશ મંત્રાલયે સોશિયલ મીડિયા પ્લેટફોર્મ 'એક્સ' પર માહિતી શેર કરતાં જણાવ્યું હતું કે આ બેઠકમાં બંને દેશોએ પ્રાદેશિક અને વૈશ્વિક મુદ્દાઓ પર પણ svચારોનું આદાન-પ્રદાન કર્યું હતું અને ભાગીદારીને વધુ મજબૂત બનાવવા પર ભાર મૂક્યો હતો. બંને પક્ષોએ પારસ્પરિક સંબંધોના સંપૂર્ણ વ્યાપની સમીક્ષા કરી અને ભારત-માલ્ટા સંબંધોમાં થઈ રહેલી સતત પ્રગતિ પર સંતોષ વ્યક્ત કર્યો હતો.
વર્ષ ૨૦૨૫માં બંને દેશો વચ્ચે કૂટનીતિક સંબંધોની સ્થાપનાના ૬૦ વર્ષ પૂરા થયા હતા, જે આ સંબંધમાં એક મહત્વપૂર્ણ સ્થાન છે. બંને દેશોએ છેલ્લાં વર્ષોમાં ઉચ્ચસ્તરીય મુલાકાતો દ્વારા સંબંધોમાં આવેલી તેજીનું સ્વાગત કર્યું છે અને વેપાર તેમજ રોકાણ, પર્યટન, ટેક્નોલોજી અને નવીનતા, સમુદ્રી ક્ષેત્ર, શિક્ષણ તેમજ સાંસ્કૃતિક સહયોગ જેવા ક્ષેત્રોમાં ભાગીદારીને આગળ વધારવા પર ભાર મૂક્યો છે.
તાજેતરમાં થયેલા ભારત-યુરોપિયન યુનિયન મુક્ત વેપાર કરારને ધ્યાનમાં રાખીને આર્થિક અને વાણિજ્યિક સંબંધોને વધુ ગાઢા બનાવવાના રસ્તાઓ પર પણ ચર્ચા થઈ હતી. બંને પક્ષો સૂચના અને સંચાર પ્રૌદ્યોગિકી (આઈસીટી), આરોગ્ય, નવીનીકરણીય ઊર્જા, ફાર્માસ્યુટિકલ્સ અને શિક્ષણ જેવા ક્ષેત્રોમાં સહયોગ વધારવા પર સંમત થયા છે.
બંને દેશોએ પ્રાદેશિક તેમજ વૈશ્વિક સ્તરના મુદ્દાઓ પર પણ વિચારોનું આદાન-પ્રદાન કર્યું હતું અને મલ્ટીલેટરલ મંચો પર સહયોગ ચાલુ રાખવાની પ્રતિબદ્ધતા ફરીથી દોહરાવી હતી. આ સાથે જ સિબી જ્યોર્જે માલ્ટામાં વેપાર જગતના નેતાઓ સાથે પણ મુલાકાત કરી હતી અને ભારત-માલ્ટા વચ્ચે વધતા વેપાર તેમજ રોકાણ સંબંધોને વધુ સશક્ત બનાવવાના ઉપાયો પર ચર્ચા કરી હતી.
ગુજરાતીમાં અન્ય સમાચારો વાંચવા અહીં ક્લિક કરો "ન્યુ ઇન્ડિયા અબ્રોડ ગુજરાતી"
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login