ADVERTISEMENT
ADVERTISEMENT
ਸ਼ੇਰ-ਏ-ਪੰਜਾਬ ਲੀਗ ਲਈ ਸਨਵੀਰ ਸਿੰਘ ਸਭ ਤੋਂ ਮਹਿੰਗਾ ਖਿਡਾਰੀ
ਫਾਜ਼ਿਲਕਾ ਫਾਲਕਨਜ਼ ਨੇ 13.20 ਲੱਖ ਰੁਪਏ ’ਚ ਖ਼ਰੀਦਿਆ; ਨਮਨ ਧੀਰ 10.80 ਲੱਖ ਤੇ ਅਮੋਲਪ੍ਰੀਤ ਸਿੰਘ 8.20 ਲੱਖ ’ਚ ਵਿਕੇ
-
1759953093.png)
ਸਟਾਫ ਪੱਤਰਕਾਰ - Sun, 09, Aug 2026
- 23:24 EDT
- 27
ਸ਼ੇਰ-ਏ-ਪੰਜਾਬ T20 ਲੀਗ / IG
ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ (ਪੀਸੀਏ) ਵੱਲੋਂ ਕਰਵਾਈ ਗਈ ਸ਼ੇਰ-ਏ-ਪੰਜਾਬ ਟੀ-20 ਲੀਗ ਦੀ ਖਿਡਾਰੀ ਨਿਲਾਮੀ ਵਿੱਚ ਹਰਫ਼ਨਮੌਲਾ ਖਿਡਾਰੀ ਸਨਵੀਰ ਸਿੰਘ ਸਭ ਤੋਂ ਮਹਿੰਗਾ ਵਿਕਿਆ। ਫਾਜ਼ਿਲਕਾ ਫਾਲਕਨਜ਼ ਨੇ ਉਸ ਨੂੰ 13.20 ਲੱਖ ਰੁਪਏ ਵਿੱਚ ਆਪਣੀ ਟੀਮ ਦਾ ਹਿੱਸਾ ਬਣਾਇਆ। ਫਾਜ਼ਿਲਕਾ ਫਾਲਕਨਜ਼ ਦੇ ਕਪਤਾਨ ਸ਼ੁਭਮਨ ਗਿੱਲ ਹਨ। ਨਿਲਾਮੀ ਦੀ ਸ਼ੁਰੂਆਤ ਪੀਸੀਏ ਦੇ ਪ੍ਰਧਾਨ ਅਮਰਜੀਤ ਸਿੰਘ ਮਹਿਤਾ ਨੇ ਕਰਵਾਈ।
ਨਿਲਾਮੀ ਦੌਰਾਨ ਅੰਮ੍ਰਿਤਸਰ ਸੂਰਮਾਜ਼ ਨੇ ਨਮਨ ਧੀਰ ਨੂੰ 10.80 ਲੱਖ ਅਤੇ ਮੁਹਾਲੀ ਕਿੰਗਜ਼ ਨੇ ਅਮੋਲਪ੍ਰੀਤ ਸਿੰਘ ਨੂੰ 8.20 ਲੱਖ ਰੁਪਏ ਵਿੱਚ ਖ਼ਰੀਦਿਆ। ਬਠਿੰਡਾ ਰੌਇਲਜ਼ ਨੇ ਹਰਨੂਰ ਸਿੰਘ ਅਤੇ ਅਸ਼ਵਨੀ ਕੁਮਾਰ ਨੂੰ 7-7 ਲੱਖ ਰੁਪਏ ਵਿੱਚ ਟੀਮ ਵਿੱਚ ਸ਼ਾਮਲ ਕੀਤਾ। ਜਲੰਧਰ ਵਾਰੀਅਰਜ਼ ਨੇ ਸੁਖਦੀਪ ਬਾਜਵਾ ਨੂੰ 6 ਲੱਖ, ਮੁਹਾਲੀ ਕਿੰਗਜ਼ ਨੇ ਹਰਪ੍ਰੀਤ ਬਰਾੜ ਨੂੰ 4 ਲੱਖ ਅਤੇ ਅੰਮ੍ਰਿਤਸਰ ਸੂਰਮਾਜ਼ ਨੇ ਮਯੰਕ ਮਾਰਕੰਡੇ ਨੂੰ 1.50 ਲੱਖ ਰੁਪਏ ਵਿੱਚ ਖ਼ਰੀਦਿਆ।
ਪੀਸੀਏ ਸਕੱਤਰ ਗੁਰਮੀਤ ਸਿੰਘ ਮੀਤ ਹੇਅਰ ਨੇ ਕਿਹਾ ਕਿ ਇਹ ਨਿਲਾਮੀ ਸੂਬੇ ਦੇ ਬੇਮਿਸਾਲ ਕ੍ਰਿਕਟ ਹੁਨਰ ਨੂੰ ਦਰਸਾਉਂਦੀ ਹੈ। ਉਨ੍ਹਾਂ ਮੁਤਾਬਕ ਫਰੈਂਚਾਇਜ਼ੀਆਂ ਨੇ ਖਿਡਾਰੀਆਂ ਵਿੱਚ ਨਿਵੇਸ਼ ਕਰਨ ਲਈ ਭਾਰੀ ਉਤਸ਼ਾਹ ਦਿਖਾਇਆ ਹੈ।
ਲੀਗ ਵਿੱਚ ਫਾਜ਼ਿਲਕਾ ਫਾਲਕਨਜ਼, ਅੰਮ੍ਰਿਤਸਰ ਸੂਰਮਾਜ਼, ਲੁਧਿਆਣਾ ਲਾਇਨਜ਼, ਜਲੰਧਰ ਵਾਰੀਅਰਜ਼, ਮੁਹਾਲੀ ਕਿੰਗਜ਼ ਅਤੇ ਬਠਿੰਡਾ ਰੌਇਲਜ਼ ਹਿੱਸਾ ਲੈਣਗੀਆਂ। ਸ਼ੁਭਮਨ ਗਿੱਲ, ਅਭਿਸ਼ੇਕ ਸ਼ਰਮਾ, ਅਰਸ਼ਦੀਪ ਸਿੰਘ, ਪ੍ਰਭਸਿਮਰਨ ਸਿੰਘ, ਰਾਮਦੀਪ ਸਿੰਘ ਅਤੇ ਗੁਰਨੂਰ ਬਰਾੜ ਮਾਰਕੀ ਖਿਡਾਰੀ ਹਨ, ਜਿਨ੍ਹਾਂ ਨੂੰ ਟੀਮਾਂ ਨੇ 10-10 ਲੱਖ ਰੁਪਏ ਵਿੱਚ ਚੁਣਿਆ ਹੈ।
ਨਿਲਾਮੀ ਵਿੱਚ ਬਠਿੰਡਾ ਦੇ ਨੌਜਵਾਨ ਕ੍ਰਿਕਟਰ ਉਦੈ ਪ੍ਰਤਾਪ ਸਹਾਰਨ ਨੇ ਵੀ ਖਾਸ ਧਿਆਨ ਖਿੱਚਿਆ। ਬਠਿੰਡਾ ਰੌਇਲਜ਼ ਨੇ ਉਸ ਨੂੰ 4.20 ਲੱਖ ਰੁਪਏ ਵਿੱਚ ਖ਼ਰੀਦਿਆ, ਜਦਕਿ ਉਸ ਦੀ ਮੂਲ ਕੀਮਤ ਇੱਕ ਲੱਖ ਰੁਪਏ ਸੀ। ਉਦੈ ਨੇ ਹਾਲ ਹੀ ਵਿੱਚ ਅੰਤਰ-ਜ਼ਿਲ੍ਹਾ ਸੀਨੀਅਰ ਕ੍ਰਿਕਟ ਟੂਰਨਾਮੈਂਟ ਵਿੱਚ ਬਠਿੰਡਾ ਦੀ ਨੁਮਾਇੰਦਗੀ ਕਰਦਿਆਂ 203 ਦੌੜਾਂ ਦੀ ਦੋਹਰੇ ਸੈਂਕੜੇ ਵਾਲੀ ਪਾਰੀ ਖੇਡੀ ਸੀ। ਉਸ ਦੀ ਇਸ ਸ਼ਾਨਦਾਰ ਬੱਲੇਬਾਜ਼ੀ ਨੇ ਕ੍ਰਿਕਟ ਪ੍ਰੇਮੀਆਂ ਅਤੇ ਮਾਹਿਰਾਂ ਦਾ ਧਿਆਨ ਖਿੱਚਿਆ। ਨਿਲਾਮੀ ਵਿੱਚ 4.20 ਲੱਖ ਰੁਪਏ ਦੀ ਬੋਲੀ ਲੱਗਣਾ ਬਠਿੰਡਾ ਕ੍ਰਿਕਟ ਲਈ ਵੀ ਮਾਣ ਵਾਲੀ ਗੱਲ ਹੈ।
Leave A Comment
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login