ADVERTISEMENTs
_page-0001.jpg)
-10”-x-5.jpg)
ਟਰੰਪ ਨੇ ਪੁਤਿਨ ਨੂੰ ‘ਆਰਥਿਕ ਤੌਰ ‘ਤੇ ਕਠੋਰ’ ਨਤੀਜੇ ਭੁਗਤਣ ਦੀ ਦਿੱਤੀ ਚੇਤਾਵਨੀ
ਉਨ੍ਹਾਂ ਕਿਹਾ ਕਿ ਪੁਤਿਨ ਨਾਲ ਆਰਥਿਕ ਸਹਿਯੋਗ ਸਿਰਫ਼ ਉਸ ਵੇਲੇ ਹੀ ਹੋਵੇਗਾ ਜਦੋਂ ਯੁੱਧ ਖਤਮ ਹੋਵੇਗਾ
-
ਲਲਿਤ ਕੇ ਝਾਅ - Fri, 15, Aug 2025
- 13:09 EDT
- 8
.jpg)
ਰਾਸ਼ਟਰਪਤੀ ਟਰੰਪ ਅਤੇ ਰਾਸ਼ਟਰਪਤੀ ਪੁਤਿਨ / facebook
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਅਲਾਸਕਾ ਵਿੱਚ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨਾਲ ਹੋਣ ਵਾਲੀ ਮੁਲਾਕਾਤ ਤੋਂ ਪਹਿਲਾਂ ਉਨ੍ਹਾਂ ਦੀ ਤਾਰੀਫ਼ ਕਰਦਿਆਂ ਉਨ੍ਹਾਂ ਨੂੰ “ਸਮਾਰਟ ਗਾਇ” ਕਿਹਾ, ਪਰ ਚੇਤਾਵਨੀ ਦਿੱਤੀ ਕਿ ਜੇਕਰ ਉਹ ਯੂਕਰੇਨ ਯੁੱਧ ਖਤਮ ਕਰਨ ਲਈ ਗੱਲਬਾਤ ਕਰਨ ਤੋਂ ਇਨਕਾਰ ਕਰਦੇ ਹਨ ਤਾਂ ਉਨ੍ਹਾਂ ਨੂੰ “ਆਰਥਿਕ ਤੌਰ ‘ਤੇ ਕਠੋਰ” ਨਤੀਜੇ ਭੁਗਤਣੇ ਪੈਣਗੇ।
ਟਰੰਪ ਨੇ ਏਅਰ ਫੋਰਸ ਵਨ ‘ਤੇ ਪੱਤਰਕਾਰਾਂ ਨੂੰ ਕਿਹਾ, “ਵੇਖੋ, ਉਹ ਇੱਕ ਸਮਾਰਟ ਵਿਅਕਤੀ ਹੈ। ਹੁਣ ਅਸੀਂ ਇੱਥੇ ਰਾਸ਼ਟਰਪਤੀ ਦੇ ਤੌਰ ‘ਤੇ ਮਿਲ ਰਹੇ ਹਾਂ।” ਉਹਨਾਂ ਕਿਹਾ ਕਿ “ਦੋਵੇਂ ਪਾਸਿਆਂ ‘ਚ ਇਕ-ਦੂਜੇ ਪ੍ਰਤੀ ਚੰਗਾ ਆਦਰ-ਸਨਮਾਨ ਹੈ” ਅਤੇ ਇਹ ਉਮੀਦ ਜਤਾਈ ਕਿ “ਕੁਝ ਨਾ ਕੁਝ ਇਸਦਾ ਨਤੀਜਾ ਜ਼ਰੂਰ ਨਿਕਲੇਗਾ।”
ਟਰੰਪ ਨੇ ਕਿਹਾ ਕਿ ਪੁਤਿਨ ਆਪਣੇ ਨਾਲ “ਰੂਸ ਤੋਂ ਕਈ ਕਾਰੋਬਾਰੀ ਲੋਕ” ਲੈ ਕੇ ਆ ਰਹੇ ਹਨ, ਜਿਸਨੂੰ ਉਹਨਾਂ ਨੇ ਸਕਾਰਾਤਮਕ ਵਜੋਂ ਵੇਖਿਆ, ਪਰ ਜ਼ੋਰ ਦਿੱਤਾ ਕਿ ਆਰਥਿਕ ਸਹਿਯੋਗ ਸਿਰਫ਼ ਉਸ ਵੇਲੇ ਹੀ ਹੋਵੇਗਾ ਜਦੋਂ ਯੁੱਧ ਖਤਮ ਕਰਨ ਵਿੱਚ ਤਰੱਕੀ ਹੋਵੇਗੀ।
ਰਾਸ਼ਟਰਪਤੀ ਨੇ ਆਪਣੇ ਪ੍ਰਸ਼ਾਸਨ ਹੇਠ ਅਮਰੀਕੀ ਅਰਥਵਿਵਸਥਾ ਦੀ ਤਾਰੀਫ਼ ਕਰਦਿਆਂ ਇਸਨੂੰ “ਦੁਨੀਆ ਦਾ ਸਭ ਤੋਂ ਤੇਜ਼ੀ ਨਾਲ ਵੱਧਦਾ ਦੇਸ਼” ਕਿਹਾ ਅਤੇ ਇਸਦੀ ਤੁਲਨਾ ਰੂਸ ਅਤੇ ਚੀਨ ਨਾਲ ਕੀਤੀ। ਟਰੰਪ ਨੇ ਕਿਹਾ, “ਇੱਕ ਸਾਲ ਪਹਿਲਾਂ ਅਸੀਂ ਮਰੇ ਹੋਏ ਵਰਗੇ ਸੀ ਅਤੇ ਹੁਣ ਸਾਡੇ ਕੋਲ ਸਭ ਤੋਂ ਤੇਜ਼ੀ ਨਾਲ ਵੱਧਦਾ ਦੇਸ਼ ਹੈ।”
ਯੂਕਰੇਨ ‘ਤੇ ਰੂਸ ਦੇ ਜਾਰੀ ਡਰੋਨ ਹਮਲਿਆਂ ਬਾਰੇ ਟਰੰਪ ਨੇ ਕਿਹਾ ਕਿ ਮੈਂ ਸੋਚਦਾ ਹਾਂ ਕਿ ਉਹ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਉਹਨਾਂ ਦੁਹਰਾਇਆ ਕਿ ਉਹ ਯੂਕਰੇਨ ਦੀ ਥਾਂ ਗੱਲਬਾਤ ਨਹੀਂ ਕਰਨਗੇ, ਅਤੇ ਇਲਾਕਿਆਂ ਦੇ ਸੰਭਾਵੀ ਅਦਾਨ-ਪ੍ਰਦਾਨ ਵਰਗੇ ਫੈਸਲੇ ਕੀਵ ‘ਤੇ ਛੱਡਣਗੇ। ਉਹਨਾਂ ਇਹ ਵੀ ਕਿਹਾ ਕਿ ਅਮਰੀਕਾ ਯੂਕਰੇਨ ਲਈ “ਯੂਰਪ ਅਤੇ ਹੋਰ ਦੇਸ਼ਾਂ ਦੇ ਨਾਲ ਮਿਲ ਕੇ” ਸੁਰੱਖਿਆ ਦੀਆਂ ਗਾਰੰਟੀਆਂ ਦੇ ਸਕਦਾ ਹੈ, ਪਰ “ਨਾਟੋ ਦੇ ਰੂਪ ਵਿੱਚ ਨਹੀਂ।”
ਜਦੋਂ ਪੁੱਛਿਆ ਗਿਆ ਕਿ ਜੇ ਪੁਤਿਨ ਨੇ ਸਮਝੌਤੇ ਵਿੱਚ ਦਿਲਚਸਪੀ ਨਾ ਦਿਖਾਈ ਤਾਂ “ਕਠੋਰ ਨਤੀਜੇ” ਦਾ ਕੀ ਅਰਥ ਹੈ, ਟਰੰਪ ਨੇ ਜਵਾਬ ਦਿੱਤਾ, “ਆਰਥਿਕ ਤੌਰ ‘ਤੇ ਕਠੋਰ। ਹਾਂ, ਇਹ ਬਹੁਤ ਕਠੋਰ ਹੋਵੇਗਾ। ਮੈਂ ਇਹ ਆਪਣੇ ਲਈ ਨਹੀਂ ਕਰ ਰਿਹਾ, ਮੈਂ ਇਹ ਕਈ ਜ਼ਿੰਦਗੀਆਂ ਬਚਾਉਣ ਲਈ ਕਰ ਰਿਹਾ ਹਾਂ।”
Related
.jpg)
.jpg)
.jpeg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login