ADVERTISEMENT
ADVERTISEMENT
ਵਰਲਡ ਟੈਸਟ ਚੈਂਪੀਅਨਸ਼ਿਪ ਤਹਿਤ ਭਾਰਤ ਦੇ ਆਉਣ ਵਾਲੇ ਮੈਚਾਂ ਦਾ ਵੇਰਵਾ
ਭਾਰਤੀ ਟੀਮ ਘਰੇਲੂ ਅਤੇ ਵਿਦੇਸ਼ੀ ਦੋਵੇਂ ਹੀ ਮੈਦਾਨਾਂ 'ਤੇ ਆਪਣਾ ਪ੍ਰਦਰਸ਼ਨ ਵਿਖਾਏਗੀ
-
ਸਟਾਫ਼ ਪੱਤਰਕਾਰ - Fri, 08, Aug 2025
- 22:27 EDT
- 21
.jpg)
ਭਾਰਤ ਦੀ ਇੰਗਲੈਂਡ ਨਾਲ ਹੋਈ ਪੰਜ ਮੈਚਾਂ ਦੀ ਰੋਮਾਂਚਕ ਟੈਸਟ ਸੀਰੀਜ਼ 2-2 ਨਾਲ ਖਤਮ ਹੋਣ ਤੋਂ ਬਾਅਦ ਭਾਰਤੀ ਕ੍ਰਿਕਟ ਪ੍ਰੇਮੀ ਇਸ ਨੌਜਵਾਨ ਟੈਸਟ ਟੀਮ ਨੂੰ ਲੈ ਕੇ ਕਾਫੀ ਉਤਸ਼ਾਹਿਤ ਹਨ ਅਤੇ ਹਰ ਕੋਈ ਅਗਲੀ ਟੈਸਟ ਸੀਰੀਜ਼ ਦੇ ਇੰਤਜ਼ਾਰ ਵਿੱਚ ਹੈ।ਅਗਲੀ ਟੈਸਟ ਸੀਰੀਜ਼ ਕਦੋਂ ਸ਼ੁਰੂ ਹੋਵੇਗੀ, ਆਓ ਜਾਣਦੇ ਹਾਂ 2027 ਤੱਕ ਦਾ ਟੈਸਟ ਲੜੀਆਂ ਦਾ ਵੇਰਵਾ:-
ਘਰੇਲੂ ਮੈਦਾਨ 'ਤੇ ਵੈਸਟ ਇੰਡੀਜ਼ ਨਾਲ ਅਗਲਾ ਮੁਕਾਬਲਾ
ਭਾਰਤ ਆਪਣੀ ਅਗਲੀ ਟੈਸਟ ਸੀਰੀਜ਼ ਘਰੇਲੂ ਮੈਦਾਨ 'ਤੇ ਵੈਸਟ ਇੰਡੀਜ਼ ਦੇ ਖਿਲਾਫ ਖੇਡੇਗਾ। ਦੋ ਮੈਚਾਂ ਦੀ ਇਹ ਸੀਰੀਜ਼ 2 ਅਕਤੂਬਰ 2025 ਨੂੰ ਅਹਿਮਦਾਬਾਦ ਦੇ ਨਰੇਂਦਰ ਮੋਦੀ ਸਟੇਡਿਅਮ ਵਿੱਚ ਸ਼ੁਰੂ ਹੋਵੇਗੀ, ਜਦਕਿ ਦੂਜਾ ਮੈਚ 10 ਅਕਤੂਬਰ ਤੋਂ ਦਿੱਲੀ ਦੇ ਅਰੁਣ ਜੇਤਲੀ ਸਟੇਡਿਅਮ ਵਿੱਚ ਹੋਵੇਗਾ।
ਦੱਖਣੀ ਅਫਰੀਕਾ ਦੀ ਟੀਮ ਨਵੰਬਰ ਵਿੱਚ ਕਰੇਗੀ ਭਾਰਤ ਦਾ ਦੌਰਾ
ਵਰਲਡ ਟੈਸਟ ਚੈਂਪੀਅਨਸ਼ਿਪ 2025-27 ਦੇ ਤੀਸਰੇ ਰਾਊਂਡ ਵਿੱਚ ਦੱਖਣ ਅਫਰੀਕਾ ਦੀ ਟੀਮ ਨਵੰਬਰ ਵਿੱਚ ਭਾਰਤ ਦਾ ਦੌਰਾ ਕਰੇਗੀ। ਪਹਿਲਾ ਟੈਸਟ 14 ਨਵੰਬਰ ਨੂੰ ਕੋਲਕਾਤਾ ਦੇ ਈਡਨ ਗਾਰਡਨਜ਼ ਵਿੱਚ ਹੋਵੇਗਾ, ਜਦਕਿ ਦੂਜਾ ਟੈਸਟ 22 ਤੋਂ 26 ਨਵੰਬਰ ਤੱਕ ਗੁਵਾਹਾਟੀ ਦੇ ਬਰਸਾਪਾਰਾ ਸਟੇਡਿਅਮ ਵਿੱਚ ਖੇਡਿਆ ਜਾਵੇਗਾ।
ਦੋ ਟੈਸਟ ਮੈਚਾਂ ਦੀ ਸੀਰੀਜ਼ ਸ਼੍ਰੀਲੰਕਾ ਵਿੱਚ
ਜੁਲਾਈ 2026 ਵਿੱਚ ਭਾਰਤ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ ਲਈ ਸ਼੍ਰੀਲੰਕਾ ਜਾਵੇਗਾ। 2022 ਵਿੱਚ ਰੋਹਿਤ ਸ਼ਰਮਾ ਦੀ ਅਗਵਾਈ ਹੇਠ ਭਾਰਤ ਨੇ ਸ਼੍ਰੀਲੰਕਾ ਨੂੰ 2-0 ਨਾਲ ਹਰਾਇਆ ਸੀ।
ਨਿਊਜ਼ੀਲੈਂਡ ਨਾਲ ਮੈਚ
ਨਵੰਬਰ 2026 ਵਿੱਚ ਭਾਰਤ ਨਿਊਜ਼ੀਲੈਂਡ ਦੌਰੇ 'ਤੇ ਜਾ ਕੇ ਦੋ ਟੈਸਟ ਮੈਚ ਖੇਡੇਗਾ। ਪਿਛਲੀ ਵਾਰ ਭਾਰਤ ਨੂੰ ਉਥੇ 0-3 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ।
ਆਸਟਰੇਲੀਆ ਨਾਲ ਪੰਜ ਟੈਸਟ ਮੈਚਾਂ ਦੀ ਸੀਰੀਜ਼
WTC 2025-27 ਦੇ ਅੰਤਿਮ ਦੌਰ ਵਿੱਚ ਭਾਰਤ ਘਰੇਲੂ ਮੈਦਾਨ 'ਤੇ ਆਸਟਰੇਲੀਆ ਨਾਲ ਪੰਜ ਟੈਸਟ ਮੈਚਾਂ ਦੀ ਸੀਰੀਜ਼ ਖੇਡੇਗਾ। ਇਹ ਮੁਕਾਬਲੇ ਫਰਵਰੀ-ਮਾਰਚ 2027 ਵਿੱਚ ਹੋਣਗੇ। ਪਿਛਲੀ ਵਾਰ ਭਾਰਤ ਨੇ ਘਰੇਲੂ ਮੈਦਾਨ 'ਤੇ 2-1 ਨਾਲ ਜਿੱਤ ਦਰਜ ਕੀਤੀ ਸੀ, ਜਦਕਿ ਵਿਦੇਸ਼ ਵਿੱਚ 1-3 ਨਾਲ ਹਾਰਿਆ ਸੀ।
ਵਰਲਡ ਟੈਸਟ ਚੈਂਪੀਅਨਸ਼ਿਪ ਦਾ ਭਾਰਤ ਦਾ ਪੂਰਾ ਸ਼ਡਿਊਲ
ਭਾਰਤ vs ਇੰਗਲੈਂਡ – 2-2 ਨਾਲ ਡਰਾਅ (ਸੀਰੀਜ਼ ਮੁਕੰਮਲ)
ਭਾਰਤ vs ਵੈਸਟ ਇੰਡੀਜ਼ – ਅਕਤੂਬਰ 2025 (ਭਾਰਤ)
ਭਾਰਤ vs ਦੱਖਣ ਅਫਰੀਕਾ – ਨਵੰਬਰ 2025 (ਭਾਰਤ)
ਭਾਰਤ vs ਸ਼੍ਰੀਲੰਕਾ – ਜੁਲਾਈ 2026 (ਸ਼੍ਰੀਲੰਕਾ)
ਭਾਰਤ vs ਨਿਊਜ਼ੀਲੈਂਡ – ਨਵੰਬਰ 2026 (ਨਿਊਜ਼ੀਲੈਂਡ)
ਭਾਰਤ vs ਆਸਟਰੇਲੀਆ – ਫਰਵਰੀ-ਮਾਰਚ 2027 (ਭਾਰਤ)
ਸੀਨੀਅਰ ਖਿਡਾਰੀਆਂ ਦੀ ਰਿਟਾਇਰਮੈਂਟ ਤੋਂ ਬਾਅਦ ਨੌਜਵਾਨ ਕਪਤਾਨ ਸ਼ੁਭਮਨ ਗਿੱਲ ਦੀ ਅਗਵਾਈ ਹੇਠ ਇਸ ਟੈਸਟ ਚੈਂਪੀਅਨਸ਼ਿਪ ਵਿੱਚ ਭਾਰਤ ਦੇ ਬਿਹਤਰ ਪ੍ਰਦਰਸ਼ਨ ਦੀ ਆਸ ਹੈ। ਭਾਰਤੀ ਟੀਮ ਘਰੇਲੂ ਅਤੇ ਵਿਦੇਸ਼ੀ ਦੋਵੇਂ ਹੀ ਮੈਦਾਨਾਂ 'ਤੇ ਆਪਣਾ ਪ੍ਰਦਰਸ਼ਨ ਵਿਖਾਏਗੀ।
Related
ADVERTISEMENT
ADVERTISEMENT
E Paper
Video
Comments
Start the conversation
Become a member of New India Abroad to start commenting.
Sign Up Now
Already have an account? Login