ADVERTISEMENT
ADVERTISEMENT
ਰਾਜਸਥਾਨ ਰਾਇਲਜ਼ 13,600 ਕਰੋੜ ਰੁਪਏ ਵਿੱਚ ਵਿਕੀ, ਅਮਰੀਕੀ ਕਾਰੋਬਾਰੀ ਨੇ ਖਰੀਦੀ ਟੀਮ
ਮਾਲਕੀ ਵਿੱਚ ਇਹ ਬਦਲਾਅ ਆਈ.ਪੀ.ਐੱਲ. 2026 ਦੇ ਸੀਜ਼ਨ ਤੋਂ ਬਾਅਦ ਪ੍ਰਭਾਵੀ ਹੋਵੇਗਾ
-
1759953093.png)
ਸਟਾਫ ਪੱਤਰਕਾਰ - Tue, 24, Mar 2026
- 10:53 EDT
- 1
ਰਾਜਸਥਾਨ ਰਾਇਲਜ਼ ਦਾ ਲੋਗੋ / Wikipedia
ਆਈ.ਪੀ.ਐੱਲ. (IPL) ਦਾ 19ਵਾਂ ਸੀਜ਼ਨ ਸ਼ੁਰੂ ਹੋਣ ਤੋਂ ਕੁਝ ਦਿਨ ਪਹਿਲਾਂ ਇੱਕ ਬਹੁਤ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਰਾਜਸਥਾਨ ਰਾਇਲਜ਼ ਦੇ ਮਾਲਕੀ ਹੱਕਾਂ ਨੂੰ ਲੈ ਕੇ ਚੱਲ ਰਹੀ ਦੌੜ ਹੁਣ ਖ਼ਤਮ ਹੋ ਗਈ ਹੈ। ਅਮਰੀਕੀ ਕਾਰੋਬਾਰੀ ਕਾਲ ਸੋਮਾਨੀ (Kal Somani) ਨੇ ਰਾਜਸਥਾਨ ਰਾਇਲਜ਼ ਨੂੰ ਖਰੀਦ ਲਿਆ ਹੈ।
ਰਿਪੋਰਟਾਂ ਅਨੁਸਾਰ, ਕਾਲ ਸੋਮਾਨੀ ਨੇ ਇਸ ਫ੍ਰੈਂਚਾਇਜ਼ੀ ਦੀ 100 ਫੀਸਦੀ ਹਿੱਸੇਦਾਰੀ ਲਗਭਗ 1.63 ਬਿਲੀਅਨ ਡਾਲਰ (ਕਰੀਬ 13,600 ਕਰੋੜ ਰੁਪਏ) ਦੀ ਭਾਰੀ ਕੀਮਤ 'ਤੇ ਖਰੀਦੀ ਹੈ। ਇਸ ਡੀਲ ਦੇ ਨਾਲ ਹੀ ਰਾਜਸਥਾਨ ਰਾਇਲਜ਼ ਦੁਨੀਆ ਦੀ ਸਭ ਤੋਂ ਮਹਿੰਗੀ ਕ੍ਰਿਕਟ ਫ੍ਰੈਂਚਾਇਜ਼ੀ ਬਣ ਗਈ ਹੈ।
ਮਿਲੀ ਜਾਣਕਾਰੀ ਮੁਤਾਬਕ, ਕਾਲ ਸੋਮਾਨੀ IntraEdge, Academian ਅਤੇ Truyo.AI ਦੇ ਸੰਸਥਾਪਕ ਹਨ। ਇਸ ਖਰੀਦ ਵਿੱਚ ਉਨ੍ਹਾਂ ਨੂੰ ਅਮਰੀਕੀ ਕਾਰੋਬਾਰੀ ਰੌਬ ਵਾਲਟਨ (ਵਾਲਮਾਰਟ ਫੈਮਿਲੀ) ਅਤੇ ਹੈਮਪ ਫੈਮਿਲੀ (ਡੈਟਰਾਇਟ ਲਾਇਨਜ਼ ਟੀਮ ਦੇ ਮਾਲਕ) ਦਾ ਸਮਰਥਨ ਹਾਸਲ ਹੈ। ਮਾਲਕੀ ਵਿੱਚ ਇਹ ਬਦਲਾਅ ਆਈ.ਪੀ.ਐੱਲ. 2026 ਦੇ ਸੀਜ਼ਨ ਤੋਂ ਬਾਅਦ ਪ੍ਰਭਾਵੀ ਹੋਵੇਗਾ।
ਰਾਜਸਥਾਨ ਰਾਇਲਜ਼ ਨੇ ਸਾਲ 2008 ਵਿੱਚ ਸ਼ੇਨ ਵਾਰਨ ਦੀ ਕਪਤਾਨੀ ਹੇਠ ਪਹਿਲਾ ਆਈ.ਪੀ.ਐੱਲ. ਖ਼ਿਤਾਬ ਜਿੱਤਿਆ ਸੀ। ਇਸ ਤੋਂ ਬਾਅਦ ਟੀਮ ਨੇ ਕਾਫੀ ਸੰਘਰਸ਼ ਕੀਤਾ ਅਤੇ ਸਾਲ 2022 ਵਿੱਚ ਫਾਈਨਲ ਤੱਕ ਦਾ ਸਫ਼ਰ ਤੈਅ ਕੀਤਾ, ਪਰ ਉੱਥੇ ਗੁਜਰਾਤ ਟਾਈਟਨਸ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਹੁਣ ਟੀਮ ਦਾ ਧਿਆਨ ਆਉਣ ਵਾਲੇ ਸੀਜ਼ਨ 'ਤੇ ਹੈ। ਟੀਮ ਆਪਣਾ ਪਹਿਲਾ ਮੈਚ 30 ਮਾਰਚ ਨੂੰ ਗੁਹਾਟੀ ਵਿੱਚ ਚੇਨਈ ਸੁਪਰ ਕਿੰਗਜ਼ ਵਿਰੁੱਧ ਖੇਡੇਗੀ। ਟੀਮ ਦੀ ਅਗਵਾਈ ਨਵੇਂ ਕਪਤਾਨ ਰਿਆਨ ਪਰਾਗ ਅਤੇ ਹੈੱਡ ਕੋਚ ਕੁਮਾਰ ਸੰਗਕਾਰਾ ਕਰਨਗੇ।
ਇਹ ਵੀ ਦੱਸਣਯੋਗ ਹੈ ਕਿ ਆਈ.ਪੀ.ਐੱਲ. 2026 ਲਈ ਰਾਜਸਥਾਨ ਰਾਇਲਜ਼ ਨੂੰ ਇੱਕ ਵੱਡਾ ਝਟਕਾ ਲੱਗਾ ਹੈ। ਇੰਗਲੈਂਡ ਦੇ ਆਲਰਾਊਂਡਰ ਸੈਮ ਕਰਨ ਸੱਟ ਕਾਰਨ ਟੂਰਨਾਮੈਂਟ ਤੋਂ ਬਾਹਰ ਹੋ ਗਏ ਹਨ। ਉਨ੍ਹਾਂ ਦੀ ਜਗ੍ਹਾ ਸ਼੍ਰੀਲੰਕਾ ਦੇ ਟੀ-20 ਕਪਤਾਨ ਅਤੇ ਆਲਰਾਊਂਡਰ ਦਾਸੁਨ ਸ਼ਨਾਕਾ ਨੂੰ 2 ਕਰੋੜ ਰੁਪਏ ਵਿੱਚ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਕੁਮਾਰ ਸੰਗਕਾਰਾ ਨੇ ਕਿਹਾ ਕਿ ਸੈਮ ਕਰਨ ਦਾ ਬਾਹਰ ਹੋਣਾ ਟੀਮ ਲਈ ਨੁਕਸਾਨਦੇਹ ਹੈ, ਪਰ ਸ਼ਨਾਕਾ ਟੀਮ ਦੇ ਸੰਤੁਲਨ ਨੂੰ ਬਣਾਈ ਰੱਖਣ ਵਿੱਚ ਅਹਿਮ ਭੂਮਿਕਾ ਨਿਭਾਉਣਗੇ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login