ADVERTISEMENTs
-10”-x-5.jpg)
ਰੂਸੀ ਤੇਲ ਮਾਰਕਿਟਾਂ 'ਚ ਭਾਰਤ ਦੀ ਭੂਮਿਕਾ 'ਤੇ ਟਰੰਪ ਦੇ ਸਲਾਹਕਾਰ ਨਵਾਰੋ ਦਾ ਸ਼ਬਦੀ ਹਮਲਾ
ਉਨ੍ਹਾਂ ਕਿਹਾ ਕਿ ਨਵੀਂ ਦਿੱਲੀ ਛੋਟ 'ਤੇ ਕੱਚਾ ਤੇਲ ਖਰੀਦ ਕੇ ਅਤੇ ਰਿਫਾਈਨਰੀ ਐਕਸਪੋਰਟ ਕਰਕੇ ਮਾਸਕੋ ਦੀ ਜੰਗੀ ਮਸ਼ੀਨਰੀ ਨੂੰ ਮਜ਼ਬੂਤ ਕਰ ਰਹੀ ਹੈ
-
ਲਲਿਤ ਕੇ ਝਾਅ - Fri, 22, Aug 2025
- 08:15 EDT
- 4
ਰਾਸ਼ਟਰਪਤੀ ਟਰੰਪ ਦੇ ਵਪਾਰਕ ਸਲਾਹਕਾਰ ਪੀਟਰ ਨਵਾਰੋ / courtesy photo
ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਵਪਾਰਕ ਸਲਾਹਕਾਰ ਪੀਟਰ ਨਵਾਰੋ ਨੇ ਵੀਰਵਾਰ ਨੂੰ ਰੂਸੀ ਤੇਲ ਮਾਰਕਿਟਾਂ ਵਿੱਚ ਭਾਰਤ ਦੀ ਭੂਮਿਕਾ ਦੀ ਤਿੱਖੀ ਆਲੋਚਨਾ ਕੀਤੀ। ਉਨ੍ਹਾਂ ਨੇ ਦੋਸ਼ ਲਗਾਇਆ ਕਿ ਨਵੀਂ ਦਿੱਲੀ ਛੋਟ 'ਤੇ ਕੱਚਾ ਤੇਲ ਖਰੀਦ ਕੇ ਅਤੇ ਰਿਫਾਈਨਰੀ ਐਕਸਪੋਰਟ ਕਰਕੇ ਮਾਸਕੋ ਦੀ ਜੰਗੀ ਮਸ਼ੀਨਰੀ ਨੂੰ ਮਜ਼ਬੂਤ ਕਰ ਰਹੀ ਹੈ, ਜੋ ਕਿ ਯੂਕਰੇਨ ਵਿੱਚ ਜੰਗ ਨੂੰ ਲੰਮਾ ਖਿੱਚ ਰਿਹਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਨਵੀਂ ਦਿੱਲੀ ਹੁਣ ਸ਼ੀ ਜਿਨਪਿੰਗ ਨਾਲ ਨੇੜਤਾ ਵਧਾ ਰਹੀ ਹੈ।
ਨਵਾਰੋ ਨੇ ਕਿਹਾ, “ਫਰਵਰੀ 2022 ਵਿੱਚ ਰੂਸ ਵੱਲੋਂ ਯੂਕਰੇਨ 'ਤੇ ਹਮਲੇ ਤੋਂ ਪਹਿਲਾਂ ਭਾਰਤ ਨੇ ਰੂਸੀ ਤੇਲ ਨਹੀਂ ਖਰੀਦਿਆ ਸੀ — ਇਹ ਉਹਨਾਂ ਦੀਆਂ ਜ਼ਰੂਰਤਾਂ ਦਾ ਸਿਰਫ 1% ਸੀ, ਹੁਣ ਇਹ 30 ਤੋਂ 35% ਤੱਕ ਚਲਾ ਗਿਆ ਹੈ। ਉਨ੍ਹਾਂ ਨੇ ਇਸ ਵਾਧੇ ਨੂੰ ਜ਼ਰੂਰਤ ਨਹੀਂ ਸਗੋਂ "ਲਾਭ ਦਾ ਧੰਦਾ" ਕਰਾਰ ਦਿੱਤਾ।
ਨਵਾਰੋ ਨੇ ਕਿਹਾ, “ਇਹ ਸਿਰਫ਼ ਰਿਫਾਈਨਰੀ ਮੁਨਾਫ਼ਾਖੋਰੀ ਹੈ। ਰੂਸੀ ਰਿਫਾਈਨਰਾਂ ਨੇ ਇਟਾਲੀਅਨ ਰਿਫਾਈਨਰਾਂ ਨਾਲ ਮਿਲ ਕੇ ਖੇਡ ਖੇਡਣੀ ਸ਼ੁਰੂ ਕੀਤੀ ਹੈ। ਉਹ ਛੋਟ 'ਤੇ ਕੱਚਾ ਤੇਲ ਖਰੀਦਦੇ ਹਨ ਅਤੇ ਫਿਰ ਉਸ ਨੂੰ ਰਿਫਾਈਨ ਕਰਕੇ ਯੂਰਪ, ਅਫ਼ਰੀਕਾ ਅਤੇ ਏਸ਼ੀਆ ਵਿੱਚ ਮਹਿੰਗੇ ਰੇਟਾਂ 'ਤੇ ਵੇਚਦੇ ਹਨ।”
ਉਨ੍ਹਾਂ ਨੇ ਇਸ ਨੂੰ “ਕ੍ਰੈਮਲਿਨ ਲਈ ਲਾਂਡਰੀ ਸਕੀਮ” ਕਿਹਾ। ਉਨ੍ਹਾਂ ਨੇ ਦੋਸ਼ ਲਗਾਇਆ, “ਤੁਸੀਂ ਜੋ ਕਰ ਰਹੇ ਹੋ, ਉਹ ਸ਼ਾਂਤੀ ਨਹੀਂ ਬਣਾ ਰਿਹਾ, ਇਹ ਜੰਗ ਨੂੰ ਲੰਮਾ ਖਿੱਚ ਰਿਹਾ ਹੈ।”
ਨਵਾਰੋ ਨੇ ਅਮਰੀਕਾ ਦੁਆਰਾ ਭਾਰਤ 'ਤੇ ਲਗਾਏ ਗਏ ਟੈਰਿਫਾਂ ਨੂੰ ਸਿੱਧੇ ਤੌਰ 'ਤੇ ਭਾਰਤ ਦੀਆਂ ਨੀਤੀਆਂ ਨਾਲ ਜੋੜਿਆ। ਉਨ੍ਹਾਂ ਨੇ ਕਿਹਾ, "ਜਦੋਂ ਤੁਸੀਂ ਸਾਡੇ ਦੁਆਰਾ ਲਗਾਏ ਜਾ ਰਹੇ ਟੈਰਿਫਾਂ ਬਾਰੇ ਸੋਚਦੇ ਹੋ, ਤਾਂ ਉਹ 25% ਹਨ ਅਤੇ ਬਾਕੀ 25% ਰੂਸੀ ਤੇਲ ਕਰਕੇ।"
ਉਨ੍ਹਾਂ ਮੁਤਾਬਕ ਇਹ ਅਸਮਾਨਤਾ ਅਮਰੀਕੀਆਂ ਨੂੰ ਦੋਹਰੀ ਮਾਰ ਮਾਰਦੀ ਹੈ। “ਉਨ੍ਹਾਂ 'ਤੇ ਟੈਰਿਫ਼ ਉੱਚੇ ਹਨ… ਸਾਡਾ ਉਹਨਾਂ ਨਾਲ ਇਕ ਵੱਡਾ ਵਪਾਰ ਘਾਟਾ ਹੈ। ਇਸ ਨਾਲ ਅਮਰੀਕੀ ਮਜ਼ਦੂਰਾਂ ਅਤੇ ਕਾਰੋਬਾਰਾਂ ਨੂੰ ਨੁਕਸਾਨ ਹੁੰਦਾ ਹੈ। ਫਿਰ ਉਹ ਸਾਡੇ ਤੋਂ ਮਿਲੇ ਪੈਸਿਆਂ ਨਾਲ ਰੂਸੀ ਤੇਲ ਖਰੀਦਦੇ ਹਨ, ਫਿਰ ਰੂਸ ਉਸ ਪੈਸੇ ਨਾਲ ਹੋਰ ਹਥਿਆਰ ਬਣਾਉਂਦਾ ਹੈ ਅਤੇ ਯੂਕਰੇਨੀਆਂ ਨੂੰ ਮਾਰਦਾ ਹੈ, ਅਤੇ ਅਮਰੀਕੀ ਟੈਕਸਦਾਤਿਆਂ ਨੂੰ ਯੂਕਰੇਨ ਨੂੰ ਹੋਰ ਸੈਨਿਕ ਮਦਦ ਦੇਣੀ ਪੈਂਦੀ ਹੈ। ਇਹ ਪੂਰੀ ਤਰ੍ਹਾਂ ਪਾਗਲਪਨ ਹੈ ਅਤੇ ਰਾਸ਼ਟਰਪਤੀ ਟਰੰਪ ਇਸ ਸ਼ਤਰੰਜ ਨੂੰ ਬਹੁਤ ਚੰਗੀ ਤਰ੍ਹਾ ਨਾਲ ਸਮਝ ਰਹੇ ਹਨ।”
ਹਾਲਾਂਕਿ ਕੜੀ ਆਲੋਚਨਾ ਦੇ ਬਾਵਜੂਦ, ਨਵਾਰੋ ਨੇ ਕਿਹਾ ਕਿ ਉਨ੍ਹਾਂ ਦਾ ਰੁਖ ਭਾਰਤ ਵਿਰੋਧੀ ਨਹੀਂ ਹੈ। ਉਹਨਾਂ ਕਿਹਾ “ਮੈਂ ਭਾਰਤ ਨੂੰ ਪਿਆਰ ਕਰਦਾ ਹਾਂ। ਦੇਖੋ, ਮੋਦੀ ਇੱਕ ਮਹਾਨ ਨੇਤਾ ਹਨ ਪਰ… ਜੋ ਤੁਸੀਂ ਕਰ ਰਹੇ ਹੋ, ਉਹ ਸ਼ਾਂਤੀ ਨਹੀਂ ਬਣਾ ਰਿਹਾ, ਇਹ ਜੰਗ ਨੂੰ ਲੰਮਾ ਖਿੱਚ ਰਿਹਾ ਹੈ।” ਉਨ੍ਹਾਂ ਕਿਹਾ ਕਿ ਹੁਣ ਜ਼ਿੰਮੇਵਾਰੀ ਨਵੀਂ ਦਿੱਲੀ ਦੇ ਹੱਥ ਹੈ ਕਿ ਉਹ ਆਪਣਾ ਰਾਹ ਚੁਣੇ। “ਕਈ ਤਰੀਕਿਆਂ ਨਾਲ, ਸ਼ਾਂਤੀ ਵੱਲ ਦਾ ਰਾਹ ਨਵੀਂ ਦਿੱਲੀ ਰਾਹੀਂ ਲੰਘਦਾ ਹੈ।”
ਉਨ੍ਹਾਂ ਨੇ ਦਲੀਲ ਦਿੱਤੀ ਕਿ ਦਹਾਕਿਆਂ ਤੋਂ ਯੂਰਪੀ ਸੰਘ ਨੇ ਅਮਰੀਕੀ ਮਾਰਕਿਟਾਂ ਦਾ ਫਾਇਦਾ ਚੁੱਕਿਆ ਹੈ।
ਨਵਾਰੋ ਨੇ ਕਿਹਾ, “ਲਗਾਤਾਰ ਉੱਚੇ ਟੈਰਿਫ਼, ਲਗਾਤਾਰ ਗੈਰ-ਟੈਰਿਫ਼ ਰੁਕਾਵਟਾਂ… ਜਰਮਨੀ ਸਾਨੂੰ ਹਰ ਇੱਕ ਕਾਰ ਦੇ ਬਦਲੇ ਸੱਤ ਕਾਰਾਂ ਵੇਚਦਾ ਹੈ। ਅਮਰੀਕਾ ਦਾ ਯੂਰਪੀਅਨ ਯੂਨੀਅਨ ਨਾਲ ਵੱਡਾ ਵਪਾਰ ਘਾਟਾ ਹੈ। ਵਪਾਰ ਘਾਟਾ ਆਪਣੇ ਆਪ ਵਿੱਚ ਹੀ ਸਾਡੀ ਰਾਸ਼ਟਰੀ ਸੁਰੱਖਿਆ ਅਤੇ ਆਰਥਿਕ ਸੁਰੱਖਿਆ ਲਈ ਵੱਡਾ ਖ਼ਤਰਾ ਹੈ। ਇਹ ਇੱਕ ਐਮਰਜੈਂਸੀ ਹੈ ਜਿਸ ਨਾਲ ਅਸੀਂ ਨਜਿੱਠ ਰਹੇ ਹਾਂ।”
ਨਵਾਰੋ ਨੇ ਜ਼ੋਰ ਦਿੱਤਾ ਕਿ ਟਰੰਪ ਦਾ ਸਮਝੌਤਾ ਉਸ ਸੰਤੁਲਨ ਨੂੰ ਬਦਲ ਰਿਹਾ ਹੈ। ਉਨ੍ਹਾਂ ਕਿਹਾ, “ਅਸੀਂ ਯੂਰਪ ਨੂੰ ਆਪਣੇ ਸਾਰੇ ਟੈਰਿਫ਼ ਜ਼ੀਰੋ ਕਰਨ ਲਈ ਮਜਬੂਰ ਕੀਤਾ। ਉਨ੍ਹਾਂ ਨੇ ਰਣਨੀਤਿਕ ਨਤੀਜਿਆਂ ਵੱਲ ਵੀ ਇਸ਼ਾਰਾ ਕੀਤਾ ਅਤੇ ਕਿਹਾ ਕਿ ਅਸੀਂ ਸਟੀਲ ਅਤੇ ਐਲੂਮਿਨਿਅਮ 'ਤੇ ਆਪਣੇ ਟੈਰਿਫ਼ ਪੂਰੀ ਤਰ੍ਹਾਂ ਕਾਇਮ ਰੱਖ ਰਹੇ ਹਾਂ, ਕੋਈ ਛੋਟ ਨਹੀਂ।
ਬੀਜਿੰਗ ਬਾਰੇ ਪੁੱਛੇ ਜਾਣ 'ਤੇ, ਨਵਾਰੋ ਨੇ ਕਿਹਾ ਕਿ ਚੀਨ ਰੂਸੀ ਕੱਚੇ ਤੇਲ ਦਾ ਸਭ ਤੋਂ ਵੱਡਾ ਖਰੀਦਦਾਰ ਬਣਿਆ ਰਹਿੰਦਾ ਹੈ। ਉਨ੍ਹਾਂ ਕਿਹਾ, “ਅਸੀਂ ਚੀਨ 'ਤੇ ਪਹਿਲਾਂ ਹੀ 50% ਟੈਰਿਫ਼ ਲਗਾ ਚੁੱਕੇ ਹਾਂ।” ਉਨ੍ਹਾਂ ਦਲੀਲ ਦਿੱਤੀ ਕਿ ਇਹ ਟੈਰਿਫ਼ ਭਾਰਤ ਅਤੇ ਯੂਰਪ ਲਈ ਗੈਰ-ਵਾਜਬ ਵਪਾਰ ਵਿਰੁੱਧ ਇੱਕ ਕਿਲ੍ਹਾ ਹਨ ਅਤੇ ਅਮਰੀਕੀ ਸੁਰੱਖਿਆ ਲਈ ਸੁਰੱਖਿਆ ਕਵਚ ਹਨ।
Related
.jpg)
.jpg)
.jpeg)
.jpeg)
ADVERTISEMENT
ADVERTISEMENT
ADVERTISEMENT
E Paper
ADVERTISEMENT
.jpg)
Video
Comments
Start the conversation
Become a member of New India Abroad to start commenting.
Sign Up Now
Already have an account? Login